Gunnar Páll: Ekkert athugavert

Gunnar Páll Pálsson formaður VR nýtur trausts meðal trúnaðarmanna félagsins til að sitja áfram sem formaður félagsins. Hann sér ekkert athugavert við að hann sem verkalýðsforingi - með laun sem slaga upp í laun forseta Íslands - berjist gegn ofurlaunum í samfélaginu.

Samskip og Starfsmennt fengu Starfsmenntaverðlaunin

Ólafur Ragnar Grímsson, forseti Íslands, afhenti í dag Starfsmenntaverðlaun Starfsmenntaráðs. Í flokki fyrirtækja hlaut Samskip hf. verðlaunin fyrir metnaðarfullt og fjölbreytt fræðslustarf fyrir starfsfólk sitt.

Yfir 75 þúsund undirskriftir

Undirskriftir á vefsíðunni indefence.is eru komnar yfir 75 þúsund en síðan opnaði fyrir tveimur vikum. Á vefsíðunni er að finna þjóðarávarp til Breta.

Fékk lítil viðbrögð við eftirlaunafrumvarpinu

,,Viðbrögðin voru ekki mikil en okkur fannst eðlilegt að upplýsa formenn flokkanna um okkar afstöðu. Þolinmæði okkar er á þrotum," segir Steingrímur J. Sigfússon formaður Vinstri grænna.

Hvetja bílstjóra til að þeyta flauturnar

Ökumenn á Kringlumýrarbraut og öðrum stórum umferðaræðum hafa í dag og í gær verið hvattir til að þeyta bílflauturnar séu þeir ósáttir með efnahagsástandið. Mikilvægt að láta í sér heyra segir laganeminn sem stendur fyrir þessu.

Leiðir um aðstoð á leiðinni

Leiðir til að aðstoða lántekendur vegna verðtryggingar ættu að liggja fyrir í næstu viku samkvæmt félagsmálaráðherra.

Lög ekki brotin með lánum til starfsmanna

Sigurður Einarsson, fyrrverandi stjórnarformaður Kaupþings, segir fráleitt að lög hafi verið brotin með lánum til starfsmanna Kaupþings vegna hlutabréfakaupa.

Réðust inn á dekkjaverkstæði

Lögreglan hafði fyrr í dag afskipti af hópi karlmanna af erlendum uppruna á Bíldshöfða. Mennirnir réðust inn í dekkjaverkstæði á Tangarhöfða og veittust að starfsmanni verkstæðisins. Að sögn lögreglu var var mikill hiti í mönnum.

Þorsteinn hættir sem rektor á Akureyri

Á háskólaráðsfundi föstudaginn tilkynnti Þorsteinn Gunnarsson, rektor Háskólans á Akureyri, þá ákvörðun sína að hætta störfum sem rektor háskólans þegar ráðningartímabili hans lýkur 5. maí næstkomiandi.

Fleiri heimsækja Viðey

Haustið hefur verið litríkt og skemmtilegt í Viðey og greinilegt að æ fleiri kjósa að njóta þar útivistar samkvæmt Guðlaugu Elísabetu Ólafsdóttur verkefnastjóri Viðeyjar.

Minna á mikilvægi sjálfboðaliðasamtaka

Samtökin almannaheill, sem eru regnhlífarsamtök frjálsra félagasamtaka sem starfa að almannaheillum, minna á mikilvægi starfsemi sinnar í því ástandi sem nú er í þjóðfélaginu, og skora á Alþingi að skera ekki niður fjárframlög til slíkra samtaka við endurgerð fjárlaga.

Íslendingar ekki í lakari stöðu gagnvart IMF en Ungverjar og Úkraínumenn

Geir Haarde sagði, á blaðamannafundi í Ráðherrabústaðnum í dag, að stjórnvöld telji Íslendinga ekki í lakari stöðu gagnvart Alþjóðagjaldeyrissjóðnum en Ungverjar og Úkraínumenn, en þessar tvær þjóðir eru þegar búnar að fá samþykki frá stjórn Alþjóðagjaldeyrissjóðnum.

Flugslysaæfing á Bakkaflugvelli á morgun

Flugstoðir standa á morgun fyrir flugslysaæfingu á flugvellinum á Bakka en um er að ræða sjöttu æfingu félagsins á síðustu tveimur árum.

