Fleiri fréttir

Veigar Páll skoraði tvívegis í 3-2 tapleik Stabæk

Veigar Páll Gunnarsson skoraði tvívegis fyrir Stabæk í dag í norsku úrvalsdeildinni í fótbolta en það dugði ekki til í 3-2 tapleik liðsins gegn Molde á útivelli. Þetta eru fyrstu mörk Veigars á tímabilinu en Stabæk er með 6 stig eftir fimm leiki og er um miðja deild í áttunda sæti.

Fer Tevez í ítalska boltann?

Samkvæmt ítalska dagblaðinu Corriere dello Sport verður það algjört forgangsatriði hjá Inter Milan að festa kaup á Carlos Tevez, fyrirliða Manchester City fyrir næsta tímabil.

Björgvin Páll bikarmeistari með Kadetten í Sviss

Björgvin Páll Gústavsson varð í dag svissneskur bikarmeistari í handbolta þegar lið hans Kadetten sigraði BSV Bern í úrslitaleik 34-30. Björgvin varði vel í marki Kadetten á mikilvægum augnablikum en þetta er í sjötta sinn sem Kadetten sigrar í bikarkeppninni.

Hildur Sigurðardóttir samdi við Snæfell

Hildur Sigurðardóttir skrifaði í dag undir samning við Snæfell og mun hún leika með liðinu í úrvalsdeild kvenna í körfuknattleik næstu tvö árin. Hildur hefur verið lykilmaður í KR-liðinu undanfarin ár en hún er fædd og uppalinn í Stykkishólmi og mun hún styrkja hið unga lið Snæfells gríðarlega. Jón Ólafur Jónsson skrifaði einnig undir tveggja ára samning við Snæfell í dag.

Markasúpa á Ítalíu

Sex leikir fóru fram í seríu A á Ítalíu í dag og mörkin létu ekki á sér standa. Fiorentina og Juventus gerðu markalaust jafntefli í stærsta leik dagsins sem verður að teljast slæm úrslit fyrir bæði lið.

Stoke flaug í úrslitaleikinn

Stoke fór auðveldlega í úrslit enska bikarsins en þeir gerðu sér lítið fyrir og rótburstuðu Bolton 5-0 í undanúrslitunum á Wembley í dag.

Toure: Við ætlum okkur að skrifa nýja sögu

Yaya Toure hetja Manchester City er ákveðin í því að vinna enska bikarinn í lok leiktíðarinnar. Toure skoraði eina mark leiksins í gær gegn erkifjendunum í Machester United, en markið kom eftir slæm varnarmistök hjá þeim rauðklæddu.

Ferdinand skýtur föstum skotum á Balotelli

Rio Ferdinand, leikmaður Manchester United, er ekki parsáttur með framkomu Mario Balotelli, leikmanni Machester City, eftir undanúrslitaleikinn í ensku bikarkeppninni í gær.

Manassero með stáltaugar en McIlroy brotnaði á ný

Margir eru nú farnir að efast um að Rory McIlroy geti staðið undir því álagi sem fylgir því að vera í efsta sæti á lokadegi atvinnumóts í golfi. Norður-Írinn klúðraði lokadeginum á Mastersmótinu um s.l. helgi með eftirminnilegum hætti þar sem hann var með fjögurra högga forskot fyrir lokadaginn.

Wilshere er ekki aðeins fljótur - hann hleypur líka langt

Jack Wilshere leikmaður Arsenal er ekki aðeins góður i fótbolta því samkvæmt mælingum sem breska dagblaðið Daily Mail hefur framkvæmt í samstarfi við EA Sports er hann í sérflokki hvað varðar yfirferð og hraða í ensku úrvalsdeildinni. Niðurstöður mælinga sem gerðar voru á leiktíðinni voru birtar í dag og Wilshere er sá fljótasti í Arsenalliðinu og þar fyrir utan er hann sá sem hleypur mest í hverjum leik.

Ferguson segir að Scholes sé einn besti leikmaðurinn í sögu Man Utd

Sir Alex Ferguson knattspyrnustjóri Manchester United segir að Paul Scholes sé einn besti leikmaður félagsins frá upphafi en hann eigi einnig það til að missa algjörlega stjórn á skapi sínu líkt og í leiknum í gær gegn Manchester City. Scholes fékk rautt spjald í leiknum um miðjan síðari hálfleik eftir ruddalega tæklingu þegar Man Utd var marki undir og eftir það var á brattann að sækja.

Hamilton: Einstök tilfinning að færa liðinu sigur

McLaren liðið og Lewis Hamilton tók ákveðna áhættu fyrir mótið í Sjanghæ í Kína varðandi keppnisáætlun og það skilaði gullinu í æsispennandi keppni. Hamilton sá við helsta keppinaut sínum í næst síðasta hring mótsins.

