Jóhanna er sár og svekkt yfir "svartagallsrausi“

Jóhanna Sigurðardóttir forsætisráðherra segist vera sár og svekkt yfir svartagallsrausi Samtaka atvinnulífsins. Það sé atvinnulífsins að sjá til þess að hjól atvinnulífsins snúist. Samtökin kenni ríkisstjórninni um allt sem aflaga fer án þess að þeir leggi nokkuð til málana.

Rannsóknarnefndir taka til starfa

Tvær nýjar rannsóknarnefndir á vegum Alþingis hófu störf í dag en á nýafstöðnu þingi samþykkti Alþingi tvær þingsályktanir, annars vegar um rannsókn á Íbúðalánasjóði og hins vegar um rannsókn á aðdraganda og orsökum erfiðleika og falls sparisjóðanna.

Svört skýrsla um milljónainnkaup lögreglunnar

Löggæslustofnanir keyptu vörur af fjórum fyrirtækjum í eigu lögreglumanna eða náinna venslamanna þeirra fyrir samtals rúmlega 91 milljón króna á tímabilinu janúar 2008 til apríl á þessu ári. Í nær öllum tilvikum var um að ræða búnað vegna löggæslustarfa. Að mati Ríkisendurskoðunar fór hluti þessara viðskipta í bága við lög um opinber innkaup. Stofnunin brýnir fyrir löggæslustofnunum að virða ákvæði laganna.

Styðja lögreglu í kjarabaráttu

Félag leikskólakennara styður lögreglumenn í kjarabaráttu sinni. Haraldur Freyr Gíslason, formaður félagsins, sendi ályktun fyrir hönd stjórnarinnar í gær. Þar segir að sú krafa lögreglumanna um að geta framfleytt sér á grunnlaunum sínum sé eðlileg og er ríkið hvatt til að stíga skref í þá átt.

Árekstur á Miklubraut - grunur um glæfraakstur

Árekstur varð á Miklubraut rétt vestan við Ártúnsbrekku í morgun þegar bifreið var ekið af afli aftan á aðra. Báðir bílarnir eru mikið skemmdir og rannsakar lögregla málið en annar ökumaðurinn er grunaður um glæfraakstur. Einn hlaut minniháttar meiðsl við áreksturinn og var sjúkrabíll kallaður til.

Enn og aftur kveikt í á Bergstaðastræti

Slökkviliðið á höfuðborgarsvæðinu var enn einusinni kallað að viðbyggingu við hús á mótum Bergstaðastrætis og Spítalastígs í Reykjavík, seint í gærkvöldi, en þá hafði verið reynt að kveikja í einangrunarplasti utan á sökkli viðbyggingarinnar.

Flýta þingsetningunni á laugardaginn

Setningu Alþingis á laugardag hefur verið flýtt til klukkan hálf tíu um morgunin, en þingsetning hefur jafnan verið klukkan hálf tvö eftir hádegi.

Segja sig úr óeirðaflokknum

Allir níu lögreglumennirnir, sem skipa svonefndan óeirðaflokk lögreglunnar við Eyjafjörð, ákváðu í gærkvöldi að segja sig frá störfum í flokknum, en þeir eru sér þjálfaðir til að takast á við óeirðir, eins og fjöldamótmæli.

Styður aðild Palestínu að SÞ: Ákvörðun í höndum Alþingis

Össur Skarphéðinsson utanríkisráðherra lýsti því yfir á allsherjarþingi Sameinuðu þjóðanna í gærdag að íslensk stjórnvöld styddu umsókn Palestínumanna um aðild að SÞ. Þau hygðust leggja fram þingsályktunartillögu í næstu viku um viðurkenningu á sjálfstæði Palestínu.

Ljósleiðari og raflína lögð að Veiðivötnum

Lagning rafmagnslínu og ljósleiðara upp í Veiðivötn og Snjóöldu á að stórbæta öryggi manna á svæðinu. Um er að ræða samvinnuverkefni Neyðarlínunnar og Veiði- og fiskiræktarfélags Landmannaafréttar.

Fyrirtæki skapi sátt með jafnlaunastaðli

Vinnuhópur tækninefndar Staðlaráðs er að leggja lokahönd á tillögu um jafnlaunastaðal sem fyrirtæki og stofnanir geta síðan tekið í notkun, að því er Hildur Jónsdóttir, formaður tækninefndar ráðsins og sérfræðingur stjórnarráðsins í jafnrétti kynja, greinir frá.

