Fórnarlamb ofbeldisfulla sambýlismannsins stígur fram

Kona sem varð fyrir heimilisofbeldi af hálfu Bjarka Más Magnússonar, stígur fram í viðtali við DV í dag. Bjarki var fyrr í sumar dæmdur í átta ára fangelsi fyrir ítrekaðar árásir og fimmtán kynferðisbrot gegn konunni.

Ríkisstjórnin treystir á minnihlutann

Bjarni Benediktsson, formaður Sjálfstæðisflokksins, segir það vera hættumerki að ríkisstjórnin vilji keyra Icesave málið í gegnum Alþingi þrátt fyrir litla samstöðu í þinginu. Ríkisstjórnin stefni í fen því hún verði aldrei neitt annað en valdabandalag Samfylkingar og Vinstri grænna sem treysti á stjórnarandstöðuna að leysa úr erfiðustu vandamálum sínum. Íslenska þjóðin eigi mun betra skilið.

Breið samstaða ákaflega dýrmæt

Jóhanna Sigurðardóttir, forsætisráðherra, segir breiða samstöðu í Icesave málinu ákaflega dýrmæta fyrir framhaldið. Hún segir næsta verkefni ráðamanna vera að sannfæra Breta og Hollendinga um að íslenska þjóðin sé ekki að hlaupast undan ábyrgð heldur þvert á móti að axla ábyrgð.

Fundu kannabisplöntur í Reykjanesbæ

Lögreglan í Reykjanesbæ handtók í gær karlmann eftir að 25 kannabisplöntur á ýmsu stigi ræktunar fundust á heimili hans.

Slasaðist í hjólreiðaleiðangri

Sextán ára stúlka, sem var í hjólreiðaleiðangri ásamt fleiri ungmennum á hálendinu, slasaðist þegar hún datt á hjólinu síðdegis í gær.

Vélarbilun í fiskibáti

Vél bilaði í litlum fiskibáti þegar hann var staddur skammt út af Grindavík í gærkvöldi og tók bátinn að reka.

Eldur í Vélageymslu í Vatnsdal

Eldur kviknaði í nótt í vélageymslu í Vatnsdal í Húnavatnssýslu og var hún alelda þegar slökkviliðið á Blönduósi kom á vettvang.

BBC myndar pysjubjörgun

Breska ríkissjónvarpið BBC ætlar á næstu dögum að mynda björgunaraðgerðir ungmenna í Vestmannaeyjum þegar lundapysjan, eða ungar lundans, glepjast af ljósunum í bænum og lenda þar á götum og í húsagörðum, en þá eru þær bjargarlausar.

Styttist í Icesave-atkvæði

Þriðja og síðasta umræða um Icesave-málið hefst á Alþingi klukkan tíu og verða atkvæði greidd um málið í dag.

Sá yðar sem syndlaus er...

Þrír ungir menn gerðu sig líklega til að grýta Digraneskirkju og brjóta þar rúður laust upp úr miðnætti. Svo vildi til að presturinn var í kirkjunni og varð þeirra var þegar þeir voru að safna steinum til verksins.

Ákærð fyrir að ljúga til um nauðgun

Ríkissaksóknari hefur ákært átján ára stúlku fyrir að hafa logið upp á fjóra menn að þeir hefðu nauðgað henni. Mennirnir voru úrskurðaðir í gæsluvarðhald á grundvelli ásakananna. Þung refsing getur legið við röngum sakargiftum af þessu tagi.

Fimmtungur borgar ekki eða í vanskilum

Tuttugu prósent húsnæðislána hjá viðskiptabönkunum þremur eru í vanskilum eða ekkert er greitt af þeim. Stjórnvöld hyggjast skoða fjárhagsvanda heimilanna vegna greiðslubyrði og skuldsetningar heildstætt. Þar verður því ekki einungis horft til húsnæðislána, heldur einnig bílalána.

Þjóðleikhúsráð sagt vanhæft til matsins

Þrír umsækjendur um stöðu þjóðleikhússtjóra andmæla umsögn þjóðleikhúsráðs um hæfni umsækjenda. Tveir til viðbótar íhuga hvort þeir andmæli.

