Heiðar tryggði QPR sigur á Chelsea - öll úrslitin í enska í dag

Heiðar Helguson tryggði nýliðum Queens Park Rangers óvæntan 1-0 sigur á Chelsea í síðasta leik dagsins í ensku úrvalsdeildinni. Heiðar skoraði eina mark leiksins úr víti sem hann fékk sjálfur á 10. mínútu en annars var þetta ótrúlegur knattspyrnuleikur þar sem Chelsea-liðið faldi það mjög vel að vera níu á móti ellefu í 49 mínútur.

Villas-Boas: Chelsea-starfið erfiðara í dag en þegar Mourinho var hér

Andre Villas-Boas, stjóri Chelsea, telur að baráttan um enska meistaratitilinn hafi ekki verið jafnari í mörg ár. Hann er jafnframt á því að Chelsea-starfið sé erfiðara í dag en þegar Jose Mourinho sat í stjórastólnum fyrir nokkrum árum.

Tottenham fór upp fyrir Liverpool - Van der Vaart með tvö mörk

Hollendingurinn Rafael van der Vaart skoraði bæði mörk Tottenham í 2-1 útisigri á Blackburn í ensku úrvalsdeildinni í dag en Tottenham fór upp fyrir Liverpool og í 5. sætið með þessum sigri sem var sá fimmti hjá liðinu í síðustu sex deildarleikjum. Blackburn er aftur á móti í botnsætinu enda aðeins búið að ná í eitt stig út úr síðustu fjórum leikjum.

Everton með tvö í uppbótartíma í útisigri á Fulham - úrslit dagsins

Everton vann 3-1 sigur á Fulham í ensku úrvalsdeildinni í dag en tvö síðustu mörk Everton-manna komu í uppbótartíma leiksins. Everton endaði með þessum sigri þriggja leikja taphrinu og komst upp í 12. sæti deildarinnar en Fulham er aðeins einu stigi frá fallsæti.

Rooney og Welbeck í framlínu United - Evans valinn frekar en Vidic

Sir Alex Ferguson, stjóri Manchester United og Roberto Mancini, stjóri Manchester City, hafa tilkynnt byrjunarliðin sín í Manchester-slagnum sem hefst klukkan 12.30 á Old Trafford en þarna mætast tvö efstu lið ensku úrvalsdeildarinnar.

Man. City fór illa með nágranna sína á Old Trafford - með fimm stiga forskot

Manchester City er komið með fimm stiga forskot á toppi ensku úrvalsdeildarinnar eftir 6-1 stórsigur á nágrönnum sínum í Manchester United. Chelsea getur náð öðru sætinu af United og minnkað forskot City í þrjú stig seinna í dag.

Dalglish: Látið Luis Suarez í friði

Kenny Dalglish, stjóri Liverpool, kom enn á ný til varnar Luis Suarez sem var í sviðsljósinu í 1-1 jafntefli á móti Norwich í ensku úrvalsdeildinni. Í síðustu viku var Suarez ásakaður um kynþóttafordóma en að þessu sinni um leikaraskap.

Mancini: City þarf að læra það af United að vinna þegar liðið á lélegan leik

Roberto Mancini, stjóri Manchester City, segir að liðið sitt verði að læra þá list sem Manchester United hefur fullkomað, að vinna leiki þegar liðið spilar illa. Manchester United tekur á móti Manchester City í toppslag ensku úrvalsdeildarinnar í dag.

Javier Hernandez: Þetta er rosalega stór leikur fyrir alla í Manchester

Javier Hernandez, framherji Manchester United, segir að United vanmeti ekki styrk Manchester City en tvö efstu lið ensku úrvalsdeildarinnar mætast á Old Trafford í dag.

Arsenal vann Stoke - Van Persie sjóðheitur

Arsenal vann góðan sigur, 3-1, á Stoke City í dag en leikurinn fór fram á Emirates-vellinum í London.

