Samkomulag um samstarf í fötlunarfræði

Kristín Ingólfsdóttir, rektor Háskóla Íslands, og Guðmundur Magnússon, formaður Öryrkjabandalags Íslands, undirrituðu í dag tvo samstarfssamninga um kennslu og rannsóknir á sviði fötlunarfræða við Háskóla Íslands. Markmið samninganna er að efla fræðastörf á sviði fötlunarfræða og styrkja þannig kennslu, rannsóknir, framþróun og stefnumörkun á fræðasviðinu og í málefnum fatlaðs fólks.

Gylfi mætir á borgarafundinn í Iðnó

Gylfi Magnússon, efnahags- og viðskiptaráðherra, hefur staðfest komu sína á Opinn borgarafund í Iðnó í kvöld. Gylfi mun þar verða með framsögu, ásamt Lilju Mósesdóttur þingmanni VG, Pétri Blöndal þingmanni Sjálfstæðisflokks og Guðmundi Andra Skúlasyni talsmanni Samtaka lánþega. Auk þeirra verða í pallborði þeir Ragnar Baldursson hrl. og Marinó G. Njálsson frá Hagsmunasamtökum heimilanna.

Andrés endurkjörinn formaður

Ný stjórn og ný siðanefnd var kjörin á aðalfundi Almannatengslafélags Íslands sem fram fór í dag og var Andrés Jónsson endurkjörinn sem formaður félagsins. Aðrir í stjórn eru Hjördís Árnadóttir varaformaður, Lovísa Lilliendahl gjaldkeri, Snorri Kristjánsson ritari og G. Pétur Matthíasson meðstjórnandi. Varamaður er Eva Dögg Þorgeirsdóttir.

Bergur endurráðinn

Bergur Elías Ágústsson hefur verið endurráðinn sem sveitarstjóri Norðurþings. Þetta var samþykkt á síðasta fundi byggðaráðs. Bergur hefur verið sveitarstjóri undanfarin fjögur ár. Framsóknarflokkurinn, Sjálfstæðisflokkurinn og Samfylkingin mynduðu meirihluta í Norðurþingi eftir kosningarnar í lok apríl en samanlagt hafa flokkarnir sjö sveitarstjórnarfulltrúa af níu.

Lára Óskarsdóttir: Enginn sem stoppaði mig

„Ég er bara rosalega ánægð með þessa niðurstöðu, ég er eins og hinir pólitíkusarnir að þegar ég tapa þá er ég ánægð," segir Lára Óskarsdóttir, sem bauð sig fram til varaformanns Sjálfstæðisflokksins á landsfundinum um helgina. Ólöf Nordal þingmaður flokksins fékk 70% atkvæða en Lára fékk rúmlega 17%.

Þrennt handtekið fyrir þjófnað á veski í fiskbúð

Þrennt var handtekið í dag eftir að hafa hnuplað veski úr fiskbúð í Gnoðarvogi.

Lögreglan boðar til blaðamannafundar í dag vegna fíkniefnamáls

Lögreglan á höfuðborgarsvæðinu hefur boðað til blaðamannafundar í dag klukkan 16. Á fundinum verður fjallað um fíkniefnamál sem er til rannsóknar hjá lögreglu.

Ungir framsóknarmenn fylgjandi aðildarviðræðum

Ungir framsóknarmenn í Reykjavík hvetja þingmenn flokksins til að fylgja stefnu Framsóknarflokksins í Evrópumálum. Stjórn félagsins leggur áherslu á mikilvægi þess að aðildarviðræður Íslands við Evrópusambandið fái þann lýðræðislega farveg sem hófst með ályktun Alþingis um aðildarviðræðurnar.

Handtóku fíkniefnasala í Hafnarfirði

Lögreglan á höfuðborgarsvæðinu fann fíkniefni við húsleit í Hafnarfirði á föstudaginn. Um var að ræða bæði kókaín og marijúana. Á sama stað var einnig lagt hald á um 100 steratöflur og 1.150 millilítra af sterum í vökvaformi. Þá tók lögregla líka í sína vörslu töluvert af peningum sem grunur leikur á að séu tilkomnir vegna fíkniefnasölu. Húsráðandi, karl á þrítugsaldri, var handtekinn í þágu rannsóknarinnar.

