Björn Bjarnason vill sérstakan saksóknara

Björn Bjarnason dómsmálaráðherra ætlar að leggja fram frumvarp um sérstakan saksóknara vegna rannsóknar á bankahruninu. Það er að tillögu Valtýs Sigurðssonar ríkissaksóknara, segir Björn á heimasíðu sinni, en bæði hann og Bogi Nílsson fyrrverandi ríkissaksóknari eru hættir frekari athugunum, sem gengu út á að kanna umfang bankahrunsins, sem kynni að koma inn á borð ákæruvaldsins, en ekki að kanna einstök mál.

Auk þess að sérstakur saksóknari verði skipaður, leggur Valtýr til við Björn Bjarnason að erlendir sérfærðingar verði kvaddir að rannsókninni.