Farið fram á kyrrsetningu á eignum Stoða

Krafa Tollstjóra um kyrrsetningu eigna Stoða var tekin fyrir hjá Sýslumanninum í Reykjavík í gær. Í tilkynningu frá Stoðum segir að skattrannsóknarstjóri hafi farið fram á kyrrsetningu eigna að upphæð 650 milljónir króna vegna fyrirhugaðrar endurákvörðunar skatta félagsins vegna rekstaráranna 2005-2007. „Stoðir framvísuðu við fyrirtökuna fullnægjandi tryggingum fyrir samsvarandi upphæð í formi reiðufjár, með fyrirvara um lögmæti aðfararinnar,“ segir í tilkynningunni en Stoðir munu krefjast þess fyrir Héraðsdómi Reykjavíkur að kyrrsetningarbeiðninni verði synjað.

Bakkabræður hættir í stjórn Exista

Bakkabræður, þeir Lýður og Ágúst Guðmundssynir, hættu í stjórn Exista á framhaldsaðalfundi félagsins sem haldinn var í dag. Þá hættu forstjórar félagsins, þeir Erlendur Hjaltason og Sigurður Valtýsson, störfum fyrir félagið auk þess sem þeir sögðu sig úr stjórnum dótturfélaga Exista.

Hagnaður Sjóvár nam 317 milljónum

Hagnaður Sjóvár af reglulegri starfsemi á síðustu þremur mánuðum síðasta árs var 317 milljónir fyrir skatta, samkvæmt ársreikningi fyrirtækisins sem samþykktur var á aðalfundi í dag.

Gamma hækkaði um 0,4% í dag

Skuldabréfavísitalan GAMMA: GBI hækkaði um 0,4% í dag í 14,6 ma. viðskiptum. GAMMAi: Verðtryggt hækkaði um 0,3% í 3,1 ma. viðskiptum og GAMMAxi: Óverðtryggt hækkaði um 0,5% í 11,5 ma. viðskiptum.

Icelandair Group tapaði 10,7 milljörðum í fyrra

Icelandair Group tapaði 10,7 milljörðum kr. á síðasta ári en tapið nam 7,5 milljörðum kr. árið 2008. Þetta kemur fram í tilkynningu um afkomu félagsins.

Nýr bankastjóri ráðinn um miðjan næsta mánuð

Stjórn Landsbanka Íslands væntir þess að ráðningu nýs bankastjóra ljúki um miðjan næsta mánuð. Þetta kom fram á aðalfundi Landsbankans í morgun.

Trefjar afhenda Sérferðum nýjan hvalaskoðunarbát

Ferðaþjónustan á Íslandi mun nú njóta þess að geta boðið upp á fugla- og hvalaskoðun í splunkunýjum hrað-ferðaþjónustubát sem Trefjar ehf. í Hafnarfirði hafa nú afhent til Sérferða/Puffin Express. Báturinn er afar öflugur enda útbúin 1200 hestafla Volvo Penta vélum og Volvo Penta IPS800 drifrás sem þýðir að afkastageta vélanna er á við 1600 hestafla vélar.

Kynnisferðum verður skipt í tvennt í maí

Þann 1. maí 2010 verða þær breytingar gerðar hjá Kynnisferðum að fyrirtækinu verður skipt upp í tvennt, Kynnisferðir ehf. og Reykjavik Excursions ehf., en síðara nafnið er enska heitið fyrirtækinu. Tilgangurinn með þessum breytingum er að efla hvora einingu um sig og blása til sóknar á báðum vígstöðvum.

Enn dæmir héraðsdómur gengistryggingu ólögmæta

Héraðsdómur Reykjavíkur hefur kveðið upp dóm í máli Nýja Landsbankans (NBI) gegn Þráni ehf. þar sem fram kemur að dómurinn telur gengistryggingu á láni ólögmæta. Sjálft málið gekk út á kröfu bankans á að bú Þráins ehf. yrði tekið til gjaldþrotaskipta. Því hafnði dómurinn.

Hvergi vikið að samkeppni í fjölmiðlafrumvarpinu

„Þrátt fyrir að frumvarpið feli í sér heildarlöggjöf á sviði fjölmiðla þá er þannig hvergi vikið að samkeppnissjónarmiðum né heldur er tækifærið nýtt til að takmarka verulega aðkomu RÚV að auglýsingamarkaði."

