Herjólfur aftur á leið til Vestmannaeyja

Herjólfur er nú á leið aftur til Vestmannaeyja þar sem ófært var í innsiglingunni til Landeyjahafnar.

Reglur um vökva framlengdar

Evrópusambandið hefur ákveðið að framlengja gildistíma reglna sem takmarka þann vökva sem flugfarþegar mega taka með sér í handfarangur. Í nærri sex ár hefur sú regla gilt að flugfarþegar mega aðeins taka með sér vökva í flug sem kemst fyrir í 100 millilítra umbúðum. Ílátin verða að vera ofan í poka sem svo er skimaður.

Ferðir Herjólfs falla niður

Ferð Herjólfs sem fara átti frá Vestmannaeyjum klukkan 11:30 og frá Landeyjahöfn klukkan 13:00 fellur niður vegna ölduhæðar sem nú nær 3.1 metrum núna á tólfta tímanum. Töluvert brot er við hafnargarðanna.

Barist í Damaskus og Aleppo

Hart var var tekist á í Damaskus, höfuðborg Sýrlands í nótt. Hersveitir stjórnarhersins gerðu árás á nokkur úthverfi borgarinnar og notuðu við það þungavopn og herþyrlur. Þá voru einnig mikil átök í stærstu borg Sýrlands, Aleppo, í nótt.

Herjólfur aftur á áætlun

Herjólfur er aftur kominn á áætlun eftir að ferðum var frestað í gær. Vindur var þá um 30 metrar í hviðum og ölduhæð 3.1 og 2.8 metrar á duflunum tveimur í Landeyjarhöfn.

Hvassast undir Eyjafjöllum í gær

Veðurfræðingur hjá Veðurstofu Íslands segir að spár hafi sannarlega ræst í gær. Undir Eyjafjöllum fóru hviður upp í 40 metra á sekúndu, að sama skapi fóru hviður í Vestmannaeyjabæ yfir 30 metra á sekúndu.

Þrír teknir úr umferð í nótt

Tveir voru teknir úr umferð vegna ölvunar, óspekta og brota á lögreglusamþykkt. Í bæði skiptin hafði lögregla rætt við aðilana áður og gefið þeim viðvörun. Það virðist ekki hafa dugað og því var gisting í fangaklefa eina meðalið að þessu sinni. Þeir mega búast við kæru vegna brota sinna. Á sjötta tímanum varð lögreglan vitni að líkamsárás í miðborginni. Þar réðst karlmaður á konu og veitti henni áverka. Maðurinn var handtekinn og gistir nú fangageymslu þar til hægt verður að yfirheyra hann.

Ökuréttindaleysi og fíkniefnaakstur

Lögreglan á höfuðborgarsvæðinu hafði afskipti af sjö ökumönnum í nótt. Um kvöldmatarleytið í gær var ökumaður stöðvar í miðborginni grunaður um akstur undir áhrifum áfengis eða fíkniefna. Við nánari athugun lögreglu reyndist aðilinn undir áhrifum fíkniefna. Þar að auki hafði hann verið sviptur ökuréttindum áður fyrir sömu iðju. Þá reyndist bifreiðinni afa verið stolið úr Austurborginni um helgina. Ökumanninum var sleppt úr haldi eftir töku blóðsýnis og skýrslutöku.

Sýningum The Dark Knight Rises frestað víða

Stórleikarinn Christian Bale, sem fer með hlutverk Leðurblökumannsins í The Dark Knight Rises, sagði í dag að orð gætu vart lýst þeim harmleik sem átti sér stað í Colorado í gær.

Ferðamaður fauk og slasaðist

Ferðamaður staddur við Álftavatn að Fjallabaki slasaðist að því er virðist illa á mjöðm þegar hann fauk í roki snemma í kvöld. Í tilkynningu sem Slysavarnarfélagið Landsbjörg sendi klukkan tuttugu mínútur í tíu í kvöld segir að björgunarsveitarhópar sem staddir voru á svæðinu séu nýkomnir á staðinn og hafa útbúið sjúklinginn til flutnings.

