Fasteignamarkaðurinn heldur að róast

Heldur hefur róast um á fasteignamarkaðinum á höfuðborgarsvæðinu í upphafi mánaðarins eins og yfirleitt gerist þegar helsti sumarleyfatíma landsmanna fer í gang.

Frönsk leikfangakeðja vill kaupa Hamley's

Frönsk leikfangakeðja er í samningaviðræðum um að kaupa hinar sögufrægu bresku leikfangaverslanir Hamley's af slitastjórn Landsbankans fyrir 60 milljónir punda, jafnvirði 12 milljarða króna. Hamley's var áður í eigu Baugs Group áður en fyrirtækið fór í þrot.

Farþegum Icelandair fjölgaði um 15% milli ára í júní

Icelandair flutti 246 þúsund farþega í millilandaflugi í júní og voru þeir 15% fleiri en í júní á síðasta ári. Framboðsaukning var 15% á milli ára.

Gjaldeyrisforðinn minnkaði um 211 milljarða í júní

Gjaldeyrisforði Seðlabankans minnkaði verulega í júní eða um rúmlega 211 milljarða króna miðað við stöðuna í maí.

Kreppan búin en of mikið atvinnuleysi og of lítil fjárfesting

Nokkrir mælikvarðar eru notaðir til að meta hvort kreppur eða yfirsveiflur séu yfirstaðnar. Samkvæmt þeim flestum er kreppan búin á Íslandi og eru fræðimenn og hagfræðingar í atvinnulífinu sammála um þetta. Hagfræðingur Viðskiptaráðs Íslands gerir hins vegar fyrirvara við slíkar fullyrðingar og vísar meðal annars í að atvinnuleysi sé enn of hátt hér á landi.

Ísland kannski fyrirmynd fyrir Breta

Rannsóknarnefnd Alþingis og viðbrögð Íslendinga við hruninu árið 2008 geta orðið ákveðin fyrirmynd fyrir breska þingmenn sem hafa síðustu daga krafist þess að bankakerfi landsins verði rannsakað af óháðum aðila. Á þetta er bent í frétt The Financial Times.

Bréf Icelandair hækkuðu

Gengi bréfa Icelandair hækkaði um tæpt prósent í dag. Í lok dags er skráningargengi bréfanna 6,83 en velta dagsins var rúmar 56 milljónir með bréfin.

Selja íslenskt hugvit fyrir milljarð

Norðurál á Grundartanga hefur undirritað samning við íslenska verkfræðifyrirtækið Alu1 um heildarlausn á sérhæfðum framleiðslubúnaði fyrir skautsmiðju álversins. Upphæð samningsins er hátt í milljarð króna fyrir utan vsk., samkvæmt tilkynningu frá Norðuráli.

Skuldabréfaútboði CCP lokið - 75 prósent umframeftirspurn

Lokuðu útboði til fjárfesta á breytanlegum skuldabréfum útgefnum af CCP hf. lauk 4. júlí s.l. Í boði voru USD 15 milljónir og bárust áskriftir fyrir USD 26,3 milljónum eða rúmlega 75% umfram þá fjárhæð sem í boði var, að því er segir í tilkynningu frá CCP. Meðal kaupenda voru fagfjárfestar, þar á meðal lífeyrissjóðir. „Með hliðsjón af umframáskrift og mikilli þátttöku innlendra stofnanafjárfesta hefur stjórn CCP hf. ákveðið að nýta að fullu heimild frá hluthafafundi til að hækka útboðsfjárhæðina í USD 20 milljónir,“ að því er segir í tilkynningu frá CCP.

Mikil umsvif á íbúðamarkaði

Samtals var 490 kaupsamningum um íbúðarhúsnæði þinglýst á höfuðborgarsvæðinu í júní og nam veltan 14,9 milljörðum króna samkvæmt nýjum tölum frá Þjóðskrá Íslands og greiningadeild Íslandsbanka greinir frá.

Arion banki hefði átt að skipta Högum upp í fleiri fyrirtæki

Samkeppniseftirlitið telur að bankar hefðu átt að nýta betur tækifærið sem hrunið veitti til þess að skipta upp stórum, mikilvægum fyrirtækjum og fjölga með þeim hætti keppinautum á mörkuðum. Slíkt hefði stuðlað að aukinni samkeppni og þannig leitt til meiri hagsældar til lengri tíma litið og aukins ávinnings fyrir bankana heldur en skammtímaviðhorf um hærra söluandvirði stærri einingar.