Valur, Magnús og Ásmundur fara fyrir bankaráðum

Björgvin G. Sigurðsson, viðskiptaráðherra tilkynnti rétt í þessu um það hverjir sitja í nýskipuðum bankaráðum ríkisbankanna. Hann þakkaði um leið þeim sem setið hafa í bankaráðunum frá því ríkið tók yfir bankana kærlega fyrir vel unnin störf og mikla fórnvísi. Það er fjármálaráðherra sem skipar í ráðin en allir flokkar komu að því að tilnefna fólk. Björgvin sagði á blaðamannafundi í dag að stjórnarandstaðan hafi fengið að velja sex aðalmenn, tvo í hvert ráð. Bankaráðsmenn eru eftirfarandi:

Meintir nauðgarar látnir lausir

Fjórum karlmönnum sem grunaðir voru um að hafa nauðgað 17 ára gamalli stúlku fyrr í vikunni. Þrír mannanna voru handteknir á þriðjudag vegna málsins og fjórði daginn eftir. Héraðsdómur Reykjavíkur úrskurðaði þá alla í gæsluvarðhald til næsta þriðjudags.

Geir staðfestir lán Pólverja

Geir H. Haarde forsætisráðherra staðfesti á blaðamannafundi fyrir stundu að Pólverjar hefðu boðist til að lána Íslendingum 200 milljónir dollara vegna þeirra efnahagsþrenginga sem Íslendingar ganga í gegnum.

Fullyrt að Hollendingar og Bretar ætli sér að koma í veg fyrir IMF - lánið

Hollenska viðskiptablaðið RNC fullyrðir að Hollendingar og Bretar ætli sér að koma í veg fyrir að Alþjóðagjaldeyrissjóðurinn fallist á lán til handa Íslendingum ef ekki verði greitt úr Icesave deilunni fyrst. Blaðið segist hafa þetta eftir heimildum innan úr hollenska fjármálaráðuneytinu sem þó vilji ekki staðfesta það opinberlega. Bretar eiga samkvæmt fréttinni að vera samstíga Hollendingum í málinu án þess að þeir vilji tjá sig um það.

Vopnað rán á skrifstofu ABC í Kenía

Vopnað rán var framið á skrifstofu ABC-samtakanna í Nairóbí í Kenía. Eftir því sem segir í tilkynningu samtakanna er skrifstofa samtakanna á neðri hæð starfsmannahúss og voru þrjár konur í húsinu.

Fimm ára fangelsi fyrir lífshættulega hnífstungu

Héraðsdómur Reykjavíkur dæmdi í gær Sævar Sævarsson í fimm ára fangelsi fyrir tilraun til manndráps en hann stakk erlendan karlmann í tvígang í miðbænum föstudaginn fyrir verslunarmannahelgi.

Björgunarsveitir fundu engin merki um mannaferðir

Björgunarsveitir sem kallaðar voru út í dag eftir að neyðarsendir fór í gang nærri Sprengisandsleið, fundu engin merki um mannaferðir. Lögregla hefur ákveðið að hætta eftirgrennslan að sinni og eru björgunarsveitir á leið af svæðinu. Þær munu kanna hvort mannaferðir hafi verið við skála á leið sinni til baka.

Samráð ráðherra í algjörum molum á ögurstundu

Siv Friðleifsdóttir, fulltrúi Framsóknarflokksins í utanríkismálanefnd, segir að ekki verði annað ályktað annað af símtali Árna Mathiesen fjármálaráðherra og Alistairs Darling, starfsbróður hans, í október eftir fall bankanna en að samráð Árna við Björgvin G. Sigurðsson viðskiptaráðherra hafi verið í algjörum molum á ögurstundu.

Þorgerður vill efla menntakerfið til að styrkja atvinnulausa

Þorgerður Katrín Gunnarsdóttir menntamálaráðherra segir að hagspá Seðlabankans sé mjög dökk. Hún vill efla menntakerfið til að styrkja þá sem verða atvinnulausir.

Handtekinn í tengslum við rannsókn á líkamsárás

Lögreglan stöðvaði fyrir stundu bíl á Bíldshöfða og handtók karlmann í tengslum við rannsókn á meintu líkamsárásarmáli.

Sýknaður af ákæru um að hafa slegið lögreglumann

Héraðsdómur Reykjavíkur hefur sýknað karlmann af ákæru um brot gegn valdsstjórninni en honum var gefið að sök að hafa slegið til lögreglumanns aftur í stórum lögreglubíl þannig að lögreglumaðurinn datt aftur fyrir sig.

