Villikettir og Sumarást

2112 - Kúltúr Kompaní gaf nýverið út tvo vandaða geisladiska. Annars vegar 100% sumarást, safnplötu með lögum um ástina og lífið og hins vegar Villikettina, barnaplötu fyrir alla aldurshópa með vísum Davíðs Þórs Jónssonar.

Pönduungi á stærð við smjörstykki

Þrettán ára gömul risapanda í dýragarði í San Diego eignaðist í gær unga. Litla pandan var ekki nema um hundrað og tíu grömm þegar hún kom í heiminn og á stærð við smjörstykki.

Sony skáldaði kvikmyndagagnrýnanda

Kvikmyndafyrirtækið Sony hefur verið dæmt í tæplega hundrað milljóna króna sekt fyrir að blekkja almenning. Markaðsdeild Sony bjó til kvikmyndagagnrýnandann David Manning og vitnaði í hann í gríð og erg þegar kvikmyndir fyrirtækisins voru auglýstar.

Sverð Loga selt fyrir 13 milljónir

Geislasverð úr fyrstu Starwars-myndinni hefur verið selt fyrir þrettán milljónir króna. Það var leikarinn Mark Hamill, eða sjálfur Logi geimgengill, sem bar þetta sverð í myndinni.

Haltur leiðir blindan á leiðarenda

Íslandsgöngu „hins halta“ og „hins blinda“, með yfirskriftinni „Haltur leiðir blindan“, lýkur á morgun á Ingólfstorgi. Þar verða m.a. flutt ávörp og sýnd skemmtiatriði.

Villt kýr skotin í misgripum

Mjólkurkýr eru ekki þekktar af því að ganga villtar í skógum, en það gerði þó svartbröndótta mjóllkurkýrin hans Ole Pedersen, bónda í Danmörku, í þrjá mánuði. Ole Pedersen býr í grennd við bæinn Ry, á Jótlandi.

Trjábukkur gerir sig heimakominn

Það ráku nokkrir upp skaðræðisóp þegar trjábukkur gerði sig heimakominn í eldhúsglugga í húsi einu í Mosfellsbæ.

Sex barna móðir vann lottópottinn

Helsta áhyggjuefni hinnar 45 ára gömlu Dolores McNamara í síðustu viku var hvernig hún ætti að hafa ráð á skólaeinkennisbúningum fyrir börnin sín í haust. Á föstudaginn keypti hún miða í Evrópulottóinu fyrir 200 krónur íslenskar og nokkrum klukkustundum síðar var hún orðin níu milljörðum króna ríkari þegar hún vann stærsta lottóvinning í sögu Evrópu.

7000 gestir á Landsmótinu í Vík

Um sjö þúsund gestir eru á Landsmóti Ungmennafélags Íslands sem haldið er í Vík í Mýrdal. Rúmlega eitt þúsund keppendur taka þátt í mótinu. Veðrið hefur svo sannarlega leikið við Landsmótsgesti um helgina og hefur öll aðstaða til íþróttaiðkunar verið með besta móti.

Hinir upprunalegu Stuðmenn

Ein lífseigasta hljómsveit Íslandssögunnar, Stuðmenn, kom saman á laugardagskvöldið í sinni upprunalegu mynd í Húsdýragarðinum. Þessi útgáfa Stuðmanna kom fram innan veggja Menntaskólans við Hamrahlíð árið 1970 en sveitina skipuðu þá Gylfi Kristinsson, Ragnar Daníelsson, Valgeir Guðjónsson og Jakob Frímann Magnússon.

Hátíðarhöld fóru vel fram

Hátíðarhöld fóru að mestu leyti vel fram á öllum útihátíðum landsins í gærkvöldi og nótt. Engin nauðgunarmál höfðu verið tilkynnt til lögreglu í morgun.

Vann 8,8 milljarða í lottói

Einn hamingjusamasti maður Evrópu þessa stundina er að öllum líkindum Írinn sem í gær vann stærsta lottóvinning í sögu Evrópu. Fyrsti vinningur í útdrætti gærkvöldsins var að andvirði 8,8 milljarðar íslenskra króna.