Bréf Regins hækkuðu í dag

Gengi bréfa Regins, sem skráð var á markað fyrr í þessari viku, hækkaði um 1.54 prósent í dag. Velta með bréfin nam 24.4 milljónum. Skráningargengi bréfanna í lok dags er 8.59.

Hópur fjárfesta undir forystu lífeyrissjóða að eignast TM

Hópur fjárfesta sem samanstendur meðal annars af Lífeyrissjóði verzlunarmanna og Almenna lífeyrisjsóðnum er langt kominn með að ganga frá kaupum á Tryggingamiðstöðinni af Stoðum, áður FL Group. Á annan tug milljarða króna gætu fengist fyrir félagið, sem er eitt stærsta tryggingafyrirtæki landsins.

Ríkið sker upp herör gegn skattasvindli í ferðaiðnaði

Ríkisskattstjóri mun á næstunni hefja átak í tekjuskráningu í samstarfi við ASÍ og SA þar sem sérstaklega verður horft til ferðamannageirans. Þetta segir Skúli Eggert Þórðarson en með átakinu á að taka á svartri atvinnustarfsemi í ferðaiðnaði.

Ráðuneytið tekur undir athugasemdir ESA

Efnahags- og viðskiptaráðherra, Steingrímur J. Sigfússon, mun leggja fram frumvarp á Alþingi í haust til að bregðast við athugasemdum ESA um að Íslendingar þurfi að efla löggjöf sína sem varðar innherjaviðskipti og markaðsmisnotkun.

Leið sáttar og fyrirgefningar líklegust til árangurs

„Við Íslendingar stöndum frammi fyrir því að velja okkur leið. Leið fyrirgefningar og sáttar er ekki eina leiðin. En hún er sú leið sem er líklegri til að færa okkur nær hamingjunni sem einstaklingar og þjóð.“

Unnur skipuð forstjóri FME

Unnur Gunnarsdóttir, sem verið hefur settur forstjóri Fjármálaeftirlitsins frá 1. mars síðastliðnum, hefur verið ráðin forstjóri Fjármálaeftirlitsins. Unnur er lögfræðingur frá Háskóla Íslands og stundaði framhaldsnám í lögum bæði í Englandi og Kanada. Hún gegndi áður starfi yfirlögfræðings Fjármálaeftirlitsins.

Smærri fjármálafyrirtæki fái aðgang að þjónustu Reiknistofnunnar

Ný og smærri fjármálafyrirtæki skulu eiga fullan aðgang að öllum kerfum og þjónustu Reiknistofunnar á sömu forsendum og eigendur hennar. Þetta kemur fram í ákvörðun Samkeppniseftirlitsins sem birt var í dag. Í ákvörðuninni eru sett ákveðin skilyrði fyrir því að eigendur Reiknistofnunar bankanna geti haldið rekstrinum áfram. Í hópi stærstu eigenda hennar eru viðskiptabankarnir þrír langstærstir. Þetta er tryggt með skilyrðum um aðgangsreglur, verðskrá, bann við ómálefnalegum hindrunum eða mismunun og trúnað í umsóknarferli.

Umfangsmikið svart hagkerfi innan ferðaþjónustunnar

Ætla verður að umfang svartrar starfsemi í ferðaþjónustugeiranum sé um 10-12 milljarðar króna á ársgrundvelli hið minnsta. Þetta kemur fram í frétt Viðskiptablaðsins í dag.

Önnur olíufélög bjóða 15 króna afslátt í dag

Olíuverzlun Íslands og ÓB-Ódýrt bensín bjóða 15 kr. afslátt af eldsneyti í dag það er af bæði bensín og dísilolíu. Atlantsolía mun einnig bjóða sínum viðskiptavinum sama afslátt.

Hagstofan spáir 2,8% hagvexti í ár

Hagstofan spáir því að hagvöxtur á landinu nemi 2,8% á þessu ári og 2,7% á því næsta.

N1 lækkar verð á bensíni og dísil um 15 krónur tímabundið

Verðið á bensín- og dísilllítranum lækkar tímabundið í dag hjá N1 um fimmtán krónur í tilefni N1 mótsins á Akureyri um helgina og gildir lækkunin til miðnættis í dag, 5. júlí.

