3 skip farin, 4 eftir

Þrjú rússnesk herskip , sem verið hafa við æfingar fyrir austan land undanfarna daga, héldu í átt frá landinu í gærdag og eru þá fjögur skip eftir. Skipherrann á beitiskipinu Pétri mikla, tilkynnti skipherra á skipi Landhelgisgæslunnar í gær, að hann hygðist einnig halda frá Íslandi í kvöld, ásamt þremur síðustu skipunum. Áður hafði flugmóðurskip flotans haldið á brott einskipa. Rússar segjast hafa viljað æfa í grennd við Ísland í öryggisskyni þannig að stutt væri í aðstoð, ef eitthvað færi úrskeiðis. Öll skipin héldu til norðurs, en ekki er vitað hvert. Það sem talið var neyðarsendar úr tveimur rússneksum gúmmibjörgunarbátum, sem Akureyrartogari kom með til hafnar í gær, reyndust aðeins vera rafhlöður, framleiddar í Pétursborg. Engar skýringar eru á því hversvegna sjálfir sendarnir eða neyðarmatvælabirgðir fyrir sjómenn, voru í bátunum. Eins og við greindum frá í hádegisfréttum okkar í gær flaug norsk Orion kafbátaleitarvél yfir rússneksa flotann í gær og bresk Nimrod þota síðdegis og munu NATO vélar væntanlega fylgjast áfram með flotanum í dag.