Sægreifi kaupir lúxusíbúð af bankastjóra

Þorsteinn Már Baldvinsson, útgerðarkóngur frá Akureyri, hefur keypt lúxusíbúð bankastjórans Ármanns Þorvaldssonar í Skuggahverfinu. Ekki liggur fyrir hvert kaupverðið er en ásett verð var um 70 milljónir króna eftir því sem Vísir kemst næst.

Kidman dásamar Jolie - myndband

Í meðfylgjandi myndskeiði heiðrar leikkonan Nicole Kidman, leikkonuna Angelinu Jolie, fyrir leik hennar í kvikmyndinni The Changeling.

Viltu vinna milljarð með átta Óskara

Átta Óskarsverðlaun féllu breska leikstjóranum Danny Boyle og kvikmynd hans, Viltu vinna milljarð, í skaut í nótt.

Á biðilsbuxum

Svo virðist sem Jake Gyllenhaal hafi í hyggju að biðja kærustu sinnar, Reese Witherspoon, en leikarinn sást nýverið þræða skartgripabúðir í New York í leit að trúlofunarhring. Leikarinn er sagður hafa eytt allt að fjórum klukkustundum í einni búðinni og skoðað hringana gaumgæfilega.

Gítar KK frystur í New York

„Ég var alveg eyðilagður þegar hann brotnaði í flutningunum,“ segir tónlistarmaðurinn KK, sem bíður spenntur eftir að endurheimta forláta Martin-gítar sinn sem hefur undanfarna mánuði verið fastur í New York.

Fagurkerar bíða skipbrot eftir góðærið

„Maður er eiginlega bara skelfingu lostin, ekkert annað. Þetta er mjög slæmt fyrir fólk í mínum bransa,“ segir Jóhanna Kristín Ólafsdóttir, innanhússarkitekt hjá AVH. Í fréttum Sjónvarpsins á fimmtudagskvöld var greint frá því að lífsstíls- og hönnunarbúðinni Saltfélaginu hefði verið lokað og að til stæði að loka Habitat sem löngum hefur verið þekkt fyrir smekklegar innanhússvörur.

Talar ekki í Las Vegas

Cher segist lifa hálfgerðu nunnulífi þegar hún er stödd í Las Vegas á milli þess sem hún er uppi á sviði að skemmta. Söngkonan, sem er 62 ára gömul, segist ekki hafa búist við því að þurra loftið þar í borg myndi hafa svo mikil áhrif á sig og talar því ekki við fólk á milli tónleika á daginn.

Vöruskipti á netinu það sem koma skal í kreppunni

„Þetta er vefsíða fyrir okkur hin, okkur sem urðum eftir og verðum að nota eitthvað annað en krónuna til að versla,“ segir Axel Valdimar Gunnlaugsson, stofnandi vefsíðunnnar samlagid.is, sem vakið hefur mikla athygli. Síðan er glæný, fór í loftið fyrir mánuði síðan, en hugmyndin kviknaði þegar allt fór fjandans til undir lok síðasta árs. „Þetta byrjaði bara sem grín en svo vatt þetta fljótlega upp á sig og í dag eru þúsund manns skráðir notendur,“ segir Axel en svo skemmtilega vill til að meirihluti notenda eru konur.

Þrjátíu umsóknir liggja fyrir

Undirbúningur er í fullum gangi fyrir næstu Airwaves-hátíð sem verður haldin í haust eins og undanfarin ár. Að sögn Þorsteins Stephensen hjá Hr. Örlygi eru þrjátíu umsóknir komnar frá ýmsum hljómsveitum um að spila á hátíðinni. „Við ætlum að sjá hvað kemur best út. Við erum með mörg spennandi mál á borðinu," segir hann.

Óvenju mikið af ballöðum

Búið er að draga saman lönd í undanþætti Euro­vision í ár og verður Ísland á fyrra kvöldinu. Jóhanna Guðrún syngur Is It True að kvöldi þriðjudagsins 12. maí í Ólympísku íþróttahöllinni í Moskvu. Friðrik og Regína kepptu á fimmtudagskvöldi í fyrra. Átján flytjendur keppa við Jóhönnu Guðrúnu, en tíu efstu lögin komast í úrslitaþáttinn 16. maí.

