Elísabet ræðir Dresden-árásina

Þjóðverjar bíða með nokkrum spenningi eftir því hvernig Elísabet Englandsdrottning mun fjalla um loftárásir Breta á borgina Dresden í seinni heimsstyrjöldinni á samkomu bráðlega. Þjóðverjar eru smám saman að opna sig varðandi þjáningar þýsku þjóðarinnar en Seinni heimsstyrjöldin hefur lengst af verið hálfgert bannorð þar í landi.

Umbrotasöm ævi Arafats

Yasser Arafat hefur leitt Palestínumenn í frelsisbaráttu sinni síðan á sjöunda áratugnum. Versnandi heilsa hefur hins vegar vakið spurningar um hvort nú sjái fyrir endann á þátttöku hans í stjórnmálum.

Atkvæðaseðlar í Flórída týndir

Svo virðist sem megnið af 58 þúsund utankjörfundaratkvæðaseðlum í Flórída hafi týnst í pósti. Fjölmargir seðlar týndust í sýslu þar sem demókratar unnu með yfirburðum í síðustu kosningum.

Dýrustu kosningar sögunnar

Kosningarnar í ár verða þær dýrustu í bandarískri stjórnmálasögu og peningar skipta höfuðmáli í kosningabaráttunni. Ingólfur Bjarni Sigfússon komst að því að frambjóðendurnir þurfa að vera ríkir og safna gríðarlegum fjárhæðum til að eiga nokkra von um sigur. 

Arafat fluttur á sjúkrahús í París

Ákveðið var í gærkvöldi að fljúga með Jasser Arafat, forseti heimastjórnar Palestínu, til Parísar. Þar mun Arafat, sem hefur verið mikið veikur undanfarið, leggjast inn á sjúkrahús til læknismeðferðar.

Fleiri Bretar til Bagdad

Bretar byrjuðu í morgun að flytja hluta herliðs síns frá Basra í Suður-Írak í átt til Bagdad, að ósk Bandaríkjamanna en í óþökk fjölmargra breskra þingmanna, þeirra á meðal þingmanna úr Verkamannaflokki Tonys Blairs forsætisráðherra. Mun friðvænlegra hefur verið í Basra en í Bagdad og mannfall þar hverfandi miðað við í höfuðborginni.

Enn jarðskjálftar í Japan

Hús hrundu þegar jarðskjálftar riðu yfir norðurhluta Japans í morgun en engar fregnir hafa borist af manntjóni. Aðstæður í Japan voru vægast sagt slæmar í morgun þegar skjálftarnir riðu yfir. Yir hundrað þúsund manns hafast við í hjálparskýlum og hús eru illa farin eftir skjálftana um helgina og á mánudaginn.

Barroso dró tillöguna til baka

Romano Prodi og stjórn hans mun verða áfram við stjórnvölinn innan framkvæmdastjórnar Evrópusambandsins eftir að Jose Manuel Barroso, væntanlegur formaður framkvæmdastjórnarinnar, tók til baka tillögu sína um skipun 25 manna stjórnar sambandsins nú fyrir stundu. 

Lánuðu Bandaríkjamönnum hertól

Komið er í ljós að norsk stjórnvöld, sem sögðust á sínum tíma vera andvíg innrásinni í Írak, lánuðu Bandaríkjaher laser-ljósabúnað til að velja skotmörk, og ýmis önnur hertól, og sendu þau til Kúveit aðeins nokkrum dögum fyrir innrásina. Málið þykir því hið vandræðalegasta fyrir Kjell Magne Bondevik forsætisráðherra og ríkisstjórn hans.

Vilja ekki verja Milosevic

Verjendur Slobodans Milosevic, fyrrverandi forseta Júgóslavíu, hafa óskað eftir því að verða leystir frá störfum og vilja ekki verja hann lengur í réttarhöldunum yfir honum hjá alþjóðastríðsdómstólnum í Haag. Talsmenn dómstólsins greindu frá þessu í morgun.

Prodi segist halda áfram

Romano Prodi, forseti framkvæmdastjórnar Evrópusambandsins, hefur samþykkt að gegna starfinu áfram „að svo stöddu“, eins og hann orðaði það, en Jose Manuel Barroso, væntanlegur formaður framkvæmdastjórnarinnar, dró til baka tillögu sína um skipun 25 manna stjórnar sambandsins fyrr í morgun.

