Michael lifir - myndband

Poppgoðið Michael Jackson var með banvænan skammt af deyfilyfinu Propofol í líkama sínum þegar hann lést samkvæmt fréttavef BBC. Þetta kom í ljós eftir að krufningaskýrslur voru gerðar opinberar. Michael lést þann 25. júní síðastliðinn úr hjartaáfalli. Nú hefur komið í ljós að lyfin drógu hann til dauða. Læknirinn hans, Conrad Murray, hefur verið yfirheyrður tvívegis af lögreglunni en hann er ekki kominn með réttarstöðu grunaðs manns samkvæmt fréttavef BBC. Eins og myndbandið, sem fer um internetið eins og eldur í sinu, lítur allt út fyrir að Michael stökkvi út úr sama sjúkrabíl og hann var fluttur af heimili sínu 25. júní síðastliðinn því bílnúmerið er það sama.

Nýtt ár hafið hjá ÍD

Djammvika, fjölskyldusýning, ferð til Akureyrar, alþjóðleg samstarfsverkefni og stórsýning með Sinfóníunni eru helstu verkefni Íslenska dansflokksins á sýningarárinu sem nú er að hefjast. ÍD frumsýnir í september Fjölskyldusýningu, brot úr fimm aðgengilegum verkum. Frítt verður inn á sýninguna fyrir börn yngri en 12 ára. Katrín Hall, listrænn stjórnandi flokksins, segir þetta kjörið tækifæri fyrir fjölskylduna að koma saman og upplifa töframátt dansins.

Páll Stefáns fær góða aðstoð

Nígeríski verðlaunahöfundurinn Chimamanda Ngozi Adichie er meðal þeirra sem skrifa sérstaklega fyrir ljósmyndabók Páls Stefánssonar, Afríka – Fótboltaálfan.

Opnunartónleikar í ömmunni

Opnunartónleikar Melodica Acoustic Festival fara fram í versluninni Sexy Grandma í dag. Tónleikarnir verða jafnframt lokatónleikar því verslunin leggur upp laupana á morgun.

Bætir tilfinningum við takta

Fyrsta plata trommuleikarans Þorvaldar Þórs Þorvaldssonar er komin út. Þorvaldur sækir innblástur sinn í ýmsar tónlistarstefnur, þar á meðal popp, djass og hip-hop, og var platan tekin upp á meðan hann bjó í Bandaríkjunum.

Endurgerir Hring Friðriks Þórs með íslenskri orku

Ey­steinn Guðni Guðnason kvikmyndagerðarmaður ætlar endurgera mynd Friðriks Þórs Friðrikssonar, Hringinn, sem kom út árið 1985. Sú mynd var heldur óvenjuleg því hún var tekin upp í bíl sem ók hringinn í kringum landið án þess að nokkrir leikarar kæmu við sögu.

Logi Geirs og Bjöggi láta gott af sér leiða

„Ég rakst á frétt á netinu um Alexöndru Líf og hún snerti mig mjög mikið. Þetta er fjölskylda sem hefur þurft að þola ansi mikið og þarf á stuðningi að halda," segir Björgvin Páll Gústavsson, markvörður íslenska landsliðsins í handbolta og ein af silfurhetjunum. Hann og Logi Geirsson hafa ákveðið að gefa Alexöndru Líf áritaða Silver-landsliðstreyju með áritunum frá öllum leikmönnum handboltalandsliðsins. Þá hafa þeir keypt tíu miða á styrktartónleika Alexöndru.

Hin drungalega Fever Ray

Sænska tónlistarkonan Fever Ray hefur hlotið mikið lof fyrir fyrstu sólóplötu sína sem kom út í vor. Margir telja að hún verði ofarlega á listum yfir bestu plötur ársins 2009.

Hundrað útlendingar sóttu um

„Þetta er stóraukinn fjöldi,“ segir Garðar Stefánsson sem skipuleggur kvikmyndasmiðju Alþjóðlegrar kvikmyndahátíðar í Reykjavík sem verður haldin í næsta mánuði.

