Brotist inn hjá Jóni Ásgeiri og Ingibjörgu

Bífræfnir þjófar brutust inn á heimili athafnahjónanna Jóns Ásgeirs Jóhannessonar og Ingibjargar Pálmadóttur á Sóleyjargötu og létu þar greipar sópa á neðstu hæð hússins. Sonur þeirra var sofandi heima og hreinsuðu þjófarnir hæðina án hans vitundar samkvæmt heimildum Vísis.

30 daga fangelsi fyrir að framvísa fölsuðu vegabréfi

Albanskur karlmaður var dæmdur í 30 daga fangelsi í Héraðsdómi Reykjavíkur í gær fyrir að hafa falsað vegabréf meðferðis. Lögreglan fann vegabréfið við leit á manninum á lögreglustöðinni við Hverfisgötu 22. júlí síðastliðinn.

Segir dómsmálaráðuneytið hafa þvingað lögreglustjóra

Varaborgarfulltrúi VG harmar að lögreglustjóri höfuðborgsvæðisins hafi verið þvingaður til að aðlagast úreltu kerfi. VG lýsa yfir vonbrigðum með umsögn lögreglustjórans varðandi Goldfinger.

Geir: Ákvörðun Þórunnar hefur ekki áhrif á stjórnarsamstarfið

Forsætisráðherra segir ákvörðun umhverfisráðherra um að meta skuli umhverfisáhrif álvers á Bakka og tengdra virkjana í sameiningu, hafa komið á óvart. Það hafi þó engin áhrif á ríkisstjórnarsamstarfið.

Atlantsolía lækkar um tvær krónur

Atlantsolía lækkaði í dag verð á bensíni og dísel hjá sér um tvær krónur. Er verð nú á bensínlítranum 168,2 kr. og á dísellítranum 186,10 kr.. Kemur lækkunin til vegna heimsmarkaðsverðs á eldsneyti samkvæmt upplýsingum frá Huga Hreiðarsyni hjá Atlantsolíu.

Mótmælendur teppa umferð við álverið í Straumsvík

Félagar í umhverfisverndarsamtökunum Saving Iceland hafa stöðvað umferð að álveri Rio Tinto-Alcan í Straumsvík með því að hlekkja sig við hlið sem hleypa umferð til og frá álverslóðinni.

Óskar þess að SUS hætti að vernda þessa tegund af „lítilmagna“

Ögmundur Jónasson, alþingismaður og formaður BSRB, segir að lykillinn að því að koma í veg fyrir ofurlaun bankamanna og annarra sé upplýsingaflæði. Þess vegna furðar hann sig á því að það sé eitt helsta hugsjónaverkefni SUS, Sambands ungra sjálfstæðismanna, að banna aðgang að skattskrám.

Forseti ASÍ: Á ekki líknarorð yfir kjörin

Grétar Þorsteinsson, forseti ASÍ, segir að kjör tekjuhæstu bankamanna séu komin úr öllum takt við íslenskt samfélag en ellefu tekjuhæstu bankamennirnir voru samtals með hátt í fjóra milljarða í tekjur á síðasta ári.

Farið yfir marga áratugi á Akureyri

Fjölskylduhátíðin á Akureyri verður með nýstárlegu móti þetta árið þar sem uppákomur og skemmtanir bera brag af hinum ýmsu áratugum síðustu aldar.

Dorrit í dýrindis skautbúningi

Dorrit Moussaieff forsetafrú mun klæðast forláta skautbúningi við embættistöku forseta Íslands Ólafs Ragnars Grímssonar í dag. Í tilkynningu frá forsetaskrifstofu kemur fram að búningurinn hafi verið saumaður árið 1938 af Jakobínu Thorarensen, annálaðri hannyrðakonu. Hann var saumaður á Jósefínu Helgadóttur eiginkonu Skúla Guðmundssonar fyrrum alþingmanns, ráðherra og kaupfélagsstjóra í Húnavatnssýslu.

Innanlandsflug gengur vel

Hjá Flugfélagi Íslands fengust þær upplýsingar að flug hafi gengið vel í morgun. Fjölmenni er samankomið í flugstöðvarbyggingu Reykjavíkurflugvallar og margir að bíða eftir flugi til Vestmannaeyja.

