Erlent

Skrúfað fyrir gas til Úkraínu

Rússneka orkufyrirtækið Gazprom skrúfaði í morgun fyrir gas til Úkraínu. Það var gert vegna deilna um ógreidda reikninga og verð á gasi fyrir árið 2009. Evrópubúar óttast gasskort því Gazprom er með fjóðurngs markaðshlutdeild á Evrópusambandssvæðinu og gas flutt í gegnum leiðslur sem liggja um Úkraínu.

Erlent

Obama álíka vinsæll og Reagan

Þrír fjórðu Bandaríkjamanna telja Barack Obama, verðandi Bandaríkjaforseta, sterkan og einarðan leiðtoga. Þetta er niðurstaða nýrrar könnunar. Forseti Bandaríkjanna hefur ekki fengið jafn góða útkomu hvað þetta varðar í nærri þrjá áratugi.

Erlent

59 létu lífið á áramótafögnuði í Bangkok

59 manns létu lífið á næturklúbbi í borginni Bangkoka á Tælandi í gærkvöldi og að minnsta kosti 180 eru slasaðir eftir að eldur kom upp á næturklúbbnum. Talið er að eldurinn hafi kviknað út frá flugeldum.

Erlent

Hernaði verður haldið áfram á Gaza

Núverandi ástand býður ekki upp á vopnahlé á Gaza. Þetta sagði Ehud Olmert forsætisráðherra Ísraels við blaðamenn að loknum fundi með öryggisráði landsins í dag.

Erlent

Obama á móti arftakanum

Barack Obama, verðandi Bandaríkjaforseti, hvetur demókrata á Bandaríkjaþingi til að hafna arftaka sínum sem ríkisstjórinn í Illinois, hefur valið.

Erlent

Frakkar miðla málum á Gaza

Frakkar reyna nú að miðla málum milli Ísraela og Hamas-samtakanna á Gaza. Sarkozy Frakklandsforseti íhugar að halda til Ísraels til fundar við leiðtoga þar. Ísraelar segja hugmyndir frakka um tveggja sólahringa vopnahlé til að hjálpa særðum óraunhæfar.

Erlent

Ísraelar búa sig undir umfangsmikinn stríðsrekstur

Ísraelar hafa undirbúið umfangsmikið stríð gegn Hamas-samtökunum á Gaza og loftárásir síðustu daga aðeins fyrsta skrefið. Ísraelskir miðlar hafa þetta eftir forsætisráðherra Ísraels og segja hann gera ráð fyrir hernaði næstu vikurnar.

Erlent

Efni sem líkist kalki fannst á Mars - tákn um líf?

Bandaríska geimferðastofnunin NASA stendur nú á því eins og hundur á roði að steinefni sem líkist mjög hinu jarðneska kalki og leysist upp á örskotsstundu í sýrubaði finnist á rauða risanum Mars og sé hvorki meira né minna en órækt sönnunargagn um að á Mars hafi líf þrifist í fyrndinni - og er þá átt við fyrir milljörðum ára.

Erlent

Minnst sjö látnir eftir snjóflóð í Kanada

Að minnsta kosti sjö manns eru látnir eftir að hafa orðið fyrir snjóflóði í Klettafjöllunum í Kanada í gærkvöldi. Sjömenningarnir voru í hópi að minnsta kosti átta manns sem voru á snjósleðaferðalagi í þeim hluta fjallgarðsins sem liggur um Bresku-Kólumbíu.

Erlent

Bretar stórherða reglur um ökuleyfi

Breskir ökumenn munu í framtíðinni þurfa að gangast undir stífa læknisrannsókn á tíu ára fresti til að halda ökuskírteininu nái ný reglugerð bresku umferðarstofunnar fram að ganga.

Erlent

Árásum á Gaza mótmælt víða

Árásir Ísraelshers á Hamas-liða á Gaza-svæðinu hafa leitt til mótmæla um allan heim. Eftir að fregnist bárust af því í gær að árásirnar hefðu orðið meira en 300 manns að bana safnaðist fólk saman í London, Berlín, París, Kaupmannahöfn og meira að segja í Caracas, höfuðborg Venesúela, til að mótmæla stríði Ísraels- og Palestínumanna.

Erlent

Pakistanar bera klæði á vopnin

Pakistanski hershöfðinginn Asfaq Parvez Kayani stígur nú fram og ávarpar indversk stjórnvöld með beiðni um að draga úr þeirri spennu sem myndast hefur milli ríkjanna í kjölfar árása pakistanskra hryðjuverkasamtaka á indversku borgina Mumbai í lok nóvember.

