Fleiri fréttir

Þjóðarflokkur setur Fogh stólinn fyrir dyrnar

Danski þjóðarflokkurinn krefst þess að danska stjórnin verji sem svarar sextíu milljörðum íslenskra króna til þess að hækka laun starfsmanna í félags- og heilbrigðisgeiranum.

Sex féllu fyrir sprengju í Pakistan

Sex menn féllu fyrir sjálfsvígssprengju í Swat dalnum í norðvesturhluta Pakistans í dag, þeirra á meðal tvö börn og lögreglumaður.

Þúsundir berjast við olíuleka

Stjórnvöld í Suður-Kóreu hafa sent rúmlega eitt hundrað skip og þúsundir hermanna til að taka þátt í hreinsunarstarfi vegna olíumengunar við ströndina suður af Seoul.

Umhverfissinnar hvetja til aðgerða

Þúsundir umhverfisverndarsinna mótmæltu á götum Lundúna, Berlínar, Stokkhólms og fleiri borga heimsins í dag. Með mótmælunum vilja unmhverfissinnarnir þrýsta á leiðtoga heimsins sem nú sitja umhverfisráðstefnuna á Balí til þess að grípa til tafarlausra aðgerða gegn vaxandi hlýnun jarðar.

Eyðilegging myndbanda rannsökuð

Dómsmálaráðuneyti Bandaríkjanna mun í samvinnu við leyniþjónustuna CIA rannsaka ástæður þess að myndbandsupptökur af leyniþjónustumönnum að yfirheyra menn grunaða um tengsl við al Kaída voru eyðilagðar.

John Darwin og leyniklefinn

Týndi ræðarinn John Darwin bjó með eiginkonu sinni á Englandi í þrjú ár eftir að hann var talinn hafa látist í sjóslysi. Þegar ættingjar og vinir eiginkonunnar komu í heimsókn snaraðist hann inn í sérútbúinn felustað sem hjónin höfðu búið til. Fylgsnið var vandlega falið á bakvið fataskáp á heimili þeirra hjóna. Þetta kemur fram í viðtali við eiginkonuna í breskum fjölmiðlum í dag.

Mugabe harðlega gagnrýndur í Lissabon

Á leiðtogafundi Evrópusambandsins og Afríkusambandsins sem nú fer fram í Lissabon í Portúgal hafa Evrópskir ráðamenn látið þung orð falla í garð Roberts Mugabe, forseta Zimbabve.

Föngum sleppt frá Guantanamo

Talið er að fjórir menn sem voru búsettir í Bretlandi verði látnir lausir úr fangelsi Bandaríkjahers í Guantanamo á Kúbu. Breskur þingmaður í kjördæmi eins mannsins segist vona að hann verði kominn heim til Bretlands fyrir jól.

Mengunarslys í Suður-Kóreu

Olía er farin að berast á land í Suður-Kóreu eftir árekstur olíutankskips og pramma. Rúmlega tíu þúsund tonn af olíu láku úr tankskipinu. Þrátt fyrir viðleitni stjórnvalda til að koma í veg fyrir að olían breiðist út þá mengar hún nú vinsæla strönd þjóðgarðs, sem er meðal annars mikilvægur áningarstaður farfugla.

Sektuð um 15 milljarða

Breska Samkeppniseftirlitið sektaði í dag stórverslanir þar í landi um 15 milljarða íslenskra króna vegna verðsamráðs sem náði til mjólkur, smjörs og osta.

Segja vísindakirkjuna stríða gegn stjórnarskrá

Wolfgang Schaeuble, innanríkisráðherra Þýskalands, og innanríkisráðherra 15 sambandslanda Þýskalands komust að þeirri niðurstöðu í dag að starfsemi hinnar svokölluðu vísindakirkju samræmdist ekki stjórnarskrá Þýskalands.

Vélmenni lék á fiðlu - túlkunin sögð vélræn

Toyota afhjúpaði í gær nýjustu afurð sína, vélmenni sem spilar á fiðlu. Vélmennið er 150 sentimetrar á hæð og fingur þess eru nægilega þróaðir til þess að því tókst að flytja „Pomp and Circumstance“ eftir Elgar á sýningunni í Tókíó í gær.

Jörð skelfur á Balí

Öflugur jarðskjálfti sem mældist 5,9 á Richter skók indónesísku eyjuna Balí í morgun þar sem þúsundir embættismanna, vísindamanna og stjórnmálamanna eru saman komnir til að ræða loftlagsmál á vegum Sameinuðu þjóðanna.

Leiðtogafundurinn í Höfða er Arnold minnistæður

Arnold Schwarzenegger, hasarmyndahetja, vöðvabúnt og ríkisstjóri Kalíforníu, segir að leiðtogafundurinn í Höfða sé sá atburður sem honum sé einna minnistæðastur síðan hann fékk bandarískan ríkisborgararétt. Schwarzenegger var staddur á ráðstefnu í Stanfod háskóla þegar hann sagði þetta en þar var rætt um leiðir til þess að losa heiminn við kjarnavopn.

