Úrslit standa þrátt fyrir svindl

Þó að kosningasvindl hafi augljóslega átt sér stað í kosningunum í Afganistan er nánast útilokað að kosningarnar verði dæmdar ógildar að sögn kosningaeftirlitsmanns.

Samþykktu brottflutning landnema

Ísraelska þingið samþykkti í gærkvöld áætlun Ariels Sharon forsætisráðherra um brottflutning ísraelskra landnema frá Gaza og fjórum svæðum á Vesturbakkanum. Auk landnemanna draga Ísraelsmenn herlið, sem verndað hefur landnemabyggðirnar á þessum svæðum, til baka. 

Ekki kjósa Bush frænda

Sjö fjarskyldir ættingjar George W. Bush Bandaríkjaforseta hafa opnað vefsíðu þar sem kjósendur eru beðnir um að kjósa ekki frænda þeirra.

Rice vill að Arafat hætti

Þeir þjóðarleiðtogar sem enn ræða við Yasser Arafat, leiðtoga Palestínumanna, eiga að þrýsta á hann að hætta. Þetta segir Condoleezza Rice, þjóðaröryggisráðgjafi Bandaríkjaforseta.

Umdeildur stuðningur Pútíns

Viðtal við forseta Rússlands, Vladimir Pútín, birtist í úkraínsku sjónvarpi í gær, aðeins sex dögum fyrir umdeildar forsetakosningar í landinu. Talið er að viðtalið hafi verið birt til að styðja annan frambjóðandann, forsætisráðherra Úkraínu Viktor Yanukovych.

Lögregla stöðvaði sjálfsvíg

Lögreglan á Kristjánssandi stöðvaði ungt þýskt par sem hafði áætlað að fremja sjálfsvíg með því að stökkva fram af Prekestolen, 600 metra háu bjargi sem er vinsæll ferðamannastaður á vesturströnd Noregs, nærri Stavangri.

Lélegt sjónvarpsefni bannað

Ríkisstjórn Spánar og helstu sjónvarpsstöðvar landsins hafa samþykkt að banna "rusl" sjónvarpsþætti á þeim tímum sólarhrings þegar börn gætu verið að horfa.

6 farast á Gasa

Sex palestínumenn fórust og sextán særðust þegar ísraelsmenn gerðu árás á hernaðarlega mikilvæg skotmörk á Gasa í gærkvöldi, að þeirar sögn, og beittu til þess fjarstýrðri flugvél. Ísraelskir hermenn og skriðdrekasveit fylgdu í kjölfarið og fóru hús úr húsi í þeim tilgangi að koma í veg fyirr árásir palestínumanna á landtökubyggð gyðinga á Gush Katif svæðinu. <font size="4"></font>

Fólk aðstoðað í kjölfar skjálfta

Hjálparstarfsmenn reyna nú að koma mat og teppum til fólks, sem hefst við á götum úti og í íþróttahúsum eftir að eftirskjálfti upp á 5,8 á richter reið yfir í norðurhluta Japans í morgun. Um hundrað þúsund manns hafa þurft að flýja heimili sín eftir skjálftann um helgina og er stór hluti svæðisins er án vatns, rafmagns og gass.

Njósn frá æðri stöðum?

Talið er að uppreisnarmönnum hafi borist njósn frá æðri stöðum um ferðir írösku hermannanna  50 sem myrtir voru í gær. Embættismenn í Írak segja að uppreisnarmenn hljóti að hafa fengið upplýsingar um að hermennirnir væru á leið heim í rútunum og að því er virðist, veitt þeim launsátur.

Taka harðar á peningaþvætti

Kínversk stjórnvöld hafa hert aðgerðir gegn peningaþvætti í landinu og frá og með deginum í dag, ber öllum bönkum og fjármálastofnunum að tilkynna sérstaklega um allar óvenjulega háar upphæðir, sem eru millifærðar erlendis frá. Yfirvöld vona að með þessu verði hægt að draga verulega úr peningaþvætti, en óttast er að það sé stundað í stórum stíl í Kína.

