Fallfnykur af Frömurum

Falldraugurinn er mættur og áttavitinn segir honum að fara beint í Safamýri. Þar búa Framarar sem hafa ekki unnið leik síðan í fyrstu umferð og miðað við frammistöðuna í síðustu leikjum þá vinna þeir ekki fleiri í sumar. FH-ingar voru reyndar góðir við þá í gær og unnu aðeins 2–1 en þeir hefðu hæglega getað klárað dæmið miklu fyrr. Hafnfirðingar fengu óskabyrjun er miðvörðurinn Sverrir Garðarsson stýrði hornspyrnu Atla Viðars Björnssonar í netið. Fram tók smá kipp næstu mínútur en skapaði ekki nokkurn hlut. Leikmenn hættu svo að spila fótbolta eftir 15 mínútur og það kom því frekar á óvart er Freyr Bjarnason setti boltann glæsilega í net Framara með hægri fæti er tvær mínútur voru eftir af hálfleiknum. Það var boðið upp á sömu steypuna í síðari hálfleik og það var ekki fyrr en Ríkharður Daðason minnkaði muninn á 64. mínútu sem leikmenn byrjuðu að spila fótbolta á ný. Það skilaði samt engu fyrir liðin og FH-ingar unnu sanngjarnan sigur í leik sem þeir áttu að vera löngu búnir að klára. Markaleikur í Grindavík Það var markaveisla í Grindavík er heimamenn tóku á móti nágrönnum sínum frá Keflavík. Heimamenn skoruðu fyrst þegar Keflvíkingar urðu fyrir því að skora sjálfsmark þriðja leikinn í röð. Orri Freyr Óskarsson bætti öðru marki við sex mínútum fyrir hlé en Sreten Djurovic minnkaði muninn fyrir Keflavík mínútu síðar. Varamaðurinn Óskar Örn Hauksson kom Grindavík síðan í 3–1 rétt eftir að honum var skipt inn á völlinn. Keflvíkingar gáfust ekki upp og Zoran Daníel Ljubicic minnkaði muninn 9 mínútum fyrir leikslok. Mikill darraðardans var stiginn á lokamínútunum en sá dans var án marka.  Fram-FH  1-2 0–1 Sverrir Garðarsson 4. 0–2 Freyr Bjarnason 43. 1–2 Ríkharður Daðason 64. Dómarinn Magnús Þórisson Smámunasamur Bestur á vellinum Freyr Bjarnason FH Tölfræðin Skot (á mark)  10–17 (3–9) Horn 6–10 Aukaspyrnur fengnar 18–13 Rangstöður 1–2 Gul spjöld (rauð) 2–0 (0–0) Mjög góðir Freyr Bjarnason FH Góðir Gunnar Sigurðsson Fram Allan Borgvardt FH Emil Hallfreðsson FH Grindavík-Keflavík  3-2 1–0 Sjálfsmark (Sreten Djurovic) 25. 2–0 Orri Freyr Óskarsson 38. 2–1 Sreten Djurovic 40. 3–1 Óskar Örn Hauksson 60. 3–2 Zoran Daníel Ljubicic 81. Dómarinn Kristinn Jakobsson Slakur Bestur á vellinum Sinisa Valdimar Kekic Grindavík Tölfræðin Skot (á mark)  13–13 (8–7) Horn 2–3 Aukaspyrnur fengnar 19–21 Rangstöður 2–2 Gul spjöld (rauð) 4–3 (0–0) Góðir Sinisa Valdimar Kekic Grindavík Óskar Örn Hauksson Grindavík Orri Freyr Óskarsson Grindavík Gestur Gylfason Grindavík Albert Sævarsson Grindavík Scott Ramsey Keflavík Ólafur Gottskálksson Keflavík Guðmundur Steinarsson Keflavík Þórarinn Kristjánsson Keflavík Þriðja mark Grindavíkinga í leiknum var þeirra níunda á tímabilinu en það fyrsta sem Grétar Hjartarson átti ekki beinan þátt í. Fram að því hafði Grétar skorað fjögur mörk sjálfur og átt þátt í undirbúningi hinna fjögurra.