Ríkisendurskoðandi samdi ljóð um Útey

"Ég orti ljóðið í kjölfarið af þessum hræðilegu atburðum í Ósló og Útey. Það var grunnurinn,“ segir Sveinn Arason ríkisendurskoðandi. "Það er kannski ekkert öðruvísi með mig og marga aðra – þetta hafði mikil áhrif á mig.“ Sveinn lét þýða ljóðið yfir á norsku og sendi það til kollega síns í Ósló, norska ríkisendurskoðandans, Jørgen Kosmo, sem virðingarvott.

Hálft annað hundrað lærir japönsku

Aldrei hafa fleiri nemendur í grunnskólum landsins lært ensku, en 78,9 prósent nemenda stunda það nám. Framhaldsskólanemendur læra að meðaltali 1,41 tungumál skólaárið 2010 til 2011. Áhugi á japönsku eykst, 148 lærðu það tungumál 2010 til 2011, en þeir voru 114 veturinn á undan. Þetta kemur fram í tölum frá Hagstofu Íslands.

Fleiri koma þegar spáin er góð

Ríflega fjörutíu jeppar luku um 250 kílómetra bíltúr á laugardag þegar Bílabúð Benna blés til árvissrar "Jeppaferðar fjölskyldunnar“ fyrir viðskiptavini sína. Að þessu sinni lá leiðin um Þingvöll upp að Langjökli þar sem var grillað áður en haldið var að Húsafelli og svo heim.

SVÞ gagnrýna tolla- og innflutningsstefnu

Margrét Kristmannsdóttir, formaður Samtaka verslunar og þjónustu (SVÞ), deildi hart á stefnu stjórnvalda í tolla- og innflutningsmálum á opnum fundi sem Samtök atvinnulífsins (SA) stóðu fyrir í gær.

Fangar fluttir til 28 landa

Íslenska ríkið flutti erlenda fanga til 28 landa á síðustu tíu árum. Kostnaður við fangaflutninga til flestra þeirra er um það bil ein milljón króna eða minna. Þetta kom fram í svari innanríkisráðherra við fyrirspurn Guðlaugs Þórs Þórðarsonar á Alþingi fyrir helgi. Flutningar til Litháens eru rúm 20 prósent af kostnaði ríkissjóðs við fangaflutninga til annarra landa síðastliðin tíu ár.

Betlistafur eini kostur lögreglu

„Það eina sem lögreglumenn geta gert er að ganga um með betlistaf og biðla til ríkisvaldsins að skoða okkar launakjör ofan í kjölinn, sjá hvað þarna er að og leiðrétta það, en vilji ríkisvaldsins virðist ekki hafa verið mikill til þess undanfarið.“

Fleiri frá Íslandi gista í Köben

ferðamálGistinóttum Íslendinga í Kaupmannahöfn hefur fjölgað um nærri þriðjung á fyrri helmingi ársins. Þetta kemur fram á vef Túrista, sem vitnar í Dönsku tölfræðistofnunina.

Afdrep fyrir hunda í Hallargarðinum?

Hverfisráð Miðborgar leggur til að bann við hundum í ól á Laugavegi verði afnumið. Þetta kemur fram í svari ráðsins til umhverfis- og samgöngusviðs borgarinnar sem óskað hafði eftir tillögum um hugsanlega staðsetningu hundagerðis í miðbænum.

Þrír létust í vinnuslysum

Þrír starfsmenn létust við vinnu sína á síðasta ári, að því er fram kemur í ársskýrslu Vinnueftirlitsins. Alls eru skráð 1.174 vinnuslys sem voru tilkynnt til eftirlitsins árið 2010, 760 karlar og 414 konur. Dregið hefur úr fjölda slysa um þrjú prósent frá fyrra ári og um 38 prósent frá því sem mest var 2007.

Hærri einkunn en í Reykjavík

Skimunarpróf á lestri átta ára barna í grunnskólum Reykjanesbæjar skiluðu betri niðurstöðum en í Reykjavík.

Lögreglumenn munu ekki taka niðurstöðunni þegjandi

„Undanfarnar vikur hefur samtakamáttur lögreglumanna aldrei verið sterkari og ljóst er að þeir muni ekki taka óréttlátri niðurstöðu gerðadóms þegjandi,“ segir í tilkynningu frá frá Lögreglufélagi Suðurnesja þar sem farið var yfir niðurstöður gerðadóms vegna kjaradeilu lögreglumanna við ríkið.

Össur lýsti yfir stuðningi við aðild Palestínumanna að SÞ

Össur Skarphéðinsson utanríkisráðherra lýsti því yfir á allsherjarþingi Sameinuðu þjóðanna í dag að íslensk stjórnvöld styddu umsókn Palestínumanna um aðild að SÞ og að þau hygðust leggja fram þingsályktunartillögu í næstu viku um viðurkenningu á sjálfstæði Palestínu samkvæmt tilkynningu frá utanríkisráðuneytinu.

