Mjög slæmt ef IMF myndi ekki veita okkur lán

Það hefði mjög slæmar afleiðingar fyrir okkur ef Alþjóðagjaldeyrissjóðurinn hætti við að veita okkur lán, segir Bjarni Benediktsson, formaður utanríkismálanefndar Alþingis. Enn er alls óvíst hvort eða hvenær lánið gengur í gegn.

Lögregla rannsakar neyðarsendingu

Neyðarsending barst Flugstoðum klukkan tíu mínútur yfir tíu í morgun. Samkvæmt upplýsingum frá Flugstoðum er ekkert sem bendir til að um flugvél sé að ræða heldur barst sendingin frá jörðu niðri, nærri Tungufelli við Skjálfandafljót.

Geir kannast ekki við Pólverjalán

Geir H. Haarde forsætisráðherra kannast ekki við að Pólverjar ætli að lána Íslendingum 200 milljónir dollara eins og erlendir miðlar hafa greint frá. Þetta kom fram á ríkisstjórnarfundi í morgun. Bloomberg fréttaveitan greindi frá fyrirhuguðu láni í morgun og sagt að lánið fylgi í kjölfar aðstoðar frá Alþjóðagjaldeyrissjóðnum.

Póstverslun með lyf heimiluð

Guðlaugur Þór Þórðarson heilbrigðisráðherra hefur sett reglugerð sem heimilar póstverslun með lyf en hún er framhald af viðamikilum breytingum á lyfjalögum sem tók gildi 1. október síðastliðinn.

Pólverjar lána Íslendingum 200 milljónir dollara

Pólverjar lána Íslendingum fé vegna efnahagskreppunnar og koma þannig að lánapakka sem fylgir aðstoð frá Alþjóðagjaldeyrissjóðnum.

Skemmdi lögreglubíl í ölæði

Ölvaður maður, sem var farþegi í bíl sem ölvaður ökumaður ók í Reykjanesbæ í nótt, missti stjórn á skapi sínu eftir að lögreglumenn höfðu flutt þá á stöðina til skýrslutöku.

Réttindalaus og efnaður á 124 km hraða

Lögreglan á Suðurnesjum mældi ökumann á 124 kílómetra hraða þar sem hámarkshraði er 70 kílómetrar á klukkustund, á Reykjanesbraut við Hafnaveg síðdegis í gær.

Síldinni mokað upp

Nokkur síldveiðiskip fengu fullfermi rétt utan við höfnina í Stykkishólmi í gær og eru nú á leið til löndunar á Austfjörðum eða í Vestmannaeyjum.

Björn Bjarnason vill sérstakan saksóknara

Björn Bjarnason dómsmálaráðherra ætlar að leggja fram frumvarp um sérstakan saksóknara vegna rannsóknar á bankahruninu. Það er að tillögu Valtýs Sigurðssonar ríkissaksóknara, segir Björn á heimasíðu sinni

Boða til mótmæla við höfuðstöðvar VR

Hópur félaga í VR hefur boðað til mótmælafundar við höfuðstöðvar félagsins í Húsi verslunarinnar. Hópurinn er óánægður með ákvörðun stjórnar Kaupþings um að fella niður ábyrgðir starfsmanna bankans vegna lána sem tekin voru vegna kaupréttarsamninga. Gunnar Páll Pálsson formaður VR sat í stjórn Kaupþings fyrir hönd Lífeyrissjóðs verslunarmanna og samþykkti hann gjörninginn sem hefur valdið ólgu víða. Stjórn félagsins hefur hins vegar lýst yfir fullum stuðningi við Gunnar Pál.

Vill skipa sérstakan saksóknara í rannsókn á bankahruni

Björn Bjarnason segir frá því á heimasíðu sinni nú í kvöld að næsta skref í rannsókn á aðdraganda hruns bankanna sé að skipa sérstakan saksóknara. Ætlar hann að leggja fram frumvarp þess efnis. Líkt og komið hefur fram í fréttum í gær og í dag hafa þeir Valtýr Sigurðsson ríkissaksóknari og Bogi Nilsson fyrrverandi Ríkissaksóknari hætt vinnu við skýrslu um málið.

Kvíðir því að fara í fangelsi

Hæstiréttur staðfesti í dag árs fangelsi yfir Þórði Jónsteinssyni fyrir að verða tveimur að bana og stórslasa ungan dreng í umferðarslysi fyrir tæpum tveimur árum. Faðir drengsins og stúlkubarns sem lést í slysinu undrast úrræðaleysi gegn ökuníðingum og segist horfa öðrum augum á lífið.