Risastór hvalur í Kringlunni

Risastórum hval var komið fyrir í Kringlunni í gær og verður hann þar til sýnis næstu daga.

Össur ætlar ekki úr landi

Stjórn Össurar hf. óskaði í gær eftir að hlutabréf félagsins yrðu skráð í Kauphöll Danmerkur. Gert er ráð fyrir að skráningin verði samþykkt í næstu viku. Í dönsku kauphöllinni eru 180 fyrirtæki og verður Össur 36. stærsta fyrirtækið þar.

Engin svör um meint gjaldeyrishaftasvindl

„Almennt er það vegna þess að upplýsingar eru viðkvæmar, þær geta verið ónákvæmar og svo gæti birting þeirra skaðað rannsóknarhagsmuni eða valdið öðrum skaða,“ segir Stefán Jóhann Stefánsson, ritstjóri hjá Seðlabankanum, spurður hvers vegna bankinn svarar ekki spurningum Fréttablaðsins um meint brot á gjaldeyrishöftum.

Má ekki segja

Vegna laga njóta viðskiptalegar upplýsingar um bankana verndar. Þar af leiðir að fjármálaráðherra telur sér ekki unnt að svara fyrirspurn Eyglóar Harðardóttur Framsóknarflokki um verðtryggingar- og gjaldeyrisjöfnuð bankanna.

Rök gegn því að lækka stýrivexti

Nefndarmenn peningastefnunefndar Seðlabankans voru sammála um að veigamikil rök hnigju gegn lækkun stýrivaxta meðan gengi krónunnar var jafnlágt og raun bar vitni. Þetta kemur fram í fundargerð Seðlabankans frá því um miðjan ágúst.

Ljómandi Europol-fundur

Fundur sérstaks saksóknara og yfirmanns efnahagsbrotadeildar Europol, ásamt fulltrúa Íslands hjá Europol, gekk ljómandi vel, að sögn saksóknarans, Ólafs Þórs Haukssonar.

Verðtrygging eða upptaka evru

Verðtryggingin er afsprengi óstöðugs hagkerfis, þar sem stjórnmálamenn leiðrétta mistök sín með því að fella gengi krónu. Hún er skásti valkostur lántakenda, sem annars þyrftu að taka gengistryggð lán, eða hafa breytilega vexti á lánum.

Laun forstjóra Stoða lækkuð í 1,5 milljónir

Laun Jóns Sigurðssonar, framkvæmdastjóra Stoða, lækka um 70 prósent samkvæmt nýjum samningi sem Eiríkur Elís Þorláksson, stjórnarformaður félagins, sagði frá í gær.

Íslenskir námsmenn fá styrki

menntamál Menntamálaráðherrar og samstarfsráðherrar Norðurlandanna veittu um 135 milljónir króna á árinu til að styrkja íslenska námsmenn á Norðurlöndum sem eiga í fjárhagserfiðleikum vegna efnahagskreppunnar. Uppfylltu 292 námsmenn skilyrði til að fá styrkinn.

Öll skráð í aðra skóla samhliða

Þau 40 börn sem eru skráð í Menntaskólann fyrir haustönnina eru öll skráð í einhverja aðra skóla, að sögn Eddu Huldar Sigurðardóttur, skólastjóra Menntaskólans. Börn sem ekki hafa hafið nám í haust eru í fríi með foreldrum, að sögn Eddu.

Haldið upp á afmæli bæjarins

Akureyrarvaka var sett í Lystigarðinum á Akureyri í gærkvöldi. Garðurinn var upplýstur í tilefni þess.

Stakk táning í Bankastræti

Karlmaður á fertugsaldri hefur verið ákærður fyrir sérstaklega hættulega líkamsárás, en honum er gefið að sök að hafa í nóvember í fyrra stungið táning með hnífi í síðuna.

