Brýnt að skerpa á ákvæði um þjóðaratkvæði

Björg Thorarensen, forseti lagadeildar Háskóla Íslands, segir brýnt að skerpa á ákvæði stjórnarskrárinnar um þjóðaratkvæðagreiðslur. Margir þættir séu afar óljósir. Aldrei hafi reynt á 26. grein stjórnarskrárinnar þar sem kveðið er á um þjóðaratkvæði. Ekki liggi ljóst fyrir hverjir geti kallað eftir þjóðaratkvæðagreiðslum né hvort niðurstaða þeirra sé ráðgefandi eða bindandi.

Slökkvilið kallað að Ölduselsskóla

Slökkvilið höfuðborgarsvæðisins var kallað út skömmu eftir klukkan níu í kvöld eftir að tilkynning barst um eld í Ölduselsskóla í Seljahverfi. Flugeldi komst inn um glugga á skólastofa með þeim afleiðingum að eldur blossaði upp í rusli. Ekki liggur fyrir hvort að miklar skemmdir hafi orðið á skólanum en slökkviliðsmenn vinna nú að því að reykræsta bygginguna.

Forsetinn hefur ákveðið sig

Forseti Íslands hefur ákveðið hvort hann staðfestir eða synjar Icesave lögunum staðfestingar og greinir frá þeirri ákvörðun í fyrramálið. Töluverðar líkur eru á að ríkisstjórnin segi af sér og boðað verði til kosninga, synji forsetinn því að staðfesta lögin.

Ráðgjafi forsetans vill að hann staðfesti lögin

Sigurður G. Guðjónsson, einn helsti ráðgjafi Ólafs Ragnars Grímssonar í gegnum tíðina, vill að hann staðfesti Icesave lögin sem Alþingi samþykkti 30. desember. Sigurður segist ekki hafa rætt um málið við Ólaf.

Ráðuneyti fjarlægt af lista InDefence

Félags- og tryggingamálaráðuneytið hefur verið fjarlægt af undirskriftalista InDefence hópsins varðandi áskorun til forseta Íslands um þjóðaratkvæðagreiðslu um ný Icesave lög. Jóhannes Þór Skúlason, einn af forsvarsmönnum InDefence, segir að þetta hafi verið gert strax og ráðuneytið óskaði eftir því í dag.

Uppáskriftir lækna misnotaðar í vaxandi mæli

Örvandi lyf sem læknar skrifa upp á eru í vaxandi mæli misnotuð af fíkniefnaneytendum. Yfirlæknir á Vogi og framkvæmdastjóri Geðhjálpar segja að að læknar verði að bregðast við en dauðsföll megi rekja til aðgerðaleysis.

Fjölskylda reisir glæsihótel í Landbroti

Fjölskylda á sveitabæ skammt frá Kirkjubæjarklaustri keypti steypustöð og byggingarkrana, smalaði saman ættingjum og vinum, og er nú búin að byggja eitt stærsta og glæsilegasta sveitahótel landsins, sem tekur 150 manns í gistingu.

Ákærður fyrir 43 brot

Átján ára piltur sem situr í gæsluvarðhaldi á Spáni eftir að hafa verið tekinn með um fimmtán kíló af kókaíni, hefur margoft komist í kast við lögin hér á landi. Fyrir skömmu var hann ákærður fyrir 43 afbrot sem öll voru framin á innan við einu ári.

Íslenskir ráðherrar viljugri en aðrir til að svara erlendum fjölmiðlum

Fjármálaráðuneytið réð á síðasta ári eitt eftirsóttasta almannatengslafyrirtæki í heimi til að gæta hagsmuna íslensku þjóðarinnar erlendis og svara fyrirspurnum fjölmiðla. Starfsmaður fyrirtækisins segir íslenska ráðherra viljugri en aðra við að svara fyrirspurnum erlendra fjölmiðla.

Neteftirlit Vinnumálastofnunar skapar alvarlegt fordæmi

Hæstaréttarlögmaður segir að úrskurður Persónuverndar um neteftirlit Vinnumálastofnunar hjá atvinnulausum skapi alvarlegt fordæmi og að gagnrýni í úrskurðinum á Vinnumálastofnun sé veikburða. Stjórn Persónuverndar breytti úrskurði stofnunarinnar.

