Norðmenn snuðra um Rússana

Norski flugherinn er farinn að sýna rússnesku herskipunum við Íslandsstrendur áhuga og sendi Orion kafbátarleitarflugvél að skipunum í morgun. Fyrir stundu virtust þau vera að búa sig til brottfarar. Opinberlega er ekki staðfest að vélin hafi verið frá norska hernum, en þar sem Orion vélar hinna ýmsu Nato ríkja eru málaðar á mismunadi hátt, fullyrðir glöggur sæfarandi um svæðið í morgun, að vélin hafi verið norsk. Hún flaug um tíma lágflug yfir skipunum og hefur væntanlega varpað hlustunarduflum, en hvarf svo á braut. Samkvæmt upplýsingum Landhelgisgæslunnar, sem er með varðskip á svæðinu, lágu sex skipanna fyri rankerum út af Þistilfirði í nótt, 8 til 15 sjómílum utan við tólf mílna Landhelgina, en á ellefta tímanum var farið að rjúka úr reykháfum þeirra líkt og þau væru að hita upp fyrir brottför. Flugmóðurskipið hélst hinsvegar eitt síns liðs í noðrurátt í gærkvöldi og sást til þess á lítilli ferð norðvestur af Langanesi í gærkvöldi. Og enn vakna spurningar við háttarlag rússana hér við land þar sem nú er komið í ljós að íslensk fiskiskip hafa fundið þrjá mannlausa gúmmíbjörgunarbáta af rússneskum herskipum á reki fyrir austan land, þar sem rússnesku herskipin héldu sig í síðustu viku. Togarinn Kaldbakur kom til Akureyrar í morgun með tvo bátanna, sem fundust á miðvikudag og laugardag, og Síldey NS fann svo einn til viðbótar. Allir bátarnir fundust mannlausir á reki og er hver þeirra tíu manna. Lögreglan á Akureyri tók bátana tvo í sína vörslu þegar Kaldbakur kom í land í morgun. Engar neyðarbirgðir voru í þeim, en sendar voru í þeim báðum, sem verða rannsakaðir nánar í dag. Ekkert liggur fyrir um það hvort þeir hafa verið notaðir í neyðartilviki eða hafa losnað af herskipi í stórsjó. Nánari rannsóknir gefa væntanlega vísbendingbar um það, en flogið verður með sendana til Reykjavíkur í dag.