Nashyrningaskítur í boði á eBay

Ýmsir skrýtnir hlutir hafa komið til sölu á uppboðssíðunni eBay í gegnum árin. Þar hefur mátt kaupa ristaða brauðsneið með mynd af jesú, ristaða brauðsneið með mynd af O.J. Simpson og landið Belgíu í heild sinni. Nú geta menn boðið í nashyrningaskít á eBay.

Guinea-Bissau er að breytast í dópríki

Alþjóðasamfélagið hefur vaxandi áhyggjur af þróun mála í landinu Guinea-Bissau á Vesturströnd Afríku. Landið er orðið ein helsta umskipunarstöð á kókaíni fyrir fíkniefnamarkaðinn í Evrópu.

Tilræði í París verk hugleysingja

Michele Alliot-Marie, innanríksiráðherra Frakklands, fordæmdi í dag sprengjuárás sem gerð var á lögmannsskrifstofu í vesturhluta Parísar og sagði hana verk hugleysinga.

Sveinki rekinn fyrir að segja „hó hó hó!"

Jólasveinn í ástralskri verslunarmiðstöð var rekinn á dögunum fyrir að segja „hó hó hó" og syngja jólalög fyrir börnin í búðinni. Jólasveinninn var í vinnu hjá jólasveinaþjónustu í borginni Canberra og yfirmenn þar á bæ höfðu tilkynnt jólasveinunum sínum að eftirleiðis ættu þeir að segja „ha ha ha" í stað „hó hó hó".

Tugþúsundir Kínverja fluttir vegna olympíuleikanna

Undirbúningur kínverskra stjórnvalda fyrir sumarolympíuleikanna í landinu á næsta ári er í fullum gangi. Mannréttindasamtök hafa gagnrýnt harðlega þann mikla fjölda fólks sem fluttur hefur verið af heimilum sínum vegna uppbyggingarinnar í kringum nýja leikvanga.

Drap átta manns til að öðlast frægð

Nú verð ég frægur, sagði 19 ára gamall byssumaður í bréfi til kærustu sinnar skömmu áður en hann hélt inn í verslunarmiðstöð í borginni Omaha í Nebraska og skaut þar átta menn til bana áður en hann framdi sjálfsmorð.

Sagði að Obama vildi tortíma Bandaríkjunum

Judy Rose, sjálfboðaliði úr stuðningsmannaliði Hillary Clinton í Iowa fylki, dró sig til hlés frá kosningabaráttunni eftir að upp komst að hún hefði áframsent fjöldapóst með rógi um Barack Obama.

Verkið var ádeila

Þórarinn Ingi Jónsson, íslenski listneminn, sem olli miklu fjaðrafoki í Toronto í Kanada í síðustu viku með verki sínu „Þetta er ekki sprengja“ segir hugmyndina að baki því meðal annars að taka hluti úr sínu hefðbundna umhverfi. Hann gæti átt yfir höfði sér fangelsisvist vegna listsköpunar sinnar.

Mannskæð árás í Bagdad

Fjórtán manns hið minnsta létust og 28 særðust í bílsprengjuárás nærri mosku sjía í Bagdad í dag. Þetta er mannskæðasta árás sem gerð hefur verið í borginni í tvo mánuði.

Tíkin Trouble í vandræðum

Ríkasti hundur í heimi hefur neyðst til að fara í felur í kjölfar líflátshótana sem honum hafa borist. Tíkin Trouble ber nú nafn með rentu, en hann efnaðist stórkostlega þegar eigandinn Leona Helmslay arfðleiddi hann að 12 milljónum bandaríkjadala, eða um 747 milljónir króna.

Handtekinn eftir heimkomu

Breska lögreglan handtók í gærkvöldi John Darwin, Bretann sem talinn var af fyrir fimm árum en birtist óvænt aftur um síðustu helgi. Breskt blað birti í morgun ljósmynd sem sýnir hann með eiginkonu sinni í Panama í fyrrasumar.

Ræðarinn handtekinn - var ekki týndur

John Darwin breski ræðarinn sem verið hefur týndur í fimm ár var handtekinn af bresku lögreglunni um miðnættið í gærkvöldi. Í ljós hefur komið að Darwin var ekki eins týndur og menn töldu. Breskir fjölmiðlar hafa birt mynd af honum ásamt eiginkonu sinni en myndin var tekin í Panama í fyrra og eru þau bæði skælbrosandi á henni. Lögreglan rannsakar nú hvort hvarf Darwins hafi verið skipulagt frá upphafi og ástæðan verið einhverskonar líftryggingarsvik.

Sjá næstu 50 fréttir

Mest lesið