Dudek líður eins og þræl í herbúðum Liverpool

Rafa Benitez, knattspyrnustjóri Liverpool, segist ekki hafa áhyggjur af ummælum markvarðarins Jerzy Dudek í viðtali við dagblaðið The Sun, þar sem hann sagði sér líða eins og þræl í herbúðum liðsins og því vildi hann fara frá félaginu í sumar.

Essien handtekinn vegna gruns um ölvunarakstur

Miðjumaðurinn Michael Essien var handtekinn í gærkvöldi vegna gruns um ölvunarakstur. Honum var sleppt gegn tryggingu eftir yfirheyrslu en hann á yfir höfði sér frekari rannsókn vegna málsins. Breska sjónvarpið greindir frá þessu í morgun. Essien er í banni þegar Chelsea mætir Liverpool í Meistaradeild Evrópu.

Rooney jafnar fyrir United

Staðan í leik Manchester United og AC Milan er orðin jöfn 2-2. Það var Wayne Rooney sem jafnaði leikinn fyrir United eftir klukkutíma leik og heimamenn allir að lifna við eftir kjaftshöggið sem þeir fengu í fyrri hálfleik.

Milan leiðir í hálfleik á Old Trafford

AC Milan hefur yfir 2-1 í hálfleik gegn Manchester United í fyrri leik liðanna á Old Trafford í Manchester. Heimamenn byrjuðu betur í leiknum og komust í 1-0 eftir fimm mínútur þegar markvörðurinn Dida sló boltann í eigið net. Það var svo Brasilíumaðurinn Kaka sem stal senunni fyrir gestina og kom liði sínu í 2-1 með mörkum á 22. og 37. mínútu.

Kaka kemur Milan yfir á Old Trafford

AC Milan hefur náð 2-1 forystu gegn Manchester United í fyrri leik liðanna í undanúrslitum Meistaradeildar Evrópu. Það var Brasilíumaðurinn Kaka sem var aftur á ferðinni fyrir ítalska liðið og skoraði á 37. mínútu. Heimamenn eru því komnir í vond mál í einvíginu.

Kaka jafnar

Snillingurinn Kaka hjá AC Milan er búinn að jafna fyrir AC Milan gegn Manchester United á Old Trafford. Markið kom á 22. mínútu eftir fallega spilamennsku hjá Milan-liðinu þar sem Kaka fékk góða sendingu inn fyrir vörnina og lagði boltann í hornið.

United komið yfir

Það tók Manchester United aðeins 5 mínútur að ná forystu gegn AC Milan í fyrri leik liðanna í undanúrslitum Meistaradeildar Evrópu. Cristiano Ronaldo átti fínan skalla að marki ítalska liðsins, en markvörðurinn Dida gerði mistök og kýldi boltann í eigið net.

Byrjunarliðin klár hjá United og Milan

Fyrri leikur Manchester United og AC Milan í undanúrslitum Meistaradeildarinnar hefst klukkan 18:45 og verður sýndur beint á Sýn. Búið er að tilkynna byrjunarliðin og þau má sjá hér fyrir neðan. Guðni Bergsson og Heimir Karlsson eru nú að hita upp fyrir leikinn í beinni á Sýn.

Maldini verður ekki settur til höfuðs Ronaldo

Carlo Ancelotti, knattspyrnustjóri AC Milan, hefur ekki í hyggju að breyta leikskipulagi sínu út af vananum til að halda sem mest aftur af Cristiano Ronaldo, leikmanni Manchester United, í fyrri viðureign liðanna í Meistaradeild Evrópu á morgun. Orðrómur hafði verið um að fyrirliðinn Paulo Maldini yrði settur í vinstri bakvörðinn til höfuðs Ronaldo, en Ancelotti segir svo ekki vera.

Eric Abidal má fara frá Lyon

Franski landsliðsbakvörðurinn Eric Abidal hjá Lyon hefur fengið grænt ljós frá Jean-Michel Aulas, stjórnarformanni félagsins, um að leita sér að nýjum liði utan Frakklands. Abidal þykir gríðarlega öflugur vinstri bakvörður og er líklegur til að vekja áhuga margra af helstu stórliðum Evrópu.

