56 prósent sáu Davíð

Rúmlega 56 prósent landsmanna horfðu á Laugardagskvöld með Gísla Marteini hinn 13. nóvember og í endursýningu daginn eftir. Þetta kemur fram í könnun sem Gallup gerði fyrir RÚV dagana 14.-20. nóvember. Úrtak könnunarinnar var 820 manns á aldrinum 16-75 ára og var svarhlutfallið 63,2 prósent. Þáttur Gísla Marteins vakti mikla athygli þetta kvöld því þá mætti Davíð Oddsson utanríkisráðherra og spjallaði. Er sagt að Davíð hafi ekki átt aðra eins innkomu í sjónvarp í langan tíma og að starfsfólk RÚV hafi sveiflast milli gráts og hláturs á meðan á upptökum stóð.