Pólverjar mynda mikilvæga brú

John Kerry, frambjóðandi demókrata í forsetakosningunum í Bandaríkjunum, segir Pólland vera þá mikilvægu brú, sem tengir Bandaríkin við Evrópu. Kerry segir þetta í viðtali við pólska dagblaðið Gazeta í dag og er litið á þetta sem tilraun hjá honum til þess að tryggja sér atkvæði kjósenda af pólskum uppruna í væntanlegum kosningum.

Bush yfir

Nýjustu skoðanakannanir vestanhafs sýna að George Bush hefur örlítið forskot á John Kerry fyrir forsetakosningarnar 2. nóvember næstkomandi.

Endurkjörinn með 95% atkvæða

Ben-Ali, forseti Túnis til 17 ára, hefur verið endurkjörinn með 95% greiddra atkvæða. Ali, sem er fyrrverandi hershöfðingi, þykir eiga stóran þátt í þeim stöðugleika sem einkennt hefur Túnis undanfarin ár.

Segir Bush hafa misnotað 9/11

Jimmy Carter, fyrrverandi forseti Bandaríkjanna, segir George Bush hafa misnotað sér þjáningar fólks í kjölfar árásanna 11. september 2001 og hann hafi eyðilaggt áratuga viðleitni til þess að ná fram friði í heiminum.

Powell þrýstir á Kínverja

Colin Powell, utanríkisráðherra Bandaríkjanna, hvetur Kínverja til þess að þrýsta á Norður-Kóreumenn um að hætta þróun kjarnavopna. Powell er nú staddur í Kína og segist hann vilja að Kínverjar verði meira en bara milliliðir í viðræðum um kjarnavopnaþróun í Norður-Kóreu.

Fimm handteknir í Egyptalandi

Fimm Egyptar hafa verið handteknir vegna sprengjuárása á ferðamannahótel fyrr í þessum mánuði. Einn mannanna fimm, Palestínumaðurinn Ayad Said Salah, er talinn forsprakki sprengjuárásanna. Að minnsta kosti 34 létust í sprengjuárásunum þremur og yfir eitt hundrað slösuðust.

Clinton á fundi með Kerry í dag

Bill Clinton mun í dag koma fram opinberlega í fyrsta sinn síðan hann var lagður inn á spítala vegna hjartaaðgerðar fyrir rúmum 2 mánuðum síðan. Clinton, sem kemur fram á kosningafundi John Kerrys í Philadelphiu,

Ekki bindandi fyrir Þjóðverja

Stjórnlagadómstóll Þýskalands hefur komist að þeirri niðurstöðu að dómar Mannréttindadómstóls Evrópu væru ekki bindandi fyrir Þýskaland, heldur aðeins leiðbeinandi. Stjórnlagadómstóllinn segir rétt að hafa þær leiðbeiningar til hliðsjónar ef þær brjóta ekki í bága við stjórnarskrá Þýskalands.

Öryggi minna en talið er

Öryggi heimilistölvunnar eru ekki jafnmikið og eigendurnir halda samkvæmt nýrri könnun American Online og NCSA. 77% aðspurðra töldu sig örugga í könnuninni, en í ljós kom að yfir 60% þeirra höfðu ekki nýjustu veiruvarnir og notuðu ekki eldvegg.

380 tonn af sprengiefni týnd

Ekki er vitað um afdrif 380 tonna af sprengiefni, sem talið var að væru í írakskri vopnageymslu undir stjórn Bandaríkjamanna. Vopnaeftirlitsmenn Sameinuðu Þjóðanna segjast óttast að sprengiefnin seú ef til vill í höndum hryðjuverkamanna, sem gætu gert með þeim mikinn óskunda.

Olían enn í hámarki

Olíuverð heldur áfram að hækka, en það fór upp í 55 Dali og 67 sent í dag, en lækkaði síðan aftur þegar norsk stjórnvöld gripu til aðgerða sem koma í veg fyrir verkfall olíustarfsmanna þar í landi. Hefði komið til verkfalls hefði framleiðslan stöðvast, en Noregur er þriðji mesti olíuútflytjandi heims.

Ömurlegar aðstæður

Ömurlegar aðstæður blasa við þeim sem eiga um sárt að binda vegna jarðskjálftans sem reið yfir norðurhluta Japans um helgina og kostaði minnst tuttugu og fimm manns lífið. Þúsundir manna þurfa að hafast við á götum úti og reyna hjálparstarfsmenn að koma mat og teppi til þeirra sem urðu hvað verst úti.