Ferguson skipar Ronaldo að hvíla sig

Alex Ferguson, stjóri Manchester United, segir að Cristiano Ronaldo, nýkjörinn besti leikmaður ensku úrvalsdeildarinnar, verði að slaka á æfingum sínum, ella eigi hann á hættu að verða útbrunninn á lokaspretti tímabilsins. Ferguson segist reglulega þurfa að draga Ronaldo af æfingasvæði liðsins.

Keppinautarnir ánægðir með tap Barcelona

Forráðamenn Real Madrid og Sevilla, helstu keppinauta Barcelona í baráttunni um spænska meistaratitilinn í fótbolta, hafa lýst yfir ánægju sinni með tap liðsins fyrir Villareal í gær. Frank Rijkaard, stjóri Barca, var mjög óánægður með frammistöðu leikmanna sinna fyrir framan markið í gær.

Berbatov gagnrýnir varnarmenn Tottenham

Búlgverjinn Dimitar Berbatov, sóknarmaður Tottenham, segir að varnarmenn liðsins þurfi heldur betur að hysja upp um sig brækurnar í síðustu leikjum tímabilsins, ætli liðið sér að komast í Evrópukeppni á næsta ári. Berbatov segir varnarleik Tottenham gegn Arsenal á laugardag hafa verið hrikalegan.

David James er sá besti að mati Redknapp

Harry Redknapp, stjóri Portsmouth, segir að markvörður sinn David James, sé “sá besti í bransanum”, en þannig orðaði hann það eftir að hafa horft upp á magnaða frammistöðu James gegn Aston Villa í úrvalsdeildinni í gær. James setti nýtt úrvalsdeildarmet í leiknum í gær með því að halda hreinu í 142. sinn á ferlinum.

Zamora: Þetta ræðst í lokaumferðinni

Framherji West Ham, Bobby Zamora, segir að sjálfstraustið í herbúðum liðsins sé í góðu lagi í augnablikinu og er hann vongóður um að Íslendingaliðið nái að halda sæti sínu í deildinni. Zamora segist sannfærður um að það ráðist ekki fyrr en í lokaumferðinni hvaða lið þurfi að bíta í það súra epli að falla niður í 1. deild.

Nakamura bestur í Skotlandi

Shunsuke Nakamura, leikmaður meistaranna í Celtic, hefur verið valinn besti leikmaður skosku úrvalsdeildarinnar í fótbolta. Nakamura spilaði lykilrullu á miðju Celtic í vetur og skoraði alls 10 mörk, mörg þeirra beint úr aukaspyrnu.

Wenger: Skapið í Lehmann er vandamál

Arsene Wenger, stjóri Arsenal, hefur viðurkennt að skapofsi markvarðarins Jens Lehmann sé vandamál. Lehmann fékk sitt áttunda gula spjald á tímabilinu í gær þegar hann lenti í ryskingum við Dimitar Berbatov, leikmann Tottenham.

Átta leikmenn Man. Utd. í liði ársins

Átta leikmenn frá toppliði Manchester United voru valdir í lið ársins í ensku úrvalsdeildinni, sem tilkynnt var um á árlegu hófi leikmannasamtaka deildarinnar í gærkvöldi. Öll varnarlína liðsins er í úrvalsliðinu, auk þess sem Edwin van der Sar þykir vera besti markvörður deildarinnar. Athygli vekur þó að ekkert pláss er fyrir Wayne Rooney.

Cantona: Stuðningsmenn Man. Utd. eru einstakir

Hinn franski Eric Cantona, lifandi goðsögn hjá Manchester United, segir að stuðningsmenn liðsins eigi stærstan þátt í frábærri frammistöðu Cristiano Ronaldo í vetur. Telur Cantona að Ronaldo geti þakkað þeim fyrir að hafa verið valinn besti leikmaður deildarinnar í gær.

Ronaldo ætlar að verða enn betri

Cristiano Ronaldo hjá Manchester United var að vonum ánægður með þá viðurkenningu sem honum hlotnaðist í gærkvöldi þegar hann var valinn besti leikmaður ensku úrvalsdeildinnar og besti ungi leikmaðurinn. Ronaldo segir útnefninguna vera hvatningu til að bæta sig enn frekar sem fótboltamaður.

