Fleiri fréttir

Ennþá mikil sala á fasteignum í borginni

Fjöldi þinglýstra kaupsamninga á höfuðborgarsvæðinu um fasteignir í síðustu viku var 125. Þetta er svipaður fjöldi og nemur meðaltalinu á viku undanfarna þrjá mánuði.

Málverk eftir Gunnlaug Scheving selt á 8 milljónir

Málverkið Á síld, eftir Gunnlaug Scheving, seldist á átta milljónir króna á uppboði hjá Gallerí Fold í grækvöldi, sem var lang hæsta verðið sem greitt var fyrir eina mynd á uppboðinu.

Spáir óbreyttum stýrivöxtum

Greining Íslandsbanka spáir því að Seðlabankinn muni halda stýrivöxtum sínum óbreyttum á næsta vaxtaákvörðunarfundi, sem verður á morgun, en sá fundur er jafnframt síðasti vaxtaákvörðunarfundur nefndarinnar á árinu.

Fimm þúsund bréf vegna vanskila

Um fimm þúsund félög hafa enn ekki skilað inn ársreikningi. Skil hafa batnað og færri félög voru sektuð í ár en í fyrra. Fyrirhugaðar breytingar á lögum um ársreikninga munu auka gagnsæi og fjölga úrræðum eftirlitsaðila. Tilgreina verður tíu stærstu eigen

Kári: Gleðidagur fyrir íslenskt samfélag

Yfirtaka bandarísks lyfjarisa á Íslenskri erfðagreiningu gerir kleift að nýta erfðarannsóknir síðustu sextán ára til þess að búa til áþreifanlegan ábata fyrir heilbrigðiskerfi heimsins, segir Kári Stefánsson stofnandi fyrirtækisins. Hann býst við að starfsemin hér á landi eigi eftir að vaxa á næstu árum.

Kortaverslun að nálgast það sem hún var fyrir hrun

"Desember fer býsna vel af stað. Tölur fyrir nóvember liggja fyrir og þar sjáum við að milli ára þá er verslun Íslendinga að aukast um sjö prósent." segir Bergsveinn Sampsted, framkvæmdastjóri kortaútgáfu Valitor.

Heiðar Már stærsti einstaki eigandi Vodafone

Forsvarsmenn Fjarskipta, rekstraraðila Vodafone, telja að markmið um að ná fram dreifðu eignarhaldi fyrirtækinu á Íslandi, hafi náðst þegar 60% eignarhlutur Framtakssjóðs Íslands í félaginu var boðinn út í síðustu viku. Að loknu útboðinu eiga lífeyrissjóðir um 51,1% í félaginu, fjármálafyrirtæki eiga 16,4% og verðbréfasjóðir 11,4%. Önnur fyrirtæki og einstaklingar eiga 21,1% hlut í félaginu.

Íslensk erfðagreining seld fyrir 50 milljarða króna

Samkomulag hefur tekist um að bandaríska líftækni- og lyfjaframleiðslufyrirtækið Amgen kaupi allt hlutafé móðurfélags Íslenskrar erfðagreiningar fyrir 415 milljónir bandarískra dala eða um 52 milljarða íslenskra króna. Kaupin voru samþykkt einróma í stjórn Amgen og verður kaupverðið greitt að fullu í reiðufé.

Öll færeysku félögin út úr úrvalsvísitölunni

Búið er að endurskoða úrvalsvísitölu Kauphallarinnar og með þessari endurskoðun eru öll færeysku félögin komin út úr henni. Um tíma voru þrjú af sex félögunum í vísitölunni færeysk.

Afkoma hins opinbera heldur áfram að batna

Tekjuafkoma hins opinbera var neikvæð um 8,4 milljarða króna á 3. ársfjórðungi ársins sem er nokkru hagstæðari niðurstaða en á sama tíma í fyrra er hún var neikvæð um 14,4 milljarða króna.

Rúmlega 30 manns missa vinnuna á Dalvík

Rúmlega 30 manns munu missa vinnuna hjá fiskvinnslunni Norðurströnd ehf á Dalvík, vegna kröfu Íslandsbanka um að fyrirtækið verði tekið til gjaldþrotaskipta.

