Almenningur fær orðið um framtíð Þingvalla

Almenningur verður kallaður til ráðgjafar um hvaða starfsemi eigi að fara fram á Þingvöllum en í dag er eitt ár liðið frá því hótel Valhöll brann þar til kaldra kola. Þjóðgarðsvörður segir þingvallanefnd vera að skoða allt skipulag þjóðgarðsins.

Nýr Landspítali eins og Land Cruiser

Tillaga að nýjum Landspítala sem kynnt var í gær er miklu ódýrari en upphafleg áætlun gerði ráð fyrir og sparar ríkissjóði 20 milljarða króna án þess að þjónusta skerðist, segir formaður verkefnastjórnar vegna byggingar spítalans. Hann lýsir þessu þannig að keyptur hafi verið ódýrari bíll sem rúmi jafn marga farþega og sinni sama hlutverki.

Boðar lagafrumvarp vegna Magma Energy

Umhverfisráðherra segir augljóst að farið hafi verið á svig við lög þegar Magma Energy eignaðist HS orku og vill að fram fari opinber rannsókn á kaupferlinu. Ráðherra boðar lagafrumvarp sem girðir fyrir að aðilar utan evrópska efnahagssvæðisins geti eignast auðlindir landsins.

Mengunarslys í Eskifirði: Ekki of seint brugðist við

Bæjaryfirvöld í Fjarðarbyggð segja ekki hafa verið brugðist of seint við mengunarslysi sem varð á sunnudaginn fyrir viku þegar löndunarvökvi úr skipi blandaðist drykkjarvatni bæjarbúa. Bréf var sent til bæjarbúa í gær vegna málsins.

Umboðsmenn yfirgefa Mel Gibson

Enn sígur á ógæfuhliðina hjá stórleikaranum Mel Gibson. Upptaka af samtali Mel Gibson við fyrrverandi kærustu sína, Oksana Grigorieva, láku á netið í vikunni en í samtalinu kallar hann stúlkuna öllum illum nöfnum. Mel Gibson er sökkvandi skip og nú hefur umboðsskrifstofan hans látið hann fara.

Bjóða matarþurfa fólki súpu og brauð

Starfsmenn veitingahússins Nítjándu í Turninum Kópavogi hafa ákveðið að leggja sitt af mörkum til að hjálpa þeim sem eru matarþurfi nú í sumarleyfum hjálparstofnana. Starfsmennirnir ætla að bjóða upp á súpu, brauð og drykkjarföng alla mánudaga í júlí á milli klukkan fimm og sjö. Starfsfólk leitaði til Vífilfells og annarra birgja, sem ákváðu að taka þátt.

Maðurinn fundinn heill á húfi

Leitarmenn hafa fundið manninn sem lýst hefur verið eftir í fjölmiðlum í dag. Hann fannst á göngu í Fossvogsdalnum heill á húfi.

Jón Ásgeir fékk ekki samþykkta frávísunarbeiðni

Jón Ásgeir Jóhannesson segir að eignir sínar séu samtals einnar milljónar punda virði. Breskur dómstóll féllst ekki á það en dómari í kyrrsetningarmáli sem slitastjórn Glitnis hefur höfðað á hendur honum í Lundúnum féllst ekki á kröfu Jóns Ásgeirs um frávísun.

Njósnaraskipti í skjóli nætur

Njósnaraskipti í anda kalda stríðsins fóru fram á flugvellinum í Vínarborg í gær, þegar Rússar og Bandaríkjamenn skiptust á fjórtán njósnurum.

Lögreglan hætt rannsókn

Lögregla hefur hætt rannsókn á skemmdum sem aðgerðasinnar unnu á byggræktun nýsköpunarfyrirtækisins ORF Líftækni í Gunnarsholti. Skemmdirnar hljóðuðu upp á tugi milljóna króna, en framkvæmdastjóri fyrirtækisins segir það halda ótrautt áfram þrátt fyrir áfallið.

Íslendingar reknir úr EES verði aðildarumsókn dregin til baka

Íslendingum verður væntanlega kastað út af Evrópska efnhagssvæðinu verði aðildarumsókn að Evrópusambandinu dregin til baka. Þetta er mat Eiríks Bergmanns stjórnmálafræðings. Hann segir að best væri fyrir Íslendinga að segja upp EES samningnum ef umsóknin verður dregin til baka.

