Samið um niðurfellingu skulda

Átta helstu iðnríki heims hafa náð samkomulagi um að létta skuldum af fátækust ríkjum Afríku. Samkomulagið náðist á fundi fjármálaráðherra ríkjanna átta í Lundúnum en ekki hafði verið búist við því að af því yrði á næstu dögum. Ekki hefur verið gefið út hvað felst nákvæmlega í samningnum en rætt hefur verið um að undanförnu að fella niður skuldir að andvirði 40 milljarða dollara. Bretar höfðu forgöngu um niðurfellingu skuldanna en þeirrra bíður nú erfiðara verkefni, að sannfæra þjóðirnar að tvöfalda fjárhagsstuðning við fátækustu ríki Afríku fyrir fund leiðtoga iðnveldanna átta í Skotlandi í næsta mánuði.