Ólafur boðar til blaðamannafundar

Ólafur Ragnar Grímsson, forseti Íslands, hefur boðað til blaðamannafundar á Bessastöðum á morgun klukkan 11. Óvissa hefur ríkt um hvað hvernig forsetinn mun bregðast við í Icesave málinu. Fjórir sólarhringar eru liðnir síðan að hann fékk lögin í hendurnar. Þá sagðist Ólafur ætla að taka sér frest til þess að fara yfir málið og í fyrradag tók hann á móti undirskriftum Indefence hópsins þar sem skorað er á hann að synja lögunum staðfestingar.

Karl og kona í varðhaldi vegna kókaínsmygls

Karl á fimmtugsaldri og kona á þrítugsaldri hafa verið úrskurðuð í gæsluvarðhald til 8. janúar að kröfu lögreglunnar á höfuðborgarsvæðinu. Fólkið er grunað um aðild að innflutningi á rúmlega 800 grömmum af kókaíni til landsins frá Bandaríkjunum.

Forseti hefur rætt við forystumenn stjórnarflokkanna

Ólafur Ragnar Grímsson forseti Íslands fundaði í gær með Jóhönnu Sigurðardóttir forsætisráðherra og Steingrími J. Sigfússyni fjármálaráðherra í sitt hvoru lagi vegna Icesave laganna.

Félags- og tryggingamálaráðuneytið á undirskriftalista Indefence

Félags- og tryggingamálaráðuneytið hefur birt yfirlýsingu á heimasíðu sinni þar sem kemur fram að ráðuenytinu hefur borist ábending um að nafn þess hafi verið skráð á undirskriftalista InDefence hópsins varðandi áskorun til forseta Íslands - Þjóðaratkvæðagreiðslu um ný Icesave lög.

Meintir mansalsmenn áfram í gæsluvarðhaldi

Fimm Litháar hafa verið úrskurðaðir í gæsluvarðhald til 26. janúar en þeir hafa setið í haldi lögreglunnar síðan um miðjan október vegna mansalsmálsins svokallaða. Þeir eru grunaðir um að hafa flutt hingað til lands 19 ára gamla stúlku frá Litháen og ætlað að selja hana í kynlífsþrældóm.

Þjónusta við aldraða skert

Samningur Landspítala háskólasjúkrahúss og dvalar- og hjúkrunarheimilisins Grundar um rekstur deildar L-1 á Landakoti rann út nú um áramótin samkvæmt tilkynningu frá Grund.

Fjórtán ára fær bætur fyrir ólöglega frelsissviptingu

Íslenska ríkinu er gert að greiða fjórtán ára gamalli stúlku 300 þúsund krónur í miskabætur fyrir ólögmæta frelsissviptingu á síðasta ári. Þá var hún handtekin af lögreglunni á Akureyri. Hún var með tveimur mönnum sem eru talsvert eldri en hún. Þau höfðu farið í golf inn í Eyjarfirði í ágúst á síðasta ári.

Sjö fíkniefnamál á Litla Hrauni

Sjö fíkniefnamál komu til rannsóknar hjá lögreglunni á Selfossi í liðinni viku. Öll málin komu í venjubundnu eftirliti fangavarða á Litla-Hrauni. Þar var ansi viðburðarríkt yfir hátíðarnar því tveir fangar struku þaðan um kvöldmatarleyti síðastliðinn miðvikudag.

Brotist inn í fjölda sumarbústaða

Sjónvarpstækjum var stolið í flestum þeirra fimm sumarbúastaða sem brotist var inn í um helgina í Grímsnesi. Samkvæmt lögreglunni á Selfossi voru vegsummerki eins í innbrotunum fimm og því grunar lögregluna að sömu aðilar hafi verið að verki.

Erlendir fréttamenn á leiðinni vegna Icesave

Fjármálaráðherra Bretlands segir afar mikilvægt að forseti Íslands staðfesti Icesave lögin, þótt hann geri sér grein fyrir að málið sé Íslendingum erfitt. Ekki liggur fyrir hvenær forsetinn ákveður sig, en alveg eins má búast við að það gerist í dag. Áhugi erlendis er mikill á málinu en fréttastofu er kunnugt um að erlendir fréttamenn séu á leiðinni til landsins til þess að fjalla um málið.

Söng í síðasta sinn í Reykjavík

Kanadíska söngkonan Lhasa de Sela lést af völdum brjóstakrabbameins á heimili sínu í Montréal í Kanada á nýársdag 37 ára að aldri. Síðustu tónleikar hennar voru dagana 23. og 24. maí á Listahátíð í Reykjavík í fyrra.

