Lýsingar verða að vera á íslensku

Íslenska sjónvarpsfélagið, sem rekur sjónvarpsstöðina Skjá einn, má ekki senda út leiki í ensku knattspyrnunni með lýsingum á ensku samkvæmt úrskurði Útvarpsréttarnefndar. Nefndin beinir því til Íslenska sjónvarpsfélagins að hætta útsendingu á knattspyrnuleikjum sem ekki fylgir tal eða texti á íslensku.

Þjóðverjar lögðu Svía

Tveimur leikjum í milliriðli heimsmeistaramótsins í handknattleik er lokið. Í milliriðli 2 lögðu Þjóðverjar Svía, 27-22, og Tékkar höfðu betur gegn Grikkjum, 31-29, í milliriðli 1. Nú er hálfleikur í leik Túnis og Rússa og hafa Túnisar átta marka forskot, 19-11.

Pique framlengir hjá United

Spænski varnarmaðurinn hjá Manchester United, Gerard Pique, hefur skrifað undir nýjan samning við félagið sem gildir til ársins 2009. Hinn 18 ára Pique hefur þegar látið af sér kveða í aðalliði United á þessu tímabili og spilað þrjá leiki, þar á meðal gegn Exeter í FA bikarnum þar sem hann var í byrjunarliðinu.

Keppum um titilinn næsta tímabil

Luis Garcia segir að aðdáendur Liverpool hafi allan rétt á að vera bjartsýnir fyrir næsta tímabil og að félagið muni berjast um enska meistaratitilinn þá. Spænski miðjumaðurinn segir að ef ekki væri fyrir ótrúlega óheppni með meiðsli væri félagið í mun betri stöðu núna, og segir að á næsta tímabili muni félagið stíga upp.

Túnis og Króatía í undanúrslit

Síðustu tveim leikjunum dagsins í milliriðlum heimsmeistaramótsins í handknattleik er lokið. Í milliriðli 1 burstuðu Túnisar Rússa 35-24 og tryggðu sér um leið sæti í undanúrslitum. Í milliriðli 2 sigraði Króatía Serba og Svartfellinga með eins marks mun, 24-23, og eru einnig komnir í undanúrslit.

Scott Cassie ekki til ÍA

Stjórn og þjálfari Knattspyrnufélags ÍA hafa tekið þá ákvörðun um að fá skoska leikmanninn, Scott Cassie, ekki til liðs við félagið. Fyrirhugað var að Cassie kæmi í síðustu viku en þar sem leikmaðurinn var meiddur var því frestað. Á endanum var síðan fyrrgreind niðurstaða tekin og mun því Cassie ekki fá það tækifæri til að heilla þjálfara ÍA til að komast að hjá félaginu.

Ayala frá í mánuð

Fabian Ayala, argentínski varnarjaxlinn hjá Valencia, mun verða frá í einar fjórar vikur eftir að hafa brákað rifbein í leik gegn Athletic Bilbao á sunnudag. Ayala meiddist eftir samstuð við varamanninn Fernando Llorente í síðari hálfleik. Þetta var aðeins þriðji leikur Ayala eftir að hafa verið frá í sjö mánuði vegna hnémeiðsla.

Spánn og Frakkland í undanúrslit

Síðustu tveir leikirnir í milliriðlin á heimsmeistaramótinu í handknattleik fóru fram í kvöld og er því komið í ljós hvaða lið spila saman í undanúrslitum.

Wenger fær fjárveitingu

Forráðamenn Arsenal hafa lofað knattspyrnustjóranum Arsene Wenger meiri fjárveitingu til að endurbyggja lið sitt.

Hughes æfur út í Mourinho

Mark Hughes hjá Blackburn er æfur út í starfsbróður sinn Jose Mourinho hjá Chelsea fyrir að taka ekki í hendina á sér eftir leik liðanna á Ewood Park sem lyktaði með sigri Chelsea, 1-0.

Beckham hlustar ekki á gagnrýni

David Beckham, fyrirliði enska landsliðsins og leikmaður Real Madrid, lætur gagnrýni sem vind um eyrun þjóta og segist vera í góðu formi.

Nýju tilboði í NHL hafnað

Samtök leikmanna í NHL-deildinni í íshokkíi, höfnuðu tilboði frá samtökum liðseiganda í NHL og enn minnka líkurnar á að leikið verði í deildinni í vetur.

Shearer með 250. markið sitt

Framherjinn Alan Shearer skoraði sitt 250. mark í ensku úrvalsdeildinni í fyrrakvöld þegar hann kom Newcastle yfir gegn Manchester City.

United fær byggingarleyfi

Manchester United hafa fengið leyfi til stækkunar á Old Trafford leikvangnum, en ensku risarnir vilja stækka völlinn upp í 76.000 og á verkið að vera lokið fyrir 2006/07 tímabilið Eftir stækkunina mun Old Trafford verða næst stærsti leikvangurinn á Englandi, aðeins Wembley leikvangurinn, sem nú er í byggingu, verður stærri.