Erlent

Elsti maður Bandaríkjanna lést í dag

Elsti maður Bandaríkjanna er látinn. Hinn 112 ára gamli George Rene Francis lést í Kaliforníu í dag samkvæmt Sacramento Bee dagblaðinu. George sem var elsti maður landsins lést úr hjartaáfalli á sjúkrahúsi.

Erlent

Ísraelsk kona lést í eldflaugaárás palestínumanna

Ísraelsk kona lét lífið í suðurhluta borgarinna Ashdod nú í kvöld eftir að Palestínskir hermenn skutu eldflaug á borgina. Þetta er annað dauðsfallið með þessum hætti á innan við klukkutíma samkvæmt ísraelskum miðlum.

Erlent

Stólpagrín gert að Íslendingum

Stólpagrín er gert að Íslendingum á vef norska blaðsins Aftenbladet í dag. Þar er saga þjóðarinnar rakin allt frá dögum Leifs heppna fram til dagsins í dag. Farið er háðuglega um íslenska útrásarvíkinga og efnahagshrunið hér á landi.

Erlent

Facebook bannar myndir af brjóstagjöf

Þúsundir kvenna hafa mótmælt fyrir utan höfuðstöðvar tengslasíðunnar Facebook undanfarna daga, eftir að myndir af mæðrum að gefa börnum sínum brjóst voru fjarlægðar af vefnum.

Erlent

Ofalin tígrisdýr sett í megrun

Tígrisdýrin í dýragarðinum í Kathmandu í Nepal eru komin í megrun. Bengaltígrarnir þrír hafa undanfarið fengið að gæða sér á buffalókjöti að vild og nú er svo komið að hinn yngsti er orðið 220 kíló að þyngd, og hefur þyngst um heil fjörtíu kíló undanfarna átta mánuði.

Erlent

Stefnuræðu frestað í Tælandi

Ekkert varð af stefnuræðu Vejjajiva, nýs forsætisráðherra Taílands í morgun. Henni var frestað þar til síðar í dag vegna mótmæla fyrir utan þinghúsið í höfuðborginni Bangkok. Þar voru saman komnir stuðningsmenn fyrri stjórnarflokksins sem hrökklaðist nýlega frá völdum vegna kosningasvika.

Erlent

Fékk sjónvarpstæki ofan á sig og lést

Fjögurra ára gömul stúlka í Norður-Wales lést eftir að sjónvarpstæki féll ofan á hana á heimili hennar á aðfangadagskvöld. Lögregla rannsakaði málið og komst að þeirri niðurstöðu að um hörmulegt slys hefði verið að ræða en þetta er í annað skiptið á árinu sem barn deyr í Wales eftir að verða undir sjónvarpi.

Erlent

Köld áramót í Bretlandi

Bretar eiga að búa sig undir köld áramót og allt að 13 stiga frost fyrstu daga nýja ársins. Þetta segja veðurfréttamenn þar í landi og benda máli sínu til stuðnings á ískalt loft frá Síberíu sem væntanlegt sé til Bretlands á næstunni.

Erlent

Danska lögreglan vill gögn um rúmenska svikahrappa

Danska lögreglan hyggst nú koma sér upp ítarlegum gagnagrunni yfir rúmenska þjófa og svikahrappa sem hún á í höggi við og hefur farið fram á það við rúmensk lögregluyfirvöld að fá sendar bakgrunnsupplýsingar um tæplega 700 Rúmena sem búsettir eru í Danmörku.

Erlent

Loftárásir halda áfram á Gaza

Ísraelsmenn gefa engin grið í árásum sínum á Gaza-svæðið og vörpuðu ísraleskar þotur sprengjum á svæðið í morgun. Segja Ísraelsmenn árásirnar vera vörn gegn ítrekuðum eldflaugaskotum liðsmanna Hamas-samtakanna frá Gaza og inn í suðurhluta Ísraels.

Erlent

Lag ýfir kynþáttaáhyggjur

Geisladiskur, sem Chip Saltsman, repúblikani frá Tennessee, sendi félögum sínum í landsnefnd Repúblikanaflokksins um jólin ætlar að draga dilk á eftir sér. Á disknum var að finna lag grínistans Paul Shanklin, sem þykir heldur íhaldssamur, Barack, the Magic Negro. Í laginu, sem sungið er við gamla hippaslagarann Puff, the Magic Dragon, er kynþáttauppruni Obama dreginn í efa.

Erlent

Fyrstu göngin undir Yangtze

Fyrstu vegagöngin undir Yangtze-ána í Kína voru opnuð í gær. Vinna við göngin hefur tekið rúmlega fjögur ár og þau eru um þrír og hálfur kílómetri á lengd.

Erlent

Mest lesið