Frumtextinn seldur á 70 milljónir

Blað sem John Lennon skrifaði textann að laginu „All you need is love“ á var í fyrradag selt á tæpar 70 milljónir króna á uppboði í London. Þetta lag náði heimsfrægð í einu vetfangi árið 1967 þegar Bítlarnir fluttu það í breska sjónvarpinu fyrir framan fjölda áhorfenda, þeirra á meðal Mick Jagger, söngvara Rolling Stones.

Um 9000 manns í Eyjum

Hátíðarhöld þessa verslunarmannahelgi virðast að mestu leyti fara vel fram um allt land. Að sögn mótshaldara Þjóðhátíðar hefur fólksstraumurinn til Eyja haldið áfram í dag, bæði með flugi og Herjólfi. Í Herjólfsdal eru nú um níu þúsund manns og hið fínasta veður fyrir utan smá súld. 

Töluvert af fólki í Kringlunni

Um fimmtán þúsund manns komu á laugardeginum um síðustu verslunarmannahelgi í Kringluna en allar verslanir þar voru opnar í dag. Þar var töluvert af fólki og verslunarmenn almennt sáttir við að vera að vinna.

Hundar orðnir stöðutákn í Kína

Nýríkum Kínverjum fjölgar ört og eitt stöðutáknið er gæludýr - ekki síst hundar. Þeir lenda ekki lengur á matardiskum heldur er þeim hampað eins og spilltum börnum. Það er til dæmis vinsælt að kaupa rándýra hundagalla fyrir smáhunda.

Bíla- og flugumferð gengur vel

Búist er við að umferð frá höfuðborgarsvæðinu fari að þyngjast upp úr hádeginu en margir lögðu land undir fót síðdegis í gær. Ekki er vitað um slys eða teljandi óhöpp í umferðinni. Þá gengur innanlandsflug vel til allra áfangastaða og ætla flugfélögin að fljúga fjölmargar ferðir til Vestmannaeyja í dag.

Brjóstahöld helsta aðdráttaraflið

Girðing með mörg hundruð brjóstahöldurum er orðin eitt helsta aðdráttaraflið í nágrenni bæjarins Wanaka á Nýja-Sjálandi. Brjóstahaldararnir á girðingunni hjá sauðfjárbóndanum John Lee, sem býr rétt utan við bæinn, skipta nú hundruðum. En það byrjaði smátt.

Flestir á leið til Eyja

Landsmenn eru margir hverjir á ferðalagi þessa stundina, enda verslunarmannahelgin fram undan. Svo virðist sem umferðaþunginn sé mestur á leiðinni á milli Reykjavíkur og höfuðstaðar Norðurlands en að vanda má telja að fjölmennasta útihátíðin verði í Eyjum.

Gáttaður á áhuga Íslendinga

"Ég er alveg gáttaður á þessum áhuga Íslendinga á verkum mínum," segir færeyski myndlistarmaðurinn Hilmar Hoøgaard en hann hélt myndlistarsýningu í Eden í Hveragerði í síðasta mánuði.</font />

Sólarstemming í höfuðborginni

Enn einn sólardagurinn var í höfuðborginni í dag. Reykvíkingar tóku daginn snemma og skelltu sér niður í bæ, á ylströndina og annað þar sem sólin skein sínu bjartasta.

Flughátíð í Fljótshlíð um helgina

Hin árlega flugkoma Flugmálafélags Íslands verður í Múlakoti í Fljótshlíð um Verslunarmannahelgina. Flugkoman er ætluð öllum flugáhugamönnum og fjölskyldum þeirra og hefur verið árlegur viðburður síðasta 21 árið.

Uppselt í Herjólf

Allt stefnir í heljarhátíð í Eyjum um næstu helgi. Uppselt er í ferðir Herjólfs og hefur einni næturferð verið bætt við og flugsætum til Eyja fer fækkandi.

Flækingshundar fyrir kattarnef

<em>Hundalíf </em>er án efa meðal þekktustu Disney-mynda allra tíma og oftar en ekki leika hundar mikilvæg hlutverk í Disney-myndum. Þeim er hins vegar ekki ætlað neitt hlutverk í nýja Disney-garðinum í Hong Kong, þvert á móti. Stjórnendur garðsins báðu yfirvöld í borginni að safna saman flækingshundum í og við garðinn og koma þeim fyrir kattarnef.

