Kona sveik út barnavagna

Kona á fertugsaldri hefur verið dæmd í þrjátíu daga skilorðsbundið fangelsi fyrir að svíkja tvo barnavagna út úr fólki.

Gerir áætlunina ótrúverðugri

Ólöf Nordal, varaformaður Sjálfstæðisflokksins, segir að með því að ganga lengra í að útiloka orkuvinnslu á friðlýstum svæðum en kveðið er á um í rammaáætlun sé unnið gegn þeirri sátt sem verið hefur um rammaáætlun. „Það gerir rammaáætlunarvinnuna ótrúverðugari,“ segir Ólöf.

Bíða yfirmats um áhrif skítalyktar

„Við höldum því til haga að við eigum ekki að bæta þennan skaða,“ segir Laufey Jóhannsdóttir, sveitarstjóri Hvalfjarðarsveitar, um afstöðu sveitarfélagsins til skaðabótakröfu eigenda jarðarinnar Melaleitis vegna reksturs svínabús Stjörnugríss á næstu jörð.

Umferð á þjóðvegunum snarminnkar

Umferð á þjóðvegum landsins hefur verið mun minni í ár en í fyrra. Eftirlit á sextán völdum talningarstöðum víðs vegar um landið leiddi í ljós tæplega níu prósenta minni umferð en í sama mánuði í fyrra. Miðað við fyrri árshelming er munurinn 4,6 prósent á landsvísu.

Halda áfram að mótmæla á morgun

Hópur fólks ætlar að halda áfram að mótmæla á morgun fyrir framan Seðlabanka Íslands. Fólkið ætlar að hittast klukkan tólf á hádegi og halda uppteknum hætti en fólkið mótmælti í dag. Að sögn lögreglunnar í Reykjavík er ekki búið að gera neinar ráðstafanir vegna mótmælanna, en þau fóru friðsamlega fram í dag.

Blés ekki í Vuvuzela-lúðurinn - bryður íbúfen til að slá á sársaukann

„Ég var ekkert að blása í lúðurinn, ég notaði hann til að banka í gólfið til að ná kettinum út svo ég þyrfti ekki að vera á fjórum fótum að ná honum,“ segir Andri Snær Njarðarson, íbúi í Fellunum í Reykjavík.

Söluturn kemur í staðinn fyrir grasker á Lækjartorgi

Nú þegar að Besti flokkurinn hefur látið fjarlægja graskerið á Lækjartorgi, eins og Jón Gnarr borgarstjóri lofaði nokkrum mínútum eftir að hann settist í stól borgarstjóra, ætlar flokkurinn að koma söluturninum sem er í Mæðragarðinum fyrir á Lækjartorgi. Heiða Kristín Helgadóttir, aðstoðarkona borgarstjóra, segir að söluturninn hafi verið þar áður en hann var færður í Mæðragarðinn fyrir mörgum árum.

Fjórtán keyrðu of hratt á Reykjanesbraut

Fjórtan voru teknir fyrir of hraðan akstur á Reykjanesbrautinni í dag, að sögn lögreglunnar á Suðurnesjum. Þá var einn tekinn grunaður um ölvun við akstur innan bæjar og annar var tekinn fyrir að keyra réttindalaus.

Einar Mar vill verða sveitarstjóri Dalabyggðar

Einar Mar Þórðarson, stjórnmálafræðingur, er einn þeirra 47 sem sóttu um stöðu sveitarstjóra Dalabyggðar.

Engar reglur brotnar varðandi Inspired by Iceland

Iðnaðarráðherra segir reglur varðandi útboð ekki hafa verið brotnar í tengslum við landkynningarátakið Inspired by Iceland, en það kostar upp undir milljarð króna.

Endurskoða lög um erlendar fjárfestingar

Gylfi Magnússon, efnahags- og viðskiptaráðherra, segir að unnið sé að endurskoðun laga um takmarkanir á erlendri fjárfestingu. Hann segir líklegt að frumvarp til endurskoðaðra laga verði lagt fram á haustþingi. „Ég get samt engu lofað," segir Gylfi.

Pálmi kaupir sér frið frá skilanefnd Glitnis

Pálmi Haraldsson hefur lagt ríflega hálfan milljarð króna í reiðufé inn á reikning skilanefndar Glitnis til að komast hjá því að eignir hans verði kyrrsettar.