Dauðvona Jade giftir sig

Hin tuttugu og sjö ára Jade Goody sem greindist með banvænt krabbamein fyrir stutt er búinn að giftast unnusta sínum Jack Tweed. Saga Jade hefur vakið gríðarlega mikil viðbrögð í Bretlandi og víðar en hún varð fræg í þættinum Big Brother sem er sýndur á Stöð 4 í bresku sjónvarpi.

Lifðu þig inn í flutninginn og meinaðu það!

„Heyrðu ég er ég soddan Idol-nörd og fylgist vel með því auk þess sem vinkona mín er að keppa núna svo ég er enn áhugasamari," svarar Thelma Hafþórsdóttir söngkona sem var ein af keppendum í sjónvarpsþættinum Bandið hans Bubba. „Ég horfi keppnina allt öðrum augum nú heldur en fyrir Bandið hans Bubba. Eftir að hafa tekið þátt í þessu sjálf þá finnst mér ég fyrirgefa falskar nótur og fleira betur hjá keppendum því ég veit hvernig það er að vera stressuð og vera kannski ekki með rétta lagið," segir Thelma.

Rukka 55 milljónir fyrir síðustu auglýsinguna í Bráðavaktinni

Síðasti þáttur Bráðavaktarinnar verður sýndur annan apríl næstkomandi í Bandaríkjunum. Þetta verður heilmikil sýning og munu margir. Fleiri þættir verða ekki sýndir og sá síðasti verður tveggja klukkustunda langur. Í þættinum koma fram margar gamlar stjörnur, meðal annars George Clooney og Noah Wyle. NBC sem sýnir þættina vestra biðja ekki um neina smáaura fyrir auglýsingar í þættinum. Búist er við mjög góðu áhorfi og ætla stjórnendur sjónvarpsstöðvarinnar að rukka næstum hálfa milljón bandaríkjadala, eða 55 milljónir króna, fyrir 30 sekúndna auglýsingu.

Paris Hilton rappar - myndband

Paris Hilton vekur athygli hvert sem hún fer. Í þetta skipti rappar hún með Snoop Dogg í sjónvarpsþætti síðarnefnda sem sýndur er á sjónvarpsstöðinni MTV og ber heitið Dogg After Dark. Í meðfylgjandi myndbandi er Paris fyrir aftan barborðið.

Maraþon-sýning á Rétti í kvöld

Í kvöld á Stöð 2 EXTRA verður boðið uppá maraþon-sýningu á RÉTTI. Þá verða sýndir í einni beit þættir 1-5 sem sýndir hafa verið á Stöð 2 við miklar vinsældir síðustu sunnudagskvöld.

Ljótar peysur í Latabæ - myndir

Það má segja að starfsmenn Latabæjar klæðist tískuslysum síðustu áratuga á hinum árlega ljótupeysudegi sem haldinn er í fyrirtækinu í dag. Þar sem Latibær er líka með skrifstofur í Bretlandi og Bandaríkjunum er keppnin alþjóðleg.

Slumdog Millionaire-stjörnur dansa - myndband

Stjörnurnar í kvikmyndinni Slumdog Millionaire, Dev Patel, 18 ára, og Freida Pinto, 24 ára, sýndu Tyru Banks í spjallþættinum hennar danssporin sem þau taka í lok myndarinnar. Meðfylgjandi er linkur á danskennsluna. Í myndaalbúminu má sjá þegar Tyra yfirheyrir Dev í anda Viltu vinna milljón.

Sölvi í loftið á Skjá einum

Sjónvarpsmaðurinn Sölvi Tryggvason byrjar með nýjan þátt á Skjá einum á laugardaginn. Þátturinn sem ber heitið Spjallið með Sölva verður klukkustíma langur og verður bæði á léttu nótunum og þeim alvarlegri að sögn Sölva. „Það fer bara allt eftir viðmælendunum.“ Fyrstu gestir þáttarins verða Guðni Ágústsson, Þorgerður Katrín Gunnarsdóttir og Jóhannes Kristjánsson eftirherma.

