Á þriðja tug manna slasaðir

Ólöf Snæhólm Baldursdóttir segir að á þriðja tug manna hafi slasast í jarðskjálftanum í dag. Enginn þó alvarlega svo vitað sé. Meiðslin eru allt frá skrámum og skurðum til beinbrota.

Einangrunarföngum ekki hleypt út á Litla-Hrauni

Fangi á Litla-Hrauni hafði samband við Vísi og vildi koma því á framfæri að ekki hafi öllum föngum í fangelsinu verið hleypt út en fyrr í dag greindi Vísir frá því að fangar hefðu verið fluttir út undir bert loft af ótta við frekari skjálfta á svæðinu. Hann var ósáttur við það og sagðist ósáttur við það sem hann kallaði mismunnun af hálfu stjórnenda fangelsins.

Mikið tjón í Heiðarbrún í Hveragerði

Þau Ingibjörg Garðarsdóttir og Róbert Hlöðversson eru búsett á Heiðarbrún 66 í Hveragerði en í þeirri götu virðist einna mesta eignatjónið í skjálftanum átt sér stað. Ingibjörg segist blessunarlega hafa verið stödd út á götu þegar skjálftinn reið yfir. Hún segist ekki hafa heyrt af meiðslum hjá þeim sem búsettir eru í götunni en tjónið er gífurlegt.

300 björgunarsveitarmenn að störfum í Árnessýslu

Yfir 300 björgunarsveitarmenn Slysavarnafélagsins Landsbjargar eru nú að störfum á jarðskjálftasvæðinu í Árnessýslu. Flutt hafa verið tjöld og greiningastöðvar á svæðið.

Stærstu eftirskjálftarnir yfir 4 á Richter

Samkvæmt upplýsingum frá Veðurstofunni hefur mikið af eftirskjálftum riðið yfir Suðurland eftir stóra skjálftann síðdegis.

Fólk byrjað að tjalda á Eyrarbakka

„Það allt í rúst, gersamlega allt í rúst," segir Róbert Guðmundsson íbúi á Eyrarbakka. Stofan hans er illa farið og segir hann að 32" sjónvarp hafi farið um koll og eins metra hátalarabox hafi tekið loftköstum.

Öllum föngum á Litla Hrauni skipað að yfirgefa fangelsið

Allir fangar í fangelsinu á Litla - Hrauni auk starfsfólks hefur safnast saman fyrir utan fangelsið vegna jarðskjáltans sem reið yfir nú fyrir skömmu.

Heilsuhælið rýmt - Neyðartjöldum komið fyrir við Hótel Örk

Heilsuhælið á Hveragerði var rýmt í dag skömmu eftir að jarðskjálftinn reið yfir. Sæmundur Ingibjartsson yfirsmiður á hælinu segir að rúmlega 130 manns hafi verið á hælinu þegar skjálftinn reið yfir en enginn hafi slasast. Flestir vistmenn eru farnir til síns heima.

Sjúkrahúsið á Selfossi rýmt

Heilbrigðisstofnun Suðurlands hefur verið rýmd vegna hættu á öðrum stórum skjálfta. Verið er að fara með fólk út í rútur en flestir halda þó ró sinni.

Búið að opna Óseyrarbrú

Aðeins Óseyrarbrú hefur verið lokað eftir skjálftann síðdegis en aðrir vegir eru opnir. Greinilegar skemmdir hafa orðið á brúnni en hún hefur nú verið opnuð.

TM og Vís biðja fólk að taka myndir af skemmdum

Tryggingamiðstöðin vill benda fólki sem orðið hefur fyrir tjóni af völdum jarðskjálfta á að taka ljósmyndir af skemmdunum og tilkynna tryggingafélagi sínu þær sem fyrst. Þegar málið hefur verið skoðað af tryggingafélagi ákvarða Viðlagasjóður og tryggingafélag næstu skref.

Voru nýkomin úr hestaferð þegar skjálftinn reið yfir

Fólk á vegum Eldhesta í Hveragerði var nýkomið úr hestaferð þegar skjálftinn reið yfir um fjögurleytið í dag.

Rauði krossinn virkjar Hjálparsímann 1717

Rauði kross Íslands hefur virkjað neyðarvarnarkerfi sitt og opnað fjöldahjálparstöðvar í Hveragerði og Selfossi. Þá hefur Hjálparsíminn 1717 verið opnaður fyrir aðstandendur sem vilja spyrjast fyrir um afdrif skyldmenna.

Staðfesti sýknudóm í fíkniefnabrotamáli

Hæstiréttur staðfesti í dag sýknudóm héraðsdóms yfir tveimur mönnum sem ákærðir voru fyrir stórfellt fíkniefnalagabrot framið í ágóðaskyni. Öðrum manninum var gefið að sök að hafa flutt til landsins um 3,8 kíló af kókaíni, ætlað til söludreifingar.