Kidd og Nowitzki sáu um landa sigrinum gegn Portland

Jason Kidd og Dirk Nowitzki eru án efa mjög einbeittir þegar úrslitakeppnin í NBA deildinni er að byrja en þeir hafa á löngum ferli sínum aldrei náð að landa meistaratitli. Liðsfélagarnir vita að tíminn er að hlaupa frá þeim og þeir fá ekki mörg tækifæri til viðbótar. Kidd og Nowitzki voru allt í öllu í 89-81 sigri liðsins í gær gegn Portland í fyrstu umferð úrslitakeppninnar í Vesturdeildinni. Kidd skoraði alls 24 stig, flest í fyrri hálfleik, og Nowitzki skoraði 18 af alls 28 stigum sínum í fjórða leikhluta.

Howard skoraði 46 stig en það dugði ekki til gegn Atlanta

Larry Drew þjálfari Atlanta Hawks tók áhættu sem borgaði sig vel í gær þegar liðið sótti Orlando Magic heim í úrslitakeppninni. Drew leyfði Dwight Howard miðherja Orlando að leika lausum hala í sóknarleiknum enda skoraði hann 46 stig en Atlanta gætti þess vel að þriggja stiga skyttur Orlando fengju engin frí skot – og það gafst vel enda sigraði Atlanta 103-93. Liðin enduðu í 4. og 5. sæti Austurdeildar og verður næsti leikur einnig í Orlando en fjóra sigra þarf til þess að komast í undanúrslit.

Hamilton vann æsispennandi Kína kappakstur

Lewis Hamilton á McLaren kom fyrstu í endmark í tilþrifamiklum kappakstri í Sjanghæ í Kína í dag. Sex ökumenn skiptust á að hafa forystu í mótinu, en Sebastian Vettel varð annar og Mark Webber þriðji, en báðir aka með Red Bull.

Mancini: Verðum að nýta tækifærið

Roberto Mancini knattspyrnustjóri Manchester City hvetur leikmenn liðsins til þess að nýta það tækifæri sem þeir hafa komið félaginu í eftir 1-0 sigur liðsins gegn Manchester United í undanúrslitum ensku bikarkeppninnar í dag. Man City hefur ekki unnið titil í 35 ár og liðið hefur ekki komist í úrslit bikarkeppninnar frá árinu 1981.

Rósa og Róbert Íslandsmeistarar í skvassi

Róbert Fannar Halldórsson og Rósa Jónsdóttir urðu í dag Íslandsmeistarar veggtennis í karla – og kvennaflokki. Róbert lagði Þorbjörn Jónsson í úrslitum en þetta er í fjórða sinn sem Róbert verður Íslandsmeistari. Rósa sigraði Dagnýu Ívarsdóttur í úrslitum og er þetta í 9. sinn sem Rósa verður meistari.

Þróttur Neskaupstað Íslandsmeistari í blaki kvenna

Þróttur frá Neskaupstað varð í dag Íslandsmeistari í blaki kvenna eftir að hafa lagt HK 3-2 í oddaleik í úrslitum Íslandsmótsins. Þróttur hefur unnið alla titla sem voru í boði í blakinu í vetur og oddaleikurinn í dag var æsispennandi.

Messi og Ronaldo skoruðu báðir - Barcelona er enn með 8 stig forskot

Stórliðin Real Madrid og Barcelona áttust við í hinum eina sanna El Clasíco á Bernabeu vellinum í Madrid. Barcelona í kvöld. Tveir af bestu leikmönnum heims, Lionel Messi og Cristiano Ronaldo, skoruðu mörkin en leikurinn endaði 1-1. Það gekk mikið á í síðari hálfleik þar sem að Real Madrid missti mann af velli með rautt spjald en lokakafli leiksins var frábær þar sem Real Madrid var síst lakari aðilinn - manni færri. Fylgst var með gangi mála á boltavakt Fréttablaðsins og visir.is. Barcelona er með 85 stig í efsta sæti deildarinnar en Real Madrid er í öðru sæti með 77 stig.

Miami Heat þurfti að hafa fyrir hlutunum gegn Philadelphia

Chris Bosh skoraði 25 stig og tók 12 fráköst í 97-89 sigri Miami Heat gegn Philadelphia í fyrstu umferð úrslitakeppni Austurdeildarinnar í NBA deildinni í körfubolta í kvöld. Sigur Miami var alls ekki auðveldur og leikmenn Philadelphia gáfu ekkert eftir á lokakaflanum. Dwyane Wade skoraði alls 17 stig fyrir Miami og þar af 5 á síðustu tveimur mínútum leiksins. LeBron James skoraði 21 stig fyrir Miami.