Málefnafátækt hjá Bush og Kerry

Málefnafátækt og hörð gagnrýni á andstæðinginn einkennir kosningaáróður þeirra George Bush og Johns Kerrys þessa síðustu daga fyrir forsetakosningarnar í Bandaríkjunum. Í lykilríkjum er munurinn á fylgi þeirra nánast enginn svo að þeir grípa til örþrifaráða í von um að koma höggi á andstæðinginn.

Mikill titringur í Noregi

Komið er í ljós að norsk stjórnvöld, sem sögðust á sínum tíma vera andvíg innrásinni í Írak, lánuðu Bandaríkjaher leysiljósabúnað til að velja skotmörk og sendu þau til Kúveits aðeins nokkrum dögum fyrir innrásina. Mikill titringur er í Noregi vegna málsins.

Buttiglione enn fulltrúi Ítalíu

Utanríkisráðherra Ítalíu, Franco Frattini, segir Rocco Buttiglione enn vera fulltrúa Ítalíu í framkvæmdastjórn Evrópusambandsins. Silvio Berlusconi, forsætisráðherra Ítalíu, mun ræða við Jose Manuel Barroso, væntanlegan formann framkvæmdastjórnarinnar, um deiluna sem upp er risin innan ESB.

Sviss í Schengen

Sviss gekk í dag formlega inn í Schengen-samtarfið en full þátttaka hefst ekki fyrr en á árinu 2007. Þá tekur Sviss þátt í Dyflinnarsamstarfi Evrópusambandsins ásamt Íslandi og Noregi um hvaða ríki skuli fara með umsókn um pólitískt hæli sem borin er fram í einhverju aðildarríkjanna.

Engin leið að spá um úrslitin

Úrslitin í forsetakosningunum í Bandaríkjunum ráðast að líkindum í nokkrum lykilríkjum og þar er tvísýnan ennþá meiri en annars staðar. Í tveimur þeirra ríkja sem að líkindum munu ráða miklu um hver verður næsti forseti Bandaríkjanna er engin leið að sjá hvorum vegnar betur.

5000 hektara svæði brunnið

Sýrlenskum og tyrkneskum slökkviliðsmönnum hefur tekist að ná tökum á miklum skógareldum á landamærum þjóðanna. Einn maður hefur þegar látið lífið af völdum eldanna og fjölmargir slasast.

Kjörmennirnir í kjöraðstöðu

Bandaríkjamenn kjósa á þriðjudaginn 538 kjörmenn sem síðan ákveða hvor sest að í Hvíta húsinu, Bush eða Kerry. Kjörmannakerfið hefur í för með sér að ekki er sjálfgefið að sá frambjóðandi sem flest atkvæði fær verður forseti.

Tíu prósent hafa þegar kosið

Einn af hverjum tíu líklegum kjósendum í bandarísku forsetakosningunum hafa þegar greitt atkvæði samkvæmt skoðanakönnun fyrir fréttastofu sjónvarpstöðvarinnar ABC. Af þeim greiddu 51 prósent repúblikananum George W. Bush atkvæði en 47 prósent demókratanum John Kerry.

Draga misjafnan lærdóm af sögunni

George W. Bush Bandaríkjaforseti og demókratinn John Kerry vitnuðu til starfa fyrrverandi forseta úr röðum demókrata og komust að sömu niðurstöðu, að andstæðingur sinn stæðist engan veginn samanburð við þá.

Verjandi Milosevic vill hætta

Verjandi Slobodans Milosevic, fyrrum Júgóslavíuforseta, hefur óskað eftir því að vera leystur frá vörn Milosevic. Steven Kay hefur áður kvartað undan því að hann geti ekki varið Milosevic vegna þess að forsetinn fyrrverandi neitar öllu samstarfi við hann auk þess sem hann eigi erfitt með að hafa upp á vitnum sem séu reiðubúin að mæta fyrir rétt.

Framkvæmdastjórnin í uppnámi

Skipan næstu framkvæmdastjórnar Evrópusambandsins er í uppnámi eftir að Jose Manuel Barroso dró til baka tillögu sína um skipun stjórnarinnar Þá var ljóst að þingmenn myndu ekki veita framkvæmdastjórninni brautargengi vegna andstöðu þeirra við ítalska frambjóðandann sem fara á með dómsmál í framkvæmdastjórninni.

Bjarga drukknum Írum upp úr á

Drukknir Dyflinarbúar gera slökkviliðsmönnum í írsku höfuðborginni lífið leitt. Ástæðan er sú að í viku hverri stökkva eða falla drukknir einstaklingar fram af göngubrúm sem liggja yfir Liffey-ána sem skiptir miðborg Dyflinar í tvennt.