Ræddu um áhrif stýrivaxta og dómínóáhrif í efnahagslífinu

Fulltrúar Seðlabankans, ASÍ og Samtaka atvinnulífsins ásamt Gylfa Zoega, hagfræðiprófessor hjá Háskóla Íslands, komu í morgun á fund efnahags- og skattanefndar til þess að ræða áhrif stýrivaxta og efnahagsleg áhrif af falli bankakerfisins, hin svokölluðu dómínóáhrif af gjaldþrotum fyrritækja.

Býst ekki við 10% atvinnuleysi

Geir Haarde forsætisráðherra segist ekki gera ráð fyrir því að atvinnuleysi geti farið í 10% hér í lok næsta árs eins og spá Seðlabankans geri ráð fyrir.

Gunnar Páll með sex milljónir á ári fyrir stjórnarsetu

Gunnar Páll Pálsson formaður VR þáði 6,2 milljónir króna fyrir að sitja stjórnarfundi hjá gamla Kaupþingi á síðasta ári. Það er litlu minna en þingmenn þjóðarinnar fá í þingfararkaup. Siðfræðistofnun varaði við því fyrir fjórum árum að formaðurinn sæti í stjórn hlutafélags, eins og Kaupþings - það gæti stefnt trúverðugleika hans í hættu.

Mjög slæmt ef IMF myndi ekki veita okkur lán

Það hefði mjög slæmar afleiðingar fyrir okkur ef Alþjóðagjaldeyrissjóðurinn hætti við að veita okkur lán, segir Bjarni Benediktsson, formaður utanríkismálanefndar Alþingis. Enn er alls óvíst hvort eða hvenær lánið gengur í gegn.

Lögregla rannsakar neyðarsendingu

Neyðarsending barst Flugstoðum klukkan tíu mínútur yfir tíu í morgun. Samkvæmt upplýsingum frá Flugstoðum er ekkert sem bendir til að um flugvél sé að ræða heldur barst sendingin frá jörðu niðri, nærri Tungufelli við Skjálfandafljót.

Geir kannast ekki við Pólverjalán

Geir H. Haarde forsætisráðherra kannast ekki við að Pólverjar ætli að lána Íslendingum 200 milljónir dollara eins og erlendir miðlar hafa greint frá. Þetta kom fram á ríkisstjórnarfundi í morgun. Bloomberg fréttaveitan greindi frá fyrirhuguðu láni í morgun og sagt að lánið fylgi í kjölfar aðstoðar frá Alþjóðagjaldeyrissjóðnum.

Póstverslun með lyf heimiluð

Guðlaugur Þór Þórðarson heilbrigðisráðherra hefur sett reglugerð sem heimilar póstverslun með lyf en hún er framhald af viðamikilum breytingum á lyfjalögum sem tók gildi 1. október síðastliðinn.

Pólverjar lána Íslendingum 200 milljónir dollara

Pólverjar lána Íslendingum fé vegna efnahagskreppunnar og koma þannig að lánapakka sem fylgir aðstoð frá Alþjóðagjaldeyrissjóðnum.

Skemmdi lögreglubíl í ölæði

Ölvaður maður, sem var farþegi í bíl sem ölvaður ökumaður ók í Reykjanesbæ í nótt, missti stjórn á skapi sínu eftir að lögreglumenn höfðu flutt þá á stöðina til skýrslutöku.

Réttindalaus og efnaður á 124 km hraða

Lögreglan á Suðurnesjum mældi ökumann á 124 kílómetra hraða þar sem hámarkshraði er 70 kílómetrar á klukkustund, á Reykjanesbraut við Hafnaveg síðdegis í gær.

Síldinni mokað upp

Nokkur síldveiðiskip fengu fullfermi rétt utan við höfnina í Stykkishólmi í gær og eru nú á leið til löndunar á Austfjörðum eða í Vestmannaeyjum.

Björn Bjarnason vill sérstakan saksóknara

Björn Bjarnason dómsmálaráðherra ætlar að leggja fram frumvarp um sérstakan saksóknara vegna rannsóknar á bankahruninu. Það er að tillögu Valtýs Sigurðssonar ríkissaksóknara, segir Björn á heimasíðu sinni

Boða til mótmæla við höfuðstöðvar VR

Hópur félaga í VR hefur boðað til mótmælafundar við höfuðstöðvar félagsins í Húsi verslunarinnar. Hópurinn er óánægður með ákvörðun stjórnar Kaupþings um að fella niður ábyrgðir starfsmanna bankans vegna lána sem tekin voru vegna kaupréttarsamninga. Gunnar Páll Pálsson formaður VR sat í stjórn Kaupþings fyrir hönd Lífeyrissjóðs verslunarmanna og samþykkti hann gjörninginn sem hefur valdið ólgu víða. Stjórn félagsins hefur hins vegar lýst yfir fullum stuðningi við Gunnar Pál.