Togari í eigu Samherja með 350 milljón kr. í lestinni

Þýski togarinn Pólonus, sem er í eigu Deutsche Fisfang Union, dótturfélags Samherja á Akureyri, er nú á leið til Þýskalands af Svarbarðamiðum með 350 milljóna króna farm af frystum þorskflökum.

Allt fullt í Húsafelli

,,Svæðinu er lokað," segir Sigríður Snorradóttir, staðarhaldari í Húsafelli, en þar er tjaldstæðið orðið yfirfullt og veður afar gott. Sigríður biður fólk um að leggja ekki land undir fót í Húsafell því vísa þarf fólki frá sem leitar eftir því að tjalda á svæðinu.

Segir Samfylkinguna vinna gegn hagsmunum landsmanna

Varaformaður Framsóknarflokksins segir Samfylkinguna vinna gegn hagsmunum með ákvörðun umhverfisráðherra að umhverfismat eigi að fara fram vegna fyrirhugaðs álvers á Bakka.

Ákvörðun umhverfisráðherra enn gagnrýnd

Jón Gunnarsson þingmaður Sjáflstæðisflokksins sagði í viðtali við Ísland í bítið í morgun að ákvörðun Þórunnar Sveinbjarnardóttur umhverfisráðherra um að meta skuli umhverfisáhrif álvers við Húsavík og tengdra virkjana, í sameiningu, stangist á við grundvallaratriði í stefnu Sjáflstæðisflokksins.

Ekið á sex ára dreng á Akureyri

Ekið var á sex ára dreng á tjaldstæðinu að Hömrum á Akureyri um kvöldmatarleitið í gærkvöldi og var hann þegar fluttur á sjúkrahúsið.

Töluverð ölvun og erill hjá lögreglunni í Eyjum

Töluverð ölvun var í Vestmannaeyjum í gærkvöldi og alla nótt og erill hjá lögreglu, án þess að nokkuð stórvægilegt kæmi upp.

Þyrla sótti höfuðkúpubrotinn sjómann

Sjómaður um borð í togaranum Vilhelm Þorsteinssyni EA höfuðkúpubrotnaði þegar skipið var að veiðum suðaustur af landinu síðdegis í gær.

Erlendur verkamaður stunginn í bakið á Hverfisgötu

Erlendur karlmaður, sem starfar hér á landi, var stunginn djúpt i bakið þar sem hann var á gangi neðarlega á Hverfisgötu á móts við Arnarhól um klulkkan þrjú í nótt.

Segir ákvörðun umhverfisráðherra fleyg í stjórnarsamstarfið

Á meðan að ákvörðun umhverfisráðherra að umhverfismat eigi að fara fram vegna fyrirhugaðs álvers á Bakka er ekki útskýrð lítur Kristján Þór Júlíusson á ákvörðunina sem fleyg í ríkisstjórnarsamstarfið.

Sorgmæddur yfir ákvörðun Þórunnar

Sveitarstjóri Norðurþings er ósáttur með þá ákvörðun umhverfisráðherra að heildstætt mat skuli fara fram á umhverfisáhrifum vegna fyrirhugaðs álvers á Bakka við Húsavík.

Segir heimskulegt að ráða ekki heyrnarlausa

,,Það er heimska að ráða ekki heyrnarlausa til starfa" segir Sigurlín Margrét Sigurðardóttir fyrrverandi varaþingmaður Frjálslyndra sem var synjað um starf hátt í hundrað sinnum á einu ári.

Árni: Flott hjá Þórunni

Formaður Náttúruverndarsamtaka Íslands fagnar ákvörðun umhverfisráðherra um að fyrirhuguð framkvæmd við álver á Bakka fari í umhverfismat. ,,Þetta er flott hjá henni."

Ólöf segir Ólaf fara með fleipur

Ólöf Guðný Valdimarsdóttir, fyrrverandi aðstoðarmaður Ólafs F Magnússonar borgarstjóra og fráfarandi varaformaður skipulagsráðs borgarinnar, segir borgarstjóra fara með fleipur og hafa dregið umræðuna niður á plan sem ekki sé embættinu sæmandi. Þetta kom fram í kvöldfréttum Ríkisútvarpsins.