Venables valdi 11 manna úrvalslið úr liðum United og City: 6-5 fyrir United

Terry Venables, fyrrum þjálfari enska landsliðsins og stjóri Barcelona og Tottenham, skirfaði pistil í The Sun þar sem hann valdi ellefu manna úrvalslið úr liðum Manchester City og Manchester United. Manchester-liðin mætast einmitt í toppslag ensku úrvalsdeildarinnar á Old Trafford á morgun.

Dalglish: Eitt stig gefur ekki rétta mynd af spilamennskunni

Kenny Dalglish, stjóri Liverpool, þurfti að horfa upp á sína menn fara afar illa með dauðafærin og sjá á eftir tveimur stigum á heimavelli í 1-1 jafntefli á móti nýliðum Norwich á Anfield í ensku úrvalsdeildinni í fótbolta í kvöld.

Grant Holt hjá Norwich: Heppnin var með okkur í liði

Grant Holt og John Ruddy voru mennirnir á bak við stig Norwich á Anfield í kvöld en Liverpool og nýliðarnir gerðu þá 1-1 jafntefli. Holt skoraði jöfnunarmarkið og Ruddy varði hvað eftir annað glæsilega í markinu.

McLeish: Leikmenn kvarta nú vanalega þegar það er stigið ofan á þá

Alex McLeish, stjóri Aston Villa, var að sjálfsögðu mjög óánægður með rauða spjaldið sem Chris Herd fékk á 35. mínútu í 1-2 tapi Aston Villa á móti West Bromwich Albion í ensku úrvalsdeildinni í dag.

Luis Suárez átti 11 skot á móti Norwich en tókst samt ekki að skora

Það var ótrúlegt að Úrúgvæmanninum Luis Suárez hafi ekki tekist að skora í 1-1 jafntefli Liverpool á móti Norwich á Anfield í ensku úrvalsdeildinni í kvöld.

Balotelli kveikti í húsinu sínu - lék sér að skjóta flugeldum út um glugga

Mario Balotelli er enn á ný kominn í vandræði og nú á versta tíma eða aðeins rúmum sólarhring áður en Manchester City mætir nágrönnum sínum í einum mikilvægasta leik tímabilsins í ensku úrvalsdeildinni. Guardian segir frá eldi á heimili hans aðfaranótt laugardags.

Norwich náði í jafntefli á Anfield

Liverpool náði aðeins jafntefli á móti nýliðum Norwich á Anfield í ensku úrvalsdeildinni í kvöld. Craig Bellamy kom Liverpool í 1-0 í uppbótartíma fyrri hálfleiks en Grant Holt jafnaði fyrir Norwich eftir klukkutímaleik. Þessi úrslit eru gríðarlega vonbrigði fyrir Liverpool-liðið en Norwich-menn gátu verið ánægðir með að fara með stig heim.

Bellamy í byrjunarliðinu hjá Liverpool

Craig Bellamy kemur inn í byrjunarliðið hjá Liverpool fyrir leikinn á móti Norwich í kvöldleik ensku úrvalsdeildarinnar í dag. Kenny Dalglish, stjóri Liverpool, gerir tvær breytingar á liðinu sem gerði 1-1 jafntefli við Manchester United.

Aron Einar með tvö mörk í 5-3 sigri Cardiff

Aron Einar Gunnarsson er á skotskónum þessa dagana en hann skoraði tvö mörk í 5-3 sigri Cardiff á Barnsley í ensku b-deildinni í dag.

Newcastle enn á sigurbraut - umdeilt rautt spjald hjálpaði West Brom

Þrír leikir fóru fram í ensku úrvalsdeildinni klukkan tvö og fögnuðu Newcastle, West Brom Albion og Sunderland sigri í sínum leikjum. Fyrr í dag höfðu Wolves og Swansea gert 2-2 jafntefli.

Argentínumaður hetja Leeds í dag

Argentínumaðurinn Luciano Becchio var hetja Leeds í 3-2 útisigri á Peterborough í ensku b-deildinni í dag en með þessum sigri komst Leeds-liðið upp í 3. sæti deildarinnar.

Roy Keane: Nútímafótboltamenn eru alltof aumir

Roy Keane, fyrrum fyrirliði Manchester United og kandídat í stöðu landsliðsþjálfara Íslands, var fenginn í viðtal hjá Daily Mirror til þess að tjá sig um Manchester-slaginn á morgun.

