Barist um Rooney

Manchester United og Newcastle halda áfram að slást um framherjann unga hjá Everton, Wayne Rooney. Everton hefur hafnað 23,5 milljóna tilboði frá Newcastle en Manchester United er sagt hafa boðið 25 milljónir punda í strákinn og að auki Frakkann, David Bellion. Nú rétt fyrir hádegi óskaði Wayne Rooney eftir því að verða settur á sölulista.

Pólverji sigrar gönguna

Pólverjinn Robert Korzeniowski varð í morgun Ólympíumeistari í 50 kílómetra göngu. Þetta er þriðji Ólympíutitill Korzeniowski í röð. Rússar unnu silfur og brons í 50 kílómetra göngunni.

16. umferðin hefst í kvöld

16. umferð 1. deildar karla í knattspyrnu hefst í kvöld með þremur leikjum. Efsta lið deildarinnar, Valur mætir Breiðabliki sem er í fjórða sæti, liðin í öðru og þriðja sæti, HK og Þróttur keppa á Kópavogsvelli.

Schmeichel ráðleggur Wayne Rooney

Markvörðurinn Peter Schmeichel, sem lék um árabil með Manchester United, hefur skorað á Wayne Rooney að taka sitt gamla lið framyfir Newcastle United.

Er ekki allt í standi?

Fyrrum þjálfari Zimbabwe, Sunday Marimo, varð að gefa nýtt starf upp á bátinn vegna þess að hann týndi vegabréfinu sínu!

Skilaðu gullinu, takk!

Alþjóðafimleikasambandið hefur sent Bandaríkjamanninum Paul Hamm beiðni um að skila gullverðlaununum sem hann hlaut á Ólympíuleikunum.

Rooney vill fara til Manchester

Wayne Rooney, leikmaður Everton í ensku úrvalsdeildinni, hefur formlega farið fram á að vera skipt til Manchester United.

Óli Gott til Englands

Markvörðurinn Ólafur Gottskálksson er genginn til liðs við enska utandeildarliðið Margeit. Hann mun spila fyrsta leik sinn með félaginu á morgun.

FH í þriðju umferð

FH tryggði sér áframhaldandi þátttöku í Evrópukeppninni í kvöld með góðum útisigri á Dunfermline 1-2.  Fyrri leikur liðanna hér heima endaði með 2-2 jafntefli en FH tryggði sér sigurinn með tveimur mörkum frá Ármanni Smára Björnssyni og Tommy Nielsen á síðustu 10 mínútum leiksins.

Tíu fallnir á lyfjaprófi

Yfirmenn Alþjóðaólympíusambandsins segja að ólögleg lyfjanotkun sé ekki að eyðileggja leikana í Aþenu en óvenju margir íþróttamenn hafa fallið á lyfjaprófi. Þegar er búið að svipta tvo Ólympíumeistara gullinu vegna lyfjaneyslu og dæma átta aðra keppendur úr leik. Þrír keppendur mættu ekki í próf sem þeir höfðu verið boðaðir í.

Að sníða sér stakk eftir vexti

Það efast enginn um það að fáir íslenskir knattspyrnumenn eru að spila jafn vel og Gylfi Einarsson um þessar mundir. Gylfi hefur farið á kostum með norska liðinu Lilleström í sumar og til að taka af allan vafa um raunverulega getu hans var hann besti maður vallarins þegar Ísland vann Ítalíu fyrir skömmu.

Argentínumenn með fullt hús á ÓL

Lið Argentínumanna í fótboltanum hefur lagt öðrum liðum línurnar með framúrskarandi leik og ef fram fer sem horfir mun fátt koma í veg fyrir sigur þess á Ólympíuleikunum. Argentína hefur skorað 16 mörk í fimm leikjum og haldið marki sínu hreinu. 

Skagamenn eru úr leik

Skagamenn biðu lægri hlut gegn sænska liðinu Hammarby, 1-2, í forkeppni Evrópukeppni félagsliða í knattspyrnu. Svíarnir báru einnig sigur úr býtum í fyrri leiknum ytra, þá 2-0 og því samanlagt 4-1. Skagamenn geta þó alveg gengið með höfuðið hátt frá þátttöku sinni í Evrópukeppninni þetta árið.

FH-ingar slógu út Skotana

FH-ingar launuðu Skotunum í liði Dunfermline óleikinn frá því í fyrri leiknum á Laugardalsvelli og slógu þá út úr Evrópukeppninni með 1–2 sigri í Skotlandi. Í gær voru það FH-ingar sem voru á skotskónum á lokamínútunum þegar þeir Ármann Smári Björnsson og Tommy Nielsen skoruðu á síðustu sjö mínútum og tryggðu FH sæti í þriðju umferð keppninnar.