Davíð Oddsson klipptur út úr Áramótaskaupinu

„Þetta var bara eitt af því sem fór undir hnífinn,“ segir Þórhallur Gunnarsson dagskrástjóri Ríkisútvarpsins, en atriði þar sem Davíð Oddsson ritstjóri Morgunblaðsins leikur grínistan Örn Árnason, var klippt út úr Áramótaskaupinu.

Slys nánast daglega um borð í íslenskum skipum

Nánast daglega er tilkynnt um slys um borð í íslenskum skipum. Þetta kemur fram í nýrri rannsókn sem sýnir jafnframt að huga þarf betur að vinnuaðferðum um borð í skipum.

Niðurskurður á Vogi: Bitnar verst á þeim veikustu

Þeir sem hafa áður sótt sér aðstoð vegna vímuefnavanda á Vogi, svokallað endurkomufólk, þurfa að snúa sér til göngudeildar SÁÁ í Von við Efstaleiti til að fá aðstoð við að útbúa beiðni um vistun. Þetta kemur fram á heimasíðu SÁÁ en þar segir að biðlistar muni lengjast og veikustu sjúklingarnir muni fara verst út úr niðurskurði sem blasir við meðferðarstofnuninni.

Barist um fyrsta sætið

Borgarfulltrúi Vinstri grænna, Þorleifur Gunnarsson, hefur gefið kost á sér í fyrsta sætið í forvali flokksins fyrir borgarstjórnarkosningarnar í vor. Forvalið fer fram í byrjun febrúar en þegar hefur Sóley Tómasdóttir, borgarfulltrúi VG, sóst eftir sama sæti.

Játaði stórhættulegar líkamsárásir

Rétt rúmlega tvítugur maður játaði í Héraðsdómi Reykjavíkur í morgun að hafa gengið í skrokk á tveimur mönnum í nóvember og desember á síðasta ári.

Fyrrverandi vistmenn á Silungapolli hvattir til að hafa samband

Nefndin sem í fyrstu rannsakaði starfsemi Breiðavíkur á árunum 1950 - 1980 kannar nú nú svipaðar stofnanir annars staðar á landinu og hefur þegar lokið áfangaskýrslum um Heyrnleysingjaskólann, Kumbaravog og skólaheimilið Bjarg. Nú rannsakar nefndin uppeldisheimilið Silungapoll og hefur verið auglýst í blöðum eftir því að fyrrverandi vistmenn gefi sig fram til viðtals.

175 skip komin á sjó

175 fiskiskip voru komin á sjó um sex leitið í morgun, en flotinn var allur í höfn yfir áramótin. Víða er gott sjóveður við landið og búist við mikilli sjósókn í dag, enda ríður á að koma fiskvinnslunni í landi í gang eftir fríið.

Leitað að Brynjari Loga Barkarsyni

Lögreglan á höfuðborgarsvæðinu lýsir eftir Brynjari Loga Barkarsyni, sem strauk í gær frá Stuðlum. Hann er 15 ára, 194 sentímetrar á hæð, ljóshærður, stuttklipptur og með blá augu. Brynjar Logi er klæddur í bláar gallabuxur og hvíta hettupeysu. Þeir sem kynnu að hafa orðið hans varir eru beðnir að láta lögregluna vita í síma 4441104

Lengstu áramótaveislu Bretlands er lokið

Lengstu áramótaveislu Bretlandseyja þetta árið lauk í gærmorgun þegar snjóruðningstæki náði loksins til Tan Hill pöbbsins, sem státar af því að vera í mestri hæð yfir sjávarmáli af öllum pöbbum á Bretlandi.

Ökuníðings leitað á Akranesi

Lögreglan á Akranesi leitar ökuníðings, sem með glannaakstri varð til þess að ökumaður bíls, sem kom á móti, missti stjórn á bíl sínum og hafnaði á ljósastaur. Ökumaðurinn og fjölskylda hans sluppu ómeidd, en var illa brugðið. Ökuníðingurinn, sem meðal annars ók yfir hringtorg, lét sig hverfa og er ófundinn.

Lokun Kleppjárnsreykjaskóla mótmælt

Um það bil 160 manns úr uppsveitum Borgarfjarðar komu saman til skyndifundar í félagsheimilinu Logalandi í gær, til að mótmæla þeim hugmyndum innan sveitarstjórnar Borgarbyggðar, sem kvisast höfðu út, að loka eigi grunnskólanum að Kleppjárnsreykjum í sparnaðarskyni.