Ingó er algjört sjarmatröll - myndir

„Það var mjög þægilegt að vinna með Ingó enda er hann mjög afslöppuð týpa og er ekkert að stressa sig á hlutunum," segir Jóhanna.

Athafnamenn opna nýjan vínbar

Garðar Kjartansson veitingamaður, oft kenndur við NASA og Apotekið hefur ásamt Andrési Pétri og Sveini Eyland fest kaup á rekstri veitingarstaðarins að Pósthússtræti 13, áður Red Chilli, sem er staðsett við hlið Hótel Borg. Athafnamennirnir þrír stefna að því að opna glæsilegan vínbar með léttum réttum aðra helgi fyrir hinn svokallaða 30 + hópinn, en það er fólk sem komið er á fertugsaldurinn.

Í háloftunum á konudaginn

Sigríður Klingenberg flýgur á konudaginn til London í þeim tilgangi að gefa farþegum Iceland Express töfrasteina. „Ég flýg með Iceland Express til London á konudaginn þar sem ég gef íslenska steina sem ég er sérstaklega búin að blessa af gamalli hefð með þremur tegundum af jurtum." „Þá nota ég blóðberg og fjallagrös sem hafa mikinn mátt því þau lifa svo vel af allt. Þau hafa alveg svaðalegan lífskraft," segir Sigríður Klingenberg aðspurð hvaða steina hún mun gefa farþegum.

Íslensku tónlistarverðlaunin: Sigur Rós höfundar ársins

Hljómsveitin Sigur Rós hlaut fyrir stundu nafnbótina höfundur ársins á íslensku tónlistarverðlaunum sem fara fram í beinni útsendingu á Rúv. Það var hljómsveitin dr. Spock sem hóf kvöldið en Valgeir Guðjónsson er kynnir.

Api hrækir á Gillzenegger - myndband

Meðfylgjandi má sjá myndskeið sem tekið var í Portúgal af Agli Einarssyni, sem kallar sig Störe eða Gillzenegger. Egill var staddur á pókermóti með íslenska pókerlandsliðinu og í dýragarði eins og myndbandið sýnir. „Landsliðið var óheppið og datt út," segir Egill meðal annars. Á myndbandinu má greinilega sjá þegar apaungi hrækir á Gillzenegger.

Friðrika fersk í sjónvarpið á ný

„Léttir réttir Rikku" nefnist spennandi nýjung sem verður á dagskrá í sjónvarpsþættinum Íslandi í dag á hverjum miðvikudegi. Vísir hafði samband við matgæðinginn Friðriku Geirsdóttur sem mun matreiða ljúffenga rétti í eldhúsinu á heimili sínu fyrir áhorfendur Stöðvar 2 á auðveldan máta. „Ég ætla að vera með innslög þar sem ég ætla að elda spennandi og bragðgóða rétti alltaf á miðvikudögum," svarar Friðrika aðspurð út í matseðil kvöldsins.

Undirbýr sig fyrir Playboy-tökuna

„Það gengur mjög vel. Ég er að fara í töku hjá ljósmyndara sem heitir Toni Miret," svarar Ornella Thelmudóttir fyrirsæta sem er stödd í Barcelóna þegar Vísir spyr hana frétta. „Hann hefur myndað fyrir Gucci, Aramani, Nina Ricci og unnið með Elite skrifstofunni í einhvern tíma. Hann er ljósmyndari og fatahönnuður." „Það er fátt betra en að geta setið fyrir hjá svona stórum manni þegar maður er módel," segir Ornella. „Allavega þá gengur allt mjög vel miðað við að ég er nánast nýkomin út."

Jóhanna Guðrún var óróleg sem barn - myndband

„Hún hefur alltaf verið voða glöð og gaman að vera í kringum hana, segir móðir Jóhönnu, Margrét Steindórsdóttir, sem huggaði dóttur sína þegar hún var óróleg sem barn með því að syngja fyrir hana. „Svolítið frek," segir bróðir hennar Steindór Arnar Jónsson þegar hann lýsir systur sinni í meðfylgjandi viðtali í Ísland í dag.