Segist sterkari gegn hryðjuverkum

George Bush, forseti Bandaríkjanna, segir að úrslit forsetakosninganna eftir rúma viku skipti sköpum fyrir baráttuna gegn hryðjuverkum. John Kerry, forsetaframbjóðandi demókrata, segir að á síðastliðnum fjórum árum, hafi Bush einungis tekist að hræða bandarísku þjóðina.

Margar hliðar kjörmannakerfis

Það er ekki almenningur í Bandaríkjunum sem kýs forseta landsins og sá sem ber sigur úr býtum hefur ekki endilega flest atkvæði á bak sig. Eitt af því sem skilur bandarískt lýðræði frá því sem annars staðar þekkist er kjörmannakerfið. Í stuttu máli gengur það út á að almenningur kýs ekki forseta landsins beinni kosningu, heldur svokallaða kjörmenn, sem koma saman að hinum eiginlegu kosningum loknum og velja forseta.

Clinton skammaði repúblikana

Repúblikanar reyna að hræða óákveðna kjósendur frá John Kerry og reyna að hræða stuðningsmenn hans frá því að kjósa, sagði Bill Clinton, fyrrum Bandaríkjaforseti, þegar hann kom fram á kosningafundi með Kerry í gær. Clinton hóf þar þátttöku sína í kosningabaráttunni eftir langa sjúkralegu.

Brotthvarf rætt í skugga ofbeldis

Blóðsúthellingar í flóttamannabúðum á Gaza og mesta öryggisgæsla í sögu Ísraelsþing voru í algleymingi þegar Ariel Sharon forsætisráðherra tók til máls í ísraelska þinginu og hvatti þingmenn til að styðja áætlun sína um brotthvarf ísraelskra hermanna og landtökumanna frá Gaza.

Miklu magni sprengiefna stolið

Nokkur hundruð tonn af sprengiefnum eru horfin úr vopnabúri Írakshers. Sprengiefnunum var stolið úr vopnabúri sem Alþjóða kjarnorkumálastofnunin hafði bent Bandaríkjaher sérstaklega á að hafa eftirlit með. Þjófar hafa ítrekað stolið sprengiefnum þar og hafa líkur verið leiddar að því að hluti efnisins hafi verið notaður í árásum vígamanna í Írak.

Fjölgar í 30 ár enn

Kínverjar telja tæpan einn og hálfan milljarð eftir þrjátíu ár en eftir það fer þeim að fækka. Þannig hljómar ný mannfjöldaspá kínverskra stjórnvalda. "Landsmönnum fjölgar um tíu milljónir árlega og verða flestir 1.460 milljónir um miðjan fjórða áratuginn," sagði Zhang Weiqing, yfirmaður mannfjöldamála, í viðtali við kínverskt dagblað.

Kratar stærstir í sveitarstjórnum

Finnskir jafnaðarmenn bættu við sig fylgi í sveitarstjórnarkosningum á sunnudag. Þeir fengu 24 prósent atkvæða og eru öflugasti flokkurinn í finnskum sveitarstjórnum á nýjan leik. Næstur kemur Íhaldsflokkurinn sem fór úr 21 prósenti í 22 prósent. Miðflokkurinn tapaði fylgi og fékk 23 prósent atkvæða.

Milljónir þjást vegna mengunar

Tveir af hverjum fimm íbúum Nýju Delí eiga við lungnasjúkdóma að stríða af völdum loftmengunar í þessari fjórtán milljón manna höfuðborg Indlands.

Tóku ástina fram yfir munkslífið

Tveir búddamunkar sneru baki við skírlífsheiti sínu eftir að þeir urðu ástfangnir af unglingsstúlkum sem hafa þann starfa að selja bjór nærri musteri munkanna.

Fékk aðeins 95 prósent atkvæða

Zine El Abidine Ben Ali, forseti Túnis, var endurkjörinn sem forseti með 95 prósentum greiddra atkvæða að sögn embættismanna. Þetta er heldur lakari niðurstaða fyrir forsetann en í síðustu kosningum, sem fóru fram 1999, þá hlaut hann 99,4 prósent atkvæða samkvæmt opinberum tölum.

