Pakistanar bera klæði á vopnin

Pakistanski hershöfðinginn Asfaq Parvez Kayani stígur nú fram og ávarpar indversk stjórnvöld með beiðni um að draga úr þeirri spennu sem myndast hefur milli ríkjanna í kjölfar árása pakistanskra hryðjuverkasamtaka á indversku borgina Mumbai í lok nóvember.

Kayani segist leggja ofurkapp á að forðast átök en vinna þess í stað að auknum friði og öryggi milli nágrannaríkjanna en spennan milli þeirra hefur stigmagnast mánuðum saman og voru árásirnar í nóvember kornið sem fyllti mælinn.