Rúmlega þúsund vilja náða Birgi Pál

Rúmlega þúsund manns hafa skráð sig á Facebooksíðu til stuðnings Birgi Páli sem dæmdur var í sjö ára fangelsi í Færeyjum. Mál Birgis Páls hefur töluvert verið í umræðunni upp á síðkastið og í viðtali við Kastljósið í síðustu viku sagðist Birgir ætla að fara fram á náðun en hann afplánar nú dóm sinn á Litla Hrauni.

María minnist Rúnars - myndband

María Baldursdóttir var með tónlistarmanninum Rúnari Júlíussyni sem lést í lok síðasta árs í 46 ár en var gift honum í 2 ár. „Ég var viss að hann myndi ekki ná sér í aðra gellu," segir María meðal annars í einlægu viðtali við Ísland í dag. María stefnir að því að halda minningartónleika um Rúnar heitinn á afmælisdaginn hans 13. apríl næstkomandi.

Síðasti sjéns að kjósa uppáhaldið

Íslensku tónlistarverðlaunin verða afhent í 15. skipti við hátíðlega athöfn í sjónvarpssal Ríkissjónvarpsins á morgun, miðvikudag. Lesendum Vísis gefst kostur á að tilnefna sinn uppáhalds flytjanda í kosningu sem hefur staðið yfir síðan í desember 2008. Vinsælasti flytjandinn að mati lesenda Vísis verður verðlaunaður annaðkvöld og fær nafnbótina „Vinsælasti flytjandinn að mati almennings“. Kjóstu hér.

Mun ekki endast ævina til að biðja alla afsökunar

Annþór Kristján Karlsson er þrjátíu og þriggja ára gamall og segist vera með meistarapróf í glæpum. Hann afplánar nú dóm fyrir fíkniefnainnflutning á Litla-Hrauni en segist breyttur maður. Hann lærir spænsku og ætlar að flytja til Spánar að afplánun lokinni. Annþór segist ekki endast ævin til þess að biðja alla þá sem hann hafi brotið á afsökunar en hann var í viðtali við Ísland í dag í kvöld.

Íslendingar gera góðverk!

Segja má að átakið Góðverk dagsins fari vel af stað. Um er að ræða átak sem er í gangi alla vikuna og endar á Góðverkadeginum á föstudag. Benjamín Axel Árnason verkefnastjóri er ánægður með undirtektirnar en með átakinu er verið að útvíkka aldagamla hefð skáta um að gera eitt góðverk á dag. Hann segir mörg fyrirtæki hafa tekið þátt í átakinu en sjá má fjöldann allan af góðverkum inn á heimasíðu átaksins.

Baksviðs á Júróvisjón - myndir

Eins og meðfylgjandi myndir sýna var mikið um að vera hjá keppendum, þáttastjórnendum og lagahöfundum baksviðs í RUV í Efstaleiti á laugardagskvöldið þar sem úrslitakeppni um Júróvisjónframlag Íslendinga í ár. Á meðfylgjandi myndum, sem Íris Guðmundsdóttir tók má meðal annars sjá Evu Maríu Jónsdóttiur, Ragnhildi Steinunni Jónsdóttur, Pál Óskar Hjálmtýsson, Edgar Smára Atlason, Kaju Halldórsdóttur, Guðbjörgu Magnúsdóttur, Hannes Friðbjarnason, Friðrik Ómar og fleiri

Skuggalega líkt Undir Regnbogann - myndband

Myndbandið Scared of Height í flutningi norska söngvarans Espen Lind fer um internet landsmanna eins og eldur í sinu sökum þess hve lag Hallgríms Óskarssonar, Undir regnbogann, í flutningu Ingólfs Þórarinsssonar er nauðalíkt norska laginu, bæði í framsetningu og svo eru hljóðfærin sem notuð eru þau sömu. Meðfylgjandi má sjá og heyra norska lagið hér og hér.

