Fleiri fréttir

Upp úr sauð á milli mótmælenda í Aþenu

Slegið hefur í brýnu á milli óeirðaseggja og annarra mótmælenda í Aþenu höfuðborg Grikklands í dag. Þúsundir komu saman fyrir utan þinghúsið í borginni til þess að lýsa vanþóknun sinni á nýjum niðurskurðartillögum ríkisstjórnarinnar. Grjótkasti og bensínsprengjum var beitt í bardaga sem braust út á milli grímuklæddra ungmenna og liðsmanna verkalýðsfélaga sem njóta stuðnings kommúnista á Grikklandi.

Bauðst að fjármagna kaupin á Iceland með láni

Skilanefnd Landsbankans neitar því ekki að hafa boðið tilboðsgjöfum í Iceland Foods allt að 200 milljóna punda seljendalán til að greiða fyrir hluta kaupverðsins á fyrirtækinu. Sex tilboð bárust í 77 prósenta hlut skilanefndar Landsbankans og Glitnis í Iceland Foods.

Styrkir stoðir rekstursins enn frekar

“Þetta er rennir styrkari stoðum undir reksturinn," segir Stefán Hrafnkelsson, framkvæmdastjóri hugbúnaðarfyrirtækisins Betware, en það hefur gengið frá samningi við Cirsa Gaming Corporation á Spáni, eins og greint var frá í Fréttablaðinu í morgun.

Útflutningsfyrirtæki ætla að auka umsvif sín erlendis

Sóknarhugur er í fyrirtækjum sem starfa í útflutningsgreinum eða eru með starfsemi erlendis. Ríflega helmingur þeirra (56%) hyggst auka útflutning eða erlenda starfsemi á næstu 2-3 árum, tæpur þriðjungur (29%) telur það óvíst en 15% fyrirtækjanna hyggjast ekki gera það.

Landsbankinn fjármagnar skemmtigarð í Smáralind

Landsbankinn tekur þátt í að fjármagna nýjan skemmtigarð sem verður opnaður í verslunarmiðstöðinni Smáralind í næsta mánuði. Skemmtigarðurinn verður þar sem Vetrargarðurinn var áður, í austurenda Smáralindar. Skrifað var undir fjármögnunarsamning milli Landsbankans og rekstrarfélags skemmtigarðsins þann 14. október síðastliðinn.

Enginn rannsóknaraðili kvaddur til vitnis

Enginn þeirra sem rannsakað hefur meint skattalagabrot Jóns Ásgeirs Jóhannessonar í skattahluta Baugsmálsins svokallaða var kallaður sem vitni fyrir dóminn. Þetta sagði Gestur Jónsson lögmaður hans þegar hann krafðist sýknudóms í málflutningi sínum fyrir Héraðsdómi Reykjavíkur í morgun. Það væri engu að síður venja að menn sem kæmu að rannsókn mála væru kallaðir til vitnis.

Aflaverðmætið eykst um 3,8 milljarða milli ára

Aflaverðmæti íslenskra skipa nam 83,6 milljörðum króna fyrstu sjö mánuði ársins samanborið við 79,8 milljarða á sama tímabili í fyrra. Aflaverðmæti hefur því aukist um 3,8 milljarða króna eða 4,8% á milli ára.

Reykjanesbær skuldar fjórfaldar tekjur sínar

Skuldir Reykjanesbæjar nema liðlega tveimur milljónum króna á hvert mannsbarn í sveitarfélaginu, sem þýðir að bærinn skuldar fjórfaldar tekjur sínar, að því er Viðskiptablaðið hefur reiknað út.

Ísland á uppleið í mælingum Alþjóðabankans

Ísland hækkar um fjögur sæti á lista Alþjóðabankans yfir þau lönd þar sem auðveldast er að stunda viðskipti og fyrirtækjarekstur. Ísland var í 13. sæti listans í fyrra en er komið í 9. sætið í ár.

Nauðungarsala á fimm jörðum Lífsvals

Landsbankinn hefur farið fram á að fimm jarðir í eigu Lífsvals ehf. verði settar á nauðungaruppboð. Þetta gerir bankinn vegna vanskila á skuld upp á rúmar 562 milljónir króna. Þetta kemur fram í Lögbirtingarblaðinu.

Vinnslumet sett á Vopnafirði

Starfsfólk uppsjávarfrystihúss HB Granda á Vopnafirði frysti yfir tuttugu þúsund tonn af síld og makríl á vertíðinni sem lauk um síðustu helgi. Um vinnslumet er að ræða enda er þetta tæplega 27 prósenta aukning frá vertíðinni í fyrra, enda þótt afli skipa félagsins í tegundunum hafi dregist saman um tæplega fimmtán prósent milli ára. Þetta kemur fram í samantekt uppsjávarsviðs HB Granda sem sagt er frá á heimasíðu félagsins.

Icelandair sker sig úr meðal flugfélaga

Hlutabréfaverð Icelandair Group, móðurfélags Icelandair og fleiri fyrirtækja, hefur hækkað um 81,3 prósent það sem af er ári. Á sama tímabili hefur hlutabréfaverð helstu flugfélaga Evrópu lækkað verulega. Þetta kemur fram í samantekt norska dagblaðsins Dagens Næringsliv um flugrekstur í Evrópu.