Segir sjálfstæðismenn verða að horfast í augu við staðreyndir

Þorgerður Katrín Gunnarsdóttir, fyrrverandi varaformaður Sjálfstæðisflokksins, segir að sjálfstæðismenn þurfi að horfast í augu við að aðildarferlið sé hafið og því sé æskilegra að menn sameinist um að berjast fyrir hagsmunum Íslands í aðildarviðræðum við sambandið. Fyrrverandi formaður flokksins segist ekki sjá fyrir sér stofnun nýs flokks óánægðra sjálfstæðismanna.

Tveimur bílum stolið í hverri viku

53 bílum hefur verið stolið hér á landi það sem af er þessu ári samkvæmt upplýsingum frá lögreglunni. Þetta jafngildir því að tveimur bílum sé stolið í hverri viku.

Fullir í sundi kærðir fyrir húsbrot

Þegar starfsfólk Sundhallar Selfoss komu til vinnu á sunnudagsmorguninn fann það tvo ölvaða karlmenn í sundinu. Samkvæmt dagbók lögreglunnar á Selfossi voru mennirnir uppivöðslusamir og leiðinlegir.

Aukið álag

Nær 70% svarenda í kjarakönnun Bandalags háskólamanna sögðu að álag hafi aukist á vinnustað á síðustu mánuðum, og að laun fari lækkandi eða standi í stað.

Borgarafundur í Iðnó

Opnir Borgarafundir standa fyrir borgarafundi Í Iðnó í kvöld um málefni nýfallinna hæstaréttardóma í bílalánsmálunum og hefst fundurinn klukkan átta.

Um 800 milljónir til endurreisnar vegna eldgosanna

Ríkisstjórnin samþykkti á fundi sínum síðastliðinn föstudag að veita 791,7 milljónir króna til endurreisnar og vegna neyðaraðgerða í kjölfar eldgosanna í Eyjafjallajökli og á Fimmvörðuhálsi. Í tilkynningu frá forsætisráðuneytinu segir að styðja eigi við uppbyggingastarf á eldgosasvæðinu og treysti enn frekar á störf þeirra sem komið hafa að neyðaraðgerðum, öryggismálum og endurreisn í kjölfar hamfaranna.

Þorsteinn Pálsson: Ekki á leið úr flokknum

„Frá mínum bæjardyrum séð tók landsfundurinn mjög óskynsamlega ákvörðun. Þessi niðurstaða er bæði vond fyrir flokkinn og Evrópumálstaðinn,“ segir Þorsteinn Pálsson, fyrrverandi forsætisráðherra og formaður Sjálfstæðisflokksins, um ályktun um Evrópumál sem samþykkt var á landsfundi flokksins um helgina. Flokkurinn vill nú að umsókn um aðild Íslands að Evrópusambandinu verði dregin til baka. Hann segist ekki sjá fyrir sér stofnun nýs flokks óánægðra sjálfstæðismanna.

Skaftárhlaupið nær hámarki síðdegis

Skaftárhlaupið úr eystri katlinum nær hámarki síðdegis eða í kvöld en áin er þegar farin að flæða yfir bakka sína. Áin flæddi meðal annars yfir bakka nærri bænum Skál og yfir veg nærri Hálendismiðstöðinni nærri Hólaskjóli.

Japanir veltu bíl sínum - sendiráðið skarst í leikinn

Minniháttar umferðaróhapp varð í umdæmi lögreglunnar á Vestfjörðum í síðustu viku þegar að sjö Japanir veltu bíl sínum. Ein kona kvartaði undan verk í baki og var send á sjúkrahús. Eini maðurinn í hópnum sem kunni ensku fór með henni á sjúkrahúsið. Þeir fimm sem eftir voru gátu því engan veginn bjargað sér, þar sem himinn og haf skildi á milli tungumála þeirra og lögreglu, eins og það er orðað í tilkynningu frá lögreglu.

