Carragher ekki viss um að komast á HM

Jamie Carragher, varnarmaður Liverpool, segist alls ekki vera viss um að komast í lokahóp enska landsliðsins en hann var valinn í 30 manna æfingarhóp.

Matthew Upson blóðugur á æfingu enska landsliðsins í morgun

Það er greinilega ekkert gefið eftir í æfingabúðum enska landsliðsins í Ölpunum í Austurríki enda er mikil samkeppni í hópnum um sætin 23 í HM-hóp Englendinga í Suður-Afríku. Fabio Capello á eftir að skera hópinn niður um sjö sæti og það eru ekki margir dagar eftir til að sanna sig fyrir ítalska þjálfaranum.

Van Bommel: Luca Toni sofnaði á liðsfundi með Louis van Gaal

Mark van Bommel, fyrirliði Bayern Munchen, hefur sagt frá því að deilur ítalska framherjans Luca Toni og þjálfarans Louis van Gaal hafi hafist þegar Toni sofnaði á liðsfundi með Van Gaal síðasta sumar. Þetta gerist á öðrum degi Hollendingsins í starfi sem þjálfari Bayern.

Mikel Arteta kemur ekki í staðinn fyrir Fábregas hjá Arsenal

Umboðsmaður Mikel Arteta segir leikmanninn sinn ekki vera á leiðinni til Arsenal eins og skrifað er um í enskum miðlum í dag. Arsenal er farið að leita að eftirmanni Cesc Fábregas sem er að öllum líkindum á leiðinni til spænska liðsins Barcelona.

Juventus búið að stela þjálfara Sampdoria - Del Neri ráðinn til Juve

Luigi Del Neri, þjálfari Sampdoria, verður næsti þjálfari Juventus en þetta var tilkynnt aðeins nokkrum dögum eftir að Del Neri stýrði Sampdoria inn í Meistaradeildina í lokaumferð ítölsku deildarinnar. Juventus er því búið að næla í þjálfara spútnikliðsins í ítölsku deildinni á þessu tímabili.

Ferguson: Foster besti enski markvörðurinn

Alex Ferguson telur að Ben Foster sé besti markvörðurinn sem Englendingar eiga um þessar mundir.

Ballack vill vera áfram hjá Chelsea

Michael Ballack segir að það sé hans fyrsti kostur að vera áfram í herbúðum Englandsmeistara Chelsea.

Giggs ætlar að styðja England á HM

Ryan Giggs, leikmaður Manchester United, ætlar að styðja England á HM í Suður-Afríku í sumar en telur að Spánverjar séu líklegastir til að vinna heimsmeistaratitilinn.

Benitez vill kaupa Breta

Rafa Benitez, stjóri Liverpool, segir að stefna félagsins í leikmannakaupum hafi alltaf verið að leggja eigi áherslu á að kaupa breska leikmenn.

Ólafur um Eið Smára: Hann er ekki í formi til þess að spila þennan leik

Ólafur Jóhannesson, landsliðsþjálfari karlalandsliðsins, var spurður út í það af hverju hann valdi ekki Eið Smára Guðjohnsen í landsleikinn á móti Andorra en Ólafur tilkynnti 20 manna hóp í dag.

Mourinho: Real eða Inter

Jose Mourinho segir að það eina sem komi til greina hjá honum í sumar er að halda áfram sem knattspyrnustjóri Inter á Ítalíu eða þá taka við Real Madrid á Spáni.

Gylfi og Birkir einu nýliðarnir á móti Andorra - Eiður Smári ekki valinn

Ólafur Jóhannesson landsliðsþjálfari tilkynnti nú rétt áðan landsliðshóp sinn er mætir Andorra í vináttulandsleik á Laugardalsvelli, laugardaginn 29. maí kl. 16:00. Það vekur athygli að Eiður Smári Guðjohnsen er ekki í hópnum en einu nýliðarnir eru Gylfi Þór Sigurðsson hjá Reading og Birkir Bjarnason hjá Viking.

Sunderland ætlar ekki að bjóða Benjani samning

Steve Bruce, knattspyrnustjóri Sunderland, segir að félagið ætli ekki að bjóða Benjani samning nú í sumar.

