Innlent

Sorgmæddur yfir ákvörðun Þórunnar

Magnús Már Guðmundsson skrifar
Bergur Elías Ágústsson er sveitarstjóri Norðurþings.
Bergur Elías Ágústsson er sveitarstjóri Norðurþings.

Bergur Elías Ágústsson, sveitarstjóri Norðurþings, er ósáttur með þá ákvörðun Þórunnar Sveinbjarnardóttur, umhverfisráðherra, að heildstætt mat skuli fara fram á umhverfisáhrifum vegna fyrirhugaðs álvers á Bakka við Húsavík.

,,Ég er sorgmæddur yfir þessari ákvörun. Sérstaklega vegna þess að allt sem kemur að þessari framkvæmd hefur verið unnið að heiðarleika og í sátt við íbúa, sveitarfélögin á svæðinu og ríkið," segir Bergur Elís og bætir við að Skipulagsstofnun hafði áður ákveðið að sameiginlegt mat skyldi ekki fara fram vegna framkvæmdanna. ,,Þessi ákvörðun ráðherra er því stílbrot."

Bergur Elías segir að heimamenn og aðstandendur framkvæmdanna við Bakka muni á næstu dögum fara yfir stöðuna. ,,Hugsanlega getum við leitað réttar okkar," segir sveitarstjórinn sem segir að ákvörðun umhverfisráðherra komi heldur seint. Mikil vinna hafi nú þegar verið unnin. ,,Þetta er grafalvarlegt mál."

Sveitarfélagið Norðurþing varð til við sameiningu fjögurra sveitarfélaga, Húsavíkurbæjar, Kelduneshrepps, Öxarfjarðarhrepps og Raufarhafnarhrepps, árið 2006. Þéttbýliskjarnarnir í nýja sveitarfélaginu eru Húsavík, Kópasker og Raufarhöfn.






Tengdar fréttir

Alcoa skoðar stærra álver á Bakka

Alcoa skoðar hvort hægt sé að byggja stærra álver á Bakka við Húsavík en áður var fyrirhugað eða allt upp í þrjú hundruð fjörtíu og sex þúsund tonn.

Enn stærra álver á Bakka hugnast Ingibjörgu ekki

Ingibjörg Sólrún Gísladóttir, formaður Samfylkingarinnar, segir að hugmyndir Alcoa um enn stærra álver á Bakka sem kynntar voru fyrir helgi hugnist sér ekki. ,,Þetta slær mig ekki vel."

Skiptar skoðanir á þingflokksfundi Samfylkingarinnar

Skiptar skoðanir voru á þingflokksfundi Samfylkingarinnar sem haldinn var í gær að beiðni Þórunnar Sveinbjarnardóttur, umhverfisráðherra. Þórunn fór fram á að þingflokkurinn hittist og fundaði um yfirlýsingar ráðherra flokksins varðandi fyrirhuguð álver.

Þórunn: Álver á Bakka í umhverfismat

Umhverfisráðherra hefur ákveðið að heildstætt mat skuli fara fram á umhverfisáhrifum vegna fyrirhugaðs álvers á Bakka við Húsavík. Skipulagsstofnun hafði ákveðið að slíkt sameiginlegt mat skyldi ekki fara fram.

Ný virkjun á stærð við Kárahnjúkavirkjun

Náttuverndarsamtök Íslands segja að Aloca fari fram á nýja virkun á stærð við Kárahnjúkavirkjun. Samtökin krefjast þess að stjórnvöld setji fram skýra náttúruverndarstefnu fyrir Alcoa og önnur stóriðjufyrirtæki til að vinna eftir.

Árni: Flott hjá Þórunni

Formaður Náttúruverndarsamtaka Íslands fagnar ákvörðun umhverfisráðherra um að fyrirhuguð framkvæmd við álver á Bakka fari í umhverfismat. ,,Þetta er flott hjá henni."

Mest lesið


Fleiri fréttir

Sjá meira


×

Mest lesið