Össur undirritaði tvísköttunarsamning við Króatíu

Össur Skarphéðinsson utanríkisráðherra átti í dag fundi með utanríkisráðherra Króatíu, Gordan Jandrokovic, og forseta landsins, Ivo Josipovic, í Zagreb þar sem utanríkisráðherra er í opinberri heimsókn. Þá heimsótti Össur króatíska þingið og ræddi við forseta þess.

Fimm húsleitir og sjö handteknir í Hafnarfirði

Lögreglan á höfuðborgarsvæðinu hefur framkvæmt fimm húsleitir í Hafnarfirði og handtekið sjö manns undanfarna daga. Á þessum stöðum hafa fundist ýmsir munir en fullvíst er talið að um þýfi sé að ræða.

Meintur kókaínsmyglari áfram í gæsluvarðhaldi

Hæstiréttur staðfest úrskurð Héraðsdóms Reykjavíkur um áframhaldandi gæsluvarðhaldi yfir Davíð Garðarssyni vegna meints fíkniefnainnflutning.

Flokkurinn borgar ekki verðlaun Valhallar

Utanlandsferð sem sigurvegari í heilsuátaki Valhallar á að fá í vinning verður ekki greidd úr sjóðum flokksins heldur úr starfsmannasjóði Valhallar. Þetta kemur fram í yfirlýsingu sem Valhöll sendi frá sér og var birt á vefmiðlinum AMX nú fyrir skömmu.

Hótaði lögreglumanni og sparkaði í hann

Karlmaður var dæmdur í 3 mánaða skilorðsbundið fangelsi í Héraðsdómi Reykjavíkur fyrir að ráðast á lögreglumann í Yrsufellinu.

Facebook lokar á Jón Gnarr

„Í einlægni vildi borgarstjóri gleðja borgarbúa með sniðugu myndbandi en svo virðist sem forsvarsmönnum Facebook sé ekki skemmt,“ segir Heiða Kristín Helgadóttir, aðstoðarmaður Jóns Gnarrs, borgarstjóra Reykjavíkur.

Steingrímur spáir í fótbolta með eldri borgurum

Fjármálaráðherrann og fyrrum íþróttafréttamaðurinn Steingrímur J Sigfússon verður með töflufund á Hrafnistu í Reykjavík í dag, þriðjudag frá kl. 17.30, áður en leikur Hollands og Úrúgvæ hefst í undanúrslitum HM í knattspyrnu.

Ölvaður 15 ára piltur á vespu

Níu ökumenn voru teknir fyrir ölvunarakstur á höfuðborgarsvæðinu um helgina. Átta voru stöðvaðir í Reykjavík og einn í Garðabæ. Einn var tekinn á föstudagskvöld, fjórir á laugardag og fjórir sömuleiðis á sunnudag.

Ánægð með hrausta Sjálfstæðismenn

„Er ekki almenn heilsuvakning í samfélaginu," segir Ólöf Nordal varaformaður Sjálfstæðisflokksins um heilsuátak starfsfólks Valhallar. Starfsmenn flokksins hafa verið fitumældir og mun sigurvegari heilsuátaksins fá vegleg verðlaun.

Sjálfstæðismenn ítreka andstöðu við hækkanir á fasteignasköttum

Fulltrúar Sjálfstæðisflokksins í Reykjavík óskuðu á fundi borgarráðs í dag eftir nákvæmum upplýsingum um áhrif breytinga fasteignamats á borgarsjóð. Þeir ítrekuðu jafnframt mikilvægi þess að mæta breytingunni ekki með auknum álögum á borgarbúa, heldur með hagræðingu, áframhaldandi aðhaldi og árangri í rekstri.

Vilja bjóða samfélagshetjum í laxveiði

Meirihluti borgarstjórnar Reykjavíkur hefur ákveðið að eftirláta almenningi tvo fría veiðidaga borgarfulltrúa í Elliðaánum 13. og 20. júlí næstkomandi samkvæmt tilkynningu frá borgarstjórn.

Heilsuátak í Valhöll - starfsmenn fitumældir

„Við viljum gera góða heilsu betri," segir Jónmundur Guðmarsson, framkvæmdastjóri Sjálfstæðisflokksins. Jónmundur stendur fyrir heilsuátaki starfsfólks Valhallar þar sem utanlandsferð er í verðlaun.

Bauð viðskiptafélaga í lax og vildi fá endurgreitt

Per Ulrik Schmidt vann dómsmál gegn fyrrverandi viðskiptafélaga sínum sem stefndi honum vegna veiðiferðar í Laxá í Kjós. Héraðsdómur Reykjavíkur sýknaði hann af kröfu fyrrum viðskiptafélaga síns, Páls G Jónssonar, sem krafðist 3000 dollara, eða tæplega 400 þúsund króna, fyrir veiðiferðina sem þeir fóru saman í árið 2007.