Betware landar stórum samningi

Íslenska hugbúnaðarfyrirtækið Betware hefur skrifað undir stóran samning við Cirsa Gaming Corporation frá Spáni. Í samningnum felst að Cirsa mun nýta sér leikja- og hugbúnaðarlausn Betware fyrir internet- og snjallsímavefi fyrirtækisins á Spáni og í fleiri löndum.

Hlutabréf lækkuðu í BNA

Helstu hlutabréfavísitölur í Bandaríkjunum lækkuðu í dag. Nasdaq lækkaði um 2,01% og S&P 500 um 1,26%. Helstu vísitölur í Evrópu hækkuðu hins vegar lítillega. FTSE vísitalan í Bretlandi hækkaði um 0,74% og Dax hækkaði um 0,61%

Nova býður upp á sérstakan netsíma

Símafyrirtækið Nova er farið að bjóða upp á sérstakan netsíma sem virkar svipað og fólk þekkir hjá Skype. Með símanum geta notendur hringt úr tölvu í aðra tölvu og úr tölvu í heimasíma eða farsíma á Íslandi og í útlöndum.

Kannast ekki við að hafa verið hótað handtöku

Stefán Hilmarsson, fyrrverandi endurskoðandi Baugs og núverandi fjármálastjóri 365, segir að hvorki hann né Jón Ásgeir Jóhannesson kannist við það að þeim hafi verið hótað handtöku ef þeir mættu ekki til skýrslutöku hjá lögreglu.

Apple hagnaðist um 3.000 milljarða

Hagnaður Apple fyrir rekstrarárið sem lauk 24. september sl. nam 25,9 milljörðum dollara, eða sem nemur tæplega 3.000 milljörðum króna.

Áframhaldandi verðhækkun íbúðarhúsnæðis á höfuðborgarsvæðinu

Greiningardeild Íslandsbanka spáir áframhaldandi verðhækkun íbúðarhúsnæðis á höfuðborgarsvæðinu. Verð á íbúðarhúsnæði hefur hækkað um 7,3 prósent á síðustu tólf mánuðum og að raungildi hefur verð íbúðarhúsnæðis hækkað um 1,6 prósent á tímabilinu. Í september voru verðir 453 kaupsamningar með íbúðarhúsnæði á höfuðborgarsvæðinu samanborið við 347 á sama tímili í fyrra. Aukningin er 31 prósent.

ESA samþykkir kaup Íslandsbanka á Byr

Eftirlitsstofnun EFTA, ESA, hefur heimilað fyrir sitt leyti kaup Íslandsbanka á Byr. Tilkynning þess efnis hefur verið birt á vefsíðu ESA.

Ekki hægt að skýla sér á bakvið sérfræðinga

Sakborningar geta keypt sér sérfræðiaðstoð, en þeir bera sjálfir ábyrgð á því að skattskil séu með réttum hætti. Þetta sagði Helgi Magnús Gunnarsson vararíkissaksóknari i málflutningi sínum í Héraðsdómi Reykjavíkur í morgun. Þar fer fram aðalmeðferð í skattahluta Baugsmálsins gegn Jóni Ásgeiri Jóhannessyni, Tryggva Jónssyni, fyrrverandi aðstoðarforstjóra Baugs, og Kristínu Jóhannesdóttur, systur Jóns Ásgeirs, auk fjárfestingafélaginu Gaumi.

Vilja að fólk geti „skilað húsnæðinu“

Ein af tillögum Sjálfstæðisflokksins í efnahagsmálum, sem kynntar hafa verið í sérstöku riti sem aðgengilegt er á vef flokksins, er sú að fólk sem ekki ræður við afborganir á húsnæðisláni sínu geti skilað húsnæðinu til lánastofnunar sinnar og setið eftir með hreint borð.

Lánshæfiseinkunn Spánar lækkuð

Lánshæfismatsfyrirtækið Moody‘s lækkaði í morgun lánshæfiseinkunn Spánar. Í rökstuðningi fyrir ákvörðuninni segir að mesta áhyggjumálið sé mikið atvinnuleysi og hratt lækkandi húsnæðisverð, sem komi sér einkar illa fyrir veikburða fjármálakerfi landsins.

Jóni Ásgeiri og Stefáni var hótað handtöku við rannsókn málsins

Jóni Ásgeiri Jóhannessyni og Stefáni Hilmarssyni, fyrrverandi endurskoðanda fjárfestingafélagsins Gaums og Baugs, var hótað handtöku þegar skattahluti Baugsmálsins var á rannsóknarstigi, ef þeir mættu ekki til yfirheyrslu. Þetta kom fram í máli Helga Magnúsar Gunnarssonar vararíkissaksóknara þegar málflutningur í skattahluta Baugsmálsins hófst í morgun.