Tilboðin himinhátt yfir kostnaðaráætlun

Aðeins tvö tilboð bárust í ræsa- og brúagerð á sunnanverðum Vestfjörðum og reyndust bæði svo hátt yfir kostnaðaráætlun að Vegagerðin ákvað að vinna verkið sjálf. Krafa um að verktakar hafi jákvæða eiginfjárstöðu er talin geta skýrt fá tilboð.

Úrvalsnámsmaður rekinn úr landi vegna aldurs

Kanadískur íslenskunemi við Háskóla Íslands yfirgaf landið í dag að kröfu útlendingastofnunar. Hann er slíkur yfirburðanámsmaður í íslensku að hann er nú á öðru ári í Háskólanum, aðeins sautján ára gamall, en fær ekki að snúa aftur fyrr en hann hefur náð átján ára aldri.

Framkvæmdir á Vesturlandsvegi næstu daga

Á þriðjudag og miðvikudag er fyrirhugað að vinna við fræsingar og malbikun á vegöxlum á Vesturlandsvegi, ef veður leyfir.

Fangaflutningar til Litháen 20 prósent af kostnaði ríkissjóðs

Fangaflutningar til Litháen eru rúm tuttugu prósent af kostnaði ríkissjóðs við fangaflutninga til annarra landa síðastliðin tíu ár. Fangar voru fluttir til tuttugu og átta landa á kostnað ríkissjóðs á þessum tíma.

Leiguverð komið upp í topp: "Auðvitað eru þetta fáránlega há verð“

Leiguverð á íbúðum á höfuðborgarsvæðinu er komið upp í topp miðað við greiðslugetu almennings að mati formanns félags leigumiðlara. Slegist er um lausar íbúðir og dæmi um að þriggja herbergja íbúðir séu leigðar út á alltað hundrað og áttatíu þúsund krónur á mánuði.

Þarf að varast kjaftasögur og sporna gegn meiðandi skrifum

Bæjarstjórinn í Sandgerði segir íbúa bæjarins harmi slegna vegna sjálfsvígs ellefu ára drengs fyrir helgi. Hún hvetur Sandgerðinga til að sýna samstöðu, varast kjaftasögur og sporna gegn meiðandi skrifum á netinu.

Brotist inn í fjölda bíla um helgina

Brotist var inn í á annan tug bíla á höfuðborgarsvæðinu um helgina samkvæmt upplýsingum frá lögreglunni á höfuðborgarsvæðinu.

Þrír létust í vinnuslysum í fyrra

Þrír starfsmenn létust við vinnu sína á síðsta ári og 1174 vinnuslys voru tilkynnt til Vinnueftirlitsins. Þetta kemur fram í ársskýrslu Vinnueftirlitsins fyrir síðasta ár. Í inngangi að skýrslunni veltir Eyjólfur Sæmundsson forstjóri Vinnueftirlitsins, fyrir sér hvort það sé almennt álitinn óhjákvæmilegur "fórnarkostnaður“ að nokkrir einstaklingar láti lífið á ári hverju og fjölmargir slasist eða verði fyrir heilsutjóni við vinnu sína svo að hjól atvinnulífsins geti snúist og skapað þau verðmæti sem velferð okkar byggir á.

Ranglega staðið að ráðningu forstjóra Íslandsstofu

Ranglega var staðið að ráðningu framkvæmdastjóra Íslandsstofu þegar stofnunin var sett á fót, segir í nýju áliti Umboðsmanns Alþingis. Umsækjandi um stöðuna kvartaði til Umboðsmanns Alþingis vegna málsmeðferðar við ráðningu í starfið.

Þyrla Landhelgisgæslunnar kölluð á Mosfellsheiði

Þyrla Landhelgisgæslunnar var send á Mosfellsheiði, auk vel útbúinna björgunarsveitamanna á höfuðborgarsvæðinu og sjúkraflutningamanna, til þess að hlúa að manni sem hafði veikst utan alfaraleiðar eftir hádegið í dag. Á endanum tókst þyrlunni að lenda til þess að ná í manninn og því var ekki þörf á sjúkraliðinu eða björgunarsveitamönnunum. Ekki hafa fengist nákvæmar upplýsingar um heilsu viðkomandi.

Rökin í Icesave kynnt fyrir utanríkismálanefnd

Árni Páll Árnason, efnahags- og viðskiptaráðherra, kynnti svar íslenskra stjórnvalda til Eftirlitsstofnunar EFTA fyrir utanríkismálanefnd Alþingis í morgun.

Lögreglumenn íhuga að segja sig úr óeirðasveitinni

Svo gæti farið að lögreglumenn á Suðurnesjum hætti í óeirðasveit lögreglunnar. Víkurfréttir hafa þetta eftir Hjálmari Hjálmarssyni hjá Lögreglufélagi Suðurnesja en málið verður rætt á félagsfundi sem hefst klukkan fjögur í dag.

