Helmingur notar orlofsávísunina

Tæplega helmingur félagsmanna VR notar orlofsávísunina sem félagið sendir út á hverju ári. Um 14.500 fullgildir félagsmenn fá orlofsávísun og segir Gunnar Páll Pálsson, formaður VR, að reynslan sýni að 35-40 prósent félagsmanna noti hana. Með orlofsávísanafyrirkomulaginu er viðskiptum félagsmanna VR beint til ákveðinna fyrirtækja í ferðatengdri þjónustu og virðast samkeppnisyfirvöld ekki hafa neitt við það að athuga, samkvæmt lauslegri athugun Fréttablaðsins. Í ár eru 22 fyrirtæki á lista VR en í fyrra voru þau 14. Félagsmenn framvísa ávísunum og innheimtir fyrirtækið síðan upphæðina hjá VR sem fær afslátt. Vinnuveitendur greiða 0,25 prósent af launum í orlofssjóð og greiðir sjóðurinn niður dvöl félagsmanna í orlofshúsum og viðhald þeirra. Fyrirhugað er að endurskoða orlofsávísanafyrirkomulagið.