Vill skipa sérstakan saksóknara í rannsókn á bankahruni

Björn Bjarnason segir frá því á heimasíðu sinni nú í kvöld að næsta skref í rannsókn á aðdraganda hruns bankanna sé að skipa sérstakan saksóknara. Ætlar hann að leggja fram frumvarp þess efnis. Líkt og komið hefur fram í fréttum í gær og í dag hafa þeir Valtýr Sigurðsson ríkissaksóknari og Bogi Nilsson fyrrverandi Ríkissaksóknari hætt vinnu við skýrslu um málið.

Kvíðir því að fara í fangelsi

Hæstiréttur staðfesti í dag árs fangelsi yfir Þórði Jónsteinssyni fyrir að verða tveimur að bana og stórslasa ungan dreng í umferðarslysi fyrir tæpum tveimur árum. Faðir drengsins og stúlkubarns sem lést í slysinu undrast úrræðaleysi gegn ökuníðingum og segist horfa öðrum augum á lífið.

Hæstiréttur sýknar lögreglumenn eftir bumbuslag

Hæstiréttur sýknaði í dag tvo lögreglumenn frá Selfossi af tæplega 16 milljón króna skaðabótakröfu frá konu sem heldur því fram að örorka sem hún hlaut eftir slys árið 2003 megi rekja til fyllerísláta lögreglumannanna.

Ríkissaksóknari hættur skýrslugerð

Valtýr Sigurðsson ríkissaksóknari ætlar ekki að vinna frekar að skýrslu um stöðu og starfsemi íslenskra peninga- og fjármálastofnana, sem og um aðdraganda þeirra miklu umskipta sem orðið hafa á rekstrinum. Hann ætlar að bíða framvindu frumvarps um sérstakan saksóknara. Áður hafði forveri hans, Bogi Nilsson sagt sig frá verkefninu þar sem hann taldi sig ekki njóta almenns trausts til að sinna því.

VW Tiguan bíll ársins 2009

Bandalag íslenskra bílablaðamanna, BÍBB, stóð í fimmta sinn fyrir vali á Bíl ársins. Tilkynnt var í dag, fimmtudag, að Volkswagen Tiguan hefði orðið fyrir valinu að þessu sinni. Í umsögn dómnefndarinnar sagði m.a. að “VW Tiguan er yfirburðabíll og ekki aðeins í samanburði við aðra jepplinga. Hann er eins og hugur manns og hyggilegur hvernig sem á er litið. Traustvekjandi bíll í sívaxandi flokki jepplinga og býður upp á skemmtilegar tækninýjungar.”

Nýtt viðskiptasetur í húsnæði Landsbankans

Nýsköpunarmiðstöð Íslands opnar Torgið - viðskiptasetur í samvinnu við Landsbankann og Samtök starfsmanna fjármálafyrirtækja. Í ljósi breyttra aðstæðna í efnahagslífinu hefur Nýsköpunarmiðstöð Íslands í samstarfi við Samtök starfsmanna fjármálafyrirtækja og Landsbankann ákveðið að opna nýtt viðskiptasetur þar sem einstaklingar fá aðstöðu og umgjörð til að vinna að viðskiptahugmyndum.

Skemmdir unnar á blokk á Vallarheiði

Um hádegisbilið var tilkynnt til lögreglu um miklar skemmdir í einni af blokkunum á Vallarheiði, sem ekki er búið í. Þar hafði verið farið um alla blokkina og sprautað úr slökkvitækjum og talsverðar skemmdir unnar á innanstokksmunum.

Íslendingar rífa í sig frystikistur

Íslendingar búa sig undir harðan vetur og hafa rifið frystikistur, hakkavélar og brauðvélar út úr verslunum. Raftækjaverslanir eru fullar af vínkælum, súkkulaðigosbrunnum, tölvustýrðum ísskápum, sjálfvirkum kaffikönnum og öðru fíneríi, sem enginn vill eða getur fjárfest í.