Tortrygginn vegna úranauðgunar

George Bush, forseti Bandaríkjanna, segist mjög tortrygginn vegna yfirlýsingar Írana um að vinna væri hafin að nýju í umbreytingaveri þeirra í Isfahan. Í verinu er úrangrýti umbreytt þannig að unnt er að auðga það en úran er meðal annars notað til kjarnorkuvopna- og rafmagnsframleiðslu. Bush sagði að ef Íranar sýndy ekki samstarfsvilja myndu þeir hugsanlega eiga yfir höfði sér refsiaðgerðir Sameinuðu þjóðanna. Bush sagði það ekki liðið að Íranar hunsuðu kröfur annarra ríkja heimsins.