Hæstiréttur sýknar lögreglumenn eftir bumbuslag

Hæstiréttur sýknaði í dag tvo lögreglumenn frá Selfossi af tæplega 16 milljón króna skaðabótakröfu frá konu sem heldur því fram að örorka sem hún hlaut eftir slys árið 2003 megi rekja til fyllerísláta lögreglumannanna.

Ríkissaksóknari hættur skýrslugerð

Valtýr Sigurðsson ríkissaksóknari ætlar ekki að vinna frekar að skýrslu um stöðu og starfsemi íslenskra peninga- og fjármálastofnana, sem og um aðdraganda þeirra miklu umskipta sem orðið hafa á rekstrinum. Hann ætlar að bíða framvindu frumvarps um sérstakan saksóknara. Áður hafði forveri hans, Bogi Nilsson sagt sig frá verkefninu þar sem hann taldi sig ekki njóta almenns trausts til að sinna því.

VW Tiguan bíll ársins 2009

Bandalag íslenskra bílablaðamanna, BÍBB, stóð í fimmta sinn fyrir vali á Bíl ársins. Tilkynnt var í dag, fimmtudag, að Volkswagen Tiguan hefði orðið fyrir valinu að þessu sinni. Í umsögn dómnefndarinnar sagði m.a. að “VW Tiguan er yfirburðabíll og ekki aðeins í samanburði við aðra jepplinga. Hann er eins og hugur manns og hyggilegur hvernig sem á er litið. Traustvekjandi bíll í sívaxandi flokki jepplinga og býður upp á skemmtilegar tækninýjungar.”

Nýtt viðskiptasetur í húsnæði Landsbankans

Nýsköpunarmiðstöð Íslands opnar Torgið - viðskiptasetur í samvinnu við Landsbankann og Samtök starfsmanna fjármálafyrirtækja. Í ljósi breyttra aðstæðna í efnahagslífinu hefur Nýsköpunarmiðstöð Íslands í samstarfi við Samtök starfsmanna fjármálafyrirtækja og Landsbankann ákveðið að opna nýtt viðskiptasetur þar sem einstaklingar fá aðstöðu og umgjörð til að vinna að viðskiptahugmyndum.

Skemmdir unnar á blokk á Vallarheiði

Um hádegisbilið var tilkynnt til lögreglu um miklar skemmdir í einni af blokkunum á Vallarheiði, sem ekki er búið í. Þar hafði verið farið um alla blokkina og sprautað úr slökkvitækjum og talsverðar skemmdir unnar á innanstokksmunum.

Íslendingar rífa í sig frystikistur

Íslendingar búa sig undir harðan vetur og hafa rifið frystikistur, hakkavélar og brauðvélar út úr verslunum. Raftækjaverslanir eru fullar af vínkælum, súkkulaðigosbrunnum, tölvustýrðum ísskápum, sjálfvirkum kaffikönnum og öðru fíneríi, sem enginn vill eða getur fjárfest í.

Starfsmenn nýju bankanna verða fyrir aðkasti

Starfsmenn nýju bankanna hafa orðið fyrir aðkasti síðustu daga og vikur vegna umdeildra mála innan bankanna sem skekja þjóðfélagið. Nokkur símtöl á dag berast formanni Samtaka starfsmanna fjármálafyrirækja um óhróður og skítkast frá reiðum viðskiptavinum.

Margir félagsmenn VR ósáttir með formanninn

Félagsmenn í VR eru margir ósáttir við að Gunnar Páll Pálsson, formaður félagsins, hafi tekið þátt í að fella niður ábyrgð starfsmanna Kaupþings vegna hlutabréfa sem þeir áttu í banakanum. Maður sem greitt hefur í félagið í tvo áratugi mætti á skrifstofu VR í dag til að krefjast þess að Gunnar Páll segi af sér.

Einkaþoturnar horfnar af Reykjavíkurflugvelli

Engin einkaþota var á Reykjavíkurflugvelli í dag, en fyrir um ári mátti hins vegar sjá þar á annan tug slíkra flugvéla. Einhver fækkun hefur orðið á ferðum einkaþotna til og frá landinu, en á óvart kemur þó hve tíðar ferðirnar eru enn.

