Trump, Clinton, Gates og fleiri á nýjum Epstein-myndum

Nokkrar myndir sýna kynlífstól og Trump-smokka. Vert er að taka fram að myndirnar sýna ekkert glæpsamlegt athæfi og ekki liggur fyrir hvenær þær voru teknar.

Að minnsta kosti ein mynd er úr safni Getty og virðist ekki koma Epstein við. Hún sýnir Bill Gates og Andrew Mountbatten-Windsor, áður Andrés Bretaprins, og var tekin af blaðaljósmyndara á ráðstefnu í Lundúnum 2018. Karl konungur hefur verið klipptur úr myndinni.

Myndirnar eru hluti af um 95 þúsund myndum í heild sem eru í vörslu dánarbúsins og voru nýverið afhentar nefndinni. Demókratar segja að fleiri myndir verði birtar á næstunni.

Repúblikanar í nefndinni hafa gagnrýnt Demókrata fyrir að handvelja myndir úr safninu til að reyna að koma höggi á Donald Trump. Ekkert bendi til þess að Trump hafi brotið af sér með nokkrum hætti í tengslum við Epstein.

Sjá einnig: Birtu áður óséðar myndir af einkaeyju Epsteins

Þeir saka Demókrata um að nýta sér þjáningu fórnarlamba Epsteins í pólitískum tilgangi.

Ný lög skilyrða dómsmálaráðuneyti Bandaríkjanna til að opinbera fjölda gagna um mál Epstein í næstu viku.

Lögin sem um ræðir snúa að skjölum sem dómsmálaráðuneytið hefur aflað í tengslum við rannsóknir í garð Jeffreys Epstein og annarra sem honum tengjast í gegnum árin. Það á við um rannsóknina þegar hann var handtekinn 2019 en gögnin ættu meðal annars að varpa ljósi á samkomulag sem Epstein gerði við saksóknara í Flórída á árum áður og rannsóknirnar sem bæði lögreglan í Flórída og Alríkislögregla Bandaríkjanna (FBI) gerðu þá.

Ráðuneytið á að opinbera gögnin fyrir 19. desember.

Fréttin hefur verið uppfærð.