Jóhanna Guðrún: Komin með nóg af stílistum

Jóhanna Guðrún Jónsdóttir söng sig inn í hjörtu Íslendinga þegar hún for með sigur af hólmi í símakosningu í úrslitakeppni Júróvisjón um helgina með Lagið Is it true eftir Óskar Pál Sveinsson. „Takk fyrir það," svarar Jóhanna Guðrún þegar Vísir óskar henni til hamingju með sigurinn. Áttirðu von á því að sigra? „Nei alls ekki en ég leyfði mér að vona það. Einhvern veginn þorði maður ekki að búast við að vinna." Aðspurð út í kjólana sem hún klæddist í keppninni og andlitsförðunina segir Jóhanna: „Elín Reynisdóttir farðaði mig i fyrsta þættinum og Fríða María á laugardaginn."

Leita að dönsurum

Hljómsveitin Dynamo Fog leitar nú logandi ljósi að framtíðardönsurum til að stíga þokkafullan dans á tónleikum sínum. „Frá því að við byrjuðum að koma fram síðasta haust höfum við verið með dansara með okkur á tónleikum og núna vantar okkur nýja dansara,“ segir bassaleikarinn Axel Árnason.

Handsnyrting og brúnkumeðferð eru á undanhaldi

„Ég hugsa að þetta sé tíma­bundin minnkun í aðsókn í handsnyrtingu, þetta kemur aftur. Konu sem fer í handsnyrtingu líður svo miklu betur með sjálfa sig,“ segir Heiðar Jónsson snyrtir. Samkvæmt lauslegri könnun Fréttablaðsins virðist sem aðsókn í handsnyrtingu og brúnkumeðferð hafi minnkað eftir hrun bankanna. Þær upplýsingar fengust hjá snyrtistofunum Laugum Spa, Helenu fögru, Snyrtistofu Ágústu og Nordica spa að konur létu lengra líða á milli vinsælustu meðferðanna, svo sem augnabrúnaplokkunar og fótleggjavax, og dýr andlitsböð og lúxusmeðferðir eru ekki eins vinsæl og áður. Ekki hefði viðskiptavinum fækkað sem vildu vaxmeðferð á fótleggi og plokka augabrúnir heldur reyndu konur að bíða lengur en áður með vaxið. Færri kæmu hins vegar og vildu láta sprauta líkamann í brúnum tónum eða láta setja á sig gervi­neglur.

Nú vilja allir Íslendingar elda sjálfir

„Já, þetta er merkilega mikið. Bara í janúar og til 12. febrúar eru seldar 2.383 matreiðslubækur. Af fimmtán mest seldu bókum almenna listans eru sex matreiðslubækur," segir Bryndís Loftsdóttir, vörustjóri íslenskra bóka hjá Pennanum. Sé samband milli sölu matreiðslubóka og hve miklum tíma þjóðin eyðir í eldhúsinu heima hjá sér virðist sem landinn dvelji þar bróðurpart úr degi þessar vikurnar. Annað en í góðærinu þegar margir vildu borða eins oft úti og hægt var. „Aukningin er 54 prósent, frá því í desember, í sölu á matreiðslubókum. Silfurskeiðin, bók Nönnu Rögnvaldardóttur, trónir efst og Eldað í dagsins önn eftir Stefaníu Valdísi Stefánsdóttur kemur sterk inn. Það er svo líka kannski að sýna þankaganginn sem er í gangi að bókin Lærum að baka brauð er í öðru sæti listans," segir Bryndís.

Biðlisti á sýningu Kynjakatta

„Áhuginn virðist vera aukast. Við höfum aldrei haft svona marga ketti skráða á sýninguna,“ segir Ása Björg Ásgeirsdóttir, sýningarstjóri á kattasýningu Kynjakatta. Fullt er orðið á sýninguna sem haldin verður helgina 14.-15. mars. Alls hafa 120 kettir verið skráðir til leiks nú þegar, sem er óvenjulega snemma.