Redknapp vill sjá Bale í Ólympíuliði Breta

Harry Redknapp, stjóri Tottenham, ætlar ekki að koma í veg fyrir að Gareth Bale spili með breska Ólympíuliðinu á leikunum í London næsta sumar þótt að velska knattspyrnusambandið sé ekki hrifð af því að leikmaðurinn verði með.

Sir Alex bannað að tala um Evra-Suarez deiluna

Sir Alex Ferguson, stjóri Manchester United, hefur fengið skýr skilaboð frá enska knattspyrnusambandinu að tjá sig ekki frekar um ásakanir Patrice Evra á hendur Luis Suarez um meinta kynþáttafordóma.

Úlfarnir tryggðu sér stig með tveimur mörkum í blálokin

Wolves náði í langþráð stig með því að skora tvö mörk á síðustu sex mínútunum í 2-2 jafntefli á móti nýliðum Swansea City á Molineux í hádegisleik ensku úrvalsdeildarinnar. Swansea komst í 2-0 í fyrri hálfleik og langt fram eftir leik stefndi í fyrsta útisigur liðsins á tímabilinu.

Wenger: Ólympíuleikarnir eru fyrir frjálsar íþróttir en ekki fótbolta

Arsene Wenger hefur áhyggjur af hlutskipti stjóranna í ensku úrvalsdeildinni næsta haust þegar þeir fá landsliðsmenn sína dauðþreytta til sín eftir erfitt sumar. Enska knattspyrnusambandið hefur gefið grænt ljós á það að leikmenn verði bæði með á Evrópumótinu og á Ólympíuleikunum ef að þeir spili takmarkað á EM.

Manchester City vill meira en eitt stig á Old Trafford

Það er sannkallaður stórleikur á dagskránni í enska boltanum á morgun þegar Manchester-liðin, United og City, mætast á Old Trafford í uppgjöri efstu liða úrvalsdeildarinnar.

Chelsea nálgast Hazard

Það virðist fátt geta komið í veg fyrir að Belginn Eden Hazard gangi í raðir Chelsea frá franska liðinu Lille. Forráðamaður hjá Lille staðfestir að félögin séu nálægt því að ná samkomulagi.

Tevez líklega sektaður um sex vikna laun eða 275 milljónir króna

Það bendir allt til þess að Carlos Tevez verði sektaður um sex vikna laun fyrir að neita að hita upp í Meistaradeildarleik Manchester City á móti Manchester United. Rannsóknarnefnd City fann engin sönnunargögn um að Tevez hafi neitað að spila aðeins að hann hafi neitað að hita upp.

Pearce um Beckham: Er hann ekki orðinn aðeins of gamall fyrir 21 árs liðið

Stuart Pearce, nýráðinn þjálfari Ólympíuliðs Breta, er ekki tilbúinn að útiloka það að Ryan Giggs verði með breska liðinu á Ólympíuleikunum í London á næsta ári. Hann er hinsvegar ekki eins spenntur fyrir David Beckham.

Richards hjá City: Leikmenn United eru svolítið hræddir við okkur

Micah Richards, varnarmaður Manchester City, segir að nágrannar þeirra Manchester United séu hræddir við City-liðið en Manchester-slagurinn fer fram á Old Trafford á sunnudaginn og í boði er efsta sætið í ensku úrvalsdeildinni. City hefur tveggja stiga forskot á topp ensku úrvalsdeildarinnar og hefur unnið 7 af 8 deildarleikjum tímabilsins til þessa.

Mancini: Sir Alex er meistarinn en ég er bara lærlingur ennþá

Roberto Mancini, stjóri Manchester City, viðurkennir að hann geti enn lært mikið af Sir Alex Ferguson, stjóra Manchester United. Manchester-liðin mætast í risaleik í ensku úrvalsdeildinni á sunnudaginn og toppsæti deildarinnar er í boði.