Umdeild Kaupþingsákvörðun verði felld niður

Finnur Sveinbjörnsson bankastjóri Nýja Kaupþings sendi frá sér tilkynningu nú fyrir stundu. Þar kemur fram að stjórnarformanni og varaformanni Nýja Kaupþings hafi verið afhent tillaga fyrir hönd starfsmanna bankans. Þar sem óskað er eftir því að vegna yfirtöku Nýja Kaupþings á lánum til starfsmanna vegna hlutafjárkaupa í gamla Kaupþingi samþykki stjórn bankans að leita samninga við starfsmenn um greiðslu á lánunum.

800.000 króna sekt vegna áfengisauglýsingar

Jónas Kristjánsson og Mikael Torfason fyrrum ritstjórar DV voru dæmdir til þess að greiða 400.000 króna sekt hvor um sig vegna áfengisauglýsingar sem birtist í DV í desember árið 2005. Dómurinn féll í Hæstarétti en Héraðsdómur hafði áður fellt dóm um 200.000 króna sekt. Jón Steinar Gunnlaugsson hæstaréttardómari skilað sératkvæði.

Hópur fólks úr atvinnulífinu setur fram Nóvemberáskorunina

Hópur fólks úr ólíkum kimum atvinnulífsins og með ólíkan bakgrunn í stjórnmálum hefur sent áskorun til íslenskra stjórnvalda þar sem krafist er brýnna aðgerða í efnahagsmálum og utanríkismálum í ljósi þeirrar afar erfiðu stöðu sem komin er upp í íslensku samfélagi.

Ólíklegt að Bretar og Hollendingar geti stöðvað umsókn Íslands

Ólíklegt verður að teljast að Bretar og Hollendingar geti stöðva umsókn Íslendinga um lán hjá Alþjóðagjaldeyrissjóðnum að mati Ólafs Ísleifssonar hagfræðings og fyrrverandi aðalfulltrúi kjördæmis Norðurlanda og Eystrasaltsríkjanna í Alþjóðagjaldeyrissjóðnum.

Átta mánaða dómur fyrir skjalafals

Karlmaður var í Hæstarétti í dag dæmdur í átta mánaða fangelsi, þar af fimm skilorðsbundna, fyrir að hafa selt Landsbankanum tryggingarbréf og víxil að upphæð samtals fjórar milljónir króna en hann hafði falsað undirskrift konu á þau.

Bið eftir viðbótarfjármögnun tefur IMF umsóknina

Geir Haarde forsætisráðherra segir ástæðuna fyrir því að dregist hafi að taka ákvörðun í framkvæmdastjórn Alþjóðagjaldeyrissjóðsins um lán til Íslendinga sé sú að ekki sé búið að klára þá viðbótarfjármögnun sem talað hefur verið um. „Þá erum við fyrst og fremst að tala um fjármögnun frá Norðulöndunum sem getur verið í formi lána eða gjaldeyrisskiptasamninga. Þetta er ástæðan fyrir því að þetta er að dragast hjá IMF,“ segir Geir í samtali við Vísi. Hann segir þó ljóst að ákveðnar þjóðir vilji tengja Icesave málið við umsókn Íslendinga.

Krafa um launaleiðréttingu Lofts aftur í hérað

Hæstiréttur hefur vísað heim í hérað til endurmeðferðar máli Lofts Jóhannssonar, formanns Félags íslenskra flugumferðarstjóra, á hendur ríkinu vegna leiðréttingar á launum.

Vísaði frá máli jarðeiganda vegna Urriðafossvirkjunar

Hæstiréttur hefur staðfest frávísun Hérasdóms Reykjavíkur á þrautaþrautavarakröfu jarðeiganda við Þjórsá sem vildi að staðfest yrði með dómi að eignarréttur ríkisins á vatnsréttindum í Þjórsá í landi Skálmsholtshrauns væri niðurfallinn.

Austurrískur gleraugnasali setur Brown út í glugga

,Ég er algjörlega á móti því hvernig Brown hefur hagað sér gagnvart Íslendingum og mér fannst orðið tímabært að eitthvað sýnilegt væri gert," segir Markus Klinger gleraugnasali sem rekur verslunina Sjón á Laugavegi og í Glæsibæ.

Sýknaður af ákæru um nauðgun

Hæstiréttur hefur staðfest sýknudóm yfir karlmanni vegna ákæru um kynferðisbrot gegn konu.

Björk: Kreppan engin afsökun

Björk Guðmundsdóttir sagði á blaðamannafundi í Brussel í dag að efnahagskreppan mætti ekki verða Íslendingum skálkaskjól til að auka losun gróðurhúsalofttegunda.

