Brýnt að skerpa á ákvæði um þjóðaratkvæði

4. janúar 2010 22:23

„Við verðum að fara að setja okkur skýrar reglur um grundvallaratriði varðandi þjóðaratkvæðagreiðslur,“ segir forseti lagadeildar Háskóla Íslands. Mynd/GVA

Björg Thorarensen, forseti lagadeildar Háskóla Íslands, segir brýnt að skerpa á ákvæði stjórnarskrárinnar um þjóðaratkvæðagreiðslur. Margir þættir séu afar óljósir. Aldrei hafi reynt á 26. grein stjórnarskrárinnar þar sem kveðið er á um þjóðaratkvæði. Ekki liggi ljóst fyrir hverjir geti kallað eftir þjóðaratkvæðagreiðslum né hvort niðurstaða þeirra sé ráðgefandi eða bindandi.

„Við verðum að fara að setja okkur skýrar reglur um grundvallaratriði varðandi þjóðaratkvæðagreiðslur. Hver geti kallað eftir þjóðaratkvæðagreiðslu, hvort það eru þingmenn eða þjóðin og hvort þær eigi að vera bindandi eða ráðgefandi," sagði Björg í seinnifréttum Ríkissjónvarpsins.

„Núna liggur þó fyrir frumvarp til laga um framkvæmd þjóðaratkvæðagreiðslna en það er í sjálfu sér ekki efnisreglur um það hvenær þjóðaratkvæðagreiðsla eigi að fara fram. Það er þó spor í rétta átt að eiga til einhvern farveg ef að þau lög verða samþykkt þannig að það sé vitað hvernig eigi að framkvæma þjóðaratkvæðagreiðslu," sagði Björg.

Tengdar fréttir

Ráðgjafi forsetans vill að hann staðfesti lögin

Sigurður G. Guðjónsson, einn helsti ráðgjafi Ólafs Ragnars Grímssonar í gegnum tíðina, vill að hann staðfesti Icesave lögin sem Alþingi samþykkti 30. desember. Sigurður segist ekki hafa rætt um málið við Ólaf.

4. janúar 2010 20:29

Forseti hefur rætt við forystumenn stjórnarflokkanna

Ólafur Ragnar Grímsson forseti Íslands fundaði í gær með Jóhönnu Sigurðardóttir forsætisráðherra og Steingrími J. Sigfússyni fjármálaráðherra í sitt hvoru lagi vegna Icesave laganna.

4. janúar 2010 15:31

Erlendir fréttamenn á leiðinni vegna Icesave

Fjármálaráðherra Bretlands segir afar mikilvægt að forseti Íslands staðfesti Icesave lögin, þótt hann geri sér grein fyrir að málið sé Íslendingum erfitt. Ekki liggur fyrir hvenær forsetinn ákveður sig, en alveg eins má búast við að það gerist í dag. Áhugi erlendis er mikill á málinu en fréttastofu er kunnugt um að erlendir fréttamenn séu á leiðinni til landsins til þess að fjalla um málið.

4. janúar 2010 13:13

Forsetinn hefur ákveðið sig

Forseti Íslands hefur ákveðið hvort hann staðfestir eða synjar Icesave lögunum staðfestingar og greinir frá þeirri ákvörðun í fyrramálið. Töluverðar líkur eru á að ríkisstjórnin segi af sér og boðað verði til kosninga, synji forsetinn því að staðfesta lögin.

4. janúar 2010 19:32

Synjun gæti valdið pólitískri upplausn

Taki forseti Íslands sér lengri umþóttunartíma en til dagsins í dag vegna Icesave-laganna kann hann að mati Eiríks Tómassonar lagaprófessors að vera brotlegur við stjórnarskrá.

4. janúar 2010 03:00

Ólafur boðar til blaðamannafundar

Ólafur Ragnar Grímsson, forseti Íslands, hefur boðað til blaðamannafundar á Bessastöðum á morgun klukkan 11. Óvissa hefur ríkt um hvað hvernig forsetinn mun bregðast við í Icesave málinu. Fjórir sólarhringar eru liðnir síðan að hann fékk lögin í hendurnar. Þá sagðist Ólafur ætla að taka sér frest til þess að fara yfir málið og í fyrradag tók hann á móti undirskriftum Indefence hópsins þar sem skorað er á hann að synja lögunum staðfestingar.

4. janúar 2010 17:19

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.