Erlent

Þúsundir flýja heimili sín vegna gasleka

Rúmlega 11 þúsund manns hafa þurft að yfirgefa heimili sín í suð-vestur Kína í dag vegna gasleka. Búið er að girða svæðið af og flytja mörg tonn af sementi og öðrum efnum svo hægt verði að fylla upp í borholu sem gasið lekur úr.

Erlent

Óbreyttir borgarar féllu í árás

Að minnsta kosti 40 féllu og um 30 særðust í sjálfsvígssprengjuárás á herstöð í Norður-Írak í dag. Bandarískir og íraskir hermenn eru með aðstöðu á stöðinni en að sögn Bandaríkjahers féll engin liðsmaður þeirra í árásinni.

Erlent

Verkföll vegna vinnulöggjafar

Óttast er að töluverð röskun verði á ferðum almenningssamgöngutækja og flugvéla í Frakklandi í vikunni en talið er víst að lestarstjórar og flugmenn ætli að leggja niður vinnu um tíma til að mótmæla umdeildri vinnulöggjöf stjórnvalda.

Erlent

Mestu aðgerðir síðan 1926

Um ein og hálf milljón breskra ríkisstarfsmanna áforma að fara í verkfall á fimmtudag. Stéttarfélög segja þetta vera mestu aðgerðir síðan 1926 þar sem þúsundum skóla verður lokað og truflanir verða á samgöngum.

Erlent

Skærin festust í hálsinum

Kínversk kona gekkst undir afar flókna skurðaðgerð í morgun þegar fjarlægja þurfti skæri sem höfðu festst í hálsi hennar.

Erlent

Læstir míníbarir

Norskt fyrirtæki mun á næstunni markaðssetja nýja tegund af míníbörum sem eiga að koma í veg fyrir að hótelgestir steli sér guðaveigum. Gestir á hótelum í Noregi stela um 30% af því sem í slíkum börum er að finna og því telja hóteleigendur ekki vanþörf á því að taka á þessu vandamáli.

Erlent

Mannfall í óeirðum

Fjölmargir létu lífið þegar lögregla í Georgíu gerði áhlaup á fangelsi í höfuðborginni Tiblisi í dag. Fangar höfðu stofnað til óeirða eftir að komið var í veg fyrir flótta nokkurra þeirra.

Erlent

300 manns á biðlista

Þó að fylgikvillar offitu kosti samfélagið milljarða króna á ári er hún ekki eitt af forgangsverkefnum í heilbrigðisáætlun til ársins tvö þúsund og tíu. Þrjú hundruð manns bíða eftir meðferð vegna offitu á Reykjalundi. Biðlistinn lengist stöðugt og meira en tvö ár geta liðið þangað til fólk kemst að.

Erlent

Appelsínugula byltingin á enda?

Andstæðingar appelsínugulu byltingarinnar virðast hafa sigrað í þingkosningunum í Úkraínu í dag. Sextán mánuðum eftir sögulegan sigur Viktors Júsjenkó, finnst íbúum Úkraínu lítið hafa áunnist og umbætur gengið allt of hægt.

Erlent

Drap sex og svo sjálfan sig

Gleðskapur ungmenna í Seattle í Bandaríkjunum breyttist í martröð í gær, þegar einn samkvæmisgestanna hóf skothríð með þeim afleiðingum að sex týndu lífi. Þegar lögregla kom á staðinn skaut hann sjálfan sig í höfuðið.

Erlent

Úkraínumenn kjósa til þings í dag

Úkraínumenn kjósa til þings í dag, í fyrsta sinn eftir appelsínugulu byltinguna í desember 2004. Þá komst Viktor Júsjenkó til valda, eftir hatramma kosningabaráttu, þar sem honum var meðal annars byrlað eitur.

Erlent

Ungt fólk í Ísrael áhugalaust um kosningar í landinu

Ungt fólk í Ísrael virðist afar áhugalaust um komandi kosningar í landinu, sem haldnar verða næstkomandi þriðjudag. Þriðjungur þeirra er enn óákveðinn. Ef skoðanakannanir ganga eftir mun Kadimaflokkur Ariels Sharons vinna sigur undir forystu setts forsætisráðherra, Ehuds Olmerts.