Chelsea mætir liði Porto

Jose Mourinho ætti að þekkja vel til mótherja Chelsea í meistaradeild Evrópu í knattspyrnu í vetur því Chelsea drógst í gær í riðil með portúgalska liðinu Porto.

Þórey Edda verður fánaberi

Ákveðið var í gær að Þórey Edda Elísdóttir, stangarstökkvari, verði fánaberi íslenska hópsins þegar gengið verður inn á ólympíuleikvanginn á lokaathöfn leikanna. Eins og flestum er enn í fersku minni náði Þórey frábærum árangri, varð í fimmta sæti í stangarstökki kvenna í fyrradag. Lokaathöfnin fer fram á sunnudagskvöld.

Fyrstu verðlaun Ísraels

Ísraelsmenn unnu til fyrstu gullverðlauna sinna á Ólympíuleikum frá upphafi, þegar Gal Fridman sigraði í brimbrettakeppni á leikunum.

Jón Arnór til Rússlands

Jón Arnór Stefánsson, körfuboltamaður, hefur samið til eins árs við rússneska liðið Dynamo St. Petersburg og leikur með því í vetur. Jón er laus allra mála hjá Dallas Mavericks en í samtali við Vísi sagðist hann hafa orðið þreyttur á að fá ekkert að spila.

Ætlum okkur áfram

FH-ingar mæta í kvöld skoska liðinu Dunfermline öðru sinni í forkeppni Evrópukeppni félagsliða. Fyrri leikurinn, sem fram fór á Laugardalsvelli, endaði 2-2 og þótti flestum FH-ingum, og reyndar íslenskum knattspyrnuunnendum, það frekar súrt í broti þótt fyrir fram væru Skotarnir taldir töluvert sterkari.

Fylgst með leikmönnum FH

Frammistaða FH-inga í Landsbankadeildinni hefur greinilega spurst vel út. Liðið mætir Dunfermline í kvöld og mörg augu útsendara koma til með að fylgjast með leikmönnum liðsins.

Ekkert lát á lyfjahneykslunum á ÓL

Lyfjahneykslin á ólympíuleikunum virðast engan endi ætla að taka. Í dag var greint frá því að Francoise Mbango Etone, frá Afríkuríkinu Kamerún, sem bar sigur úr býtum í þrístökki kvenna á ólympíuleikunum, á mánudagskvöld, hafi fallið á lyfjaprófi.

Ray Anthony maður 15. umferðar

Ray Anthony Jónsson, leikmaður Grindvíkinga er maður 15. umferðar að mati DV-Sport. Hann átti mjög góðan leik þegar hans menn lögðu KR-inga að velli, 2-3, á mánudagskvöld. Ray Anthony er fæddur árið 1979 og er uppalinn í Grindavík og hefur leikið nánast allan sinn feril með Grindvíkingum en spilaði reyndar sex leiki með Völsungum frá Húsavík, sumarið 1999.

Níunda sætið í höfn

Íslenska landsliðið í handknattleik náði níunda sætinu á Ólympíuleikunum í Aþenu með því að leggja Brasilíu að velli, 29-25.

Róvi Jacobsen til KR

KR-ingar eru búnir að næla sér í góðan liðsstyrk fyrir næsta tímabil í fótboltanum. Færeyski landsliðsmaðurinnn Róvi Jacobsen hefur skrifað undir tveggja ára samning við félagið með möguleika á eins árs framlengingu.

Bandaríkin - Brasilía í úrslitum

Bandaríkjamenn og Brasilíumenn leika um gullið í knattspyrnukeppni kvenna á Ólympíuleikunum á fimmtudaginn. Bandarísku stúlkurnar sigruðu heimsmeistara Þjóðverja með tveimur mörkum gegn einu í framlengdum leik.

Karpov með forystu í tugþrautinni

Dmitri Karpov frá Kasakstan hefur forystu í tugþrautarkeppni karla á Ólympíuleikunum að loknum sjö greinum. Hann er með 6572 stig, er 166 stigum á undan Tékkanum Roman Zeberle.

Heimsmeistararnir urðu neðstir

Riðlakeppni körfubolta karla lauk á Ólympíuleikunum í gær. Kínverjar sigruðu heimsmeistara Serba, 67-66. Serbar urðu neðstir í A-riðli og spila um 11. sætið. Þetta er versti árangur þeirra á stórmóti frá 1947 þegar Júgóslavar urðu þrettándu á Evrópumeistaramótinu.

Ferguson ánægður með Smith

Alex Ferguson, knattspyrnustjóri Manchester United, bindur miklar vonir við framherjann Alan Smith í viðureign liðsins í Evrópukeppni meistaraliða.

Nær Arsenal að slá metið í kvöld?

Arsenal getur slegið met Notthingham Forest í kvöld, takist liðinu að knýja fram jafntefli eða sigur.