Bullard mögulega á leið til Celtic

Forráðamenn Hull City eru sagðir reiðubúnir að íhuga að selja Jimmy Bullard eftir að félagið féll úr ensku úrvalsdeildinni í vor.

David Villa til Barcelona

Barcelona hefur keypt sóknarmanninn David Villa frá Valencia fyrir 40 milljónir evra. Þetta var tilkynnt á heimasíðu Barcelona í dag.

Arsenal tregt til að sleppa Fabregas

Peter Hill-Wood, stjórnarformaður Arsenal, segir að félagið hafi það ekki í hyggju að selja fyrirliðann Cesc Fabregas nú í sumar.

Mourinho: Meistaradeildin stærri en HM

Jose Mourinho, knattspyrnustjóri Inter á Ítalíu, segir að úrslitaleikur Meistaradeildarinnar sé mikilvægasti knattspyrnuleikur heimsins.

Ferguson ætlar ekki að eyða miklu í sumar

Ólíklegt er að Alex Ferguson, stjóri Manchester United, muni kaupa marga leikmenn til félagsins nú í sumar þó svo að honum standi til boða peningar til leikmannakaupa.

Gabbhreyfingar bannaðar í vítaspyrnum

Alþjóða knattspyrnusambandið, FIFA, hefur sett reglur sem banna gabbhreyfingar þegar vítaspyrnur eru teknar. Reglurnar verða í gildi á HM í Suður-Afríku í sumar.

Deco ákveður framtíðina eftir HM

Deco segir að hann muni taka ákvörðun um framtíð sína hjá Chelsea eftir að heimsmeistarakeppninni í Suður-Afríku lýkur í sumar.

Villa nálgast Barcelona

Allt útlit er fyrir að David Villa, sóknarmaður Valencia, sé á leið til Barcelona.

Breiðablik tapaði á Akureyri

Þór/KA vann í kvöld góðan 3-1 sigur á Breiðabliki á Akureyri en heil umferð fór fram í Pepsi deild kvenna á sama tíma.

Cahill gerði nýjan samning við Everton

Tim Cahill hefur skrifað undir nýjan samning við Everton og er hann nú samningsbundinn félaginu til loka tímabilsins 2014.

Fabregas sagði Wenger að hann vildi fara

Enskir og spænskir fjölmiðlar greindu frá því síðdegis að Cesc Fabregas, fyrirliði Arsenal, hafi gengið á fund Arsene Wenger knattspyrnustjóra og tilkynnt honum að hann vildi fara frá félaginu í sumar.

Hermanni boðinn nýr samningur hjá Portsmouth

Hermann Hreiðarsson hefur átt í viðræðum við Portsmouth um nýjan samning sem félagið hefur boðið honum.

Cudicini áfram hjá Tottenham

Markvörðurinn Carlo Cudicini hefur framlengt samning sinn við Tottenham um eitt ár til viðbótar.

Stuðningsmenn Chelsea brutust inn í símkerfi Man. Utd

Einhverjir hressir stuðningsmenn Chelsea gerðu sér lítið fyrir eftir sigur Chelsea í enska bikarnum og brutust inn í símkerfið hjá Man. Utd.

Boateng: Þetta var óviljandi

Kevin-Prince Boateng hefur beðist afsökunar á tæklingunni á Michael Ballack í bikarúrslitaleik Chelsea og Portsmouth um helgina.

Gerrard líkir Cole við Messi og Ronaldo

Steven Gerrard segir að félagi sinn í enska landsliðinu, Joe Cole, sé jafn góður með boltann og Lionel Messi og Cristiano Ronaldo.

Mourinho kallar Eyjafjallajökul Guðjohnsen

Jose Mourinho, stjóri Inter á Ítalíu, er engum líkur og sló á létta strengi á blaðamannafundi á æfingasvæði Inter í Mílanó í dag.

Læt fjölmiðla ekki hrekja mig frá Manchester

Búlgarinn Dimitar Berbatov er ákveðinn í því að vera áfram í herbúðum Man. Utd á næstu leiktíð og segir það ekki koma til greina að láta fjölmiðla hrekja sig frá félaginu.