Erlent

Rányrkja á hákörlum við Galapagoseyjar

Verðmætir uggar hákarlanna við Galapagoseyjar freista óheiðarlegra sjómanna sem stunda rányrkju þar í svo miklum mæli að stofninn er í hættu. Um tvö hundruð þúsund hákarlar eru veiddir á slíkan hátt á ári hverju - uggarnir skornir af en skrokknum hent í sjóinn.

Erlent

Örlög heims og Toronto á hobbita herðum

Það eru ekki aðeins örlög alheimsins sem hvíla á herðum Fróða og hinna hobbitanna í Toronto því nú á söngleikur sem unninn er upp úr sögu Tolkiens, Hringadróttinssögu, að laða að sér ferðamenn til Toronto í Kanada. Flutningur verksins tekur þrjá og hálfa klukkustund og kostaði uppfærslan litlar 27 milljónir bandaríkjadala

Erlent

Yfirborð sjávar gæti hækkað hratt

Ný bandarísk rannsókn í blaðinu Science gefur til kynna að yfirborð sjávar gæti hækkað mun hraðar en hingað til hefur verið haldið fram. Þar er búist við að loftslagi á Grænlandi árið 2100, eftir 94 ár, gæti svipað til loftslagsins sem var þar fyrir síðasta ísskeið fyrir 130.000 árum. Þá var yfirborð sjávar 3-4 metrum hærra en það er nú.

Erlent

Prestsfrú játar morð á eiginmanni sínum

Mary Winkler játaði í dag að hafa myrt eiginmann sinn sem var prestur í kristnum bókstafstrúarsöfnuði í Tennessee í Bandaríkjunum. Lík prestsins fannst á heimili hjónanna á miðvikudaginn og eiginkonan fannst daginn eftir í Alabama með börn þeirra hjóna.

Erlent

Refsiaðgerðir boðaðar

Bandaríkin og Evrópusambandið hafa ákveðið að beita Hvít-Rússa refsiaðgerðum eftir að öryggislögregla leysti upp friðsöm mótmæli gegn stjórnvöldum í höfuðborginni Minsk í nótt.

Erlent

Klerkarnir sitja við sinn keip

Condoleezza Rice, utanríkisráðherra Bandaríkjanna, hefur bæst í hóp þeirra sem fordæma þau áform afganskra klerka um að dæma mann til dauða fyrir að snúast til kristni. Klerkarnir láta hins vegar engan bilbug á sér finna.

Erlent

Lækningamáttur lýsis ofmetinn

Blessað lýsið er bæði hollt og gott, eða því höfum við að minnsta kosti haldið fram til þessa. Niðurstöður nýrrar breskrar rannsóknar benda hins vegar til að lækningamáttur lýsisins sé stórlega ofmetinn.

Erlent

Kókþurrð í Simbabve

Verksmiðjur sem framleiða hinn sívinsæla gosdrykk kók í Simbabve eru nú uppiskroppa með bragðefnisþykkni sem er undirstaða framleiðslunnar. Þetta er enn ein birtingarmynd gjaldeyrisskorts sem hrjáð hefur landið undanfarin ár.

Erlent

Verkalýðsforystan fundar með forsætisráðherra Frakklands

Verkalýðsforystan í Frakklandi átti í dag fund með Dominique de Villepin, forsætisráðherra, þar sem rædd var umdeild vinnulöggjöf. Forsætisráðherra mun ekki hafa verið samningsfús á fundinum, sér í lagi í ljósi ummæla Chirac, Frakklandsforseta, frá því fyrir í dag þess efnis að lögin yrðu að standa.

Erlent

Viðskipaþvinganir mögulegar gegn Hvíta-Rússlandi

Leiðtogar Evrópusambandsríkjanna og Bandaríkjanna sammælast um að fordæma aðgerðir stjórnvalda í Minsk í nótt, þar sem yfir 200 mótmælendur voru handteknir á Októbertorginu. Leiðtogarnir segja hugsanlegt að viðskiptaþvingunum verði beitt vegna forsetakosninganna sem fram fóru síðastliðinn sunnudag, en gerðar hafa verið alvarlegar athugasemdir við framkvæmd kosninganna.

Erlent

Mest lesið