Haraldur og Jón Gnarr ræða við starfsfólk OR í hádeginu

Jón Gnarr, borgarstjóri, og Haraldur Flosi Tryggvason, stjórnarformaður Orkuveitunnar, munu ræða við starfsfólk Orkuveitu Reykjavíkur í hádeginu í dag.

Vilja að öllum nauðungarsölum á heimilum verði frestað

Hagsmunasamtök heimilanna skora á stjórnvöld að frysta tafarlaust eignir og fé í eigu fjármálastofnana til að standa undir skaðabótaábyrgð sem fyrirtækin kunna að hafa skapað sér í tengslum við nauðungarsölur byggðar á húsnæðis- og bílalánum.

Félagsráðgjafar vilja lýsandi nafn

Félagsráðgjafafélag Íslands skorar á stjórnvöld að finna sameinaðri stofnun Lýðheilsustöðvar og Landlæknisembættis nafn sem lýsi hlutverki hennar og er hlutlaust gangvart starfsstéttunum þrjátíu og tveimur sem stofnunin sér um leyfisveitingar til og hefur eftirlit með. Þetta kemur fram í ályktun sem samþykkt var á stjórnarfundi fyrr í mánuðinum. Þá telur stjórn félagsins mikilvægt að yfirmaður stofnunarinnar beri starfsheitið forstjóri eða forstöðumaður og hafi menntun á heilbrigðissviði.

Fjármál Hraðbrautar til Ríkisendurskoðunar

Menntamálaráðuneytið hefur óskað eftir úttekt Ríkisendurskoðunar á Menntaskólanum Hraðbraut en samkvæmt upplýsingum frá ráðuneytinu þá er það gert vegna þess að samningar á milli ríkis og skólans renna út í ár.

Ákall til blóðgjafa

Blóðbankinn biður blóðgjafa að muna eftir bankanum áður en þeir fara í frí og koma og gefa blóð. Nú er svo komið að birgðir af blóði í O blóðflokkunum er í lágmarki og sérstaklega vantar O negativt blóð, að því er fram kemur í tilkynningu. Blóðbankinn er ábyrgur fyrir allri söfnun og vinnslu blóðs hér á landi.

Brenndist af hrauni á Fimmvörðuhálsi

Kona brenndi sig á hendi um helgina, þegar hún tók upp hraunmola á Fimmvörðuhálsi. Molinn reyndist glóandi að innan þótt yfirborðið væri meinlaust að sjá.

Lögregla of fáliðuð

„Það hefur mikil breyting átt sér stað í seinni tíð,“ segir Geir Jón Þórisson yfirlögregluþjónn á höfuðborgarsvæðinu. Hann hefur verið starfandi lögreglumaður í 34 ár.

Aukið og grófara ofbeldi gegn lögreglu

Bótagreiðslur til lögreglumanna við skyldustörf, sem borgarar hafa ráðist á og slasað, hafa náð nýjum hæðum á síðustu árum. Það sýnir að ofbeldi gegn lögreglu hefur farið harðnandi. Fjöldi mála af þessu tagi í málaskrám lögreglu milli ára segir einnig sína sögu. Málunum hefur farið fjölgandi. Þá hafa hótanir í garð lögreglumanna orðið grófari. Þær beinast nú ekki einungis að lögreglumönnunum sjálfum heldur hafa einnig komið upp mál þar sem borgarar hafa hótað þeim að lífláta börn þeirra, eins og Fréttablaðið greindi frá fyrir skemmstu.

Veitingamenn vilja áfengisverslun burt úr miðbænum

Stórhvelaveiðar eru að hefjast

Hvalbátarnir tveir, Hvalur 8 og Hvalur 9, héldu til veiða í gærkvöldi, um tíu dögum síðar en áætlanir gerðu ráð fyrir. Bátarnir tveir hafa verið í slipp á undanförnum vikum og voru prufukeyrðir í síðustu viku.