Enginn ómálefnalegur launamunur á milli kynja hjá borginni

Enginn ómálefnalegur launamunur á milli kynja reyndist í dagvinnulaunum starfsmanna Reykjavíkurborgar í fyrra samkvæmt nýrri úttekt á launamun kynjanna sem kynnt var í borgarráði í dag.

Hafa staðið sig vel í halda yfirgefnum húsum lokuðum

Eigendur auðra bygginga í miðborg Reykjavíkur hafa staðið sig vel í að halda þeim lokuðum frá því að slökkvilið höfuðborgarsvæðisins hóf sérstakt átak í að fylgjast með þeim.

Birgir ráðinn fjármálastjóri borgarinnar

Birgir Björn Sigurjónsson, viðskiptafræðingur, hefur verið ráðinn fjármálastjóri Reykjavíkurborgar. Ráðning hans var samþykkt einróma á fundi borgarráðs í morgun.

Miklar hækkanir á matarkörfunni á milli mánaða

Miklar hækkanir voru á vörukörfu ASÍ á milli verðmælinga verðlagseftirlitsins í september og október.

Aðildarviðræður gætu tekið innan við hálft ár

Eiríkur Tómasson, lagaprófessor við Háskóla Íslands, telur að aðildarviðræður við Evrópusambandið gætu tekið nokkra mánuði. Þetta kom fram á hádegisfundi Framsóknarflokksins um þjóðaratkvæðagreiðslur og stjórnarskrána en þar var Eiríkur með framsögu.

Fullyrðingar AP fréttastofunnar rangar

Fullyrðingar AP fréttastofunnar um að búið sé að afgreiða lánsumsókn Íslendinga um 2,1 milljarð bandaríkjadala eru ekki réttar, að sögn Grétu Ingþórsdóttur, aðstoðarmanns Geirs Haarde.

Fólk láti vita um grunsamlegar mannaferðir

Lögreglan á höfuðborgarsvæðinu hvetur fólk til að vera á varðbergi og láta vita um grunsamlegar mannaferðir, ekki síst í íbúðahverfum.

AP segir IMF-lánið í höfn

Fullyrt er af fréttastofunni AP að Alþjóðagjaldeyrissjóðurinn hafi samþykkt í gær að lána íslendingum 2,1 millarð dollara. Þetta er þvert á ummæli Geirs H. Haarde sem féllu á Alþingi í dag en þar sagði hann að ákvörðun sjóðsins hefði verið frestað fram á mánudag í næstu viku.

Fyrirmunað að skilja hvers vegna bankarnir geti ekki farið leið ÍLS

Jóhanna Sigurðardóttir félagsmálaráðherra segir mikilvægt að gefa fólki kost á því að flytja fasteignalán sín úr bönkunum í Íbúðalánasjóð en segir ekki liggja fyrir hvenær slíkt verði hægt. Hún segir jafnframt að sér sé fyrirmunað að skilja hvers vegna ríkisbankarnir geti ekki farið sömu leiðir og Íbúðalánasjóður gagnvart þeim sem eiga í erfiðleikum með sín íbúðalán.

Stálu skjávörpum úr Grandaskóla

Óprúttnir menn brutust inn í Grandaskóla í Reykjavík fyrr í vikunni og stálu þaðan tveimur skjávörpum. „Þeir hafa ekki fundist, ekki mér vitanlega,” segir Inga Sigurðardóttir, aðstoðarskólastjóri í Grandaskóla.

Vg leggur fram frumvarp um breytingar á eftirlaunalögum

Þingflokkur Vinstri- grænna hefur lagt fram frumvarp á Alþingi um að afnema sérréttindi æðstu embættismanna sem kveðið er á um í hinum umdeildu eftirlaunalögum.

Áfengisverð - hið sanna lögmál

Fréttir af 5,25 prósenta meðaltalshækkun á vörum Áfengis- og tóbaksverslunar ríkisins um nýliðin mánaðamót segja ef til vill takmarkaða sögu. Einhverjir höfðu haft spurnir af allt að 25 prósenta hækkun og til að hafa vaðið fyrir neðan sig drifu menn sig í ríkið á föstudaginn og þegar upp var staðið slagaði velta dagsins hátt í 400 milljónir króna.

Sektaður fyrir að skalla annan mann

Héraðsdómur Norðurlands eystra hefur sektað karlmann um 60 þúsund krónur fyrir aðhafa skallað annan mann í andlitið á skemmistaðnum Græna hattinum á Akureyri í september í fyrra.