Atkvæði um Icesave greidd í dag

alþingi Þingmenn stjórnarandstöðuflokkanna létu ríkisstjórnina – og þá sér í lagi Steingrím J. Sigfússon fjármálaráðherra – heyra það í þriðju umræðu um Icesave-frumvarpið sem stóð á Alþingi í allan gærdag og fram á kvöld. Töldu þeir stjórnvöld hafa haldið illa á málinu og í raun klúðrað því. Ætlan þeirra hafi verið að keyra málið óbreytt í gegnum þingið en til allrar lukku hafi það breyst mjög til betri vegar.

Fíkniefnaákæra þingfest í dag

Ákæra á hendur Gunnari Viðari Árnasyni fyrir innflutning á ríflega sex kílóum af amfetamíni til landsins verður þingfest í Héraðsdómi Reykjaness í dag.

Afmæli fyrir hunda og menn

dýrahald Hundaræktarfélag Íslands á fjörutíu ára afmæli um þessar mundir og var blásið til afmælisveislu fyrir dýr og menn í tilefni af því í gær. Veislan var haldin í reiðhöll Fáks í Víðidal og var höllin full af hundum af öllum stærðum og gerðum.

Catalinu birt ákæra fyrir kókaínsmygl

Vændissali ákærður fyrir fíkniefnasmygl og að bíta lögregluþjón í bakið

Frekari niðurskurður í heilbrigðiskerfinu - hugsanlega uppsagnir

Enn frekari niðurskurður í heilbrigðiskerfinu vofir yfir næstu mánuði og er umtalsverð óvissa í rekstri Landspítalans. Uppsagnir eru ekki útilokaðar.

Miðbaugsmaddaman beit lögreglumann í bakið

Sakamál gegn Catalinu Mikue Ncogo var þingfest í Héraðsdómi Reykjaness í dag. Henni er gefið að sök að hafa skipulagt innflutning á alls fjögur hundruð grömmum af kókaíni til landsins í tveimur aðskildum ferðum. Í annað skipti voru tvær konur teknar með efnin en í hitt skiptið karlmaður.

Iðnaðarráðherra vill endurskoða framsal á auðlindum

Iðnaðarráðherra telur að endurskoða þurfi samning Reykjanesbæjar og HS orku um framsal á auðlindum til sextíu og fimm ára.

Páll andmælir áliti Þjóðleikhúsráðs um hæfi umsækjenda

Páll Baldvin Baldvinsson hefur andmælt áliti Þjóðleikhúsráðs um umsækjendur um starf Þjóðleikhússtjóra. Í bréfi sem Páll stílar á Katrínu Jakobsdóttur, menntamálaráðherra, gagnrýnir hann Þjóðleikhúsráð meðal annars fyrir skort á rökstuðningi við matið.

Uppblásin dúkka í framsætinu gagnast ekki

Ökumönnum sem eru einir í bíl verður bannað að aka um hinn nýja Hlíðarfót á álagstímum, samkvæmt áformum borgaryfirvalda. Að öðrum kosti sjá menn fram á umferðaröngþveiti þegar Háskóli Reykjavíkur flytur í Vatnsmýrina.

Kvenkyns bílþjófur og ungir númeraþjófar á ferð í gærkvöldi

Lögreglan hafði hendur í hári bílþjófs í Hafnarfirði í gærkvöldi en um var að ræða konu á þrítugsaldri. Í tilkynningu frá lögreglunni kemur fram að þrír hafi verið með henni í bílnum þegar lögreglan kom á vettvang og reyndist einn þeirra vera eftirlýstur fyrir aðrir sakir. Sá var því einnig handtekinn.

Nýr togari til heimahafnar í Reykjavík

Nýsmíðaður togari, Helga RE, kom í fyrsta sinn til heimahafnar í Reykjavík í dag. Slíkt gerðist síðast í höfuðborginni um síðustu aldamót. Útgerðarmaðurinn, Ármann Ármannsson, var svo heppinn að tryggja sér gjaldeyri fyrir kaupunum þegar dollaragengið var helmingi lægra.