Saka Guðmund um einelti og hroka

Barnaverndarstofu barst kvörtunarbréf, undirritað af tíu starfsmönnum Götusmiðjunnar, í maí síðastliðnum. Í bréfinu lýsa starfsmenn yfir áhyggjum af starfsemi meðferðarheimilisins og saka Guðmund Tý Þórarinsson, forstöðumann stofnunarinnar, um einelti. Í bréfinu segir einnig að Guðmundur komi mjög sjaldan og óreglulega inn í Götusmiðjuna og þegar hann komi þá sé hann með yfirgang, frekju og hroka.

Fótbolti dregur athygli að mannréttindabrotum

Wilter Nyabate er kenísk baráttukona sem hefur undanfarin ár barist gegn því að fólk í fátækrahverfum í höfuðborg landsins sé flutt nauðugt af heimilum sínum. Hún var hér á landi á vegum Amnesty til að kynna átakið Stand up united, sem á íslensku heitir Vertu með í vörninni… gegn mannréttindabrotum. Þetta er alþjóðleg herferð Amnesty sem var hrundið af stað í tilefni af heimsmeistaramótinu í knattspyrnu og ætlað að vekja athygli á mannréttindabrotum víðs vegar um heiminn.

Vegfarendur björguðu manni úr á

Vegfarendur björguðu manni úr bíl sem hafði lent út í miðri ánni Bresti í Eldhrauni nálægt Kirkjubæjarklaustri. Björgunarsveitin Kyndill frá Klaustri var á staðnum og lögregla einnig. Lögreglumaður sagðist í samtali við Vísi að óljóst væri enn með hvaða hætti óhappið hefði borið að. Ökumaðurinn er heill á húfi en í uppnámi.

Þingmannanefnd ætlar að ljúka störfum fyrir ágústlok

Atli Gíslason, formaður þingmannanefndar sem fjallar um skýrslu rannsóknarnefndar Alþingis, segir að nefndin stefni að því að ljúka störfum fyrir lok ágúst. Nefndin hefur ekki komist að niðurstöðu í málum ráðherra sem eru taldir hafa sýnt af sér vanrækslu í aðdraganda bankahrunsins.

Búið að slökkva í Hörpu

Slökkviliðið hefur ráðið niðurlögum eldsins sem kom upp í tónlistarhúsinu Hörpu fyrir stundu. Að sögn varðstjóra kom eldurinn upp í bráðabirgðaandyri hússins og gekk greiðlega að slökkva hann. Nú vinna menn að því að rífa utan af andyrinu og ganga úr skugga um að glæður leynist hvergi á staðnum.

Eldur logar í Hörpu

Eldur er kominn upp í tónlistarhúsinu Hörpu við höfnina. Að sögn sjónarvotts liðast mikill svartur reykur upp af byggingunni. Slökkviliðið staðfestir að eldur sé kominn upp í húsinu en en nánari upplýsingar er ekki að fá. Allar stöðvar á höfuðborgarsvæðinu sendu bíla á vettvang.

Synir Breiðholts hreinsuðu Andapollinn

Samtök íbúa í Breiðholti sem kalla sig Synir Breiðholts tóku sig til í dag og boðuðu til hreinsunardags þar sem Andapollurinn svokallaði í Seljahverfi var hreinsaður.

Kraftmikið hlaup í Skaftá

Hlaup er hafið að nýju í Skaftá en þar hljóp vatn úr vestur katli Skaftárjökuls þann 20. júní. Nú er farið að renna úr eystri katlinum af miklum krafti að sögn Snorra Zóphóníassonar vatnamælingamanns hjá Veðurstofunni. Snorri segir að hlaupið hafi hafst í nótt og að rennslið sé komið í 700 rúmmetra. Búast má við því að það tvöfaldist þegar líða tekur á.