Málefni fatlaðra til sveitarfélaganna

Forsætisráðherra boðar til blaðamannafundar í Stjórnarráðinu klukkan tvö í dag í tilefni af undirritun samkomulags milli ríkis og sveitarfélaga um fjárhagslegar forsendur fyrir flutningi málefna fatlaðra til sveitarfélaganna 1. janúar 2011.

Meintir smyglarar fyrir dóm

Málflutningur fer fram í Héraðsdómi Reykjavíkur í dag yfir fjórum einstaklingum, tveimur mönnum og tveimur konum, fyrir að standa að fíkniefnainnflutningi frá Alicante á Spáni. Um 1,7 kíló af kókaíni var að ræða og voru fíkniefnin falin í þremur ferðatöskum sem tvö þeirra fluttu með sér um Leifsstöð. Þá er fólkið einnig ákært fyrir vörslu annara fíkniefna, hassi og maríjuana.

Krabbameinslæknir rétt yfir launum kaffibarþjóns

Sigurður Böðvarsson, sérfræðingur í krabbameinslækningum, er á förum til Bandaríkjanna eftir að hafa starfað á krabbameinsdeild Landspítalans í 9 ár frá því hann lauk sérnámi. Hann segir í samtali við Læknablaðið að tímakaup sitt fyrir vaktir séu svipað og launin sem dóttir hans fær fyrir að selja kleinur og kaffi í Fjölskyldu- og húsdýragarðinum.

Breiðleiti þjófurinn með gisnu tennurnar fundinn

Ungur maður hefur viðurkennt innbrot í Gesthús og Kaffi krús um helgina. Lögreglumönnum sem áttu samskipti við manninn á sunnudag fannst útlit mannsins svipa til lýsingar sem vitni gaf af manni sem það sá við Gesthús á

Exeter-málið: Allir neituðu sök

Fyrsta dómsmálið sem sérstakur saksóknari höfðar var þingfest nú klukkan tíu. Þá var þingfest ákæra á hendur þremenningunum sem grunaðir eru um umboðssvik í svokölluðu Exeter máli.

Áfellisdómur að gengistryggð lán skyldu viðgangast

„Þetta er dæmalaus uppákoma, þegar grundvöllur umfangsmikillar lánastarfsemi sem búin er að viðgangast í níu ár er að hluta til eða verulegu leyti dæmdur ólöglegur,“ segir Steingrímur J. Sigfússon fjármálaráðherra um dóm Hæstaréttar vegna gengistryggðra lána.

Fámenn mótmæli við Stjórnarráðshúsið

Um það bil 20 mótmælendur standa fyrir framan Stjórnarráðshúsið og mótmæla. Samkvæmt fréttamanni Vísis sem er á vettvangi fara mótmælin friðsamleg fram.

Leikreglunum breytt eftir á?

Breyting á frumvarpi iðnaðarráðherra um nýtingu vatnsafls og jarðvarma vekur spurningar um hvort stór svæði hafi verið útilokuð með tilliti til framtíðarorkunýtingar. Samkvæmt frumvarpinu mun verndar- og nýtingaráætlun ekki ná til svæða sem njóta nú þegar friðlýsingar nema það sé þegar heimilt samkvæmt skilmálum friðlýsingar viðkomandi svæðis.

Boða til mótmæla við stjórnarráðið

Hópur fólks ætlar að efna til mótmæla fyrir utan stjórnarráðið við Lækjargötu klukkan hálf tíu, eða rétt áður en ríkisstjórnarfundur hefst þar.

Komu fjallgöngukonu til bjargar

Björgunarsveitarmenn í Vestmannaeyjum komu erlendri göngukonu til hjálpar í gærkvöldi eftir að hana hafði borið af leið á fjalli ofan við Herjólfsdal á Heimaey. Þar er snarbratt og þegar hún áttaði sig á að hún var komin í vandræði, hringdi hún á gistiheimilið, þar sem hún bjó, og þaðan var kallað eftir aðstoð. Leiðangurinn gekk vel og kom konan heil til byggða.