Safna höfuð-leðrum nasista

Stríðsmynd Quentins Tarantino, Inglorious Basterds, hefur hlotið mjög góðar viðtökur og er af mörgum talin hans besta mynd í langan tíma. Einkennismerki hans, löng samtöl og blóðug ofbeldisatriði, eru að sjálfsögðu á sínum stað.

Í heimsókn hjá Opruh

Söngkonan Whitney Houston ætlar að veita sitt fyrsta langa viðtal í tæp sjö ár í spjallþætti Opruh 14. september. Whitney, sem er 46 ára, ætlar í leiðinni að kynna sína nýjustu plötu, I Look At You, sem er sú fyrsta í sex ár.

Bíómynd um líf Epsteins

Bítlarnir eru heitt viðfangsefni í kvikmyndir þessa dagana. Í seinustu viku var tilkynnt að Robert Zemeckis ætlar sér að gera endurgerð af myndinni Yellow Submarine með „motion capture“ tækni.

Drykkur byrlaður

Miðasala á Ástardrykkinn, óperusýningu haustsins hjá Íslensku óperunni, hefst í dag kl. 14. Einungis átta sýningar verða á þessari kunnu gamanóperu en frumsýning er í októberlok.

Susan í Wall Street

Susan Sarandon er í samningaviðræðum um að leika í framhaldsmyndinni Wall Street 2: Money Never Sleeps í leikstjórn Olivers Stone.

Dansvæn safnplata

Útgáfufyrirtækið Icelands Airport Route hefur gefið út safnplötuna Audio 101: Reykjavik sem hefur að geyma danstónlist úr ýmsum áttum.

Sýndu sumartísku næsta árs

Hönnunarfyrirtækið ELM Design frumsýndi nýja vor- og sumarlínu fyrir árið 2010 í síðustu viku. Hönnunarfyrirtækið ELM Design, sem hefur verið starfrækt í tíu ár, hélt á dögunum sérstaka frumsýningu á nýrri vor- og sumarlínu fyrir árið 2010. Sama lína verður sýnd á tískuvikunni í París í september.

Loksins sátt við sjálfa sig

Kelly Rowland segist loksins vera búin að öðlast trú á hæfileika sína eftir að hafa lifað í ótta síðastliðin ár. Í viðtali við dagblaðið USA Today segist söngkonan hafa átt í erfiðleikum með sjálfsmynd sína þegar hún hóf sólóferil eftir að Destiny's Child hættu. Sólóferill hennar gekk ekki sem skyldi í Bandaríkjunum, en lög hennar hafa náð á topp vinsældalista út um allan heim.

Elskar Jordan

Bardagaíþróttakappinn Alex Reid sem er nýr kærasti glamúr­fyrirsætunnar Jordan, segist vera yfir sig ástfanginn.

Dreymir um Íslandsferð

Dallas-leikarann Larry Hagman dreymir um að koma til Íslands og veiða lax. Þetta kemur fram í viðtali við kappann sem birtist í breska blaðinu Daily Telegraph. Þar er leikarinn spurður út í hina og þessa staði sem hann hafi komið til í gegnum tíðina, hvaða sumarleyfisstaðir standi upp úr og þar fram eftir götunum.

Tökur á Kóngavegi 7 að hefjast

Undirbúningur er í fullum gangi fyrir kvikmyndina Kóngaveg 7 í leikstjórn Valdísar Óskarsdóttur. Framleiðendur eru þeir Árni Filippusson, Hreinn Beck og Davíð Óskar Ólafsson, sonur Valdísar. Þeir framleiddu einnig Sveitabrúðkaup sem var frumraun hennar sem leikstjóri. Sú mynd hlaut fjórar tilnefningar til Eddu-verðlaunanna á síðasta ári, meðal annars fyrir bestu mynd og bestu klippingu.