Kettir finna ekki sætt bragð

Bandarískar og breskar rannsóknir hafa sýnt fram á að kettir finna ekki sætt bragð. Kettir geta því vel verið sólgnir í ísinn en sæta bragðið er ekki það sem heillar þá því sá hluti bragðlauka þeirra sem greinir sætu er frábrugðinn sama hluta bragðlauka annarra spendýra.

Landsmóti skáta lýkur í kvöld

25. landsmóti skáta lýkur í kvöld með lokavarðeldi klukkan hálfníu en mótið hefur staðið yfir í rúma viku. Landsmótið er haldið á þriggja ára fresti og var í þetta sinn haldið á Úlfljótsvatni.

Ungfrú hjólastóll krýnd

Nýjasta fegurðardrottning Bandaríkjanna var krýnd um helgina. Það var Kristin Connors sem hlaut titilinn „Ungfrú hjólastóll“. Keppt var um þennan titil þrítugasta og þriðja árið í röð en keppninni er ætlað að vekja athygli á málstað þeirra sem nota hjólastóla eða göngugrindur.

Frjósamir fuglar á Kumbaravogi

Það er mikil frjósemi á dvalar- og hjúkrunarheimilinu Kumbaravogi á Stokkseyri. Fagrir fagurgalar fjölga sér ört hjá heimilisfólkinu og vekja jafnan mikla lukku.

Skógarkattasýning

Félagar í Skógarkattaklúbbi Íslands sýndu ketti sína í Fjölskyldu- og húsdýragarðinum í dag. Sá þyngsti vegur 6 kíló.

Jóladagtal á sumri

Nú er að ljúka tökum á jóldagatali Stöðvar 2. Galdrabókin heitir ævintýrið sem Stöð 2 mun sýna í desember og er eftir Ingu Lísu Middleton, leikstjóra og Margréti Örnólfsdóttur sem jafnframt sér um tónlist leikritsins.

Veiðisafnið á Stokkseyri

Veiðisafnið á Stokkseyri hefur vakið mikla lukku og leyfir meðal annars blindum að finna hvernig gíraffi og fleiri erlend sem íslensk dýr líta út. Á safninu eru yfir 80 uppstoppuð dýr; sebrahestur og antilópur frá Suður-Afríku, sauðnaut frá Grænlandi, hreindýr af Austurlandi og margar aðrar tegundir.

Arna Schram formaður BÍ

Arna Schram blaðamaður á Morgunblaðinu tók við formennsku í Blaðamannafélagi Íslands á stjórnarfundi í dag eftir að Róbert Marshall hafði sagt af sér formennsku í félaginu  vegna nýs starfs sem hann hefur tekið við hjá 365 miðlum. Stjórn BÍ féllst á afsögn Róberts og þakkaði honum vel unnin störf í þágu félagsins. Arna Schram hefur verið varaformaður BÍ síðastliðin rúm tvö ár.

Leitað að Idol-stjórnmálastjörnu

Raunveruleikasjónvarpsæðið tekur engan endi í Bandaríkjunum og nú er hugmyndin að finna næstu vonarstjörnu í stjórnmálum. Fyrir dyrum stendur átta þátta sería þar sem íhaldssamir og frjálslyndir ungpólitíkusar verða látnir leiða saman hesta sína í ýmsum þrautum sem eiga að sýna fram á hæfni á stjórnmálasviðinu.

Jackson að flytja til Berlínar?

„Ich bin ein Berliner“ er líkast til ein frægasta setning stjórnmálasögunnar á síðustu öld og bráðum getur poppgoðið undarlega, Michael Jackson, mælt hana af vörum með sannfæringu. Þýska götublaðið <em>Bild</em> greinir frá því á forsíðu í dag að Jackson ætli að flytja til Berlínar.