Berlusconi íhugar að selja Milan

Silvio Berlusconi, eigandi AC Milan, veltir því fyrir sér þessa dagana að selja félagið sem hann hefur farið fyrir í ein 24 ár.

Ronaldinho fær tveggja ára samning

Brasilíumaðurinn Ronaldinho verður væntanlega áfram í herbúðum AC Milan eftir allt saman. Nýr tveggja ára samningur liggur á borðinu sem verður væntanlega skrifað undir.

Ballack íhugar að fara í mál við Boateng

Þýski landsliðsfyrirliðinn Michael Ballack, leikmaður Chelsea, mun ekki spila á HM í sumar en brot Kevin-Prince Boateng, leikmanns Portsmouth, í bikarúrslitaleiknum sá til þess að hann horfir á mótið í sjónvarpinu.

Henry alveg að sleppa frá Barcelona

Rafael Yuste, varaforseti Barcelona, segir að félagið sé að ganga frá lausum endum svo Thierry Henry verði frjáls ferða sinna og geti skrifað undir samning við félag í Bandaríkjunum.

Fabregas gæti ákveðið sig á næstu tveim dögum

Cesc Fabregas flýgur til London í dag og mun samkvæmt heimildum goal.com ákveða sig á næstu tveim dögum hvort hann heldur áfram að spila með Arsenal eða fer til Barcelona.

Inter gerir ekki ráð fyrir að halda Mourinho

Massimo Moratti, forseti Inter, er farinn að búa sig undir að þurfa að leita að nýjum þjálfara í stað José Mourinho. Portúgalinn er sterklega orðaður við Real Madrid og flest bendir til þess að hann fari þangað í sumar.

Roman krefst þess að við vinnum Meistaradeildina

John Terry, fyrirliði Chelsea, segir að Roman Abramovich, eigandi Chelsea, krefjist þess að félagið vinni loksins Meistaradeildina á næstu leiktíð.

James: Veit ekki hver er aðalmarkvörður

Enski markvörðurinn David James segist ekki hafa hugmynd um hver sér aðalmarkvörður enska landsliðsins en James er einn af þremur markvörðum í enska landsliðshópnum.

Barcelona reynir að landa Villa og Fabregas

Varaforseti Barcelona, Rafael Yuste, segir að félagið sé langt komið með að semja við framherjann David Villa og félagið er einnig bjartsýnt á að geta keypt Cesc Fabregas frá Arsenal.

Eyjamenn sóttu stig gegn Val - myndir

Baráttuglaðir Eyjamenn nældu í stig gegn Val í gær þó svo þeir hafi leikið manni færri lungann af leiknum og lentu marki undir.

Guðmundur Steinarsson: 1-0 dugar til að fá þrjú stig

„Það gefur þessu alltaf smá extra að vinna nágrannana og sérstaklega á þeirra heimavelli," sagði Guðmundur Steinarsson, leikmaður Keflavíkur, eftir sigur liðsins á Grindavík í kvöld.

Man. City sagt hafa gert tilboð í Milner

Forráðamenn Man. City eru ekki farnir í sumarfrí því Sky-fréttastofan greinir frá því í kvöld að félagið sé búið að gera tilboð í enska landsliðsmanninn James Milner sem leikur með Aston Villa.

Gunnlaugur: Mjög svekktur að ná ekki þremur stigum

„Ég er mjög svekktur með að ná ekki þremur stigum úr þessum leik. Við vorum með leikinn í höndunum eftir að við komumst yfir og vorum einum leikmanni fleiri. Það er ljóst að mínir menn náðu ekki að notfæra sér liðsmuninn nógu vel,“ sagði Gunnlaugur Jónsson, þjálfari Vals, eftir 1-1 jafntefli við ÍBV á Vodafone-vellinum í kvöld.

Tryggvi: Vonandi fyrsta stigið af mörgum

„Við vorum líklegri til að hirða öll þrjú stigin í lokin. Þetta var mikill baráttuleikur hjá okkur og þurftum að hlaupa mikið eftir að við urðum manni færri. Þetta var flott stig hjá okkur og vonandi það fyrsta af mörgum í sumar,“ sagði Tryggvi Guðmundsson, Eyjapeyi, eftir 1-1 jafntefli við Val að Hlíðarenda í kvöld.