Stofna nýja Al-Jazeera

Arabíska sjónvarpsstöðin Al-Jazeera byrjar rekstur enskumælandi fréttasjónvarpsstöðvar fyrir lok næsta árs. Að sögn Nigel Parsons, eins stjórnenda fyrirtækisins, verður megináherslan á fréttaflutning frá þróunarlöndum, nokkuð sem stjórnendum Al-Jazeera finnst enskumælandi fréttastöðvar hafa sinnt of lítið.

Nauðungarhjónabönd verði refsiverð

Breska stjórnin ætlar að skoða möguleika á að gera það refsivert að neyða fólk í hjónaband, sagði David Blunkett innanríkisráðherra Bretlands. Hann sagði stjórnvöld líka ætla að hækka lágmarksaldur fólks sem fengi að koma til landsins sem makar þeirra sem fyrir eru í Bretlandi.

Stríðsglæpamaður til Danmerkur

Serbneskur stríðsglæpamaður verður fluttur til Danmerkur þar sem hann afplánar átján ára dóm sem Alþjóðlegi refsidómstóllinn fyrir fyrrverandi Júgóslavíu kvað upp yfir honum vegna stríðsglæpa í borgarastríðinu á síðasta áratug. Hann er fyrsti stríðsglæpamaðurinn sem er fluttur til Danmerkur til afplánunar að því er fram kemur á vef Information.

Heimasíðan bara fyrir Bandaríkin

Það þýðir lítið fyrir áhugamenn um bandarísk stjórnmál utan Bandaríkjanna að reyna að sækja sér upplýsingar um George W. Bush Bandaríkjaforseta á heimasíðu hans. Heimasíðunni var á dögunum lokað fyrir allri umferð frá löndum utan Bandaríkjanna að því er virðist til að minnka álag á hana.

Kerry kvartar og kveinar

John Kerry, forsetaframbjóðandi demókrata, segir að bandaríska þjóðin eiga skilið að fá leiðtoga sem viti hvernig á að tryggja öryggi landsins. George Bush forseti segir að Kerry skorti framtíðarsýn og kvarti bara og kveini.

ESB í úlfakreppu

Evrópusambandið er í úlfakreppu eftir að Jose Manuel Barroso, tilvonandi forseti framkvæmdastjórnar sambandsins, hætti á síðustu stundu við að skipa nýja framkvæmdastjórn í dag. Fordómar í garð samkynhneigðra og einstæðra mæðra valda þessari kreppu.

Betra ef Bush ynni

Utanríkismál hafa skipað stóran sess í kosningabaráttunni í Bandaríkjunum en þegar grannt er skoðað kemur í ljós að stefna frambjóðendanna tveggja í málaflokknum er ekki svo ýkja ólík. Almennt er talið að það kæmi sér betur fyrir íslensk stjórnvöld ef George Bush yrði endurkjörinn.

Arafat meðvitundarlaus

Yasser Arafat, leiðtogi Palestínumanna, féll niður meðvitundarlaus fyrr í kvöld að því er CNN og Reuters greina frá. Ekki hafa borist fregnir af því hvort hann sé kominn aftur til meðvitundar. Hinn 75 ára gamli Arafat hefur verið mjög heilsulaus undanfarna daga en ekki er vitað nákvæmlega hvað amar að honum.

Óvissa um höfuðkúpu Mozarts

Réttarlæknar hafa grafið upp beinagrindur ættingja Wolfgangs Amadeusar Mozart til að taka lífsýni.

Koizumi lætur ekki undan þrýstingi

Junichiro Koizumi, forsætisráðherra Japans, ætlar ekki að láta undan þrýstingi íraskra mannræningja sem hafa hótað að taka 24 ára gamlan Japana af lífi ef japanskir friðargæsluliðar fara ekki úr landinu.

Spánverjar vilja Gíbraltar

Utanríkisráðherrar Spánar og Bretlands munu ræða framtíð Gíbraltar á fundi sínum í Madríd í fyrsta skiptið síðan árið 2002. Löndin hafa deilt um yfirráð yfir Gíbraltar í 300 ár.

Fundu nýja tegund fornmanna

Vísindamenn telja sig hafa fundið nýja tegund manna á Indónesísku eyjunni Flores. Talið er að tegundin hafi verið uppi á sama tíma og homo sapiens en dáið út fyrir um 12 þúsund árum. Nýja tegundin hefur hlotið nafnið homo floresiensis.