Davíð Oddsson: Landsfundur eins og „vorútsala Blómavals“

„Forystumenn Sjálfstæðisflokksins teygðu sig ótrúlega langt á síðasta landsfundi flokksins til að koma til móts við sérsjónarmið fámenns en ágengs hóps í Evrópumálum," segir Davíð Oddsson, annar tveggja ritstjóra Morgunblaðsins, í Reykjavíkurbréfi Morgunblaðsins með Sunnudagsmogganum, en með Reykjavíkurbréfinu sem skrifað er undir fyrirsögninni „Það rofar til í Evrópumálum" birtast stórar myndir af Davíð ásamt gömlum evrópskum leiðtogum eins og Gerhard Schröder, fyrrverandi kanslara Þýskalands og Jacques Delors, fyrrum fjármálaráðherra Frakka og forseta framkvæmdastjórnar Evrópusambandsins.

Lögreglan „skaut skjólshúsi" yfir ógæfumenn í nótt

Fimm gistu fangageymslur í Reykjavík í nótt; tveir vegna ölvunarástands auk þriggja útigangsmanna sem þurftu aðstoðar við. Að sögn vakthafandi lögreglumanns þarf lögreglan reglulega að „aðstoða menn sem þurfi að hýsa, ekki síst skömmu eftir mánaðarmót," og á þar við að lögreglan leyfi útigangsmönnum að sofa úr sér í fangageymslum.

Leðurblökukona gefur Bandaríkjamönnum íslenskar pylsur

Bandarískur ferðalangur sem elskar Ísland mun halda fyrirlestur um Ísland þann 17. júlí næstkomandi í Connecticut. Konan, sem heitir Gerri Griswold, hefur ferðast reglulega til Íslands í áratug. Á kynningunni mun hún meðal annars gefa fólki sýnishorn af íslenskum pylsum og sýna myndir úr ferðum sínum.

Reykvískir víkingar ósáttir

Forsvarsmenn Víkingahátíðar í Reykjavík, sem halda á í fyrsta skipti á Klambratúni næsta sumar, eru mjög óánægðir við nafnbreytinguna á túninu en nafni þess var breytt úr Miklatúni í Klambratún í vikunni.

Skar framan af fingri manns

Karlmaður á fertugsaldri hefur verið dæmdur í níu mánaða fangelsi, þar af sex mánuði á skilorði, fyrir að stinga annan mann með dúkahnífi í lærið og skera framan af fingrinum á honum. Maðurinn fékk djúpan sex sentimetra langan skurð á lærið.

Páll Baldvin hættir störfum

Páll Baldvin Baldvinsson, fulltrúi ritstjóra, er hættur störfum á Fréttablaðinu. Páll Baldvin hefur starfað á Fréttablaðinu síðan árið 2006 en var þar áður ritstjóri DV.

Leitað að manni í Fossvoginum

Lögreglan, björgunarsveitir og þyrla Landhelgisgæslunnar, leita nú að manni sem hvarf frá heimili sínu í Fossvoginum seint í nótt. Maðurinn er af erlendu bergi brotinn en hefur búið og starfað á Íslandi.

Umhverfisráðherra vill rannsókn á Magma Energy Sweden

Svandís Svavarsdóttir, umhverfisráðherra, vill láta rannsaka starfsemi Magma Energy Sweden fyrirtækisins í ljósi upplýsinga sem hún segir varpa nýju ljósi á málið. Hún hefur rætt við viðskiptaráðherra um að málið verið tekið upp að nýju. Pistlahöfundarnir Teitur Atlason og Lára Hanna Einarsdóttir hafa síðustu daga skrifað um Magma Energy Sweden AB. Í pistlum sínum halda þau því fram að fyrirtækið sé eitt allsherjar sjónarspil.

Ætla að koma í veg fyrir lekann

Vélmennakafbátar munu fjarlægja loku sem sett var á olíuborholuna í Mexíkó flóa í nótt og því mun olía flæða án fyrirstöðu í flóann næstu tvo daga. Ástæðan er sú að koma á nýrri og betri loku fyrir sem að sama skapi mun hjálpa olíuhreinsunarskipum sem hreinsa linnulaust upp olíuna á svæðinu.