Fjörkippur á fasteignamarkaði í höfuðborginni

Fjöldi þinglýstra kaupsamninga á höfuðborgarsvæðinu 23. apríl til og með 29. apríl 2010 var 56. Þar af voru 39 samningar um eignir í fjölbýli, 14 samningar um sérbýli og 3 samningar um annars konar eignir en íbúðarhúsnæði. Þetta er nokkuð meiri fjöldi samninga en verið hefur að meðaltali undanfarnar 12 vikur en meðaltalið þann tíma er 48 á viku.

Álútflutningur aldrei verið meiri í krónum talið

Aukið verðmæti útflutnings milli mánaða á sér rót í báðum helstu útflutningsvörum Íslands, sjávarafurðum og áli. Álútflutningur nam 22,6 milljörðum kr. og hefur hann aldrei verið meiri í krónum talið í einum mánuði. Útflutningur sjávarafurða nam 20,5 milljörðum kr. í mars og hefur hann ekki verið meiri í krónum talið frá október síðastliðnum.

Veruleg fjölgun samlagsfélaga heldur áfram

Áfram fjölgar samlagsfélögum verulega miðað við síðustu ár. Þannig voru alls 45 skráð samlagsfélög í mars en á sama tíma fyrir ári voru þau 8 og þegar litið er tvö ár aftur í tímann voru þau 5.

Dalvíkurbyggð rekin með 127 milljóna hagnaði í fyrra

Rekstrarniðurstaða Dalvíkurbyggðar samkvæmt samanteknum rekstrarreikningi A og B hluta var jákvæð um 127 milljónir kr. á árinu 2009 og rekstrarniðurstaða A hluta var jákvæð um 174,8 milljónir kr.

Vísitala framleiðsluverðs lækkaði um 2,7% milli mánaða

Vísitala framleiðsluverðs í mars 2010 var 196,5 stig og lækkaði um 2,7% frá febrúar 2010. Vísitala framleiðsluverðs fyrir sjávarafurðir var 229,4 stig, sem er hækkun um 0,7% (vísitöluáhrif 0,3%) frá fyrri mánuði og vísitala fyrir stóriðju var 231,9 stig, lækkaði um 8,0% (-3,0%).

Aflaverðmætið jókst um 9% milli ára í janúar

Aflaverðmæti íslenskra skipa nam 8 milljörðum króna í janúar 2010 samanborið við 7,3 milljarða í janúar 2009. Aflaverðmæti hefur því aukist um tæpar 700 milljónir kr. eða 9% á milli ára.

Vöruskipti hagstæð um 11,5 milljarða í mars

Í marsmánuði voru fluttar út vörur fyrir 52,9 milljarða króna og inn fyrir 41,4 milljarða króna. Vöruskiptin í mars, reiknuð á fob verðmæti, voru því hagstæð um 11,5 milljarða króna. Í mars 2009 voru vöruskiptin hagstæð um 18,6 milljarða króna á sama gengi. Þetta kemur fram á vef Hagstofu Íslands.

Gjaldþrotum fyrirtækja fjölgar en nýskráningum fækkar

Í mars 2010 voru 106 fyrirtæki tekin til gjaldþrotaskipta samanborið við 100 fyrirtæki í mars 2009, sem jafngildir 6% fjölgun milli ára. Í mánuðum fækkaði nýskráningum félaga um rúmlega 29% milli ára.

Fjarðabyggð tapaði yfir hálfum milljarði í fyrra

Rekstur Fjarðabyggðar, A og B hluti, skilaði tapi upp á 571 milljón kr. á síðasta ári. Munar þar mestu um um fjármagnsliði. Til samaburðar nam tapið 1,5 milljörðum kr. árið 2008.

Eik fasteignafélag tapaði 1,2 milljarði í fyrra

Eik fasteignafélag tapaði 1,2 milljörðum kr. á síðasta ári. Velta félagsins var rúmlega 1,7 milljarður króna, sem er 3% lækkun.

Kom á óvart að fé var flutt til Íslands

Skýrsla rannsóknarnefndar Alþingis sýnir að það kom Seðlabanka Íslands á óvart í hve miklum mæli Landsbankinn flutti þann gjaldeyri sem safnaðist á Icesave-reikningnum í Bretlandi heim til Íslands. Hreyfanleiki fjármagnsins innan samstæðunnar var þó hin upphaflega forsenda þess að ákveðið var að reka Icesave sem útibú íslenska móðurfélagsins en ekki sem breskt dótturfélag.

Fékk mörghundruð milljóna kúlulán - fasteignir yfirveðsettar

Jón Ásgeir Jóhannesson fékk tvö tíu ára kúlulán frá óþekktum aðila í síðasta mánuði, samtals upp á 440 milljónir króna. Lánin eru með veði í tveimur fasteignum í eigu Ingibjargar Pálmadóttur, eiginkonu Jóns Ásgeirs. Fasteignirnar eru nú yfirveðsettar.

