Skíðasvæði víða opin

Skíðasvæðið á Siglufirði er opið til klukkan fjögur í dag. Egill Rögnvaldsson, umsjónarmaður, segir að veðrið í fjallinu sé afar gott. Páskaeggjamót hefst klukkan eitt og í framhaldinu klárast ratleikur á skíðasvæðinu. Garpamót hefst klukkan þrjú.

Hálka og hálkublettir víða

Aðalleiðir á Suðurlandi eru auðar en hálkublettir eru á Lyngdalsheiði. Það er hálka og skafrenningur á Holtavörðuheiði en hálkublettir á nokkrum öðrum heiðum á Vesturlandi.

Róleg nótt hjá lögreglu

Gærkvöldið og nóttin virðist hafa verið róleg hjá lögreglunni víðsvegar um landið ef frá er talið þegar sérsveit ríkislögreglustjóra var kölluð út á Akranesi í gær vegna ölvaðs og vopnaðs manns.

Beita þurfti klippum á Bústaðavegi

Slökkvilið þurfti að beita klippum til að ná þremur út úr bifreið sem ekið var á ljósastaur á mótum Bústaðavegar og Reykjanesbrautar á þriðja tímanum í nótt. Fólkið var flutt á slysadeild en að sögn lögreglu er þau ekki mikið slösuð.

Sérsveitin kölluð út vegna vopnaðs manns

Sérsveit ríkislögreglustjóra var kölluð að einkahúsi á Presthúsabraut á Akranesi í gærkvöldi. Þar var ölvaður og vopnaður maður handtekinn sem gisti fangageymslur lögreglunnar á Akranesi í nótt. Maðurinn, sem er á fimmtugsaldri, verður yfirheyrður síðar í dag. Hann var einn í húsinu.

Þarf að svara til saka fyrir fjöldamorð

Yfirvöld í Bandaríkjunum hafa neitað hinum 89 ára gamla Ivan Demjanjuk um undanþágu um að framselja hann ekki til Þýskalands. Hann er sagður hafa aðstoðað við morð á 29 þúsund gyðingum þegar hann starfaði sem fangavörður í útrýmingarbúðum í síðari heimsstyrjöldinni.

Guðlaugur: Öfl innan Sjálfstæðisflokksins vinna gegn mér

Guðlaugur Þór Þórðarsson, þingmaður Sjálfstæðisflokksins, telur að ákveðin öfl innan Sjálfstæðisflokksins hafi unnið gegn sér. Hann hefur ekki íhugað að segja af sér.

„Þetta virtist allt svo dökkt“

Sjónskert kona á níræðisaldri var rænd um hábjartan dag í Vogahverfinu í gær. Þjófurinn náði sjö þúsund krónum, leigubílakorti frá Blindrafélaginu og húslyklum. Þjófurinn er ófundinn en konan biður hann að skila persónulegum munum sínum.

Sigurjón tók einn ákvörðun um risastyrkinn til Sjálfstæðisflokksins

Sigurjón Þ. Árnason, fyrrverandi bankastjóri Landsbankans, tók ákvörðunina um að styrkja Sjálfstæðisflokkinn um 25 milljónir einn og óstuddur. Hinn bankastjóri bankans og bankaráðið komu hvergi nærri ákvörðuninni. Þessi styrkur var meðhöndlaður á allt annan hátt en 5 milljóna króna styrkurinn sem var veittur fyrr á árinu 2007.

Enn er lýst eftir Evu Lind

Lögreglan á Suðurnesjum lýsir enn eftir Evu Lind Guðjónsdóttur en hennar hefur verið saknað síðan á fimmtudagsmorguninn, 9. apríl. Hún er 15 ára.

Strætó með litla þjónustu um páskahelgina

Strætó bauð ekki upp á neina þjónustu í gær, og ekki verður heldur hægt að taka strætó á morgun, páskadag.

Ámælisvert að þiggja tugmilljóna styrki

Varaformaður Framsóknarflokksins segir ámælisvert að Sjálfstæðisflokkurinn skyldi þiggja tugmilljóna styrki frá fyrirtækjum eftir að stjórnmálaflokkarnir höfðu náð samkomulagi um breytingar á lögum varðandi styrki til þeirra og stutt í að ný lög tækju gildi.

„Ég held ekki nei“

Bjarni Benediktsson, formaður Sjálfstæðisflokksins, sagði í kvölfréttum Stöðvar 2 að hann teldi að bæði Kjartan Gunnarsson og Andri Óttarsson, fyrrum framkvæmdastjórar flokksins, hafi haft vitneskju um styrkina eftir að styrkirnir komu í hús eins og Bjarni orðaði það.