Allan sóma stunda ber

Frumsýning á sviðsetningu Selmu Björnsdóttur á Kardemommubænum er á laugardag. Nær uppselt er á fjörutíu sýningar og verður þetta vinsæla verk Torbjörns Egner sýnt fyrir fullu húsi allt þar til leikarar Þjóðleikhússins fara í sumarleyfi. Uppselt er á þrjár forsýningar í þessari viku og nýttu margir sér tilboð Þjóðleikhússins til atvinnulausra en stofnunin hefur nú gefið út svokölluð samstöðukort sem veita atvinnulausum kost á ókeypis aðgangi að sýningum Þjóðleikhússins. Kristrún Heiða Hauksdóttir segir kortin hafa flogið út og hafi móttökur verið afar góðar. Margir úr hópi þeira sem misst hafa vinnu nýttu sér tilboð á forsýningar á Kardemommubænum.

Perúsk mynd vann Gullbjörnin

Kvikmynd perúska leikstjórans Claudia Llosa hlaut Gullbjörninn á kvikmyndahátíðinni í Berlín í gær. Myndin - La Teta Asustada - segir frá konum sem þurftu þola misnotkun á tímum harðstjórnarinnar í Perú.

Ragnheiður bæjarlistamaður Seltjarnarness

Ragnheiður Steindórsdóttir, leikkona, var útnefnd bæjarlistamaður Seltjarnarness fyrir árið 2009 við hátíðlega athöfn sem haldin var á bókasafni bæjarins. Ragnheiður sagðist vera bæði þakklát og snortin og taka við viðurkenningunni með miklu stolti. Hún gladdi síðan gesti með stuttu atriði úr ,,Sem yður þóknast” eftir Shakespeare í þýðingu Helga Hálfdanarsonar og upplestri úr ,,Brekkukotsannál” eftir Halldór Laxness. Þá söng hún ásamt Felixi Bergsyni nokkur lög eftir bræðurna Jónas og Jón Múla Árnasyni við undirleik Jóhanns G. Jóhannssonar.

Jón Ásgeir selur lúxusíbúð í New York

Jón Ásgeir Jóhannesson, stjórnarformaður Baugs, og eiginkona hans Ingibjörg Pálmadóttir hafa ákveðið setja lúxusíbúð þeirra á Manhattan í New York á sölu. Þau vilja frá 25 milljónir dollara eða 3 milljarða króna fyrir íbúðina, samkvæmt The New York Times.

Kevin Costner pabbi í fimmta sinn

Leikarinn Kevin Costner, 54 ára, og eiginkona hans Christine Baumqartner, 34 ára, eignuðust sitt annað barn, dreng, sem nefndur hefur verið Hayes Logan Costner. Fyrir eiga þau 21 mánaða gamlan son, Cayeden Costner. Kevin er fimm barna faðir en hann eignaðist þrjú börn í fyrra hjónabandi.

Gefur ókunnu barni brjóst - myndband

Leikkonan Salma Hayek, 42 ára, sem er enn með eins árs dóttur sína á brjósti, var stödd í Afríku á dögunum. Í meðfylgjandi fréttaskeiði abc News má sjá Sölmu gefa veikum vikugömlum afrískum dreng mjólk úr brjóstum sínum til að vekja athygli á því að gott er að gefa. „Ég velti því fyrir mér hvort ég væri að svíkja dóttur mína með því að gefa öðru barni mjólk," segir Selma meðal annars sjónvarpsviðtalinu sem sjá mér hér.

Þegar ég dett í froðudiskóið verð ég kolvitlaus

„Ég er bara staddur á kasinóinu núna, var að klára nudd og sánuna og er að róa mig aðeins niður fyrir mótið. Það er mjög mikilvægt að vera afslappaður, svarar Egill Einarsson, betur þekktur sem Gillzenegger, sem er staddur í Lissabon ásamt Audda þar sem þeir keppa fyrir Íslands hönd á pókermóti. „Landsliðið hittist áðan yfir hádegismat þar sem farið yfir allt fyrir mótið sem stendur yfir í þrjá daga," segir Egill.