Ung börn unnu skemmdarverkin

Búið er að finna þá sem unnu skemmdarverk á leiðum í kirkjugarði í Borgarnesi um helgina. Samkvæmt upplýsingum frá lögreglunni voru þarna að verki ung börn. Barnaverndayfirvöldum, forráðamönnum barnanna og aðstandendum hinna látnu hefur verið gert viðvart.

Fjölmargir foreldrar þurfa að reiða sig á Fjölskylduhjálpina

Af þeim 3562 einstaklingum sem fengu matargjafir frá Fjölskylduhjálp Íslands á tímabilinu 1. júní í fyrra til loka maí í ár voru um 1399 með börn á framfæri, samkvæmt rannsókn sem Félagsvísindastofnun Háskóla Íslands gerði fyrir Fjölskylduhjálpina. Alls var tæplega 24 þúsund matargjöfum úthlutað á tímabilinu.

Hnúfubakar ekki fleiri síðan mælingar hófust

Hnúfubökum hefur fjölgað jafnt og þétt hér við land eftir að hvalatalning hófst fyrir 30 árum, eða um tíu til fimmtán prósent á ári. Þeir éta nú eina og hálfa milljón tonna á Íslandsmiðum á ári.

Come To Harm sú besta á RIFF

Íslenska stuttmyndin Come To Harm eftir Börk Sigþórsson var valin besta stuttmyndin þegar verðlaunin voru veitt í fyrsta skipti á RIFF-kvikmyndahátíðinni. Verðlaunin eru veitt í nafni Minningarsjóðs Thors Vilhjálmssonar.

Embættismenn enn undir feldi vegna rjúpunnar

Svandís Svavarsdóttir umhverfisráðherra hefur enn ekki tekið ákvörðun um það hvernig rjúpnaveiði verður háttað.

Utanríkismálanefnd fundar um Icesave

Utanríkismálanefnd Alþingis kom saman í morgun til þess að funda um stöðuna í Icesave. Fram kom í yfirlýsingu Oda Helen Sletnes, forstjóra Eftirlitsstofnunar EFTA að ekki hefði verið tekin nein ákvörðun um hvort málinu yrði vísað til EFTA-dómstólsins. ESA bíði nú eftir svari íslenskra stjórnvalda við rökstuddu áliti stofnunarinnar frá 10. júní síðastliðins.

Nóg komið af öskrum

Umræðan í íslenskri pólitík er eins og banvænt krabbamein í samfélaginu að mati Gauks Úlfarssonar, kvikmyndaleikstjóra og eins forsprakka Besta flokksins. Gaukur segir að pólitíkin sé of vond til að gott fólk hætti sér út í hana og Íslendingar séu enn jafn frekir og þeir voru fyrir hrun.

Einn kærður fyrir að vera ekki með skotvopnaleyfi

Eftirlit hefur verið með skotveiðimönnum á Suðurlandi síðustu daga og var einn kærður í vikunni fyrir að vera ekki með tilskilin leyfi meðferðis og fyrir að vera með vopn sem ekki var skráð á hann. Í tilkynningu frá lögreglu segir að tiltölulega auðvelt sé að hafa þessi mál í lagi en ávallt skal skotvopnaleyfi vera meðferðis ásamt veiðikorti og þurfa þessi leyfi að vera í gildi. Þá bendir lögregla á að notkunarheimild þurfi að vera fyrir skotvopni sem ekki er skráð á viðkomandi.

Grunaðir dýrbítar teknir

Lögreglan á Hvolsvelli tók í gær hund sem grunaður er um að hafa ráðist á búfé í nágrenni við Hvolsvöll að undanförnu. Samkvæmt upplýsingum frá lögreglunni mun hundurinn hafa bitið þann sem handsamaði hann í kálfann. Í vikunni réðst jafnframt annar hundur á fé við sveitabæ í nágrenni Hellu. Hundurinn var gestkomandi í sveitinni og sást til hans þar sem hann réðst á féð. Til stendur að aflífa þann hund.

Börn læra kínversku í grunnskólum

Alls lærðu 23 börn kínversku í grunnskólum landsins á síðasta skólaári, 463 lærðu spænsku, 179 börn lærðu þýsku og 174 börn lærðu frönsku. Þetta kemur fram í upplýsingum Hagstofu Íslands, en þar kemur jafnframt fram að ekki hafi áður verið grunnskólanemendur í kínversku frá upphafi gagnasöfnunar Hagstofu Íslands. Tölurnar eru birtar í tilefni af degi tungumála í Evrópu, sem er í dag.