Óperur á Akureyri

Alexandra Chernyshova stendur í ströngu sem fyrr. Um helgina frumsýnir hún tvo óperuþætti í leikhúsinu á Akureyri og verða tvær sýningar nyrðra og hefjast báðar kl. 15 á laugardag og sunnudag. Alexandra er sem kunnugt er listrænn stjórnandi og aðaldriffjöður Óperu Skagafjarðar þar sem hún starfar sem kennari. Þessi menntaða söngkona hefur þar drifið upp tónlistarstarf og á Ópera Skagafjarðar nú tvær stórar uppfærslur að baki: La Traviata og Rigoletto.

Excalibur endurgerð

Kvikmyndaframleiðandinn Warner Bros. ætlar að endurgera ævintýrakvikmyndina Excalibur frá árinu 1981.

Unnur Birna gerist söngkona

„Við vissum að bæði Stefán Karl Stefánsson og Laddi væru hörkusöngvarar og að Stefán Hallur gæti alveg haldið lagi. En Unnur Birna kom okkur alveg skemmtilega á óvart,“ segir Þorsteinn Gunnar Bjarnason, leikstjóri kvikmyndarinnar Jóhannes.

Valin kona ársins

Tímaritið Billboard hefur valið Beyoncé Knowles konu ársins og verður hún heiðruð við hátíðlega athöfn í New York 2. október næstkomandi.

Óskarinn ekki til Scorsese

Væntanleg mynd Martins Scorsese, Shutter Island verður ekki frumsýnd í Bandaríkjunum í október á þessu ári eins og áður var fyrirhugað heldur verður færð fram í febrúar. Sem þýðir bara eitt, hún mun ekki keppa um næstu Óskarsverðlaun. Fréttin hefur farið eins og eldur í sinu um netheim kvikmyndanördanna, en myndin var talin afar líkleg til vinnings.

Gamall fýlupúki á ferðalagi

Teiknimyndin Up frá framleiðendunum Disney og Pixar verður frumsýnd hérlendis á morgun bæði með íslensku og ensku tali. Up var opnunarmynd Cannes-hátíðarinnar í vor og fékk þar fínar viðtökur. Viðbrögðin vestanhafs létu heldur ekki á sér standa því hún komst strax í efsta sætið yfir vinsælustu myndirnar.

Fúlar á móti styðja Grensásátak Eddu Heiðrúnar

„Það má segja að fúlar á móti séu mjög glaðar með þetta," segir Edda Björgvinsdóttir, leikkona.

Áheitanúmer söfnunarinnar „Á allra vörum“ opnuð

Áheitanúmer söfnunarátaksins „Á allra vörum" voru opnuð í morgun og við sama tækifæri reið Já á vaðið og gaf 118.000 krónur í söfnunina, sem að þessu sinni er til styrktar hvíldarheimili fyrir krabbameinssjúk börn og fjölskyldur þeirra.

Spunnið mestalla sýninguna

„Við erum allt í allt 12 sviðslistamenn sem stöndum að sýningunni, þar af tveir Íslendingar, ég og Ástþór Ágústsson," segir Vala Ómarsdóttir, en hún er hluti Bottlefed Ensamble sem sýnir Hold Me Until You Break á artFart í Iðnó. Hópurinn er staðsettur í London og hefur fengið verðlaun fyrir besta frumsamda verkið unnið af hópi á Edinborgarhátíðinni 2007 og fyrir bestu leikstjórn á Lost Theater Festival árið 2006.

Símaperri áreitir kúnna Adams og Evu

„Trúnaður við viðskiptavini okkar er sterkasta vopnið og því er þetta litið mjög alvarlegum augum. Við erum eiginlega alveg brjáluð yfir þessu,“ segir Þorvaldur Steinþórsson, eigandi hjálpartækjaverslunarinnar Adams og Evu.

Mikill áhugi frá útlöndum

Búist er við því að um þrjátíu innlendir og erlendir aðilar haldi fyrirlestra á tónlistarráðstefnunni You Are In Control sem verður haldin á Hilton-hótelinu í Reykjavík dagana 23. og 24. september.