Sir Alex: Leikmenn eiga ekki að keppa bæði á EM og ÓL næsta sumar

Sir Alex Ferguson, stjóri Manchester United, segir það ekki raunhæft fyrir leikmenn að taka bæði þátt í Evrópumótinu og Ólympíuleikunum næsta sumar en Wayne Rooney var orðaður við breska Ólympíuliðið í morgun þar sem að hann verður í banni í þremur leikjum á EM.

Eigandi Liverpool: Algjört bull að við ætlum okkur að leggja niður fallbaráttuna

John Henry, eignandi Liverpool, segir ekkert til í þeim fréttum sem komu út í vikunni að bandarísku eigendurnir í ensku úrvalsdeildinni væru að íhuga það að leggja niður fallbaráttuna og loka deildinni í næstu framtíð.

Tevez bara kærður fyrir að neita að hita upp

Þetta var víst bara einhver missklingur eins og hjá Georgi Bjarnfreðarsyni um árið. Manchester City getur ekki sannað fullyrðingu stjórans Roberto Mancini að Carlos Tevez hafi neitað að fara inn á í Meistaradeildarleik City-liðsins í München fyrir þremur vikum.

Dalglish: Allir í Liverpool standa algjörlega við bakið á Suarez

Kenny Dalglish, stjóri Liverpool, sagði það á blaðamannfundi fyrir Norwich-leikinn á morgun að allir hjá Liverpool standi við bakið á Úrúgvæmanninum Luis Suarez. Patrice Evra sakaði Suarez um kynþáttarníð í leik Liverpool og Manchester United um síðustu helgi.

Verður Wayne Rooney með Bretum á ÓL í London?

Þriggja leikja bann UEFA á hendur enska landsliðsmanninum Wayne Rooney þykir samkvæmt frétt Guardian auka líkurnar á því Rooney verði með breska landsliðinu á Ólympíuleikunum í London á næsta ári.

Rannsókn City í Tevez-málinu: Ekkert finnst sem styður frásögn Mancini

Daily Mirror slær því upp í morgun að rannsókn Manchester City hafi leitt það í ljós að Carlos Tevez hafi í raun ekki neitað að koma inn á völlinn í Meistaradeildarleiknum á móti Bayern München fyrir þremur vikum.

Roman Pavluychenko falur fyrir rétta upphæð

Forráðamenn Tottenham eru reiðubúnir til að hlusta á tilboð í rússneska framherjann Roman Pavlyuchenko sem hefur lítið sem ekkert spilað með liðinu í upphafi tímabilsins.

Welbeck mun þrefaldast í launum hjá United

Daily Mail staðhæfir í dag að nýr samningur sé í burðarliðnum hjá Manchester United fyrir Danny Welbeck sem muni þar með þrefaldast í launum.

Nani: Reikna alltaf með sigri á heimavelli

Portúgalinn Nani mun mæta óhræddur til leiks í Manchester-slagnum um helgina þegar að United tekur á móti City.

Lindegaard: Titillinn er ekki undir um helgina

Anders Lindegaard, markvörður Manchester United, á von á harðri titilbaráttu allt til loka tímabilsins og að leikur helgarinnar gegn Manchester City muni ekki hafa úrslitaáhrif á þá baráttu.

Sonur Paul Ince slær í gegn með Blackpool

Hinn nítján ára Tom Ince hefur slegið í gegn með Blackpool í ensku B-deildinni en hann tryggði sínum mönnum sigur á Doncaster á þriðjudagskvöldið eftir að hafa komið inn á sem varamaður og skorað tvö mörk.

Redknapp: Meiðsli King ekki svo alvarleg

Harry Redknapp, stjóri Tottenham, segir að meiðsli varnarmannsins Ledley King séu ekki eins alvarleg og í fyrstu var talið. King hefur átt við þrálát hnémeiðsli að stríða á sínum ferli.

Kalou vill fá svör áður en hann skrifar undir nýjan samning

Salomon Kalou vill fá fullvissu um að hann muni fá meira að spila með Chelsea í framtíðinni áður en hann skrifa undir nýjan samning við félagið. Þetta staðfestir hann í samtali við enska fjölmiðla.