Mancini verður áfram hjá Inter

Massimo Moratti, forseti nýkrýndra Ítalíumeistara í Inter Milan, kom öllum á óvart í gær þegar hann tilkynnti að þjálfarinn Roberto Mancini hefði framlengt samning sinn við félagið fyrir nokkru síðan. Moratti náðu að leyna fréttunum frá ítölskum fjölmiðlum, en staða Mancini hjá félaginu hafði alls ekki þótt örugg.

Barcelona tapar og spennan eykst á Spáni

Spennan eykst með hverjum leik í spænsku úrvalsdeildinni og harnaði toppbaráttan enn frekar í kvöld þegar Barcelona tapaði fyrir Villeral, 2-0. Á sama tíma vann Sevilla öruggan sigur á Atletico Bilbao, 4-1, og munar nú aðeins einu stigi á liðunum. Eiður Smári Guðjohnsen lék síðustu 15 mínúturnar fyrir Barcelona.

Ronaldo vann tvöfalt

Cristiano Ronaldo, leikmaður Manchester United, var valinn besti leikmaður ensku úrvalsdeildarinnar af samtökum leikmanna deildarinnar en úrslitin voru gerð opinber í kvöld. Ronaldo var einnig valinn besti ungi leikmaður deildarinnar en þetta er aðeins í annað skiptið í sögunni sem sami leikmaðurinn hlýtur bæði verðlaunin.

Strachan í sannkallaðri sigurvímu

Celtic gulltrygði meistaratitilinn í skosku úrvalsdeildinni í knattspyrnu í dag með því að sigra Kilmarnock á útivelli, 2-1. Það var Japaninn Shunsuke Nakamura sem skoraði sigurmark Celtic beint úr aukaspyrnu þegar komið var fram yfir venjulegan leiktíma. Þjálfarinn Gordon Strachan lýsti sigurtilfinningunni eftir leikinn við vímu.

Mourinho: Áttum ekki skilið að vinna

Jose Mourinho, knattspyrnustjóri Chelsea, viðurkenndi eftir markalausa jafnteflið gegn Newcastle í dag að sínir menn hefðu ekki átt skilið að fara frá St. James´Park með þrjú stig í farteskinu. Mourinho var hins vegar mjög óánægður með dómara leiksins og sagði augljósri vítaspyrnu hafa verið sleppt.

Joey Barton gagnrýnir forráðamenn Man. City

Joey Barton, leikmaður Manchester City á Englandi, hefur gagnrýnt stjórnarmenn félagsins harðlega fyrir að hafa ekki hugmynd um hvert þeir vilja stefna með félagið. Barton telur að tímabilið í ár hafi verið algjörlega misheppnað og að stuðningsmenn liðsins eigi betri árangur skilinn. Hann náist hins vegar ekki án þess að betri leikmenn komi til liðsins.

Inter tryggði sér ítalska meistaratitilinn

Inter tryggði sér í dag ítalska meistaratitilinn í knattspyrnu með því að leggja Siena af velli í dag. Á sama tíma tapaði Roma fyrir Atalanta sem þýðir að liðið á ekki lengur tölfræðilega möguleika á að ná Inter að stigum. AC Milan steig stórt skref í átt að sæti í forkeppni Meistaradeildarinnar með sínum fjórða sigurleik í röð.

Grétar og félagar komnir á toppinn í Hollandi

Grétar Rafn Steinsson og félagar hans í AZ Alkmaar standa með pálmann í höndunum þegar aðeins ein umferð er enn óleikin í hollensku úrvalsdeildinni í fótbolta. AZ vann auðveldan 3-1 sigur á Heerenveen í dag á sama tíma og helstu keppinautarnir í PSV náðu aðeins jafntefli gegn Utrecht. AZ, PSV og Ajax eru öll með 72 stig en AZ er með langbestu markatöluna.