Svifdrekaflugmaður kominn á spítala

Þyrla Landhelgisgæslunnar lenti um klukkan kortér yfir eitt með svifdrekaflugmann sem brotlenti í Spákonufelli fyrir ofan Skagaströnd fyrir hádegið. Vel gekk að komast að manninum en þyrlan gat lent í nálægð við slysstaðinn.

Fagnar aðkomu Árna Páls

Guðmundur Týr Þórarinsson í Götusmiðjunni fagnar aðkomu Árna Páls Árnasonar félagsmálaráðherra að deilunni sem upp er komin á milli hans og Braga Guðbrandssonar, forstöðumanns Barnaverndarstofu.

Bjarni með „volgt umboð“

Stefanía Óskarsdóttir stjórnmálafræðingur segir að staða Bjarna Benediktssonar formanns Sjálfstæðisflokksins hafi ekki styrkst við að fá 62 prósenta stuðning í embætti formanns og hann komi af landsfundi með volgt umboð. Hún segist telja að landsfundargestir hafi viljað senda þau skilaboð að Sjálfstæðisflokkurinn ætti enn ýmislegt ógert í uppgjöri á fortíðinni og hruninu.

Svifdreki brotlenti í Spákonufelli

Þyrla Landhelgisgæslunnar var kölluð út í morgun vegna svifdreka sem brotlenti í Spákonufelli sem er fyrir ofan Skagaströnd. Í tilkynningu frá Gæslunni segir að björgunarsveitir Slysavarnarfélagsins Landsbjargar séu nú á leið á slysstaðinn auk þess sem TF-GNA þyrla Landhelgisgæslunnar er í þann mund að koma á staðinn. „Verða þá aðstæður á slysstað metnar og hvort þyrlan kemst að staðnum.“

Býst ekki við mörgum úrsögnum úr flokknum

Heiðrún Lind Marteinsdóttir, varaformaður Heimssýnar og sjálfstæðismaður, segist ekki eiga von á því að mikið verðu um úrsagnir í Sjálfstæðisflokknum í kjölfar samþykktar landsfundar þar sem hvatt er til þess að hætt verði við aðildarviðræður við Evrópusambandið. Þetta kom fram í þættinum Á Sprengisandi, í umsjón Sigurjóns M. Egilssonar.

Ein hjúskaparlög taka gildi í dag

Ein hjúskaparlög í landinu taka gildi í dag, en Alþingi samþykkti lög þess efnis ellefta júní síðastliðinn. Einkum er um réttarbót fyrir samkynhneigða að ræða, en þeir hafa fram að þessu ekki mátt ganga í hjúskap, heldur í staðfesta samvist. Það er ástæða þess að lögin taka gildi í dag, á alþjóðlegum baráttudegi samkynhneigðra.

Fullum stuðningi lýst við Jóhönnu og hina ráðherrana

Flokkstjórnarfundur Samfylkingarinnar sem haldinn var í gær samþykkti einróma yfirlýsingu þar sem fullum stuðningi er lýst við Jóhönnu Sigurðardóttur forsætisráðherra og aðra ráðherra Samfylkingarinnar.

Hætti í flokknum eftir landsfund

Eitthvað er um að fólk hafi sagt sig úr Sjálfstæðisflokknum eftir að landsfundur samþykkti einarða ályktun í gær, um að flokkurinn krefðist þess að aðildarumsókn Íslands að Evrópusambandinu verði tafarlaust dregin til baka. Þannig segist Guðbjörn Guðbjörnsson hafa sagt sig úr flokknum að lokinn afgreiðslu tillögunnar.

Héldu vöku fyrir gestum á sólstöðuhátíð

Tveir gista fangageymslur lögreglunnar á Suðurnesjum en þeir höfðu haldið vöku fyrir gestum á Sólstöðuhátíð í Garðinum sem fram fór í gær. Að sögn lögreglu linntu mennirnir, sem voru ölvaðir, ekki látunum fyrr en þeir voru komnir í fangaklefann en hátíðin fór að öðru leyti vel fram.