Fingraför fundust á bréfi um sprengjuhótun

Lögreglan hefur fundið fingraför á bréfi sem barst fréttastofu Stöðvar 2 með sprengjuhótun, sem beindist að fyrirhugaðri Gleðigöngu Hinsegin daga. Slík hótun getur varðað allt að tveggja ára fangelsi.

Þórunn: Álver á Bakka í umhverfismat

Umhverfisráðherra hefur ákveðið að heildstætt mat skuli fara fram á umhverfisáhrifum vegna fyrirhugaðs álvers á Bakka við Húsavík. Skipulagsstofnun hafði ákveðið að slíkt sameiginlegt mat skyldi ekki fara fram.

Fyrirhugað húsnæði LHÍ stærri en Tollhúsið

Húsið sem Listaháskóli Íslands vill reisa við Frakkastíg og Laugaveg er mun stærri en Tollhúsið við Tryggvagötu. Sigmundur Davíð Gunnlaugsson, skipulagshagfræðingur, segir reitinn allt of lítinn fyrir slíka byggingu.

Lögreglan með eftirlit um helgina

Lögreglan á höfuðborgarsvæðinu verður með viðamikið eftirlit um verslunarmannahelgina eins og jafnan áður. Kappkostað verður að umferðin til og frá höfuðborgarsvæðinu gangi greiðlega fyrir sig en búast má við töluverðri umferð því veðurútlit er ágætt. Þetta kemur fram í tilkynningu frá lögreglunni.

Lögreglumenn með lægri laun en vinnuskólaleiðbeinendur

„Ég held að það sé vandfundinn sá Íslendingur sem finnst þetta vera sambærileg störf,“ segir Snorri Magnússon, formaður landssambands lögreglumanna. Hann bendir á það í grein sem hann skrifaði í Morgunblaðið í dag að lægstu grunnlaun lögreglumanna séu 138.513 krónur, eða rúmum tíu þúsund krónum lægri en laun þeirra leiðbeinenda hjá vinnuskólanum sem lögðu niður vinnu á dögunum til að mótmæla kjörum sínum.

Samvera fjölskyldunnar besta uppeldisaðferðin

Okkar markmið er að foreldrar standi sig í uppeldinu almennt. En fyrir verslunarmannahelgina þá erum við að hvetja til þess að fjölskyldan sé saman, að samvera fjölskyldunnar sé besta uppeldisaðferðin,“ segir Geir Bjarnason, forvarnarfulltrúi Hafnafjarðarbæjar og einn af aðstandendum SAMAN-hópsins á vegum Lýðheilsustöðvar.

Furðar sig á offorsi Samfylkingarinnar gegn húsaverndunarstefnu í borginni

„Ég er raunar fremur hissa á offorsi Samfylkingarinnar gegn húsaverndunarstefnu meirihlutans. Ég hélt að Oddný Sturludóttir hefði þar leitt inn ný viðhorf og væri alveg samstíga Svandísi Svavarsdóttur," segir Ármann Jakobsson, íslenskufræðingur og áhugamaður um húsavernd.

Misstu stjórn á hita í Icelandair-vél

Flugvél sem var á leiðinni frá Keflavík til London fyrir tveimur dögum var snúið aftur til Keflavíkur vegna þess að hitaskynjari bilaði í vélinni. Var um kvöldflug að ræða og því ekki hægt að fljúga seinna um kvöldið þar sem næturbann er á Heatroww flugvelli þar sem lenda átti.

Slökkviliðið kallað að Nauthólsvík

Slökkviliðiið á höfuðborgarsvæðinu var kallað að bröggum í Nauthólsvík fyrir stundu. Að sögn lögreglunnar er ekki mikill eldur í bröggunum en töluverðan reyk leggur frá þeim. Um er að ræða bragga sem standa á milli siglingaklúbbsins og kafarahússins.

Ók Þingvallaveg á 245 km hraða - Eitt grófasta brot sem lögreglumenn hafa séð

Lögreglumenn stóðu mann að því í fyrrakvöld að aka bifhjóli á 245 km hraða eftirÞingvallavegi í fyrrakvöld. Þetta er eitt grófasta hraðasktursbrot sem lögreglumenn hafa orðið vitni að.