Meintur árásarmaður ekki lengur í haldi lögreglu

Lögreglan hefur slepp karlmanni um sjötugt sem grunaður er um að hafa stungið konu á fimmtugsaldri í íbúð í Meðalholti í morgun. Maðurinn neitar sök en konan heldur því staðfestlega fram að maðurinn hafi stungið sig. Þetta kom fram í fréttum Ríkisútvarpsins.

Steini í Kók sá um FL-styrkinn fyrir Sjálfstæðisflokkinn

Þorsteinn Jónsson, oft kenndur við Kók, og Steinþór Gunnarsson fyrrverandi yfirmaður verðbréfadeildar Landsbankans segjast hafa staðið fyrir söfnun hárra styrkja frá FL Group og Landsbankanum fyrir Sjálfstæðisflokkinn. Það hafi þeir gert eftir að Guðlaugur Þór Þórðarson alþingismaður hafði samband við þá og upplýsti að fjárhagsstaða flokksins væri mjög bágborin. Guðlaugur hafi ekki haft frekari afskipti af málinu, segja þeir félagar í yfirlýsingu sem þeir sendu frá sér í dag.

Þing verður rofið um miðja næsta viku

Guðbjartur Hannesson, forseti Alþingis, telur að Alþingi verði rofið um miðja næstu viku vegna komandi þingkosninga. Hann segir að semja verði um frumvörp sem ágreiningur er um.

Bjarni í beinni útsendingu í kvöldfréttum

Rætt verður við Bjarna Benediktsson, formann Sjálfstæðisflokksins, í beinni útsendingu í kvöldfréttum Stöðvar 2 sem hefjast klukkan hálf sjö. Mikið hefur verið fjallað um risastyrki sem Sjálfstæðisflokkurinn hlaut 2006 skömmu áður en lög um hámarksframlög til stjórnmálaflokka tóku gildi. Rætt verður við Bjarna um málið.

Ástþór býður munaðarleysingjum í Sjálfstæðisflokknum um borð

Lýðræðishreyfingin xP, sem Ástþór Magnússon er forsvari fyrir, hefur safnað tilskyldum fjölda meðmælenda og frambjóðenda í öllum kjördæmum landsins og verða framboðslistar lagðir fram á þriðjudag.

Umhverfisfræðingar gagnrýna auglýsingu sjálfstæðismanna

Félag umhverfisfræðinga gagnrýnir nýlega auglýsingu þingmanna Sjálfstæðisflokksins um frumvarp til breytinga á stjórnarskrá. Félagið harmar að Sjálfstæðisflokkurinn skuli slíta úr samhengi umsögn félagsins og frábiður sér að faglegar umsagnir um þingmál séu misnotaðar í pólitískum tilgangi.

Atvinnulausir rúmlega 17.500

Atvinnuleysi heldur áfram að aukast og nú eru 17.552 manns án atvinnu á landinu öllu. Hafa verður í huga að sá hópur sem ekki er að fullu atvinnulaus fer stækkandi, það er að segja þeir sem eru á hlutabótum á móti hlutastarfi. Á vef Vinnumálastofnunnar segir að yfir 3000 manns eru á hlutabótum.

Stefnir í hörmulegan kosningaósigur Sjálfstæðisflokksins

Hremmingar Sjálfstæðisflokksins nú eru þær alvarlegastu sem hann hefur lent í í rúm 20 ár og jafnvel frá upphafi. Þetta sagði Gunnar Helgi Kristinsson, prófessor í stjórnmálafræði við Háskóla Íslands, í hádegisfréttum Ríkisútvarpsins. Gunnar Helgi sagði jafnframt að það stefni í hörmulegan kosningaósigur hjá Sjálfstæðisflokknum.

Maður á áttræðisaldri í haldi vegna hnífsstungu

Rétt fyrir klukkan sex í morgun barst lögreglunni á höfuðborgarsvæðinu tilkynning um að kona á fimmtugsaldri hefði verið stungin í heimahúsi í Austurborginni.

Framsókn mun birta yfirlit yfir styrki

Framsóknarflokkurinn mun væntanlega birta yfirlit yfir þau fyrirtæki sem styrktu flokkinn árið 2006 á allra næstu dögum, en verið er að leita samþykkis þeirra fyrirtækja sem veittu styrkina fyrir birtingu upplýsinganna.

