Fleiri fréttir

Að drukkna í pappír á Balí

Loftslagsráðstefnan á Bali er að drukkna í pappír og hefur pappírsflóðið kostað þúsundir trjáa.

Gífurleg bráðnun heimskautaíssins veldur miklum áhyggjum

Hinn gífurlega bráðnun sem var á heimskautaísnum á norðurhveli jarðar í sumar veldur vísindamönnum miklum áhyggjum. Sumir þeirra telja að hlýnun jarðarinnar sé þegar orðin svo mikil að ekki verði aftur snúið

Féll fyrir eigin hendi

Matthew Murray, sem skaut fjóra til bana í Colorado fylki í Bandaríkjunum á sunnudaginn, lést af völdum áverka sem hann hlaut þegar hann skaut sjálfan sig í höfuðið. Þetta kom fram við krufningu.

Danskur starfsmaður SÞ lést í Alsír

Danskur starfsmaður hjá Sameinuðu þjóðunum er meðal þeirra sem fórust í sprengjutilræðum í Algeirsborg í Alsír í morgun. Þetta upplýsti Lars Thuesen, deildarstjóri í danska utanríkisráðuneytinu í gær.

12 starfsmanna SÞ saknað

Að minnsta kosti einn starfsmaður Sameinuðu þjóðanna í Alsír lést í sprengjutilræði í Algeirsborg í dag og tólf starfsmanna samtakanna er saknað. Að minnsta kosti 67 létust þegar tvær bílasprengjur sprungu, önnur við skrifstofur Sameinuðu þjóðanna og hin nærri Hæstarétti landsins þar sem strætisvagn fullur af námsmönnum ók hjá.

Dönsk boltabulla þarf að dúsa í fangelsi

Maðurinn sem hljóp inn á völlinn og veittist að dómaranum í leik Svía og Dana á Parken í byrjun júní var í dag dæmdur í 20 daga fangelsi fyrir uppátækið í Eystri-Landsrétti í Danmörku.

Myndavél gegn minnisleysi

Lítil stafræn myndavél gæti orðið lykillinn að því að hjálpa fólki sem á við minnisleysi að stríða. Sensecam vélin sem framleidd er af Microsoft tekur myndir af daglegum hlutum á 30 sekúndna fresti. Hægt er að skoða myndirnar seinna á miklum hraða til að hressa upp á minni einstaklinga.

Medvedev vill Pútín sem forsætisráðherra Rússlands

Vladimir Putin núverandi forseti Rússlands gæti orðið næsti forsætisráðherra samkvæmt því sem líklegasti arftaki hans í forsetastóli Dmitry Medvedev segir. Putin lýsti í gær yfir stuðningi við Medvedev til forseta, en hann gegnir nú stöðu aðstoðarforsætisráðherra.

Órói vegna leynifundar Tapas níu hópsins

Foreldrar Madeleine McCann héldu leynilegan fund með vinafólki þeirra sem borðaði með þeim í Portúgal kvöldið sem dóttir þeirra hvarf. Portúgalska lögreglan mun hafa verið full grunsemda vegna fundar hjónanna með vinunum sjö, en hópurinn gengur undir nafninu Tapas níu.

Vélmenni NASA gerir mikilvæga uppgvötvun á Mars

Bandaríska geimvísindastofnunin NASA segir að vélmenni það sem stofnunin hefur á Mars hafi gert mikilvæga uppgvötvun á yfirborði plánetunnar. Í fyrsta sinn hafa fundist ummerki sem gefa til kynna að örverur gátu vel þirfist á Mars áður fyrr.

Skotárás á hús bæjarstjóra í Kaupmannahöfn

Seint í gærkvöld var 12 skotum skotið á hús í Höje Taastrup einu úthverfa Kaupmannahafnarborgar. Í húsinu býr Tina Jensen aðstoðarbæjarstjóri Höje Taastrup ásamt fjölskyldu sinni en hún var ein heima er skotárásin hófst.

Miklir snjóstormar herja á Bandaríkin

Að minnsta kosti fjórtán manns hafa farist og yfir hálf milljón manna eru rafmagnslaus eftir mikla snjóstorma sem herjað hafa á sléttum Bandaríkjanna undanfarnar tvær vikur.

Í sex og hálft ár á bak við lás og slá

Dómari úrskurðaði fyrir skömmu að fyrrverandi fjölmiðlakóngurinn Conrad Black skyldi sæta fangelsi í sex og hálft ár. Hann á að hefja afplánun eftir þrjá mánuði en fær að ganga laus þangað, til gegn tæplega 1300 milljóna króna tryggingu. Black þarf einnig að greiða 7,6 milljónir íslenskra króna í sekt.

Al Gore útilokar ekki forsetaframboð í framtíðinni

Al Gore, fyrrverandi forseti Bandaríkjanna, sagði í dag að hann hefði ekki hug á að sitja í ríkisstjórn eftir næstu kosningar sem verða á næsta ári. Ef hann myndi snúa sér aftur að stjórnmálum yrði það sem forsetaframbjóðandi.