Kolbeinn skoraði sitt 12. mark á tímabilinu fyrir AZ Alkmaar

Kolbeinn Sigþórsson, sem er lykilmaður í U21 árs landsliði Íslands, skoraði fyrsta mark AZ Alkmaar í kvöld í 3-1 sigri liðsins gegn Den Haag í hollensku úrvalsdeildinni í fótbolta. Jóhann Berg Guðmundsson er meiddur og var hann því ekki í leikmannahópnum.

Derrick Rose skoraði 39 stig í naumum sigri gegn Indiana

Derrick Rose var að venju atkvæðamikill þegar Chicago Bulls lagði Indiana Pacers 104-99 í fyrsta leiknum í úrslitakeppni NBA deildarinnar á þessu tímabili. Rose skoraði alls 39 stig fyrir Bulls sem náði bestum árangri allra liða í deildinni og er því með heimaleikjaréttinn í gegnum alla úrslitakeppnina.

FH varði titilinn með 3-0 sigri gegn Blikum í Meistarakeppni KSÍ

Bikarmeistaralið FH sigraði Íslandsmeistaralið Breiðabliks, 3-0, í Meistarakeppni KSÍ í kvöld en leikurinn fór fram í Kórnum í Kópavogi. Pétur Viðarsson skoraði fyrsta mark leiksins rétt undir lok fyrri háfleiks. Matthías Vilhjálmsson bætti við öðru marki um miðja síðari hálfleik og þegar korter var eftir af leiknum skoraði Hannes Þ. Sigurðsson þriðja og síðasta mark FH-inga.

AG tapaði fyrsta leiknum í vetur - Arnór með 5 mörk

Nordsjælland varð fyrst allra liða til þess að leggja stórlið AG frá Kaupmannahöfn í dönsku úrvalsdeildinni í handbolta í dag þegar liðin áttust við í úrslitakeppninni. Nordsjælland sigraði 25-23 og skoraði Arnór Atlason 5 mörk fyrir AG og Snorri Steinn Guðjónsson skoraði 1.

Einar: Ætlum ekki í sumarfrí strax

"Þetta fór ekkert sérstaklega vel, síðustu tuttugu mínúturnar í leiknum voru vonbrigði eftir góðar fjörutíu mínútur fyrir það," sagði Einar Andri Einarsson, annar þjálfara FH.

Vilhelm: Frábær leikur hjá okkur

„Þetta gerist varla betra,“ sagði Vilhelm Gauti Bergsveinsson, leikmaður HK, eftir sigurinn í dag. HK vann frábæran sigur, 31-23, gegn Akureyri í öðrum leik liðanna í undanúrslitum N1 deildar karla og jöfnuðu því einvígið 1-1.

Reynir Þór: Skora á alla Framara

"Það tók okkur töluverðan tíma að komast í gang í fyrri hálfleik, við þurftum að fá sjálfstraust aftur eftir þrjá tapleiki í röð," sagði Reynir Þór Reynisson, þjálfari Fram.

Atli: Versti leikur okkar undir minni stjórn

„Þetta er í raun slakasta frammistaða sem ég hef séð frá liðinu undir minni stjórn,“ sagði Atli Hilmarsson, þjálfari Akureyrar, eftir að lið hans hafði steinlegið gegn HK, 31-23, í öðrum leik liðanna í undanúrslitum N1-deildar karla í handbolta.

Kristinn: Getum unnið alla ef við erum klókir

„Við vissum það að ef við yrðum klókir og skynsamir þá ættum við virkilega góðan möguleika í Akureyri,“ sagði Kristinn Guðmundsson, annar þjálfari HK, eftir frábæran sigur, 31-23, gegn Akureyri í öðrum leik liðanna, en staðan er 1-1 í einvíginu.

Umfjöllun: HK tryggði sér oddaleik gegn Akureyri

HK-ingar gerðu sér lítið fyrir og völtuðu yfir deildarmeistarana í Akureyri, 31-23, í öðrum leik liðanna í undanúrslitum N1-deild karla, en leikurinn fór fram í Digranesinu. Staðan er því 1-1 í einvígi liðanna og þurfa þau að mætast í oddaleik á Akureyri á mánudagskvöldið. Ólafur Bjarki Ragnarsson, leikmaður HK, átti virkilega góðan leik og skoraðu 7 mörk.

Jóhann: Úrslitasjarmi yfir þessum leik

"Fyrri hálfleikurinn var tómt rugl en það var eitthvað í þessum leik, einhver úrslita-sjarmi að ég hafði aldrei neinar áhyggjur af þessu," sagði Jóhann Gunnar Einarsson, leikmaður Fram.