Gistinóttum á hótelum fjölgaði um 15% í maí

Gistinætur á hótelum í maí voru um 139.700 samanborið við 120.500 í maí í fyrra. Þetta er 15% aukning á milli ára.

Fjöldi fasteignakaupa jókst um 32% milli ára í júní

Fjöldi fasteignakaupa á höfuðborgarsvæðinu jókst um tæp 32% milli ára í júní á höfuðborgarsvæðinu. Veltan jókst um tæpt 41% á milli ára.

Töluvert dró úr veltu með gjaldeyri í júní

Töluvert dró úr veltunni á gjaldeyrismarkaðinum í júní s.l. miðað við fyrri mánuð. Heildarvelta á millibankamarkaði með gjaldeyri nam tæpum 11,4 milljörðum kr. í júní sem er 29% minni velta en í maí.

Eignir lífeyrissjóða komnar í 2.241 milljarð

Hrein eign lífeyrissjóða nam 2.241 milljarði kr. í lok maí s.l.. Hrein eign hafði þar með hækkað um tæpa 4 milljarða kr. frá apríl eða um 0,2%. Þetta kemur fram í hagstölum Seðlabankans.

Iceland Express neitar ásökunum Wow Air

Iceland Express harðneitar því að hafa stundað viðskiptanjósnir með hlerun á svokallaðri Tetra-rás sem Wow Air hefur notað á Keflavíkurflugvelli. Bendir fyrirtækið á að umræddri rás hafi verið úthlutað til Iceland Express af rekstraraðila Tetra-talstöðvakerfisins.

Lífeyrissjóðir í opinberri ábyrgð tifandi tímasprengja

Neikvæð staða lífeyrissjóðanna, sem eru með opinberri ábyrgð, er eins og tifandi tímasprengja fyrir ríkissjóð. Lífeyrisgreiðslur til þeirra sem eiga rétt í lífeyrissjóðum, þar sem engin opinber ábyrgð er, hafa verið skertar um 130 milljarða króna frá hruni, á meðan lífeyrir flestra opinberra starfsmanna hefur ekkert skerst.

Þurfum að herða lög gegn innherjaviðskiptum og markaðsmisnotkun

Ísland þarf að herða lög sem ætlað er að koma í veg fyrir innherjaviðskipti og markaðsmisnotkun. Þetta kemur fram í rökstuddu áliti Eftirlitsstofnunar EFTA (ESA) sem sent var til Íslands í dag.

Styrkjakerfi til kvikmyndagerðar framlengt til 2016

Eftirlitsstofnun EFTA (ESA) samþykkti í dag tillögur íslenskra stjórnvalda um breytingar á ríkisaðstoð veittri vegna kvikmyndagerðar á Íslandi.

Ríkið þarf að endurheimta aðstoð frá Verne

Eftirlitsstofnun EFTA (ESA) ákvað í dag að biðja íslenska ríkið um að endurheimta ríkisaðstoð að andvirði 220 milljónir króna frá Verne gagnaveri. Jafnframt var komist að niðurstöðu um að orkukaupasamningur og lóðaleigusamningur Verne við Landsvirkjun fælu ekki í sér ríkisaðstoð.

Thor Data Center tapaði 180 milljónum

Thor Data Center, sem á og rekur gagnaver í Hafnarfirði, tapaði 180,2 milljónum króna í fyrra. Það er heldur meira en fyrirtækið tapaði á árinu 2010 þegar tapið nam 145,9 milljónum. Þetta kemur fram í ársreikningi Thor Data Center sem skilað var inn til ársreikningaskráar í lok maí síðastliðins.

Seðlabanki þarf ekki að upplýsa um virðið

Úrskurðarnefnd um upplýsingamál hefur staðfest ákvörðun Seðlabanka Íslands um að synja beiðni Markaðarins um upplýsingar um hvert bókfært virði seljendaláns bankans til nýrra eigenda hins danska banka FIH var um síðustu áramót.

Í pínulítilli útrás með Rollersigns

Íslenskt fyrirtæki, Margmiðlun ehf., hefur fengið dreifingarrétt fyrir svokölluð rúlluskilti á Norðurlöndunum, baltneskju ríkjunum þremur auk Íslands. Markaðsstjóri fyrirtækisins segir það vera í pínulítilli útrás.