Kafarar og hundar notaðir við leitina

Maðurinn sem lögreglan og björgunarsveitir leita nú að víðsvegar á höfuðborgarsvæðinu heitir Karolis Kievisas og er 28 ára gamall. Um 70 björgunarsveitarmenn taka þátt í leitinni að manninum sem hvarf sporlaust í nótt. Notast er við báta og fjórhjól í leitinni auk þess sem gengið er eftir strandlínum með leitarhunda og kafarar leita við bryggjur.

Reykjavíkurborg þarf að binda 12 milljarða

Reykjavíkurborg þarf að leggja 10 til 12 milljarða króna til hliðar til að sýna fram á fjárhagslegan styrk sinn sem bakhjarl Orkuveitu Reykjavíkur (OR). Borgin hefur sett á laggir áhættustýringarhóp og ákveðið að vinna markvisst að því að auka trúverðugleika borgarinnar sem ábyrgðaraðila á lánamörkuðum.

Fresta ráðningu um óákveðinn tíma

Stjórn Íbúðalánasjóðs frestaði á fundi í fyrrakvöld ráðningu nýs forstjóra í stað Guðmundar Bjarnasonar sem lét af störfum um síðustu mánaðamót.

„Við getum orðið stórfyrirtæki“

„Við getum orðið stórfyrirtæki á íslenskan mælikvarða innan skamms tíma,“ segir Björn Lárus Örvar, framkvæmdastjóri ORF Líftækni. „Við erum að fara inn á lyfjaþróunarmarkaðinn. Þar erum við í viðræðum við indverska fjárfesta um að fara með okkur í stórt verkefni.“

Flóknum spurningum ósvarað

Guðni A. Jóhannesson orkumálastjóri segir að breytingar á frumvarpi iðnaðarráðherra um verndar- og nýtingaráætlun kalli á að svarað verði spurningum um stöðu Torfajökulssvæðisins og einstakra svæða á Reykjanesi og í Krýsuvík.

Áhrif olíulekans vanmetin

Áhrif olíulekans í Mexíkóflóa gætu haft mun skaðlegri áhrif fyrir vistkerfið á svæðinu en hingað til hefur verið talið. Hópur vísindamanna frá Imperial College í London hefur sýnt fram á að olía veldur arseník-eitrun sem til lengri tíma getur komist inn í fæðukeðjuna og valdið skaða á gróðri og dýrum.

Kviknaði í potti á Þórsgötu

Slökkviliðið var kallað að Þórsgötu í Reykjavík nú fyrir stundu. Mikinn reyk leggur frá húsinu en að sögn lögreglunnar í Reykjavík er talið að hann komi út frá potti sem er í húsinu.

Mótmæltu ákærum nímenninganna í Barcelona

Á hádegi í gær hittust um tuttugu manns við íslensku ræðismannaskrifstofuna í Barcelona til að sýna reiði sína í garð íslenska ríkisins vegna réttarhaldanna sem fara fram yfir nímenningunum svokölluðu. Þeir eru ákærðir fyrir árás á Alþingi í desember 2008.

Ætlar að synda yfir Hafnarfjarðarhöfn til styrktar UNICEF

Stefán Helgi Waagfjörð, 23 ára gamall Hafnfirðingur, ætlar að synda yfir Hafnarfjarðarhöfn á morgun klukkan þrjú. Hann gerir þetta til að styrkja UNICEF á Íslandi.

Askan reynist góð í steinsteypu

Rannsókn á öskunni úr Eyjafjallajökli hefur leitt í ljós að hún er afbragðs bætiefni í steinsteypu og vinnur gegn alkalívirkni, sem hefur verið helsti veikleiki íslensku steypunnar. Undir Eyjafjöllum eru menn þegar byrjaðir að steypa úr öskunni.

Hætt við nauðungaruppboð eftir klukkustund

Sýslumaðurinn í Reykjavík stöðvaði uppboð á húsi í dag eftir að eigandinn mótmælti uppboðinu á þeim forsendum að óvissa ríki um upphæð skuldarinnar en á húsinu hvílir gengistryggt lán. Er þetta í fyrsta sinn sem sýslumaður stöðvar uppboð vegna þessa.

Húsaleigan tvöfaldast við flutninga

Húsaleigukostnaður Sinfóníuhljómsveitar Íslands nærri tvöfaldast þegar sveitin flytur úr Háskólabíói yfir í Hörpu á næsta ári.