Hefðbundinn tælenskur konungsdans í Kópavogi

Það tekur tælenska dansara yfir tvo tíma að klæða sig í búningana sína sem eru saumaðir utan um þá. Nítján tælenskir nemendur eru nú hér á landi til að kynna hefðbundinn tælenskan konungsdans fyrir Íslendingum.

Hleypur, hjólar og syndir

Kári Steinn Karlsson maraþonhlaupari ætlar að kveðja landsmenn á morgun með því að taka þátt í þríþraut, en á mánudag tekur afreksmaðurinn ungi stefnuna á Ólympíuleikana í Lundúnum.

Vagg og velta á torfæru í Jósepsdal

Torfærukeppni var haldin í Jósepsdal í dag. Keppnissvæðið var vinsælt upp úr 1990 en hefur ekki verið notað síðastliðin sex ár.

Víða farið að hvessa og versnar fram eftir kvöldi

Farið er að hvessa all verulega á suðurlandi og mun veðrið halda áfram að versna fram eftir kvöldi. Slysavarnarfélagið Landsbjörg hvetur fólk til að halda kyrru fyrir.

Kaupþing stefnir Vestmannaeyjabæ

Slitastjórn Kaupþings hefur stefnt Vestmannaeyjabæ og krefur hann um rúmlega milljarð króna. Bæjarstjóri Vestmannaeyja segir málið risavaxið fyrir lítið bæjarfélag en eyjamenn geri sjóklárt og undirbúi sig undir dómstólaleið

Enginn með allar tölur réttar

Enginn var með allar tölur réttar í Víkingalottóinu í kvöld. Vinningstölurnar voru 1, 7, 10, 14, 38 og bónustalan var 40.

Eldur í ruslatunnu

Lögregla, sjúkrabílar og slökkvilið höfuðborgarsvæðisins voru kölluð út fyrr í dag vegna bruna í Kópavogi. Talið er að kviknað hafi í ruslatunnu og að eldurinn hafi síðan læst sig í nálægu húsi.

Interpol varar við fölsuðum miðum

Interpol í Lundúnum varar við vefsíðum sem bjóða kaup á fölsuðum miðum á Ólympíuleikana 2012 og Ólympíuleika fatlaðra 2012. Þá er félagið Euroteam í rannsókn hjá lögreglunni og er fólki ráðlagt að versla alls ekki miða á atburði leikanna af þessu félagi.

"Maður gengur út frá því að fólk sé heiðarlegt"

Fangelsismálastofnun rannsakar nú hvernig fyrrverandi fangelsisstjóra á Kvíabryggju tókst að draga að sér fé og ýmis verðmæti sem tilheyrðu fangelsinu, samtals að andvirði 1.6 milljóna króna. Hann var dæmdur fyrir brotið í Héraðsdómi Vesturlands í gær

Á batavegi eftir bílveltu

Maðurinn sem slasaðist alvarlega eftir bílveltu á Nesjavallavegi í gærkvöld er á batavegi. Vakthafandi læknir á gjörgæsludeild Landspítalans segir að maðurinn, sem er á miðjum aldri, verði útskrifaður af gjörgæslu síðar í dag.

Skátar með annað augað á veðurspánni

Fólk er nú farið að týnast að Úlfljótsvatni þar sem Landsmót skáta fer fram. Um 500 manns eru á svæðinu núna en gert er ráð fyrir að um 5.000 manns muni sækja mótið í ár.

Nubo: "Íslendingar veikgeðja og sjúkir"

Kínverski athafnarmaðurinn Huang Nubo fór ófögrum orðum um Íslendinga þegar hann ávarpaði stjórnendur og nemendur CEIBS viðskiptaskólans í Sjanghæ á dögunum. Þar sagði fjárfestirinn að Íslendingar væru veikgeðja og sjúkir.

Skýjakerfi lægðarinnar nálgast

Veðurstofa Íslands varar við því að treysta staðarspám um vindstyrk um helgina. Búist er við stormi á Suðurlandi, við Faxafóa og á hálendinu seint í dag. Þá hefur Vegagerðin varað við miklu hvassviðri suðvestanlands upp úr hádegi í dag.

Tælenskir konungsdansar í Salnum

Taílensk-íslenskafélagið stendur fyrir danssýningu í Salnum í Kópavogi í dag. Þar koma 18 dans- og tónlistarnemar fram og sýna Khon-dansa.