Hefur hvarf sprengiefnanna áhrif

Hvarf hátt í fjögur hundruð tonna af mjög öflugu sprengiefni úr vopnageymslu í Írak, sem meðal annars má nota til að koma af stað kjarnasprengju, er að verða hitamál í kosningabaráttunni í Bandaríkjunum. John Kerry sakar Bush forseta um að stefna hernámsliðinu í hættu með því að hafa ekki látið hafa gætur á geymslunni.

Voru efnin horfin fyrir löngu?

Fréttalið frá NBC fréttastofunni greindi í morgun frá því að sprengiefnin, sem geymd voru í al-Qaqaa vopnageymslunni í Írak og eru horfin, hafi verið horfin þaðan þegar hópurinn kom þangað í fylgd með bandarískum hermönnum daginn eftir að Bagdad féll í hendur innrásarliðsins.

Í hungurverkfalli í dómkirkju

Þrettán flóttamenn frá Eþíópíu, sem hafa dvalið í búðum fyrir flóttamenn í Noregi í þrjú ár, án þess að fá landvistarleyfi, settust að í dómkirkjunni í Oslo í gærkvöldi og hófu þar hugurverkfall. Fólkinu hefur verið gert að yfirgefa Noreg en það berst fyrir landvist sinni með þessum hætti.

Arafat fær leyfi til flutnings

Ísraelar hafa gefið Yasser Arafat leyfi til að yfirgefa Vesturbakkann til að gangast undir læknisaðgerð. Þessar fregnir gefa til kynna að veikindi Arafats séu alvarleg. Palestínskir embættismenn segja hins vegar að Arafat sé að jafna sig eftir flensu og að hann muni ekki þiggja boð Ísraelsmanna.

Ísraelar leyfa flutning Arafats

Heilsufar Jassers Arafats, leiðtoga Palestínumanna, hefur enn og aftur dregið athyglina að aðstæðum Arafats sem hefur setið í nokkurs konar sjálfsskipuðu stofufangelsi í hálft þriðja ár.

Chirac og Schröder ræða um Tyrki

Jacques Chirac, frakklandsforseti og Gerhard Schröder, kanslari Þýsklands hitta í dag Tayyp Erdogan, forsætisráðherra Tyrklands til þess að ræða hugsanlega aðild Tyrkja að Evrópusambandinu. Báðir eru þeir Chirac og Schröder mjög hlynntir aðild Tyrkja að sambandinu og Erdogan veit sem er að álit þeirra mun vega þungt þegar aðild Tyrkja verður tekin fyrir í desember.

Aðstoðarmaður Zarqawis drepinn

Náinn aðstoðarmaður Jórdanska skæruliðans Abu Musabs Al-Zarqawi var drepinn í árásum Bandaríkjamanna á Fallujah í gær. Bandaríkjamenn skutu á hús í eigu Zarqawis, þar sem aðstoðarmaðurinn hélt til með fyrrgreindum afleiðingum. Þeir beita nú öllum tiltækum ráðum til þess að ráða Zarqawi af dögum og hafa sett 25 milljónir bandaríkjadala til höfuðs honum.

Clinton á fullt skrið

„Ef þetta er ekki gott fyrir hjartað, þá er það varla neitt," sagði Bill Clinton um kosningafund sem hann tók þátt í með John Kerry í Philadelphiu í gær. Forsetinn fyrrverandi kom í gær fram opinberlega í fyrsta sinn síðan hann gekkst undir hjartaaðgerð fyrir rúmum tveim mánuðum og gagnrýndi George Bush harðlega við það tækifæri.

Barosso óttast höfnun

Jose Manuel Barosso, tilvonandi forseti framkvæmdastjórnar Evrópusambandsins, segir sambandið komið í uppnám ef Evrópuþingið hafnar 24 manna framkvæmdastjórn hans, eins og töluverðar líkur eru á. Sérstaklega er það tilnefning Ítalans Rocco Buttiglione sem yfirmanns dómsmála, sem fer fyrir brjóstið á þingmönnum Evrópu

Tæplega 80 létust

Tæplega áttatíu manns tróðust til bana í mótmælum sem brutust út í Suður Taílandi í gær. Mikill mannfjöldi hafði safnast saman fyrir utan lögreglustöð í borginni Pattani til að krefjast þess að sex fangar sem sakaðir eru um samstarf við skæruliða múslima yrðu látnir lausir.