Þórhallur: Ekki komið aftan að Ólafi með neinum hætti

Þórhallur Gunnarsson, ritstjóri Kastljóssins, telur að Helgi Seljan hafi hvorki verið dónalegur né of aðgangsharður þegar hann tók viðtal við Ólaf F. Magnússon, borgarstjóra, í Kastljósinu í gærkvöldi.

Háskólakennarinn fékk 4 ár

53 ára Kópavogsbúi, sem þar til nýlega var kennari við Háskólann í Reykjavík var í Héraðsdómi Reykjaness í dag dæmdur í 4 ára fangelsi fyrir kynferðisbrot gegn sjö stúlkum.

Fær ekki skaðabætur frá Iceland Express

Eiríkur Bergmann Einarsson, dósent og forstöðumaður Evrópufræðaseturs Háskólans á Bifröst, hugðist sækja fund í London um miðjan mánuðinn. Um tíu tíma seinkun á flugi Iceland Express gerði það hinsvegar að verkum að Eiríkur missti af fundinum. Hann gekk því um götur Lundúnarborgar og var frekar pirraður yfir að hafa misst af fundinum. Eiríkur sagðist þá ætla að kanna hvort hann gæti krafið flugfélagið um skaðabætur, enda hefði hann orðið fyrir fjárhagslegu tjóni.

Lokað fyrir umferð vegna embættistöku forseta

Litlu svæði í miðborginni verður lokað fyrir umferð á morgun, föstudaginn 1. ágúst, vegna innsetningar í embætti forseta Íslands.

Ósáttir við siglingaleiðir skemmtiferðaskipa

Útgerðir skemmtiferðaskipa og skipuleggjendur ferða með þeim eru óhressir með að skipin megi ekki lengur sigla nálægt suðvestur ströndinni. Auk þess hækkar olíukostnaður vegna nýju leiðarinnar.

Slökkviliðsmenn á Keflavíkurflugvelli sömdu

Slökkviliðsmenn á Keflavíkurflugvelli hafa fallist á sáttatilboð Flugmálastjórnar um starfskjör, eftir því sem fram kom í hádegisfréttum Stöðvar 2.

Lögreglan rannsakar sprengjuhótun vegna Gleðigöngu

Sprengjuhótunin sem barst Stöð 2 í gær og beindist að fyrirhugaðri gleðigöngu Hinsegin daga í Reykjavík þann 9. ágúst næstkomandi getur varðað fangelsi allt að tveimur árum. Lögreglan rannsakar nú fingraför og aðrar vísbendingar í tengslum við málið.

Þrír gista fangageymslur vegna likamsárásar í Eyjum

Karlmaður hlaut skurð á hnakka í ryskingum fyrir framan veitingahús í miðbæ Vestmannaeyjar á sjötta tímanum í morgun. Þrír gista fangageymslur lögreglunnar vegna málsins og verða yfirheyrðir þegar áfengisvíman rennur af þeim.

Hátt í 500 sagt upp í fjöldauppsögnum í sumar

Samkvæmt upplýsingum frá Vinnumálastofnun hefur 471 starfsmanni verið sagt upp í fjöldauppsögnum í júní og júlí. Í fréttum í gær kom fram að 57 starfsmönnum Ræsis var sagt upp sem og 57 starfsmönnum hjá leikfangaverslunum Just 4 Kids.

Segja Baggalúts-texta ekki fjalla um eðlilega hegðun í samskiptum kynjanna

Femínistafélag Íslands hefyr sent frá sér yfirlýsingu vegna texta við lags Baggalúts, Þjóðhátíð '93, þar sem félagið segist harma umræðu undanfarna daga sem sé á þá leið að umræddur texti snúist um eðlilega hegðun í samskiptum kynjanna.

Dekkjaþófar hreinsuðu undan Land Cruiser jeppa

Öllum dekkjum ásamt felgum var rænt undan Toyota Land Cruiser bifreið á Hertz bílaleigunni við Reykjavíkurflugvöll í nótt.