Svínað á breskum i-Tunes notendum

Neytendasamtök á Englandi hafa sent yfirvöldum kvörtun vegna kostnaðar sem lagður er á breska i-Tunes eigendur sem hlaða niður lögum af heimasíðu Apple. Breskir kaupendur þurfa að greiða hundrað krónur fyrir hvert lag sem þeir hlaða niður á meðan franskir og þýskir neytendur borga 87 krónur. Neyendasamtökin sendu bresku Samkeppnisstofnuninni skriflega kvörtun og krefjast þess að rannsakað verði hvort Apple brjóti reglugerðir Evrópusambandsins. Samkvæmt lögum ESB eiga breskir neytendur að njóta sömu kjara og íbúar annarra ríkja innan sambandsins. Þess má geta að í Bandaríkjunum þarf aðeins að borga i-Tunes sjötíu krónur fyrir hvert lag.