Með sama umboðsmann og Tarantino og Burton

Íslenski leikstjórinn Baltasar Kormákur er kominn með nýjan umboðsmann. Sá heitir Mike Simpson og er enginn smálax í hinni stóru Hollywood, meðal skjólstæðinga hans eru Quentin Tarantino, Paul Thomas Anderson, leikstjóri Magnoliu og Boogie Nights, og Tim Burton svo einhverjir séu nefndir.

Kaffibarsrottur keppa í fótbolta

„Þetta eru allt strákar sem tengjast Kaffibarnum, annaðhvort sem starfsfólk eða fastakúnnar. Við yngri strákarnir skoruðum á þá eldri af því þeir eru búnir að vera með svo mikinn kjaft upp á síðkastið,“ segir Helgi Guðjónsson, starfsmaður Kaffibarsins, sem skipuleggur fótboltaleik þar sem eldri kynslóð Kaffibarsdrengja mætir þeirri yngri.

Frikki Weiss fagnar afmæli Laundromat með stæl

Athafnamaðurinn geðþekki, Friðrik Weisshappel, fagnar nú þriggja - og fimm ára afmæli kaffihúsa sinna, Laundromat, í Kaupmannahöfn. Af því tilefni býður hann gestum og gangandi að kaupa kaffibollann á þrjár krónur, á staðnum sem er þriggja ára, og fimm krónur á staðnum sem er fimm ára.

Að svelta sig er það versta

„Það er að koma stöðugleika á mataræðið og hreyfa sig klukkutíma á dag. Það sem flestir eru að klikka á þegar þeir byrja í heilsuátaki er að ætla sér of geyst en góðir hlutir gerast hægt og þetta er lífstíll," svarar Garðar Sigvaldason líkamsræktarþjálfari aðspurður um lykil að árangri í heilsurækt. „Þeir sem falla eru þeir sem eru óþolinmóðir. Fólk þarf að komast yfir þröskuld sem ég kalla 8 vikna múrinn því þegar fólk er alveg við það að komast á gott ról þá gefst það upp. „Helgarnar eru líka mikilvægar því þær eru 30% af vikunni. Svo eru millimálin gríðarlega mikilvæg því þau jafnast á við aukabrennslu." Hvað meinar þú með millimál? „Til dæmis ávextir, léttur próteindrykkur, skyr eða skyrbúst!" Hvað með fólk sem sleppir því að borða, sveltir sig? „Það er það versta sem þú getur gert. Þá drepur þú niður alla grunnbrennslu líkamans og byrjar að fitna. Mikilvægt er að borða smáar máltíðir á þriggja tíma fresti og þannig lagað séð borðað þig granna." Sveltið er mjög slæmt. Það versta sem hægt er að gera er að svelta líkamann. Þeir sem eru verst á sig komnir er yfirleitt fólk sem er að borða einu sinni til tvisvar á dag. Það er mjög slæmt," segir Garðar ákveðinn. „Ég mæli með því að fólk skipti hreyfingunni til helminga. Lyfta tvisvar til þrisvar í viku og taka góðar brennsluæfingar að sama skapi tvisvar til þrisvar í viku og eins og ég sagði ekki fara of geyst," segir Garðar.

Dorrit reddaði Winslet

„Margrét Dagmar spurði hvort ég gæti hjálpað sér við að fá enska leikkonu til að tala inn á myndina og það var lítið mál enda finnst mér hún hafa unnið þrekvirki við að vekja fólk til umhugsunar um einhverfu,“ segir forsetafrúin Dorrit Moussaieff.

Fékk silfrið á Mr. Gay Europe

Magnús Jónsson, 25 ára gamall nemi í Kaupmannahöfn, hafnaði í öðru sæti í árlegri Mr. Gay Europe-keppni sem að þessu sinni var haldin í Osló. Sætið tryggir Magnúsi keppnisrétt í Mr. Gay World sem einnig verður í Osló í febrúar á næsta ári.

Dj-veisla á Nasa

Þrettán erlendir plötusnúðar og einn íslenskur þeyta skífum á Nasa á föstudaginn. Á meðal þeirra eru Skream, Kanio, Equalizers og Solarity.