Chelsea náði aðeins jafntefli gegn Newcastle

Leik Newcastle og Chelsea í ensku úrvalsdeildinni er lokið og svo fór að liðin gerðu markalaust jafntefli. Chelsea missti þar með af gullnu tækifæri til að minnka forskot Man. Utd. á toppi deildarinnar niður í eitt stig og munar því ennþá þremur stigum á liðunum þegar hvort lið á fjóra leiki eftir. Þýski miðjumaðurinn Michael Ballack meiddist í leiknum.

Maradona farinn í meðferð

Argentínska goðsögnin Diego Maradona hefur verið útskrifaður af sjúkrahúsi í Buenos Aires í heimalandi sínu og hefur þess í stað verið lagður inn á meðferðarstofnun ekki langt frá borginni. Þar mun hinn 46 ára gamli Maradona reyna að vinna bug á áfengisfíkn sinni.

Hitzfeld skammar leikmenn sína

Ottmar Hitzfeld og Oliver Kahn, þjálfari og fyrirliði Bayern Munchen, eru allt annað en sáttir með frammistöðu leikmanna liðsins í leiknum gegn Stuttgart í gær. Leikurinn tapaðist 2-0 og eru möguleikar Bayern á titlinum orðnir stjarnfræðilegir. Þá er alls ekki víst að Bayern nái að tryggja sér sæti í Meistaradeildinni á næstu leiktíð.

Keisarinn hvetur Klinsmann til að taka við Chelsea

Franz Beckenbauer, fyrrum fyrirliði og þjálfari þýska landsliðsins í fótbolta, telur að Jurgen Klinsmann eigi að taka við starfi Jose Mourinho hjá Chelsea, fari svo að honum verði boðin þjálfarastaðan á Stamford Bridge í nánustu framtíð. Klinsmann hefur verið sterklega orðaður sem eftirmaður Mourinho hjá Chelsea, hvenær svo sem portúgalski stjórinn hverfur á braut.

Veigar Páll: Þetta var dásamlegt

Veigar Páll Gunnarsson er í skýjunum með að hafa náð að opna markareikning sinn í norsku úrvalsdeildinni í knattspyrnu, en hann skoraði bæði mörk Stabæk í fræknum sigri liðsins á Rosenborg í gærkvöldi. “Tilfinningin er dásamleg,” sagði Veigar við norska fjölmiðla þegar hann var spurður að því hvernig það hefði verið að tryggja liði sínu sigur á norska stórveldinu.

Beckham lagði upp sigurmarkið fyrir Ramos

Real Madrid vann góðan sigur á Valencia á heimavelli sínum í spænsku úrvalsdeildinni í fótbolta í kvöld. Úrslitin urðu 2-1, Real í vil, en það var varnarmaðurinn Sergio Ramos sem skoraði sigurmarkið á 73. mínútu eftir frábæra sendingu David Beckham úr aukaspyrnu. Með sigrinum kemst Real upp í 2. sæti deildarinnar.

10 mestu klúður knattspyrnusögunnar (Myndband)

Ónefnd bresk sjónvarpsstöð hefur valið 10 mestu klúður knattspyrnusögunnar og sett þau saman í fjögurra mínútna langt myndband sem hægt er að nálgast með því að smella á hlekk sem fylgir fréttinni. Í öllum tilvikum er um að ræða ótrúleg dauðafæri sem hefði verið mun erfiðara að brenna af.

Ferguson: Dyrnar eru opnar fyrir Chelsea

Sir Alex Ferguson, stjóri Man. Utd. viðurkennir að kapphlaupið um meistaratitilinn í ensku úrvalsdeildinni sé fjarri því að vera á enda eftir jafntefli liðsins gegn Middlesbrough í kvöld. Manchester United varð fyrir áfalli þegar Rio Ferdinand fór meiddur af velli og verður hann frá í tvær vikur hið minnsta.

Veigar var hetja Stabæk gegn Rosenborg

Landsliðsmaðurinn Veigar Páll Gunnarsson skoraði bæði mörk Stabæk þegar liðið bar sigurorð af Rosenborg í norsku úrvalsdeildinni í knattspyrnu nú í kvöld. Mörkin skoraði Veigar á 59. og 83. mínútu en Rosenborg hafði komist yfir í fyrri hálfleik. Þá unnu lærisveinar Sigurðar Jónssonar í Djurgarden góðan sigur á Helsingborg í sænsku úrvalsdeildinni.