Bristol ekki til Keflavíkur

Nú er ljóst að Reshea Bristol mun ekki koma og spila með Keflavík í 1. deild kvenna í körfubolta eins og vonast var eftir.

Beckham dvínar í vinsældum

Vinsældir David Beckham eru að minnka ef eitthvað er að marka niðurstöður nýrrar skoðanakönnunar sem stuðningsmenn 120 félaga tóku að sér að sjá um fyrir skemmstu.

ÍS sigraði Keflavík

Einn leikur fór fram í 1. deild kvenna í körfuknattleik í kvöld. Keflavík tapaði enn og aftur, nú fyrir ÍS, lokatölur 64-48. Keflavík er þó enn efst með 24 stig, en ÍS eru í þriðja sæti með 18.

Skortir grunnþekkingu varnarleiks

Jóhann Ingi Gunnarsson, formaður landsliðsnefndar HSÍ, segir flesta íslenska leikmenn eiga margt eftir ólært og skorti jafnvel grunnþekkingu um hvernig spila á vörn.

Fram sigraði Aftureldingu

Einn leikur fór fram í 1. deild karla í handknattleik í kvöld. Fram sigraði Aftureldingu 27-28 í Mosfellsbæ. Með sigrinum komust Framarar upp að hlið FH-inga á toppi deildarinnar með fjögur stig eftir tvo leiki, en Afturelding hefur tvö.

Kikkbox ekki á Ólympíuleikunum

Íslendingar keppa ekki í kikkboxi á Ólympíuleikunum árið 2008 og ekki verður keppt í greininni yfirhöfuð að sögn framkvæmdastjóra ÍSÍ. Maður sem skipuleggur námskeið í kikkboxi fyrir fimm ára börn hélt þessu fram í fréttum Stöðvar 2 í gær til að réttlæta að litlum börnum væri kennd þessi íþrótt. 

Rudy T að hætta hjá Lakers?

Fregnir herma að Rudy Tomjanovich, þjálfari Los Angeles Lakers í NBA-körfuboltanum, ætli að hætta að þjálfa liðið vegna hrakandi heilsufars.

Emmitt Smith að hætta í NFL?

Emmitt Smith, leikmaður Arizona Cardinals í NFL-deildinni, er sagður ætla að hætta í bandaríska fótboltanum.

Owens ætlar að spila fótbrotinn

Terrell Owens hjá Philadelphia Eagles í NFL verður að öllum líkindum orðinn heill þegar liðið mætir New England Patriots í Ofurskálinni á sunnudaginn.

Skiptar skoðanir

Mikið hefur verið rætt og skrifað um varnarleik þann sem íslenska landsliðið bauð upp á í Túnis þar sem HM í handbolta fer fram þessa dagana. Flestir eru sammála um að hann hafi ekki verið burðugur - í reynd sá versti sem sést hefur frá íslensku landsliði í áraraðir.

Geta orðið heimsmeistarar

Sænska handboltagoðsögnin Staffan Olsson segist ekki hafa verið hissa á því að Norðmenn hafi unnið Svía á heimsmeistaramótinu í handbolta í Túnis á þriðjudagskvöldið.

Þróttur að fá liðsstyrk

Lið Þróttar í knattspyrnu er komið langt á veg í viðræðum við erlendan framherja um að hann spili með liðinu í sumar í Landsbankadeildinni.

Bristol á leið "heim"?

Ágætis líkur eru á að Reshea Bristol, sem lék með meistaraflokki kvenna í Keflavík fyrri lungan úr tímabilinu í 1. deild kvenna, muni snúa aftur til Keflavíkur.

Wenger játar sig sigraðan

Arsene Wenger, knattspyrnustjóri Arsenal, hefur gefið upp alla von um að lið hans hampi meistaratitlinum á Englandi í vor.

FA ætlar ekki að taka á málinu

Enska knattspyrnusambandið ætlar ekki að skoða atvikið sem átti sér stað fyrir leik Arsenal og Manchester United frekar, en fyrirliðarnir tveir, þeir Patrick Vieira hjá Arsenal og Roy Keane hjá Man Utd, áttu í orðaskaki og þurfti dómari leiksins, Graham Poll, að hafa afskipti af þeim og biðja þá að halda sig á mottunni.

Campbell frá í 10 daga

Sol Campbell mun verða frá í tíu daga vegna ökkla meiðslanna sem hann varð fyrir í tapleiknum gegn Manchester United í gær, en Campbell varð að fara af velli eftir samstuð við Luis Saha í seinni hálfleik.

Dugarry leggur skóna á hilluna

Franski framherjinn Christophe Dugarry hefur ákveðið að leggja knattspyrnuskóna á hilluna aðeins 32 ára að aldri. Framherjinn upplýsti í byrjun mánaðar að hann myndi ekki halda áfram hjá liði sínu í Katar og að hann vildi spila með frönsku liði.