Tarantino í efsta sætið

Stríðsmynd Quentins Tarantino, Inglorious Basterds, fór beint í efsta sæti aðsóknarlistans vestanhafs um síðustu helgi. Tekjur myndarinnar námu rúmum 36 milljónum dollara, eða um 4,6 milljörðum króna, og tók hún þar með efsta sætið af geimverumyndinni District 9.

Tvíkynhneigður kennari slær í gegn

X-Factor-söngþættirnir hafa notið gífurlegra vinsælda í Bretlandi og hófst sjötta þáttaröðin þar í landi á laugardaginn. Fyrstu þættirnir eru yfirleitt misgóðir og bjuggust fáir við að sjá hugsan­legan sigurvegara stíga á svið í fyrsta þættinum.

Vel mætt á Hjálmamynd

Heimildarmynd um hljómsveitina Hjálma var frumsýnd á föstudaginn var. Myndin er eftir Bjarna Grímsson og Frosta Jón Runólfsson og fjallar um för hljómsveitarinnar til Jamaíka.

Arnar Grant: Feitir sleppa morgunmat

„Það er náttúrulega fyrst og fremst að hreinsa til í ísskápnum. Taka allt sem er með hátt fituhlutfall út og einföldu kolvetnin. Þá á ég við allt með sykri í," svarar Arnar Grant líkamsræktarþjálfari aðspurður um góð ráð fyrir þá sem vilja koma sér í form. „Það skiptir miklu máli að hafa óhollustuna í algjöru lágmarki í ísskápnum. Ef það er ekki til á heimilinu eru litlar líkur að þú borðir það," segir Arnar og heldur áfram: „Hollt mataræði er 65 til 70% hluti sem til þarf ef árangur í heilbrigðu líferni á að nást." „Svo er það hreyfingin. Fólk á ekki að taka lyftur. Það á að labba upp stigana og fólk á ekki að reyna að finna bílastæði nálægt áfangastaðnum heldur leggja aðeins lengra í burtu og fá þannig ókeypis hreyfingu í leiðinni." „Ef maður vaknar bara aðeins fyrr á morgnana og fær sér morgunmat gerir það gæfumuninn. Þeir sem eru feitir eru þeir sem borða ekki morgunmat. Það er samasem merki þar á milli. „Þá vekur maður upp líkamann og hann fær orku í sig til að hreyfa sig betur og öll starfsemi fer á flug þannig að við verðum betri í alla staði. Betri starfskraftar, betri foreldrar og svo framvegis," segir Arnar. „Þetta eru einföld atriði sem kosta ekki krónu," segir hann að lokum.

Ungfrú Venesúela sigraði Miss Universe

Ungrú Venesúela, hin 18 ára gamla Stefanía Fernandez sigraði í nótt í keppninni Ungfrú Alheimur sem fram fór á Bahamaeyjum. Fulltrúi Íslands í kepnninni, Ingibjörg Egilsdóttir komst í fimmtán manna úrslitakeppni en hreppti ekki verðlaunasæti.

Strumparnir aftur í sjónvarp

Stöð 2 hefur tryggt sér sýningaréttinn á Strumpaþáttunum og munu sýningar hefjast í næsta mánuði. Þættirnir sem um ræðir eru sömu Strumpaþættir og nutu mikilla vinsælda á níunda áratug síðustu aldar, en Stöð 2 hefur endurbætt þættina með því að hreinsa þá og færa á stafrænt form. Þá er einnig búið að endurhljóðvinna talsetningu Þórhalls Sigurðssonar leikara, eða Ladda, sem talaði fyrir alla Strumpana, Kjartan galdrakarl og köttinn hans.

Íslendingur farðar fyrir Úlfamynd

Íslenski förðunarmeistarinn, Stefán Jörgen, brá heldur betur í brún þegar hringt var í hann fyrir nokkru og hann beðinn um að koma til starfa við Hollywood-kvikmyndina The Wolf Man. Sá sem bað sérstaklega um Stefán heitir Rick Baker og er einn sá allri be