Dreifibréf í öll hús á Eskifirði: Ráðlagt að sjóða neysluvatn

Búið er að senda öllum íbúum Eskifjarðar dreifibréf þar sem þeim er ráðlagt að sjóða allt neysluvatn næstu daga í kjölfar mengunarslyss í löndunarhúsi fiskimjölsmiðju Eskju síðastliðinn sunnudag.

Fundu kettlinga í pappakassa - verða svæfðir eftir 10 daga

Þrír stálpaðir kettlingar fundust lokaðir ofan í pappakassa utan við eitt af fjölbýlishúsunum að Ásbrú í Reykjanesbæ samkvæmt fréttavef Víkurfrétta.

Miðbaugsmaddaman dæmd í 15 mánaða fangelsi

Catalina M. Ncogo var dæmd í 15 mánaða fangelsi í Héraðsdómi Reykjaness í dag fyrir milligöngu um vændi, líkamsárás og brot gegn valdstjórninni. Hún var hinsvegar sýknuð af ákæru um mansal.

Eyjafjallajökull: Mælarnir stöðugir - ekkert að gerast

Veðurstofa Íslands hefur ekki fengið neinar hreyfingar á skjálftamæla í Eyjafjallajökli. „Við bíðum bara eftir því að heyra frá þeim sem eru upp á jökli ef eitthvað gerist,“ segir vaktstjóri á spádeild.

Unglingar stálu bíl og fóru á rúntinn

Þrír unglingar stálu bíl í Kópavogi í gærkvöldi og fóru á rúntinn. Þeir skiptust á að sitja undir stýri og fóru víða á höfuðborgarsvæðinu en ökuferðinni lauk í Reykjavík þar sem bílinn var skilinn eftir.

Á sjötta þúsund manns heimsóttu Viðey

Um 5.754 manns heimsóttu Viðey í sumar, en það er um 34% aukning miðað við sama mánuð í fyrra. Til viðbótar við farþega í áætlun bætist svo töluverður fjöldi fólks sem kemur á eigin vegum á smábátum eða kajökum, en sá hópur fer ört stækkandi.

Tveir hnífamenn handteknir á höfuðborgarsvæðinu

Karl um þrítugt var handtekinn í Breiðholti síðdegis í gær eftir að hafa stungið þar annan mann með hnífi. Þolandinn, karl um fertugt, var með stungusár á fæti og var fluttur á slysadeild. Árásarm

Lýkur við rannsókn á ráðningum í ráðuneytin á þessu ári

Umboðsmaður Alþingis gerir ráð fyrir að ljúka við athugun sína á ráðningum í ráðuneytin síðar á þessu ári, samkvæmt heimildum Vísis.

Steinunn Birna Ragnarsdóttir er tónlistarstjóri Hörpu

Ago, rekstrarfélag tónlistar og ráðstefnuhússins Hörpu, hefur gengið frá ráðningu tónlistarstjóra Hörpu. Steinunn Birna Ragnarsdóttir, píanóleikari, varð fyrir valinu, en alls sóttu 24 um starfið. Capacent hafði umsjón með ráðningarferlinu.

Niðurskurður til löggæslumála verður um 5%

Niðurskurður á fjárframlögum til löggæslu á næsta ári verður minni en gert hafði verið ráð fyrir, segir Ragna Árnadóttir dómsmálaráðherra. Hún segir að nú sé gert ráð fyrir að niðurskurðurinn verði í kringum 5% en hann hafi verið í kringum 8% á þessu ári.

Hálft ár frá skjálftanum á Haítí

Á mánudaginn eru sex mánuðir liðnir frá því að jarðskjálftinn mikli reið yfir Haítí. Rauði kross Íslands hefur unnið að hjálparstarfi á Haítí sleitulaust

Fundaði með utanríkisráðherra Ungverjalands

Össur Skarphéðinsson utanríkisráðherra átti í morgun fund með János Martonyi, utanríkisráðherra Ungverjalands og Pal Schmitt, forseta þings landsins og nýkjörnum forseta. Í dag lýkur opinberri heimsókn Össurar til Króatíu og Ungverjalands samkvæmt tilkynningu frá utanríkisráðuneytinu.

Ekið á fjórtán ára gamlan pilt

Ekið var á fjórtán ára gamlan pilt á reiðhjóli við Tryggvatorg á Selfossi eftir hádegi í dag. Að sögn lögreglu virðist pilturinn ekki hafa meiðst alvarlega. Hann var fluttur á slysadeild á Selfossi til skoðunar.