Eiður í fremstu víglínu

Eiður Smári er í fremstu víglínu hjá Chelsea í kvöld er liðið spilar á Ewood Park gegn Blackburn. Chelsea stillir Eið einum uppá topp með Arjen Robben og Damien Duff fyrir aftan hann. Didier Drogba er ekki í leikmannahóp Chelsean, en hann á við meiðsli að stríða.

Grótta/KR sigraði Fram

Einn leikur fór fram í kvöld í 1. deild kvenna í handknattleik er Grótta/KR sigraði Fram örugglega 29-20. Með sigrinum komst Grótta/KR úr neðsta sætinu og uppfyrir Fram stúlkur. Á morgun spilar FH gegn Stjörnunni í Hafnafirði.

Arteta leitaði ráða hjá Liverpool

Everton geta þakkað spænsku leikmönnunum hjá Liverpool fyrir að hvetja Mikael Arteta til þess að færa sig yfir í enska boltann og til Everton. Arteta skrifaði undir lánssamning út tímabilið frá spænska liðinu Real Sociedad, en Everton hefur þó forkaupsrétt á honum í sumar.

FH sigraði Stjörnuna

FH-ingar gerðu góða ferð í Garðabæinn og sigruðu heimamenn nokkuð örugglega 30-21. FH-ingar hafa þar með unnið báða sína leiki og eru efstir með fjögur stig, en Stjarnan tapað báðum sínum.

Milan dregur á Juventus

Níu leikir fóru fram í ítölsku Seria A deildinni í knattspyrnu í kvöld.

Grótta/KR sigraði Selfoss

Tveir leikir fóru fram í 1. deild karla í handknattleik í kvöld. Fyrri í kvöld sigruðu FH-ingar Stjörnuna 30-21 og nú rétt í þessu sigruðu Grótta/KR Selfyssinga 28-24. Grótta/KR hefur þar með unnið einn leik og tapað einum og situr sem stendur í fjórða sæti. Selfyssingar hafa aftur á móti tapað báðum sínum leikjum og eru án stiga.

Enska úrvaldsdeildin í kvöld

Fimm leikir fóru fram í ensku úrvaldsdeildinni í knattspyrnu í kvöld.

Guðmundur gagnrýnir Viggó

Guðmundur Guðmundsson, fyrrverandi landsliðsþjálfari í handknattleik, gagnrýndi Viggó Sigurðsson, eftirmann sinn, harðlega í Olíssporti á Sýn í gærkvöldi. Guðmundur fór um víðan völl, talaði um mál Jalieskys Garcia, varnarleik liðsins og margt fleira. Viggó Sigurðsson verður gestur í sama þætti í kvöld klukkan tíu og má búast við fjörugri umræðu.

KR lagði Keflavík óvænt

Keflavík tapaði öðrum leik sínum í röð í fyrstu deild kvenna í körfuknattleik í gærkvöldi. KR, sem var í langneðsta sæti með tvö stig, lagði Keflavík að velli með sjö stiga mun, 77-70. Í hinum leik kvöldsins bar Grindavík sigurorð af ÍS 42-30.

Barker hættir hjá Grindavík

Bakvörðurinn Taron Barker, sem hefur leikið með karlaliði Grindavíkur í körfuknattleik, hefur verið leystur undan samningi sínum við félagið. Grindavík er í áttunda sæti Intersport-deildarinnar.

Tottenham styrkir leikmannahópinn

Töluvert var um kaup og sölur knattspyrnumönnum en leikmannamarkaðnum var lokað á miðnætti. Michael Dawson og Andy Reid, leikmenn Nottingham Forest, fóru til Tottenham fyrir samtals átta milljónir punda. Þá var Jermaine Pennant lánaður til Birmingham frá Arsenal og til sama liðs var Walter Pandiani lánaður frá Deportivo.

Dugarry hættur knattspyrnuiðkun

Franski knattspyrnumaðurinn Christophe Dugarry hefur lagt skóna á hilluna. Dugarry, sem er 32 ára, varð heimsmeistari með Frökkum árið 1998 og Evrópumeistari tveimur árum síðar. Hann lék 55 landsleiki. Dugarry hóf ferilinn með Bordeaux árið 1988 og lék með AC Milan, Barcelona, Olympique Marseille, Birmingham City og síðast með liði í Katar.

Spurs með besta vinningshlutfallið

San Antonio Spurs er komið með besta vinningshlutfallið á nýjan leik í NBA-deildinni í körfuknattleik eftir góðan sigur á Seattle, 103-84, í gærkvöldi. Manu Ginobili skoraði 23 stig og Tim Duncan 21 fyrir Spurs. San Antonio hefur unnið 37 leiki en aðeins tapað tíu en keppinautarnir í  Phoenix léku ekki í gær.

Bellamy til Celtic

Velski framherjinn Craig Bellamy, sem lenti upp á kant við Graeme Souness, knattspyrnustjóra Newcastle, er genginn í raðir skoska liðsins Celtic.