Lampard: Drogba er sá besti

Miðjumaðurinn Frank Lampard telur að félagi sinn Didier Drogba eigi skilið að vera valinn leikmaður ársins af samtökum leikmanna ensku úrvalsdeildarinnar, fremur heldur en Cristiano Ronaldo hjá Man. Utd. Ástæðan sé einföld; Drogba hafi verið besti framherjinn í heiminum á þessu tímabili. Úrslitin í kjörinu verða tilkynnt annað kvöld.

Man. Utd. tapaði stigum gegn Middlesbrough

Manchester United náði aðeins jafntefli gegn Middlesbrough í liðanna í ensku úrvalsdeildinni sem fram fór á Old Trafford nú undir kvöld. Man. Utd. komst yfir strax á þriðju mínútu með marki Kieran Richardsson en Mark Viduka jafnaði metin á 46. mínútu og þar við sat. Chelsea á einn leik til góða og með sigri mun liðið verða aðeins einu stigi á eftir Man. Utd.

Bayern Munchen að missa af lestinni

Schalke endurheimti toppsætið í þýsku úrvalsdeildinni í dag með því að leggja Energie Cottbus af velli í dag, 2-0 en Werder Bremen hafði komist á toppinn í gærkvöldi með 3-1 sigri á Alemannia Aachen. Þá má segja að titilvonir Bayern séu að engu orðnar eftir 2-0 tap gegn Stuttgart í dag.

Curbishley: Leikurinn gegn Wigan ræður úrslitum

Alan Curbishley, knattspyrnustjóri West Ham, var að vonum ánægður með lærisveina sína verðskuldaðan sigur þeirra á Everton í dag. Þetta var fjórði sigur West Ham í síðustu sex leikjum, og allir hafa þeir komið gegn liðum í efri hluta deildarinnar. Næsti leikur liðsins er gegn Wigan og segir Curbishley að sá leikur muni líklega ráða úrslitum um framhaldið.

Wenger: Okkur líður eins og eftir tapleik

Arsene Wenger, knattspyrnustjóri Arsenal, var gríðarlega vonsvikinn með að hafa misst unnin leik niður í jafntefli í viðureigninni gegn Tottenham í dag, en hrósaði leikmönnum sínum þó fyrir að sýna mikinn karakter. Wenger sagði við fréttamenn eftir leikinn að stemningin í búningsklefanum eftir leik hafi verið eins og eftir tapleik.

Celtic á eftir Eiði Smára?

El Mundo Deportivo, útbreiddasta blað Katalóníu-héraðs á Spáni, segir að skoska stórveldið Celtic sé á höttunum á eftir Eiði Smára Guðjohnsen, fyrirliða íslenska landsliðsins og leikmanni Barcelona. Fréttin virðist þó eingöngu byggð á getgátum blaðamanns því ekkert er haft eftir forráðamönnum Celtic. Enn fremur segir að Man. Utd hafi enn áhuga á Eiði Smára.

Ferguson hrósar ótrúlegri endurkomu Alan Smith

Sir Alex Ferguson, stjóri Manchester United, segir að endurkoma Alan Smith í lið sitt hafi verið lyginni líkust og geti gert gæfumuninn í baráttu liðsins um sigur í ensku deildinni, ensku bikarkeppninni og Meistaradeildinni. Eftir að hafa verið frá í nánast 14 mánuði samfleytt hefur Smith spilað frábærlega á síðustu vikum.

Ekki öll nótt úti enn fyrir West Ham

Eggert Magnússon og félagar í West Ham unnu gríðarlega mikilvægan sigur á Everton í ensku úrvalsdeildinni í dag og er nú þremur stigum frá því að komast upp úr fallsæti deildarinnar. Á sama tíma gerðu helstu keppinautarnir, Charlton og Sheffield Utd., gerðu 1-1 jafntefli. Fjölmargir leikir fóru fram í Englandi í dag og er Watford fallið í 1. deild.