Varað við hvassviðri

Vegagerðin varar við miklu hvassviðrið suðvestanlands upp úr úr hádegi í dag. Spáð er meðalvindi að 18-23 m/s sunnan- og suðvestanlands sem og á hálendinu vestanverðu.

Auðvelt að laumast inn í flugvélina

Hælisleitendurnir sem fundust um borð í flugvél Icelandair fyrir um tveimur vikum segja að auðvelt hafi verið að komast fram hjá öryggisgæslunni og inn í vélina.

Pottur gleymdist á eldavél

Reyk lagði frá íbúð í fjölbýlishúsi í Dunhaga í Reykjavík um áttaleytið í morgun. Slökkviliðið kom skjótt á staðinn eftir að hafa fengið tilkynningu frá nágrönnum en reykurinn steig upp úr potti sem hafði gleymst á eldavél.

Lífshættulega slasaður

Karlmaður á miðjum aldri liggur nú alvarlega slasaður á gjörgæsludeild Landspítalans eftir bílveltu á Nesjavallavegi í gærkvöld.

Réðst á 15 ára pilt

Fjórar líkamsárásir áttu sér stað í Reykjavík í nótt. Karlmaður veittist að 15 ára dreng á Grundarstíg stuttu eftir miðnætti. Drengurinn hafði verið að krota á stöðumæla þegar stór og þrekinn maður réðst á hann. Samkvæmt upplýsingum frá lögreglu voru mörg vitni að þessu. Árásarmaðurinn flúði síðan af vettvangi á gylltum fólksbíl.

Three and a Half Years Have Been Wasted

The UK Serious Fraud Office's probe into Vincent Tchenguiz's connections with Kaupthing Bank was called off this past June. In an extensive interview with Þórður Snær Júlíusson, he discusses the case, his dealings with Icelandic banks and his opinion of Kaupthing's winding-up and resolution committees.

Segir Kaupþing hafa hótað sér

Skilanefnd Kaupþings lét Vincent Tchenguiz vita af því að það væru „aðrar leiðir“ til að ná til hans en að fara á eftir eignum hans. Vegna þessara skilaboða kom Tchenguiz það ekki á óvart þegar hann var handtekinn í mars 2011 af bresku efnahagsbrotalögreglunni, Serious Fraud Office (SFO), vegna viðskipta félaga sem hann stýrir við Kaupþing. Þetta er meðal þess sem kemur fram í ítarlegu viðtali við Tchenguiz í Fréttablaðinu í dag.

Búið að sóa þremur og hálfu ári

Vincent Tchenguiz er nafn sem Íslendingar eru farnir að þekkja vel. Fæstir gera sér hins vegar grein fyrir af hverju það er. Ekki má rugla Vincent saman við Robert, bróður hans, sem var stærsti einstaki skuldari Kaupþings-samstæðunnar þegar bankinn féll og umsvifamikill fjárfestir í íslensku viðskiptalífi. Félög sem Vincent stýrir voru líka viðskiptavinir Kaupþings en einu viðskipti þeirra við móðurbankann, og í raun umsvif á Íslandi, voru 100 milljóna punda lán sem hann fékk í mars 2008. Sú lánveiting hefur dregið gríðarlegan dilk á eftir sér fyrir Vincent Tchenguiz.

Fangelsisstjórinn dæmdur í fangelsi

Geirmundur Vilhjálmsson, fyrrverandi fangelsisstjóri á Kvíabryggju, var í gær dæmdur í átta mánaða fangelsi fyrir að draga sér fé og ýmis verðmæti sem tilheyrðu fangelsinu, samtals að andvirði ríflega 1,6 milljóna króna. Fimm mánuðir refsingarinnar eru skilorðsbundnir.

Fjalla um jarðir í erlendri eigu

Hafið hefur göngu sína tímaritið Iceland Review Street Edition sem gefið er út í samstarfi Jóns Kaldals, fyrrum ritstjóra Iceland Review, og útgáfufélagsins Heims. Upplag blaðsins, sem kemur út aðra hvora viku er um 25 þúsund eintök og er áhersla lögð á að kynna vaxandi fjölda ferðamanna land og þjóð.