Jóhannes Karl með þrumufleyg sem tryggði Huddersfield sigur

Jóhannes Karl Guðjónsson skoraði sigurmark Huddersfield á útivelli gegn Charlton í ensku 2. deildinni í dag. Sigurinn var mikilvægur fyrir Huddersfield sem er í öðru sæti deildarinnar á eftir Brighton sem er með 77 stig en Huddersfield er með 67 stig. Markið skoraði Jóhannes með skoti beint úr aukaspyrnu á 83. mínútu af um 30 metra færi.

Man City leikur til úrslita - Yaya Touré tryggði sigurinn

Manchester City og Manchester United áttust við í dag í undanúrslitum ensku bikarkeppninnar á Wembley og tryggði Yaya Touré Man City 1-0 sigur með marki á 52. mínútu. Paul Scholes var rekinn af leikvelli í liði Man Utd í síðari háfleik. Man City hefur ekki leikið til úrslita um enska bikarinn frá árinu 1981 og liðið hefur ekki unnið titil frá árinu 1976. Fylgst var með gangi mála í leiknum á boltavakt Fréttablaðsins og visir.is.

Gylfi lék í 45 mínútur í 1-0 sigri Hoffenheim

Gylfi Sigurðsson lék í 45 mínútur með Hoffenheim í 1-0 sigri liðsins gegn Frankfurt í dag í þýsku 1. deildinni. Gylfi kom inná sem varamaður í upphafi síðari hálfleiks en hann hefur aðeins fengið tækifæri í byrjunarliðinu hjá Hoffenheim í 6 leikjum það sem af er tímabilinu.

Rory McIlroy lætur verkin tala eftir skellinn á Masters

Rory McIlroy hefur náð að hrista af sér hrollinn eftir ömurlegan lokahring á Mastersmótinu í golfi á dögunum en Norður-Írinn er efstur á Maybank meistaramótinu á Evrópumótaröðinni. Hinn 21 árs gamli McIlroy náði að leika 9 holur á öðrum keppnisdegi áður en keppni var frestað vegna myrkurs en gera þurfti hlé á keppninni vegna úrkomu í Malasíu.

Örebro tapaði á útivelli gegn Tyresö - Edda í byrjunarliðinu

Landsliðskonan Edda Garðarsdóttir var í byrjunarliði Örebro sem tapaði 2-1 á útivelli gegn Tyresö í dag í sænsku úrvalsdeildinni í fótbolta. Ólína Guðbjörg Viðarsdóttir var ekki í leikmannahóp Örebro í dag en liðið er með 1 stig að loknum tveimur leikjum.

Jónas Guðni var í byrjunarliði Halmstad í tapleik

Jónas Guðni Sævarsson fyrrum leikmaður KR og Keflavíkur var í byrjunarliði Halmstad í dag í 2-0 tapleik liðsins gegn GAIS frá Gautaborg í sænsku úrvalsdeildinni í fótbolta. Hallgrímur Jónasson var á varamannabekk GAIS og kom hann ekkert við sögu í leiknum.

Chelsea er enn með í baráttunni eftir 3-1 sigur - spenna á botninum

Chelsea er enn með í baráttunni um enska meistaratitilinn eftir 3-1 sigur liðsins gegn WBA á útivelli í ensku úrvalsdeildinni í dag. Öll mörk leiksins voru skoruð í fyrri hálfleik og er Chelsea með 61 stig í þriðja sæti deildarinnar en Arsenal er þar fyrir ofan með 62 en liðið á leik til góða á morgun gegn Liverpool. Manchester United er efst með 69 stig. Baráttan á botni deildarinnar harðnar enn og Blackpool, West Ham og Wolves sitja nú í þremur neðstu sætum deildarinnar.

Úrslitin á Íslandsmótinu í skvassi ráðast í dag

Úrslitin á Íslandsmótinu í skvassi ráðast í dag en keppnin fer fram í húskynnum Veggsports, Stórhöfða 17. Til úrslita í karlaflokki leika þeir Róbert Fannar Halldórsson og Þorbjörn Jónsson og hefst úrslitaleikurinn kl. 16.00.

Missa stuðningsmenn af bikarleiknum á Wembley vegna stórbruna?

Viðureign Manchester United og Mancheste City í undanúrslitum ensku bikarkeppninnar í fótbolta í dag er einn stærsti íþróttaviðburður Englands á þessu ári. Gríðarlegur fjöldi stuðningsmanna beggja liða mun ferðast til London í dag til þess að sjá grannaliðin eigast við. Leikurinn hefst í dag kl. 16.15 að íslenskum tíma en lögreglan í London hefur lokað stærstu umferðaræðinni inn í borgina vegna stórbruna við M1-hraðbrautina í norður-hluta London.

Sjá næstu 50 fréttir

Mest lesið