Endurskoðandi gerði athugasemdir við risastyrki FL og Landsbankans

Haukur Leósson, endurskoðandi Sjálfstæðisflokksins, gerði athugasemdir við risastyrki FL Group og Landsbankans til flokksins við endurskoðun ársreikningsins 2006. Þær athugasemdir virti meðal annars Kjartan Gunnarsson, þáverandi framkvæmdastjóri flokksins, að vettugi.

Framhaldið í höndum Bjarna - ekki næst í Sigurjón eða Halldór

Engar ákvarðanir voru teknar á þingflokksfundi Sjálfstæðisflokksins sem haldinn var í gærkvöldi. Þingmenn samþykktu að framhald málsins yrði í höndum Bjarna Benediktssonar, formanns flokksins.

Kjartan vissi um styrkina

Heimildir sem fréttastofan telur öruggar fullyrða að Kjartan Gunnarsson fyrrverandi framkvæmdastjóri Sjálfstæðisflokksins hafi vitað af tugmilljóna styrkjum FL Group og Landsbanka til Sjálfstæðisflokksins fyrir áramótin 2006 - 2007, en hann hefur ítrekað fullyrt í fjölmiðlum að hann hafi ekki vitað af þessum greiðslum fyrr en Stöð 2 greindi frá þeim á miðvikudag.

Skíðasvæðin víða opin

Allir sem mæta í lopapeysu á skíðasvæðið í Dalvík fá óvæntan glaðning „Heiðrum íslensku sauðkindina og fyllum fjallið af mislitum lopapeysum,“ segir Einar Hjörleifsson umsjónarmaður. Hinir Svarfdælsku Bakkabræður mæta á svæðið. Útbúinn hefur verið sérstök braut fyrir snjóþotur og stigasleða. Skíðasvæðið verður opnar klukkan 10 og verður opið til 17.

Víða hálka

Fram kemur í tilkynningu frá Vegagerðinni að víðsvegar um landið eru hálka og hálkublettir. Aðalleiðir á Suðurlandi eru auðar en hálkublettir eru á Lyngdalsheiði. Hálka og skafrenningur er á Holtavörðuheiði en hálkublettir á nokkrum öðrum heiðum á Vesturlandi.

Ók utan í allt að sex bíla

Talsverður erill var hjá lögreglunni á höfuðborgarsvæðinu í nótt. Lögreglumenn handtóku mann grunaðan um að aka undir áhrifum áfengis eftir að hann ók á og utan í fjórar til sex kyrrstæðar bifreiðar í Grettisgötu. Samkvæmt lögreglu er bifreiðarnar talsvert skemmdar.

Rannsakar styrki til flokka

Styrkir til stjórnmálaflokka eru meðal þess sem Rannsóknarnefnd um bankahrunið mun skoða við vinnu sína. Þetta segir Tryggvi Gunnarsson, sem sæti á í nefndinni.

Kona flutt á slysadeild eftir hnífsstungu

Rétt fyrir klukkan sex í morgun barst lögreglunni á höfuðborgarsvæðinu tilkynning um að kona hefði verið stungin í Austurborginni. Konan var flutt á slysadeild en mun ekki vera í lífshættu samkvæmt upplýsingum frá lögreglu. Karlmaður var handtekinn vegna málsins.

Meirihluti vill álver í Helguvík

Siðfræðingur hættir í SUS

Stefán Einar Stefánsson viðskiptasiðfræðingur hefur sagt sig úr stjórn Sambands ungra sjálfstæðismanna, SUS.

Lögreglan á Suðurnesjum lýsir eftir stúlku

Lögreglan á Suðurnesjum lýsir eftir Evu Lind Guðjónsdóttur, f. 12 nóvember 1994 en hennar er saknað síðan á fimmtudagsmorguninn, 9. apríl síðastliðinn.

Bjarni og Þorgerður funda með Guðlaugi

Bjarni Benediktsson, Þorgerður Katrín Gunnarsdóttir og Guðlaugur Þór Þórðarson funda nú um stöðu flokksins í skugga frétta um að flokkurinn hafi tekið við 30 milljónum króna frá FL Group og 25 milljónum króna frá Landsbankanum í árslok 2006. Komið hefur fram að mikil ókyrrð hefur verið í flokknum frá því að fréttastofa Stöðvar 2 sagði frá málinu á þriðjudag og er hávær krafa um að upplýst verði um framvindu málsins.