Dögg dæmd til að greiða 300 milljónir

Hæstiréttur Íslands staðfesti dóm Héraðsdóms Reykjavíkur um að kaup Daggar Pálsdóttur, lögmanns og fyrrverandi varaþingmanns Sjálfstæðisflokksins, og sonar hennar, á stofnfjárbréfum í SPRON fyrir um hálfan milljarð króna, verður ekki rift.

Gengi hlutabréfa Össurar lækkaði um 1,52 prósent

Gengi hlutabréfa stoðtækjafyrirtækisins Össurar lækkaði um 1,52 prósent í Kauphöllinni í dag. Á eftir fylgdu bréf Marels, sem lækkaði um 1,07 prósent og færeyska olíuleitarfélagsins Atlantic Petroleum. Gengi hlutabréfanna fór niður um 0,62 prósent.

Vilja að OR upplýsi um orkuverð

Borgarráð vill að stjórn Orkuveitu Reykjavíkur opinberi allt verð á þeirri orku sem fyrirtækið selur til stóriðju. Tillaga þessa efnis var samþykkt á fundi borgarráðs í dag. Það var Þorleifur Gunnlaugsson, borgarfulltrúi VG, sem flutti tillöguna í borgarráði.

Ágæt velta á skuldabréfamarkaðinum

Skuldabréfavísitalan GAMMA: GBI hækkaði um 0,2% í dag í 14,4 milljarða kr. viðskiptum. GAMMAi: Verðtryggt hækkaði um 0,3% í 3,3 milljarða kr. viðskiptum og GAMMAxi: Óverðtryggt hækkaði um 0,2% í 11,1 milljarða kr. viðskiptum.

Síminn sektaður um 50 milljónir

Áfrýjunarnefnd Samkeppnismála staðfestir alvarlegt brot Símans gegn fjarskiptafyrirtækinu TSC. Áður hafði Samkeppnisráðið komist að þeirri niðurstöðu að Síminn skyldi greiða 150 milljónir í sekt.

Undirrituðu viljayfirlýsingu um úthlutun lóðar fyrir gagnaver

Hafnarfjarðarbær og Titan Global ehf. undirrituðu í morgun viljayfirlýsingu um úthlutun lóðar vegna uppbyggingar gagnavers í Hafnarfirði. Fyrirhugað gagnaver verður allt að 40 þúsund fermetrar að stærð og sú lóð sem því mun tilheyra allt að 54 þúsund fermetrar.

Starfsemi Sementsverksmiðjunnar tryggð

Starfsemi Sementsverksmiðjunnar á Akranesi hefur verið tryggð með nýju hlutafé frá Björgun ehf. og norska sementsframleiðandanum Norcem AS og fjárhagslegri endurskipulagningu með aðkomu Arion banka og Lýsingar.

Sameining Flugstoða og Keflavíkurflugvallar kynnt á morgun

Nýtt opinbert hlutafélag um sameinaða starfsemi Keflavíkurflugvallar ohf. og Flugstoða ohf. verður kynnt á morgun.

VÍ hraunar yfir lífeyriskerfi opinberra starfsmanna

"Ljóst má vera að óbreytt lífeyriskerfi opinberra starfsmanna er ósjálfbært, þrátt fyrir mun hærra mótframlag atvinnurekenda en gengur og gerist á almennum vinnumarkaði. Erfitt er að sjá réttlæti í því að starfsmenn almenna vinnumarkaðarins skuli þurfa að taka á sig skerðingu lífeyrisréttinda samhliða því að þurfa að standa undir ósjálfbæru lífeyriskerfi opinberra starfsmanna með auknum skattgreiðslum."

Íslandsbanki í mál við stofnfjáreigendur í Eyjafirði

Íslandsbanki hefur höfðað mál gegn stofnfjáreigendum í Eyjafirði vegna stofnfjáraukningar í Sparisjóðí Norðlendinga. Stofnféið aukið á sínum tíma í tengslum við sameiningu við Byr árið 2007.

Ný endurreisnaráætlun er í bígerð

Vilmundur Jósefsson formaður Samtaka atvinnulífsins segir að samtökin eigi nú í viðræðum við aðila vinnumarkaðarins um nýja endurreisnaráætlun fyrir efnahags- og atvinnulífið.