Vilja bjarga Mikka mús

Mikki mús er í útrýmingarhættu. Ekki þó sá Mikki mús sem Walt Disney teiknaði heldur lítið nagdýr sem býr í Gobi eyðimörkinni í Mongólíu. Mikki þessi er með risastór eyru, stökkfætur sem líkjast kengúrufótum og skott með svartan og hvítan dúsk á endanum.

Við höfum staðið í stríði við jörðina

Við höfum kastað á glæ miklum tíma og í raun staðið í stríði við jörðina, sagði Al Gore, fyrrverandi varaforseti Bandaríkjanna, þegar hann tók við friðarverðlaunum Nóbels ásamt Rajenda Pachauri, yfirmanni loftlagsráðs Sameinuðu þjóðanna, í Osló í dag.

Talibanar hraktir á brott frá Musa Qala

Afganski herinn náði í dag með aðstoð herja Atlantshafsbandalagsins að hrekja skæruliða talibana úr bænum Musa Qala í Helmand-héraði. Talibanar hafa að undanförnu ráðið lögum og lofum í bænum.

Velgengni Obama rakin til stuðnings Opruh

Barak Obama, forsetaframbjóðandi í Bandaríkjunum, hefur náð forskoti á Hillary Clinton í Iowa þar sem forkosningar verða 3. janúar. Velgengni Obama þykir mega þakka nýtilkomnum stuðningi þekktustu fjölmiðlakonu í heimi - Opruh Winfrey.

Dularfullt spendýr fest á filmu í fyrsta sinn

Vísindamanni hefur í fyrsta sinn tekist að festa á filmu dularfullt spendýr sem lifir í Mongolíu og Kína. Dýrið sem kallast Jerboa er næturdýr, á stærð við litla mús og með eyrum sem eru stærri en skrokkur þess.

Versta olíumengun í sögu Suður-Kóreu

Stjórnvöld í Suður-Kóreu glíma nú við verstu olímengun í sögu þjóðarinnar. Megnið af þeim 14.000 tonnum sem láku úr olíutankskipi á Gula hafi eftir árekstur við kranapramma hefur skolað á land á vesturströnd landsins.

Tengsl milli tveggja skotárása rannsökuð

Lögreglan í tveimur borgum Colorado rannsakar nú hvort tengsl séu á milli tveggja skotárása síðdegis í gær. Árásirnar urðu með skömmu millibili í kirkju og trúboðsstöð. Þrír eru látnir og sex særðir eftir árásirnar.

Önnur skotárás í Colorado

Fjórir særðust í skotárás í borginni Colorado Springs í dag. Fyrr um daginn hafði byssumaður myrt tvo kristniboða í skóla sem er 80 kílómetrum frá kirkjunni þar sem seinni árásin átti sér stað. Lögregla segir ekki útilokað að sami maður hafi verið að verki í bæði skiptin. Enn hefur ekki verið greint frá líðan kirkjugestanna sem skotnir voru. Árásarmanninum er lýst sem hvítum, með dökkan hatt og í dökkum jakka.

Svínabóndi fundinn sekur um fjöldamorð

Kanadíski svínabóndinn Robert Pickton var í dag sakfelldur fyrir morð á sex konum sem hann drap á bóndabæ sínum fyrir utan borgina Vancouver. Pickton var dæmdur í lífsstíðarfangelsi fyrir ódæðin en hann mun fara á ný fyrir rétt og þá verður hann ákærður fyrir 20 morð en hann er grunaður um að hafa myrt 26 vændiskonur á margra ára tímabili. Bóndinn sem er 58 ára gamall, drap konurnar í sláturhúsi bóndabæjarins, hlutaði þær síðan niður og gaf svínum sínum.

Brown í heimsókn í Basra

Gordon Brown, forsætisráðherra Bretlands, kom í óvænta heimsókn til Íraks í dag. Þar lýsti hann því yfir að Írösk stjórnvöld muni taka við stjórn mála í Basra og nálægum svæðum á næstu vikum. Þar með hafa Bretar afhent Írökum stjórnartaumana í öllum þeim héruðum sem lotið hafa stjórn Breta síðustu ár.

Klippti prestskragann til að mótmæla Mugabe

John Sentamu erkibiskup af York hét því í dag að ganga ekki með prestakraga fyrr en Robert Mugabe væri farinn frá sem forseti Zimbabwe. Til að leggja áherslu á orð sín klippti hann prestakraga sinn í beinni útsendingu.

Biðja vesturlönd að styðja sjálfstæði Kosovo

Stjórn og stjórnarandstaða í Kosovo sameinuðust í dag í ákalli til vesturlanda að styðja sjálfstæði Kosovo. Mikil spenna er í héraðinu, en á morgun rennur út frestur til að skera úr um það hvort Kosovo fái sjálfstæði.

Tveir létust í skotárás í Colorado

Tveir eru látnir og tveir aðrir særðir eftir að byssumaður hóf skothríð í kristniboðaskóla í Denver í Colorado ríki í Bandaríkjunum í dag. Maðurinn sem er talinn hafa verið einn að verki, gekk inn í skólann, skaut fólkið og forðaði sér síðan á hlaupum. Maður og kona létust í árásinni og einn hinna særðu mun vera alvarlega slasaður.

Sjá næstu 50 fréttir

Mest lesið