Spyr Steingrím um kostnað ríkisins vegna launaálags formanna

„Það voru miklar umræður um eftirlaunafrumvarpið á sínum tíma og ég tel eðlilegt að það sé dregið fram hverjir það eru sem fengið hafa greitt og hversu mikið,“ segir Jón Gunnarsson, þingmaður Sjálfstæðisflokksins, en hann hefur lagt fram á Alþingis fyrirspurn þess efnis til Steingríms J. Sigfússonar, fjármálaráðherra.

Hundasýning á 40 ára afmæli HRFÍ

Hundaræktarfélag Íslands heldur upp á 40 ára afmæli sitt um þessar mundir og í tilefni af því er blásið til glæsilegrar hátíðar í Reiðhöll Fáks í Víðidal í kvöld. Boðið verður upp á ýmsa fyrirlestra og fróðleik og stendur dagskáin frá klukkan 17:00 til 22:30.

Þingi frestað fram í október

Forsætisráðherra hefur fyrir hönd ríkisstjórnarinnar lagt fram þingsályktunartillögu um frestun þingfunda. Leggur hún til að alþingi álykti um að fundum þingsins verði frestað frá 27. ágúst, eða síðar ef nauðsyn krefur, til 1. október 2009.

Salan á Landsvirkjunarhlutnum takmarkaði ábyrgðir borgarinnar

Fulltrúar Framsóknarflokks og Sjálfstæðisflokks í borgarráði segja að þegar Reykjavíkurborg seldi hlut sinn í Landsvirkjun hafi ekki aðeins fengist gott verð fyrir hlutinn heldur hafi salan einnig takmarkað verulega ábyrgðir borgarinnar. Dagur B. Eggertsson segir að sú staðreynd að ábyrgðir borgarinnar vegna skulda Landsvirkjunar nemi 110 milljörðum sé „enn einn áfellisdómurinn yfir sölu Reykjavíkurborgar á hlut sínum.“

Vímuakstur í borginni

Tveir voru teknir fyrir ölvunarakstur á höfuðborgarsvæðinu í gær að sögn lögreglu. Um miðjan dag var tvítugur piltur stöðvaður fyrir þessar sakir á Sæbraut og í gærkvöld var tæplega þrítugur karl tekinn í Hafnarfirði af sömu ástæðu.

Atkvæði greidd um Icesave klukkan tíu í fyrramálið

Náðst hefur samkomulag um að ljúka atkvæðagreiðslu um Icesave samningana klukkan tíu í fyrramálið. Áður fær fulltrúi hvers þingflokks um tíu mínútur til að flytja ávarp, en þau hefjast um klukkutíma fyrr.

Borgin í ábyrgð vegna 110 milljarða af skuldum Landsvirkjunar

Reykjavíkurborg er í ábyrgðum vegna 110 milljarða af skuldum Landsvirkjunar að sögn Dags B. Eggertssonar oddvita Samfylkingarinnar í Reykjavík. Dagur vísar í svör fjármálaskrifstofu borgarinnar við fyrirspurn Samfylkingarinnar um málið. Að mati Dags þýðir þetta að fari Landsvirkjun í þrot geta lánveitendur gengið að Reykjavíkurborg og krafið hana um greiðslu á eftirstöðvum kröfu sinnar.

Verklok á Hólmahálsi nálgast

Lokasprettur við nýjan kafla á Norðfjarðarvegi um Hólmaháls á milli Eskifjarðar og Reyðarfjarðar stendur nú yfir en verklok eru samkvæmt áætlun í byrjun október. Nýi vegurinn verður 5,1 kílómetrar að lengd og liggur talsvert lægra í hálsinum en núverandi vegur, að fram kemur í frétt á vef samgönguráðuneytisins.

Innritun í framhaldsskóla var talsvert óvenjuleg

Innritun í framhaldsskóla fyrir haustönn 2009 er lokið. Fram kemur í tilkynningu frá menntamálaráðuneytinu að innritunin hafi að þessu sinni verið talsvert óvenjuleg af ýmsum sökum.