Leikskólagutti brattur eftir Laugavegsgöngu

„Mér fannst gaman að sofa í tjaldinu, fara í fjallgöngu og horfa á Álftavatn sem mér finnst mjög fallegt,“ segir Orfeus Þór Da Silva Stefánsson sem gekk fyrr í vikunni 55 kílómetra milli Landmannalauga og Þórsmerkur.

Ná ekki saman um leiguna

Katrín Jakobsdóttir menntamálaráðherra segist undrast orð Valtýs Valtýssonar, sveitarstjóra Bláskógabyggðar. Hann sagði í Fréttablaðinu á miðvikudag að engin svör hefðu fengist frá ráðuneytinu varðandi málefni gamla héraðsskólans á Laugarvatni. Sögufrægt hús héraðsskólans er í eigu hins opinbera og stendur tómt en bæði Gullkistan og sveitarfélagið vonast eftir því að fá afnot af því.

Líður yfir starfsfólk vegna loftmengunar

Nokkur tilvik hafa komið upp þar sem starfsmenn Íslenskra orkurannsókna (ÍSOR) hafa misst meðvitund við störf sín vegna brennisteinsvetnis við holur á Þeistareykjum. Vikublaðið Akureyri greinir frá þessu. Enginn hefur enn slasast eða hlotið varanlegt heilsutjón vegna þessa. Í tölvupósti sem sendur var til starfsmanna ÍSOR voru þeir beðnir um að tilkynna slys af þessu tagi til Vinnueftirlitsins.

Áfengisneysla á Hrafnistu engin nýlunda

Það er engin nýlunda að heimilismenn á Hrafnistu geti fengið sér áfengi þar, segir Guðmundur Hallvarðsson stjórnarformaður Hrafnistuheimilanna. Um árabil hafi fólk getað nálgast áfengi á Hrafnistu.

Nesjavallavegur opnaður á ný

Ökumaðurinn sem velti bíl sínum á Nesjavallaleið fyrr í kvöld var fluttur með sjúkrabíl á slysadeild, samkvæmt upplýsingum frá sjúkraflutningamönnum. Vísir hefur ekki upplýsingar um það hvort meiðsl hans séu alvarleg. Klippa þurfti bíl hans í sundur til að ná honum úr honum. Nesjavallaleið var lokað um stund á meðan unnið var á vettvangi en nú er búið að opna veginn.

Óku hringinn í kringum landið á 30 klukkutímum

Veigar Þór Gissurarson varaformaður björgunarsveitarinnar Sigurvonar í Sandgerði og félagar hans ákváðu að ger sér ferð hringinn í kringum landið um síðustu helgi.

Bílvelta á Nesjavallavegi

Bílvelta varð á Nesjavallavegi laust fyrir átta í kvöld. Sjúkraflutningamenn frá Reykjavík eru á leiðinni á staðinn, en ekki hafa fengist nánari upplýsingar.

"Núna er vinur okkar á leið til Ameríku í skipi“

Hælisleitendur sem fundust um borð í flugvél fyrir tveimur vikum segja að vini sínum hafi tekist að koma sér úr landi og sé nú á leið til Bandaríkjanna. Þeir eru sjálfir staðráðnir í að reyna aftur að komast úr landi.

Skátarnir nota íslenskt timbur á landsmóti

Landsmót skáta að Úlfljótsvatni hefst í kvöld og er fólk þegar mætt á svæðið. Mest er þar núna fjölskyldufólk og erlendir skátar sem eru komnir hingað til lands til þess að vera viðstaddir mótið. Formleg setning landsmótsins er síðan á sunnudag og er gert ráð fyrir að þá muni hundruð eða þúsundir streyma á mótssvæðið.

Höfuðborgin iðaði af lífi

Reykjavík hefur verið iðandi lífi að undanförnu og skemmtileg stemning hefur skapast í miðborginni og víðar.

Skurðlæknir fundinn fyrir Neskaupstað

Fæðingar geta farið fram áfram á fjórðungssjúkrahúsinu í Neskaupstað, en sjúkrahúsið náði í dag samningum við vanan skurðlækni sem mun fylla í skarð vegna veikinda þess sem var skráður á vaktina.