Skortur á ófaglærðu starfsfólki háir fyrirtækjum

Fimmta hvert (18%) aðildarfyrirtækja SA telja skort á ófaglærðu starfsfólki vera eitt af helstu vandamálum fyrirtækisins við núverandi aðstæður. Skortur á starfsfólki með starfs- og framhaldsmenntun er eitt af helstu vandamálum 13% fyrirtækja og eitt af hverjum tíu fyrirtækjum nefna skort á háskólamenntuðu fólki. Þetta kemur fram í nýrri könnun SA um vinnumarkaðinn og efnahagshorfur.

Starfandi fólki fjölgaði um 1.600 milli ára

Fjöldi starfandi á þriðja ársfjórðungi í ár var 171.800 manns og fjölgar um 1.600 frá sama tíma ári áður. Á vinnumarkaði voru alls 182.500 manns sem jafngildir 81% atvinnuþátttöku.

Atvinnulausum fækkaði um 1.000 milli ára

Á þriðja ársfjórðungi 2011 voru að meðaltali 10.700 manns án vinnu og í atvinnuleit eða 5,9% vinnuaflsins. Atvinnuleysi mældist 5,6% hjá körlum og 6,2% hjá konum. Frá þriðja ársfjórðungi 2010 til annars ársfjórðungs 2011 fækkaði atvinnulausum um 1.000 manns.

„Veit ekki hvort maður á að hlæja eða gráta“

"Á Íslandi hefur lítil sem engin virðing verið borin fyrir menntun eða reynslu í fjármálum eða viðskiptum þegar kemur að úthlutun lykilstarfa hjá ríkinu,“ segir Jón Steinsson, hagfræðingur við Columbia háskólann í New York, í grein í Fréttablaðinu í dag.

Spá því að verðbólgan lækki í 5,4%

Greining Íslandsbanka spáir því að ársverðbólgan lækki úr 5,7% og í 5,4% í október. Gangi spáin eftir yrði það í fyrsta sinn sem verðbólgan á landinu lækkar milli mánaða frá því í janúar á þessu ári.

Olíuborpallur boðinn almenningi til sölu

Norska olíufélagið Statoil hefur boðið almenningi til sölu einn af olíuborpöllum sínum. Borpallurinn er staðsettur á Huldra olíusvæðinu í Norðursjónum vestur af Bergen.

Íbúðaverð í borginni heldur áfram að hækka

Íbúðaverð á höfuðborgarsvæðinu heldur áfram að hækka. Vísitala íbúðaverðs á höfuðborgarsvæðinu var 326,1 stig í september 2011 og hækkar um 1,3% frá fyrri mánuði.

Nikita veldi í örum vexti

Nikita hefur hannað og látið framleiða eigin snjóbrettalínu sem kemur á markað í Evrópu, Asíu og Ameríku með haustinu 2012. Mikilvægum áfanga náð segir Aðalheiður Birgisdóttir einn eigenda og stofnenda fyrirtækisins.

Nýjasta útgáfa Android kynnt í dag

Nýjasta útgáfa Android stýrikerfisins verður kynnt í dag. Google, sem framleiðir Android, vonast til að stemma stigum við velgengni Apple á snjallsíma markaðinum.

Björgunarsjóður ESB stækkaður

Frakkar og Þjóðverjar hafa náð samkomulagi um að björgunarsjóður fyrir evrusvæðið verði stækkaður upp í tvær trilljónir evra til að takast á við skuldakreppuna í Evrópu. Málið verður rætt á fundi leiðtoga Evrópuríkja um næstu helgi, eftir því sem fullyrt er á fréttavef Guardian.

Hæsta tilboð í Perluna tilkynnt á komandi dögum

Orkuveitan telur ekki tímabært að gefa upp hvert besta tilboðið í Perluna er. Þetta segir Eiríkur Hjálmarsson, upplýsingafulltrúi Orkuveitunnar, í samtali við Vísi. Eins og greint frá fyrr í kvöld þá höfðu sex tilboð í Perluna borist þegar að tilboðsfrestur rann út síðdegis í dag.

Sex kauptilboð bárust í Perluna

Sex kauptilboð bárust í Perluna en frestur til að skila tilboðunum rann út í dag og voru þau opnuð síðdegis. Í tilkynningu frá Orkuveitunni, sem á Perluna, segir að tilboðin séu nokkuð ólík að gerð og uppbyggingu og farið verður yfir þau og þau metin á næstu dögum, m.t.t. hugsanlegra fyrirvara eða skilmála sem í þeim kunna að vera. Perlan er byggð ofan á sex hitaveitutanka á Öskuhlíð sem ekki verða seldir og munu áfram þjóna hitaveitunni í Reykjavík.

Lækka lánshæfismat hjá 24 ítölskum bönkum

Lánshæfismatsfyrirtækið Standard & Poor's lækkaði í dag lánshæfismat 24 banka og fjármálastofnana. „Markaðsaðstæður á evrusvæðinu, sérstaklega á Ítalíu og dökkar framtíðarhorfur um hagvöxt hefur leitt til verri horfa hjá ítölsku bönkunum" segir í yfirlýsingu S&P.

Sjá næstu 50 fréttir

Mest lesið