Fyrrum forseti sýknaður

Rolandas Paksas, fyrrum forseti Litháens, var á mánudag sýknaður af ákærum um að hafa greint fjárhagslegum bakhjarli sínum frá ríkisleyndarmálum. Dómurinn komst að þeirri niðurstöðu að engar sannanir væru fyrir því að forsetinn fyrrverandi hefði gert það sem hann var sakaður um.

Höfuðpaur Sínaí-árása fundinn

Höfuðpaur hryðjuverkamannanna sem sprengdu hótel á Sínaískaga og kostuðu 34 einstaklinga lífið var Palestínumaður sem lést í árásinni. Þetta er niðurstaða rannsóknar egypsku lögreglunnar.

49 lík írakskra hermanna finnast

Lík fjörutíu og níu írakskra hermanna hafa fundist skammt norðaustur af Bagdad að sögn yfirvalda í Írak. Þrjátíu og sjö fundust í gær og tólf við viðbótar í morgun. Svo virðist sem skæruliðar hafi setið fyrir hermönnunum þar sem þeir voru á leið heim í leyfi.

Kosningar í Litháen í dag

Kosið er til þings í Litháen í dag og er grannt fylgst með kosningunum, bæði í Rússlandi og innan Evrópusambandsins. Efnahagur Litháens vex nú hraðar en efnahagskerfi annarra Evrópusambandslanda.

Bandarískur embættismaður drepinn

Bandarískur embættismaður var drepinn í sprengjuárás í Írak í morgun. Colin Powell, utanríkisráðherra Bandaríkjanna, greindi frá þessu í tilkynningu fyrir stundu.

Bush enn með 2% forskot

Bush Bandaríkjaforseti hefur áfram um tveggja prósentustiga forskot á John Kerry samkvæmt nýjustu könnum Reuters og Zogby sem birt var á tólfta tímanum. Hvorugur frambjóðendinn nær þó helmings fylgi; Bush er með fjörutíu og átta prósent og Kerry með fjörutíu og sex.

Uppgjöf aðalkeppinautar Karzais

Yunus Qanuni, aðalkeppinautur Hamid Karzais, bráðabirgðaforseta Afganistans, um embættið í kosningunum um þarsíðustu helgi, hefur játað sig sigraðan þótt talning atkvæða sé ekki lokið. Karzai hefur fengið 55,3% atkvæða en Qanuni 16,2% þegar aðeins á eftir að telja rúm fimm prósent greiddra atkvæða.

Þúsundir á vergangi

Þúsundir þreyttra og óttasleginna íbúa norðurhluta Tókýó hafa nú hafst við í tvær nætur í skýlum, bílum eða á bersvæði frá því að mannskæðasti jarðskjálftinn þar í landi í tæpan áratug reið yfir.

Búlgarar særðust í sprengingu

Tveir búlgarskir hermenn særðust alvarlega þegar bílsprengja sprakk í Kerbala í suðurhluta Íraks í dag. Þetta er haft eftir talsmanni varnarmálaráðuneytis Búlgaríu.

Ríkisstjórn mynduð sem fyrst

Albanskir stjórnmálaflokkar eru sigurvegarar kosninganna í Kósóvó. Við því var reyndar búist þar sem um níutíu prósent íbúa héraðsins eru af albönsku bergi brotin. Fulltrúar Sameinuðu þjóðanna í Kósóvó hvöttu í dag leiðtoga flokkanna til að mynda nýja ríkisstjórn sem fyrst.

Blaðamönnunum bráðum sleppt

Tveimur frönskum blaðamönnum sem haldið hefur verið í gíslingu í Írak á þriðja mánuð verður sleppt áður en langt um líður, að sögn talsmanns íraks hóps. Frönsk útvarpsstöð tók við hann viðtal um síma frá Bagdad. Franska utanríkisráðuneytið hefur neitað að tjá sig um þessi nýjustu tíðindi.

49 írakskir hermenn aflífaðir

Lík fjörutíu og níu írakskra hermanna hafa fundist í Írak um helgina. Talið er að skæruliðar hafi ráðist á þá þar sem þeir voru á leið heim í frí, og tekið þá af lífi.