Segja annarleg sjónarmið að baki umræðu um ábyrgð Guðlaugs

Formenn tólf sjálfstæðisfélaga í Reykjavík segj að það hljóti að liggja annarleg sjónarmið að baki því að draga nafn Guðlaugs Þórs Þórðarsonar alþingismanns inn í umræðu um styrki til Sjálfstæðisflokksins.

Sakaði þingmann Sjálfstæðisflokksins um að aka á sig

Þingflokksfundi sjálfstæðismanna sem átti að halda í Valhöll klukkan þrjú var frestað þar til síðar í dag. Margir þingmenn voru mættir til fundarins þegar ákveðið var að bíða með fundarhöldin. Þar á meðal var Ragnheiður Ríkharðsdóttir en hún fékk óblíðar móttökur mótmælenda sem hindraði

Struku frá Stuðlum

Fjórar stúlkur struku frá Stuðlum, meðferðarheimili ríkisins fyrir unglinga við Fossaleyni, eftir hádegið í dag. Að sögn lögreglunnar á hofuðborgarsvæðinu eru stúlkurnar komnar í leitirnar og munu væntanlega fara aftur upp á Stuðla. Lögreglan segir að stúlkurnar hafi ekki verið komnar langt á veg þegar þær fundust aftur.

Bjarni og Guðlaugur ræddu um styrkina

Bjarni Benediktsson, formaður Sjálfstæðisflokksins, átti fund með Guðlaugi Þór Þórðarsyni, þingmanni flokksins, vegna hárra fjárstyrkja sem flokkurinn fékk í árslok 2006. Þetta kemur fram í viðtali við Bjarna sem var birt hér á Vísi í gærkvöld. Í viðtalinu kemur fram að Bjarni og Guðlaugur hafi farið yfir málið og skipst á skoðunum á hreinskiptin hátt.

Vinstri grænir fengu hæst 1 milljón króna

Hæsti styrkur sem Vinstri hreyfingin grænt framboð fékk á árinu 2006 var frá Samvinnutryggingum en hann nam einni milljón króna. Þetta kemur fram í tilkynningu sem VG sendi frá sér í dag. Þar segir að áður en lög um fjármál flokkanna voru samþykkt hafi Vinstri græn unnið eftir eigin reglum að öll fjárframlög yfir 500 þúsund krónum skyldu birt í ársreikningi, þ.e. hver gaf og hversu mikið. Samvinnutryggingar séu eina tilfellið sem þetta hafi átt við um.

Hvolsvallarlögregla herðir umferðareftirlit

Lögreglan á Hvolsvelli verður með sérstakt hálendiseftirlit á láði og í lofti um páskahelgina. Sérstaklega verður fylgst með ástandi ökumanna, bæði hvað varðar ölvunar-, fíkniefna- og svo utanvegarakstur.

Framsóknarmenn birta ekki bókhald fyrir árið 2006

Framsóknarflokkurinn ætlar ekki að greina frá því hverjir veittu framlög til flokksins árið 2006. Þetta kemur fram í yfirlýsingu sem flokkurin sendi frá sér fyrir stundu. Hæsti einstaki styrkur sem flokknum hafi verið veitt hafi numið 5 milljónum króna en heildarframlög lögaðila um 30 milljónum króna.

Útlendingar trúa því að Íslandi hafi verið lokað

Fjölmargir útlendingar trúa því að Ísland hafi orðið gjaldþrota síðasta haust og hreinlega verið lokað. Þetta segir viðskiptaráðherra og að miklu máli skipta að uppgjörið vegna bankahrunsins verði sanngjarnt og gagnsætt til að endurvekja trú alþjóðasamfélagsins á íslensku viðskiptalífi.

Sundlaugarnar opnar í dag

Laugardalslaug og Árbæjarlaug eru opnar frá klukkan tíu til sex í dag, föstudaginn langa. Þjónustuhús Ylstrandarinnar í Nauthólsvík er opið í dag frá ellefu til eitt og á annan í páskum frá fimm til sjö í eftirmiðdaginn.

Víða hægt að skíða í dag

Skíðasvæði eru víðast hvar opin landsmönnum í dag. Hlíðafjall opnaði klukkan níu í morgun og verður opið til klukkan fimm síðdegis, opið er á skíðasvæðinu á Dalvík frá klukkan tíu til fimm og í Tindastóli og á Siglufirði verður jafnframt opið til klukkan fimm. Þá verður opið í Bláfjöllum til klukkan fimm. Fjölmenni var á skíðum á Akureyri og á Ísafirði í gær og á Siglufirði voru um 1400 manns á skíðum.