Slegist um myndir af Pitt og Jolie

Fjölmiðlar austan hafs og vestan slást hatrammri baráttu um myndir af kvikmyndastjörnunum Brad Pitt og Angelinu Jolie sem teknar voru af þeim saman í fríi í Afríku. Frá því Pitt skildi við eiginkonu sínu, Jennifer Aniston, í janúar hefur orðrómur verið á kreiki um ástarsamband hans við Jolie. Myndirnar, sem teknar voru af stjörnunum óafvitandi, eiga að sýna fram á að sá orðrómur sé sannur. Á þeim sést léttklætt parið sýna hvort öðru atlot en þau ku hafa dvalið saman í villu ásamt syni Jolie. Og yfir myndirnar vilja slúðurblöðin ólm komast. Í Bandaríkjunum greiddi blaðið US Weekly um 60 milljónir íslenskra króna fyrir birtingarréttinn og Sun í Englandi hefur einnig greitt svimandi háa upphæð til að tryggja sér réttinn þar í landi.