Þingmenn gagnrýna skort á undirbúningi

Með tilmælum Seðlabanka og Fjármálaeftirlits til fjármála­fyrirtækja vegna dóms Hæstaréttar um gengistryggingu lána er verið að hvetja almenning til að greiða fé inn í fyrirtæki sem standa sum mjög tæpt og gætu orðið gjaldþrota, segir Eygló Harðardóttir, þingmaður Framsóknarflokksins. Ljóst er að tilmælin eru hvorki skuldbindandi fyrir fyrirtækin eða almenning. Eygló gagnrýnir harðlega að þau hafi verið sett fram án nægilegs undirbúnings. Niðurstaða Hæstaréttar hafi komið stjórnsýslunni í opna skjöldu.

Breyting útilokar orkukosti

„Þetta kann að hafa þau áhrif að allt Torfajökulssvæðið standi utan rammaáætlunarinnar. Þá erum við að tala um einn þriðja af öllum nýtanlegum jarðhita sem eftir er í landinu að mati Orkustofnunar," segir Gústaf Adolf Skúlason, aðstoðarframkvæmdastjóri Samorku.

Mun betri veiði en búist var við

Veiðum frystitogara HB Granda á úthafskarfa á djúpslóð er lokið á þessari vertíð. Fjögur frystiskip stunduðu veiðarnar og varð afli þeirra alls um 4.600 tonn. Á heimasíðu fyrirtækisins segir að mun betur hafi gengið að veiða kvótann en menn áttu von á. Gefur það fyrirheit um að staða karfastofnsins á Reykjaneshryggnum sé betri en talið hefur verið lengi vel.

Strandblakvellir fullir öll kvöld

Mikill uppgangur er í strandblaki um þessar mundir. „Við erum að slá þátttökumet á hverju móti. Það má segja að fjöldi liða hafi tvöfaldast í sumar,“ segir Karl Sigurðsson, formaður strandblaksnefndar Blaksambands Íslands.

Krefjast 60 milljóna í bætur fyrir skítalykt

Hvalfjarðarsveit hefur verið stefnt fyrir Héraðsdóm Vesturlands til að greiða eigendum jarðarinnar Melaleitis sextíu milljónir króna í skaðabætur fyrir meinta rýrnun á verðmæti jarðarinnar í kjölfar útgáfu byggingarleyfis fyrir svínabú Stjörnugríss á Melum.

Bæjarstjóralaun eru 850 þúsund

„Starf bæjarstjóra er gríðarlega umfangsmikið og undarlegt að minnihlutinn skuli sjá ofsjónum yfir því að það séu greidd þokkaleg laun fyrir það,“ segir Guðmundur Þór Guðjónsson, formaður bæjarráðs Hveragerðis, sem kveður umræðu minnihlutans í bæjarstjórn um laun bæjarstjórans vera villandi.

Netnotkun í símum lítil hér

Íslendingar sækja minna af gögnum í gegnum farsíma og netlykla en hinar Norðurlandaþjóðirnar. Áskrifendur að gagnaflutningi um breiðband eru að sama skapi fæstir hér en útbreiðsla á DSL-nettengingum er mest á Íslandi. Talið er að helsta ástæða þessa sé að 3G símaþjónusta hefur skemur verið í boði hér á landi.

Íbúar Djúpavogs geta drukkið rennandi vatn á ný

Nú geta íbúar Djúpavogs drukkið rennandi vatn á nýjan leik eftir að skemmdir urðu á vatnsveitunni fyrir helgi þegar að aurskriða féll á hana. Starfsmönnum hreppsins tókst að gera við skemmdirnar í gær og segir sveitarstjórinn skemmdirnar umtalsverðar í samtali við Austurgluggann.

Reif úr sér tennur með naglbít - hélt að það væri hlerunarbúnaður í þeim

Hæstiréttur staðfesti í dag dóm Héraðsdóms Reykjavíkur að karlmaður skuli vera vistaður nauðugur á sjúkrahúsi. Það var dómsmálaráðuneytið sem tók ákvörðunina en maðurinn kærði hana til dómstóla og var málið tekið fyrir 30. júní síðastliðinn.

Ari nýr framkvæmdastjóri Þjóðleikhússins

„Þetta leggst bara mjög vel í mig, þetta er mjög spennandi starf og mikil örgrun,“ segir Ari Matthíasson nýr framkvæmdastjóri Þjóðleikhússins. Starfið var auglýst til umsóknar í lok maímánaðar og rann umsóknarfrestur út þann 14. júní síðastliðinn. Tuttugu og fimm umsóknir bárust og mun Ari hefjast störf þegar leikhúsið tekur aftur til starfa að loknu sumarleyfi.