Hlutdeild erlendra flugfélaga minnkar á næsta ári

Erlend flugfélög sem fljúga hingað til lands ætla aðeins að fjölga um eina ferð hingað á viku næsta sumar, en Icelandair ætlar að fjölga um átján ferðir á viku, frá því framboði sem var síðastliðið sumar, samkvæmt athugun Túrista á væntanlegri ferðatíðni.

Skuldir heimilanna hafa hækkað um 28 milljarða

Verðtryggðar skuldir heimilanna hafa hækkað um 28 milljarða króna á þessu kjörtímabili, útaf skattahækkunum ríkisstjórnarinnar. Þetta nemur ríflega 200 þúsund krónum á hvert heimili að meðaltali.

Bæta við 300 tonna síldarkvóta í Breiðafirði

Ákveðið hefur verið að bæta 300 tonnum við heimildir til síldveiða með reknet í Breiðafirði og telst það lokaúthlutun þessa fiskveiðiárs og er heildarmagnið þá orðið 900 tonn.

Landsbankinn selur Aurum

Þrotabú Landsbanka Íslands tilkynnti á fimmtudagskvöld um sölu á um 60 prósenta hlut sínum í breska félaginu Aurum Holdings Limited, en Aurum á verslanakeðjurnar Goldsmiths, Mappin&Webb og Watches of Switzerland. Kaupandinn er bandaríski fjárfestingasjóðurinn Apollo Global Management. Kaupverðið fæst ekki uppgefið en breskir fjölmiðlar hafa talið að heildarvirði félagsins sé um 36,3 milljarðar króna. Miðað við það verð hefur þrotabú bankans fengið tæpa 22 milljarða króna fyrir hlut sinn. Don McCarthy, sem var einnig stór eigandi í Aurum, hættir sem stjórnarformaður.

Norðurál undirritaði samning um þriggja milljarða verkefni

Norðurál undirritaði í dag verksamning við Íslenska aðalverktaka um byggingu 1600 fermetra mannvirkja við álverið á Grundartanga. Samningurinn er fyrsti áfangi í fimm ára fjárfestingarverkefni Norðuráls þar sem markmiðið er að auka framleiðni, bæta rekstraröryggi og auka framleiðslu um allt að 50 þúsund tonn af áli á ári.

Ótrúlegt að ekki hafi orðið óeirðir

Lars Christensen, forstöðumaður greiningadeildar Danske Bank, telur Íslendingum hafa tekist vel upp í tiltekt sinni í ríkisfjármálum. Hann sagði Þórði Snæ Júlíussyni að lausnin á vandamálum þjóðarinnar lægi ekki í nýjum gjaldmiðli og að afnema ætti gjalde

Leigufélag ÍLS á að tryggja framboð og halda leigu niðri

Stefnt er að því að stofna leigufélag utan um eignir Íbúðalánasjóðs á næstu dögum. Fyrsta kastið verða 600 til 700 eignir í félaginu sem verður sjálfstætt. Stofnað til að bæta leigumarkaðinn, segir velferðarráðherra.

Bera bankamenn ábyrgð á heimskreppunni? Sanngjörn spurning, segir Lars

Lars Christensen, aðalgreinandi Danske Bank, segist líta svo að hið mikla hrun á fjármálamörkuðum haustið 2008, sem hagkerfi heimsins eru enn að súpa seyðið af, eigi sér skýringar í mörgum þáttum. Lars er gestur nýjasta þáttar Klinksins, þar sem hann ræðir um stöðu Íslands eftir hrunið, stöðu efnahagsmála í Evrópu og Danmörku, svo eitthvað sé nefnt.

Frjálsi er sá næstbesti

Frjálsi lífeyrissjóðurinn hefur verið valinn næstbesti lífeyrissjóður smáþjóða af fagtímaritinu Investment Pension Europe (IPE). Besti lífeyrissjóðurinn í flokknum var valinn Hotel Employees Provident Fund á Kýpur.

Ein stærstu flugvélakaup í Íslandssögunni

Kaupin á Boeing 737 vélunum sem Icelandair Group hefur ákveðið að fara í eru líklega þau stærstu í sögunni, segir Björgólfur Jóhannsson, forstjóri félagsins. "Líklega eru þau það," segir hann í samtali við Vísi. "Án þess að ég hafi farið mikið ofan í söguna hvað það varðar," segir hann. Fyrirtækið tilkynnti í morgun að ákveðið hefði verið að ráðast í kaup á tólf 737 MAX8 og 737 MAX9 vélar með kauprétt á sex til viðbótar. Verðmæti þessa tólf véla er 180 milljarðar króna.