Matvara og drykkir kynda undir verðbólguna

1% hækkun matvöru og drykkja er helsti hækkunarvaldurinn á bakvið verðbólgumælinguna að þessu sinni og hefur áhrif til 0,17% hækkunar á vísitölu neysluverðs (VNV). Er þar fyrst og fremst um að ræða hækkun á innlendri framleiðslu, sér í lagi grænmeti sem hækkar um ríflega 12% frá marsmánuði.

Spkef sparisjóður fær aðild að Kauphallarmörkuðum

Kauphöllin hefur samþykkt umsókn Spkef sparisjóðs um aðild að hlutabréfa- og skuldabréfamörkuðum Kauphallarinnar.

Útlendingar hafa áhuga á Smáralindinni

Töluverður áhugi hefur verið meðal bæði innlendra og erlendra fjárfesta á Smáralindinni síðan að hún komst í eigu dótturfélags Landsbankans, segir Kristján Kristjánsson, upplýsingafulltrúi Landsbankans.

Ný fóðurverksmiðja brátt gangsett á Grundartanga

Þessa dagana er verið að prufukeyra vélar nýrrar fóðurverksmiðju Líflands á Grundartanga. Framleiðsla í verksmiðjunni hefst innan skamms en fyrir helgina var fyrsta kornfarminum landað á Grundartanga.

Verðbólgan minnkar í 8,3%

Ársverðbólgan mælist nú 8,3% og hefur minnkað um 0,2% prósentustig frá því í mars. Þetta kemur fram á vefsíðu Hagstofunnar.

Stjórnendur styðja ekki ríkisstjórnina

Rúmlega 86% af stjórnendum 300 stærstu fyrirtækja landsins, styðja ekki ríkisstjórnina, samkvæmt skoðanakönnun MMR fyrir Viðskiptablaðið, og birt er í dag. Aðeins 14% styðja stjórnina, og hér er átt við þá sem tóku afstöðu.

Eitt afskrifað lán Gildis hærra en heildariðgjöld ársins

Eitt víkjandi lán lífeyrissjóðsins Gildis til Glitnis fyrir hrun bankans var hærra en heildariðgjöld sjóðsfélaga Gildis á síðasta ári. Lánið var upp á 3,69 milljarða kr. og hefur Gildi afskrifað það að fullu. Heildariðgjöldin námu hinsvegar 3,53 milljörðum kr. á síðasta ári.

Marel snýr tapi í hagnað í upphafi ársins

Hagnaður Marel eftir skatta var 5,6 milljónir evra, eða rúmlega 950 milljónir kr. á fyrsta ársfjórðungi ársins. Þetta er mun betri árangur en á sama tímabili í fyrra þegar 7,0 milljón evra tap var á rekstrinum.

Fékk 800 milljóna yfirdrátt fyrir skíðaskála í júlí 2008

Félag í eigu Ingibjargar Pálmadóttur, 101 Chalet ehf., fékk 800 milljóna króna yfirdráttarlán í hjá Glitni í júlí 2008 fyrir kaupum á skíðasetri í Frakklandi. Þetta var eitt síðasta lánið sem aðili tengdur Baugi fékk í íslensku bönkunum fyrir hrun, að því er fram kemur í skýrslu rannsóknarnefndar Alþingis.

Efnahagsþrengingar setja áfram mark sitt á afkomu Gildis

Afkoma Gildis-lífeyrissjóðs árið 2009 var kynnt á mjög fjölmennum ársfundi sjóðsins á Grand hóteli í kvöld, 28. apríl. Í tilkynningu frá sjóðnum segir að helstu niðurstöður uppgjörs séu eftirfarandi:

RÚV: 400 milljóna viðsnúningur

Ríkisútvarpið skilaði hagnaði upp á rúmlega 33 milljónir króna fyrstu sex mánuði yfirstandandi rekstrarárs, frá fyrsta september 2009 til loka febrúar í ár. Í tilkynningu frá RÚV segir að þetta sé jákvæður viðsnúningur upp á tæplega 400 milljónir króna miðað við sama tímabil á síðasta rekstrarári, þegar tap félagsins var rúmlega 365 milljónir króna.

Nýherji: Heildartekjur svipaðar og í fyrra en heildartap 130 milljónir

Heildartekjur Nýherja samstæðunnar námu 3.509 milljónum króna og eru svipaðar og á fyrsta ársfjórðungi 2009 að því er fram kemur í uppgjöri félagsins sem birt var í dag. EBITDA í ársfjórðungnum nam 35 milljónum króna, en heildartap er 130 milljónir króna. Jákvæð EBITDA er af innlendum rekstri, en erlend starfsemi er í járnum að því er fram kemur í tilkynningu.