Derlei vill verða Portúgali

Brasilíski knattspyrnumaðurinn Derlei, sem leikur með Portó, hefur sótt um portúgalskan ríkisborgararétt og mun leika með liði Portúgals á HM 2006

Áfall fyrir Bandaríkjamenn

Katie Smith, einn af lykilleikmönnum bandaríska kvennalandsliðsins í körfuknattleik, verður ekki meira með á Ólympíuleikunum vegna meiðsla.

Tottenham með tvo nýja leikmenn

Tottenham hefur tryggt sér tvo nýja leikmenn fyrir veturinn.

Ungverjar eru Bítlar vatnapólósins

Ungverska landsliðið í vatnapólói er sagt vera með því betra sem uppi hefur verið.

Enn eitt lyfjamálið í Aþenu

Ungverski kringlukastarinn Robert Fazekas er sagður hafa átt við lyfjapróf sem hann tók í undankeppninni.

Fljótasti hvíti maðurinn

Bandaríkjamaðurinn Jeremy Wariner, sem er aðeins tvítugur að aldri, vakti mikla athygli á Ólympíuleikunum þegar hann sigraði í 400 metra hlaupi karla en Bandaríkjamenn voru í þremur efstu sætunum.

Draumaliðið mætir Spánverjum

Draumaliðið í körfuknattleik mun væntanlega eiga í kröppum dansi á morgun þegar liðið mætir taplausu liði Spánverja í átta liðum úrslitum á Ólympíuleikunum.

Dó eftir rifrildi um tölvuleik

Áföllin hætta ekki að dynja á Grikkjum, gestgjöfum Ólympíuleikana.

Titilvonir KR-inga úti

Fimmtándu umferð Landsbankadeildar karla í knattspyrnu lauk í gærkvöldi þegar Grindavík sigraði KR, 3-2, á KR-vellinum. Ray Antony Jónsson kom Grindavík yfir en Sigurvin Ólafsson og Arnar Gunnlaugsson skoruðu fyrir KR-inga áður en fyrri hálfleik lauk.

Breiðablik vann Fjölni með einu

Í 1. deild karla í knattspyrnu vann Breiðablik Fjölni 2-1 í gærkvöldi. Ragnar Gunnarsson og Árni Kristinn Gunnarsson skoruðu mörk Breiðabliks en Þorsteinn Jónsson mark Fjölnis. Breiðablik er í fjórða sæti deildarinnar með 22 stig en Fjölnir í sjötta sæti með 19.

Fjarvera Kenteris fælir frá

Aðsókn á frjálsíþróttakeppnina á Ólympíuleikunum hefur valdið miklum vonbrigðum mótshaldara en í gær vantaði marga áhorfendur. Skýringin er sú að hetja Grikkja á Ólympíuleikunum í Sidney fyrir fjórum árum, Kostas Kenteris, vantaði. Kenteris fór ekki í lyfjapróf og sviðssetti síðan vélhjólaslys og var rekinn úr Ólympíuþorpinu með skömm.

Jafntefli hjá Lilleström og Molde

Lilleström og Molde gerðu 1-1 jafntefli í norsku 1. deildinni í knattspyrnu í gær. Gylfi Einarsson lék allan leikinn og fékk fína dóma fyrir frammistöðu sína.

Þórey Edda í fimmta sæti

Þórey Edda sýndi og sannaði að hún er komin í hóp allra bestu stangastökkvara í heimi.  Stökk hennar uppá 4,55 metra fleytti henni upp í fimmta sætið á Ólympíuleikunu í Aþenu. Isinbayeva frá Rússlandi setti heimsmet þegar hún stökk 4,91 metra eftir einvígi gegn löndu sinni Feofanova.

Ólafur Stefánsson hættur

Ólafur Stefánsson segist hættur að leika með íslenska landsliðinu í handbolta, að minnsta kosti í bili. Hann tilkynnti þetta eftir leik Íslands og Rússlands á Ólympíuleikunum í gær að því er fram kemur á opinberri vefsíðu leikanna.

Jón Arnar í 23. sæti

Jón Arnar Magnússon stökk 7,12 metra í langstökki í tugþrautarkeppni Ólympíuleikanna nú áðan. Fyrr í morgun hljóp hann 100 metrana á 11,05 sekúndum. Jón Arnar er í 23. sæti þrautarinnar með 1692 stig en forystu hefur Bryan Clay frá Bandaríkjunum með 2039 stig. Þrefaldur heimsmeistari, Tomas Dvorak, hætti keppni eftir fyrstu grein í morgun vegna meiðsla.

Jón Arnar meiddur aftan í læri

Jón Arnar Magnússon, tugþrautarkappi, hefur lokið þremur greinum af tíu á Ólympíuleikunum en það eru aðeins helmingslíkur að mati þjálfara hans að hann snúi aftur í kvöld til að klára tvær síðustu greinar fyrri dagsins. Jón Arnar er sem stendur í 19. sæti með 2480 stig.