Greiddi Deutsche Bank 35 milljarða

Pera ehf., dótturfélag Lýsingar, endurgreiddi þýska bankarisanum Deutsche Bank 35 milljarða króna af skuld sinni við hann um miðjan mars síðastliðinn. Engin ný lán voru tekin vegna greiðslunnar að sögn Magnúsar Scheving Thorsteinssonar, stjórnarformanns Lýsingar.

Draga þarf úr halla lífeyrissjóðakerfisins

Íslenska lífeyrissjóðakerfið er öflugt en glímir þó við ákveðna veikleika. Þetta er mat Fjármálaeftirlitsins (FME) sem kynnti samantekt á stöðu lífeyrissjóðanna fyrir fjölmiðlum á skrifstofu sinni í turninum við Höfðatorg í gær. Þá hvetur FME til þess að dregið verði úr halla í lífeyriskerfinu með því að hækka iðgjöld, skerða réttindi sjóðsfélaga eða hækka lífeyrisaldur.

Gríðarleg tækifæri framundan

Verkfræði- og ráðgjafarfyrirtækið Mannvit átti mjög gott rekstrarár á síðasta ári. Velta fyrirtækisins var 8,7 milljarðar króna og hagnaður þess fyrir fjármagnsliði, afskriftir og skatta 1,1 milljarður króna. Hagnaður þess var 751 milljón króna.

Arion banki selur dótturfélag Fram Foods

Fram Foods, sem er í eigu Eignabjargs, hefur í dag selt dótturfélag sitt Boyfood Oy í Finnlandi til finnska félagsins Felix Abba Oy. Í fyrra námu tekjur Boyfood um 18 milljónum evra en hjá félaginu starfa um 56 manns. Heildarvirði viðskiptanna nemur 9,6 milljónum evra eða rúmlega 1,5 milljarði kr.

Fjarðaál flutti út vörur fyrir 95 milljarða í fyrra

Fjarðaál flutti út vörur fyrir um 95 milljarða króna á síðasta ári. Ál nemur um 40% af öllum vöruútflutningi frá landinu, sem er svipað hlutfall og útflutningur sjávarafurða, og nemur hlutur Fjarðaáls í honum um 17 prósentum. Ekkert annað fyrirtæki flytur út meira vörumagn.

Vöruskiptin hagstæð um 4,8 milljarða í júní

Samkvæmt bráðabirgðatölum fyrir júní s.l. nam útflutningur 51,9 milljörðum króna og innflutningur 47,0 milljörðum króna. Vöruskiptin í júní voru því hagstæð um 4,8 milljarða króna samkvæmt bráðabirgðatölum, að því er segir á vefsíðu Hagstofunnar.

Gott efnahagsástand eykur bjartsýni meðal Íslendinga

Íslenskir neytendur hafa ekki verið bjartsýnni frá því fyrir hrun. Þetta sýnir væntingavísitala Capacent Gallup.

Engar hópuppsagnir í júní, aðeins ein frá áramótum

Engar hópuppsagnir voru tilkynntar til Vinnumálastofnunnar í júní síðastliðnum. Þar með hefur aðeins verið tilkynnt um eina hópuppsögn til stofnunarinnar frá áramótum en það var í febrúar.

Hagnaður 365 var 250 milljónir

Rekstur 365 miðla ehf. skilaði hagnaði fyrir árið 2011 sem nemur 250 milljónum króna, eftir afskriftir, fjármagnsliði og skatta. Ari Edwald, forstjóri 365 miðla, segir rekstur ársins ásættanlegan í ljósi efnahagsumhverfis. 365 miðlar gefa út Fréttablaðið ásamt því að starfrækja Stöð 2, Vísi.is, Bylgjuna og fleiri fjölmiðla.

FME: Neikvæð staða lífeyrissjóða nemur 700 milljörðum

Neikvæð staða lífeyrissjóðakerfisins miðað við skuldbindingar í framtíðinni nemur nærri 700 milljörðum króna. Sérfræðingur Fjármálaeftirlitsins segir að úrbóta sé þörf, en að miklu leyti snúi þær að stjórnmálamönnum.

Reginn hækkar um 1,83 prósent

Gengi bréfa í fasteignafélaginu Regin, sem tekin voru til viðskipta í Kauphöll Íslands í gær, hækkaði um 1,83 prósent í viðskiptum dagins og er gengið nú 8,35. Upphafsgengið í gær var 8,2.