„Leiðinleg“ staða á Íslandi - danskir bankar voru á barmi hruns

"Ég myndi segja að það væri frekar leiðinleg staða á Íslandi núna, þ.e. að efnahagslífið einkennist af ákveðnum stöðugleika, en um leið óvissu. Þetta svona á vissan hátt frekar líflítil og leiðinleg staða,“ segir Lars Christensen, aðalhagfræðingur Danske bank, stærsta banka Danmerkur. Hann gestur nýjast þáttar Klinksins sem aðgengilegur er hér á Vísi.

Segir Íslendinga brjóta gegn reglum Alþjóðaviðskiptastofnunarinnar

Kínverski fjárfestirinn Huang Nubo sakar Íslendinga um að brjóta reglur Alþjóðaviðskiptastofnunarinnar og ætlar senda formlega kvörtun til íslenskra stjórnvalda. Ástæðan er sú að honum hefur verið gert að sækja aftur um leyfi til þess að byggja upp ferðamannaparadís á Grímsá á Fjöllum. Nubo segir í samtali við kínverska fjölmiðla að ákvörðunin um að láta hann sækja um aftur sé kínverskum fjárfestum klárlega mismunað.

Lýður Guðmundsson fyrir dómi

Þeir Lýður Guðmundsson, oftast kenndur við Bakkavör, og Bjarnfreður Ólafsson hæstaréttarlögmaður voru mættir fyrir dómara í Héraðsdómi Reykjavíkur í dag þegar fyrirtaka fór fram í máli sérstaks saksóknara gegn þeim.

Christensen vill að Íslendingar horfi til Singapore

Lars Christensen, forstöðumaður Greiningar Danske Bank, segir að Íslendingar eigi að horfa til Singapore þegar kemur að því að ákveða peningastefnu. Margt sé líkt með Íslandi og Singapore. Til dæmis séu bæði ríkin fámenn, þótt Singapore sé tífalt stærra. Tekjur séu háar og hagkerfi í báðum ríkjum séu háð ytri aðstæðum. Íslenskir ráðamenn geti því lært mikið af Singapoore þegar kemur að því að bæta peningastefnuna. Stefna Singapore felur í sér fljótandi gjaldmiðil með takmörkunum.

Vöruskiptin hagstæð um rúma 12 milljarða í nóvember

Samkvæmt bráðabirgðatölum fyrir nóvember s.l. var útflutningur 56,3 milljarðar króna og innflutningur 44,0 milljarðar króna. Vöruskiptin í nóvember voru því hagstæð um 12,3 milljarða króna samkvæmt bráðabirgðatölum.

Lars Christensen spáir 2,2% til 2,9% hagvexti

Lars Christensen, forstöðumaður greiningar Danske Bank, spáir því að hagvöxtur hér á landi verði á bilinu 2,2% til 2,9% á næstu þremur árum. Hann segir einnig að verðbólga fari minnkandi þótt hún verði áfram yfir viðmiðum Seðlabankans.

Þrjár hópuppsagnir tilkynntar í nóvember

Vinnumálastofnun bárust þrjár hópuppsagnir í nóvember 2012. Um er að ræða tvær tilkynningar um hópuppsagnir í útgerð og eina tilkynningu um hópuppsögn í rekstri veitingastaða.

Samráð engu skilað

Ekkert hefur þokast í samningsviðræðum stjórnvalda og stéttarfélaga opinberra starfsmanna um stórtækar breytingar á lífeyriskerfi þeirra, samkvæmt heimildum Markaðarins. Samráðsnefnd aðilanna hefur ekki fundað frá því snemma í október.

Markaðsmisnotkun með FL-bréf rannsökuð

Meint markaðsmisnotkun VBS með bréf í FL Group er til rannsóknar hjá FME. VBS tapaði 2,2 milljörðum á fléttunni og höfðaði einkamál til að sækja féð. Samið var um lyktir þess í lok nóvember. VBS fær greitt í samræmi við nauðasamning.

Sjá næstu 50 fréttir

Mest lesið