Enn kveikt í á Suðurnesjum

Tvívegis hefur verið kveikt í ruslagámum á Suðurnesjum á síðasta sólarhringnum. Fyrst í gærkvöldi í Garði um klukkan tíu en í síðara skiptið kviknaði í gámi sem stóð við íbúðablokk á gamla varnarliðssvæðinu. Gámarnir stóðu í báðum tilfellum upp við íbúðahús en eldurinn náði sem betur fer ekki að læsa sig í húsin áður en hægt var að slökkva.

Reyndi að hjálpa en var stunginn þrisvar

Ágúst Fylkisson bílstjóri var stunginn þrisvar sinnum með ydduðu skrúfjárni þegar hann reyndi að koma tveimur stúlkum til aðstoðar á nýársnótt.

Ekkert um að kjósa eftir synjun

Talið er líklegt að viðsemjendur Íslands nýti sér heimild til að hverfa frá samningum um Icesave fáist ekki staðfest lög um ríkisábyrgð vegna þeirra.

Fíkniefnasalar heimsækja sprautufíkla á Landspítala

Starfsfólk smitsjúkdómadeildar Landspítalans segir að harka og virðingarleysi á meðal sprautufíkla fyrir eigin heilsu og annarra sé langt umfram það sem áður hefur sést. Már Kristjánsson yfirlæknir segir starfsaðstæður á deildinni oft með öllu óviðunandi. Sprautufíklar sem eru til meðferðar boða til sín fíkniefnasala inn á sjúkrahúsið þrátt fyrir að vera lífshættulega veikir.

Frekari rannsóknir verði á Drekasvæði

Æskilegt væri að bæta rannsóknir á Drekasvæðinu áður en farið verður í útboð á leit og vinnslu olíu á ný, að mati sérfræðinga erlendra olíufyrirtækja. Þetta kom fram í jólaávarpi Guðna A. Jóhannessonar orkumálastjóra til starfsmanna Orkustofnunnar.

Synjun gæti valdið pólitískri upplausn

Taki forseti Íslands sér lengri umþóttunartíma en til dagsins í dag vegna Icesave-laganna kann hann að mati Eiríks Tómassonar lagaprófessors að vera brotlegur við stjórnarskrá.

Til stóð til að friða braggann

Friða átti braggann sem brann á gamla vallarsvæðinu við Keflavík á nýársdag. Hann hýsti Sölunefnd varnarliðseigna á árunum 1952 til 2004.

Hafa safnað einni milljón vegna Iceslave minnisvarða

Hópur fólks sem stendur að byggingu minninsvarðar um Icesave lögin hefur safnað saman einni milljón króna. Þetta kemur fram í tilkynningu sem hópurinn sendi frá sér í dag.

Hekla gæti gosið á næstunni

Búast má við því að Hekla geti gosið með skömmum fyrirvara, segir Freysteinn Sigmundsson, jarðeðlisfræðingur hjá Jarðvísindastofnun Háskóla Íslands.

Vill að forsetinn skrifi undir sem fyrst

Vilhjálmur Egilsson, framkvæmdastjóri Samtaka atvinnulífsins, telur að forseti Íslands þurfi að taka ákvörðun um Icesave lögin sem fyrst. Hann telur þó litlu máli skipta hvort hann skrifi undir í dag eða á morgun.

Þrettán sjálfstæðismenn vilja í bæjarstjórn Hafnarfjarðar

Þrettán gefa kost á sér í prófkjöri Sjálfstæðisflokksins í Hafnarfirði sem fram fer 30. janúar næstkomandi. Eins og áður hefur komið fram gefur oddviti sjálfstæðismanna í borgarstjórninni ekki kost á sér og því ljóst að kosið verður um nýjan oddvita.

Prýðilegt ferðaveður í dag

Hæglætisveður er um allt land og góðar aðstæður til ferðalaga, segir Vegagerðin. Aðalleiðir í nágrenni Reykjavíkur eru auðar en annars eru hálkublettir á flestum leiðum um allt sunnanvert landið. Öllu meiri hálka er á norðurhelmingi landsins, allt frá Snæfellsnesi til Austfjarða.

Engin viðbrögð frá forsetaembættinu

Enn ríkir fullkomin óvissa um það hvernig Ólafur Ragnar Grímsson, forseti Íslands, mun bregðast við Icesave frumvarpinu. Þrír sólarhringar eru liðnir síðan að hann fékk frumvarpið í hendurnar. Þá sagðist hann ætla að taka sér frest til þess að fara yfir málið og í gær tók hann á móti undirskriftum 60 þúsund manna sem skora á hann að synja lögunum staðfestingar.