Elskar Jordan

Bardagaíþróttakappinn Alex Reid sem er nýr kærasti glamúr­fyrirsætunnar Jordan, segist vera yfir sig ástfanginn.

Í nýlegu viðtali við tímaritið New! segist hann hafa kollfallið fyrir kynbombunni við fyrstu kynni.

„Ég hef sagt henni að ég elski hana á hverjum degi frá því við kynntumst, örugglega um milljón sinnum á dag," var haft eftir vöðvabúntinu.

„Mér hefur aldrei liðið svona áður. Aldrei. Mér hefur aldrei liðið jafn vel í sambandi."

Reid og Jordan kynntust í afmælisveislu fyrir tæpum tveimur mánuðum og hafa verið óaðskiljanleg allar götur síðan.