Stríðstól streyma til Íslands

Stríðstól sem notuð verða í stórmyndinni <em>Flags of our Fathers</em> eru farin að streyma til Reykjanesbæjar. Undanfarna daga hafa flutningabílar komið með forngripi frá síðari heimsstyrjöldinni og hefur þeim verið raðað upp við „Hollywood-skemmuna“ eins og ramma-húsið á Fitjum er nú kallað.

Grohl fallinn fyrir brennivíninu

Dave Grohl, söngvari hljómsveitarinnar Foo Fighters, er fallinn fyrir brennivíninu - þ.e.a.s., íslensku brennivíni. Á vefsíðunni Contactmusic.com er greint frá því að Grohl og félögum hans í hljómsveitinni finnist brennivín svo gott að Grohl vilji gerast umboðsmaður þess í Bandaríkjunum.

Krákan kvað Nixon ómögulegan

Flestir Íslendingar hafa einhvern tíma komið til Eden í Hveragerði. Reyndar eru erlendu ferðamennirnir einnig ófáir sem leggja leið sína þangað en það virðist vera hefð fyrir því hjá rútubílstjórum að koma við í Eden á ferðum sínum um Suðurland.

Syntu yfir Hvalfjörð með kyndil

Sannkölluð heljarmenni komu rauð og misspræk upp úr sjónum við Eyrarnar í Hvalfirði í dag eftir að hafa synt yfir í ólgusjó. Sundið var hluti af Vináttuhlaupinu svokallaða sem á að minna fólk á vináttu og samkennd.

Enginn viðbúnaður vegna komu Snoop

Listamaðurinn umdeildi Snoop Dogg kemur til landsins í dag með fríðu föruneyti og heldur tónleika í Egilshöll í kvöld. Enginn sérstakur viðbúnaður verður hjá tollgæslunni á Reykjavíkuflugvelli þegar hann kemur, þrátt fyrir orðspor kappans um hassneyslu.  

HM í sveskjusteinaspýtingum

Franskir dagar hefjst á Fáskrúðsfirði inan fárra daga. Markmið daganna er að minnast fiskimanna frá Frakklandi og sjósóknar þeirra hér við land en helsta bækistöð þeirra var á Fáskrúðsfirði. Meðal þess sem fram fer á hátíðinni er Íslandsmeistaramót í Pétanque og heimsmeistaramót í sveskjusteinaspýtingum.

Tíu milljónir eintaka komnar út

Milljónir aðdáenda Harrys Potter víðs vegar um heiminn biðu spenntir þegar nýjast bókin, <em>Harry Potter and the Half-Blood Prince</em>, var gefin út á miðnætti í gær. Búið er að gefa út um 10 milljónir eintaka. 

Umsagnir um Potter birtast strax

Þrátt fyrir að nýjasta Harry Potter bókin hafi ekki komið í bókabúðir fyrr en á miðnætti í gær að íslenskum tíma eru þegar farnir að birtast umsagnir um hana á Netinu. Þó verður ekki sagt að bókin sé lítil að vöxtum því hún telur 607 blaðsíður.

Leiktæki fyrir ofurhuga

Alvöru ofurhugar létu rigningu ekki aftra sér frá því að mæta í Adrenalíngarðinn á Nesjavöllum sem opnaður var í dag.

Latibær sýndur á aðal sýningartíma

Latibær verður sýndur á aðal sýningartíma, klukkan átta, á sjónvarpsstöðinni Nick Junior í Bandaríkjunum þann 15. ágúst næstkomandi. Þá verður einnig kynnt til sögunnar Sparta Stephanie en ekki hefur verið ákveðið hvort hún verði til frambúðar. Aðeins er þó um einn þátt að ræða sem sýndur verður á þessum tíma.

Hringferð Eggerts að ljúka

Hringferð Eggerts Skúlasonar, fyrrverandi fréttamanns á Stöð 2, lýkur í kvöld þegar hann hjólar inn í beina útsendingu Íslands í dag.  Eggert lagði af stað þann 27. júní og hefur nú hjólað um 1400 kílómetra. Eggert lagði í hringferðina til styrktar Hjartaheillum og samkvæmt nýjustu tölum hafa safnast á bilinu 6-7 milljónir króna.