Rauði krossinn tekur á móti fólki við Hótel Örk

Í Hveragerði getur fólk safnast saman á bílaplaninu nálægt Hótel Örk og mun viðbragðshópur Rauða krossins koma þangað innan stundar með aðstöðu.Þetta kemur fram í tilkynningu frá Björgum.

Hæstiréttur þyngir dóm yfir kynferðisbrotamanni

Hæstiréttur Íslands þyngdi í dag dóm yfir kynferðisbrotamanninum Anthony Lee Bellere. Anthony fékk fjögurra ára dóm í Héraðsdómi Reykjavíkur fyrir brot gegn þremur stúlkum en Hæstiréttur þyngdi dóminn í dag í fimm ár.

Mikið tjón í Eden en í lagi með Bóbó

Sveingbjörg Guðnadóttir verslunarstjóri í Eden í Hveragerði segir allt vera í rúst í búðinni. „Það bara hrundi allt niður sem gat hrunið,“ segir Sveinbjörg sem segir þennan skjálfta þann stærsta sem hún hefur upplifað. Búðinni var lokað í kjölfarið.

Stöðugt leitað eftir læknishjálp vegna skjálftans

Stöðugur straumur fólks hefur verið á heilsugæslustöðina í Hveragerði frá því að skjálftinn reið yfir.

Farsímakerfið liggur niðri við Þingvallavatn og Úlfljótsvatn

Farsímakerfið liggur niðri við Þingvallavatn og Úlfljótsvatn. Að sögn Almannavarna fór ljósleiðari í sundur við Ljósafossvirkjun. Fólk er beðið um að nota ekki farsíma nema í ítrustu neyð.

Lögreglan keyrir um með gjallarhorn í Hveragerði

Lögreglan keyrir um götur Hveragerðis og biður fólk um að vera utandyra. Hætta er á eftirskjálftum og er fólk í nágrenninu beðið um að halda sig utandyra

„Það bara fór allt á hliðina“

„Það bara fór allt á hliðina," segir Lárus Bjarnasoníbúi á Selfossi sem sendi Vísi myndir af heimili sínu eftir skjálftann.

Allir í lagi á Sólheimum

Guðmundur Ármann Pétursson forstöðumaður á Sólheimum vildi koma því á framfæri að enginn hefði slasast á Sólheimum í Grímsnesi.

Fjöldahjálparstöð sett upp á Selfossi

Fréttir berast nú af því að nokkrir hafi slasast á Selfossi og víðar á Suðurlandi af völdum skjálftans í dag. Samkvæmt Almannavörnum voru þeir fluttir á heilbrigðisstofnun Suðurlands á Selfossi en læknar þar eru hræddir um að skemmdir hafi orðið á byggingunni og því er ekki óhætt að taka við sjúklingum. Bygginging mun vera töluvert mikið skemmd og stendur til að rýma hluta hússins.

Vegfarandi undir Ingólfsfjalli segist aldrei hafa lent í öðru eins

Kristinn Guðlaugsson var á ferð í sendiferðabíl undir Ingólfsfjalli þegar jarðskjálftinn reið yfir. Hann segist aldrei hafa lent í öðru eins.

Fólk beðið um að halda sig utandyra

Þeir sem þarfnast aðstoðar vegna skjálftans eru beðið um að hafa samband við Neyðarlínuna,112.

Grjóthrun í Herjólfsdal

Lögregla í Vestmannaeyjum segir grjót hafa hrunið niður í Herjólfsdal en ekki hafi enn verið tilkynnt um neitt tjón af völdum jarðskjálftans sem fannst þó glöggt þar. Vestmannaeyingur sendi meðfylgjandi mynd af grjóthruninu.

Skjálftinn grynnri en sá sem var árið 2000

„Þessi skjálfti er að vissu leyti verri en sá sem var árið 2000 því að þessi er grynnri en sá sem var þá," segir Sigurður Ragnarsson, veðurfræðingur á Stöð 2.

Brúnt moldarský yfir Ingólfsfjalli

-Ég hélt að húsið myndi hrynja og að við myndum öll deyja, sagði Ásdís Sigurðardóttir, sem býr í fjölbýlishúsi að Fossvegi 2 á Selfossi, í samtali við Vísi.

Hélt að þetta væri mitt síðasta

Bergljót Davíðsdóttir blaðamaður er búsett í Hveragerði og hún hélt að það væri hennar síðasta þegar jarðskjálftinn reið yfir nú fyrir skömmu.

Allar björgunarsveitir í Árnessýslu kallaðar út

Töluverðar skemmdir hafa orðið á húsum á Selfossi vegna skjálftan sem reið yfir á fjórða tímanum. Verið að virkja Samhæfingastöðina í Skógarhlíð.

Búið að loka Ölfusárbrúnni

Samkvæmt upplýsingum frá lögreglunni á Selfossi er búið að loka Ölfusárbrúnni á meðan verið er að kanna skemmdir á hennni. Einnig hefur vegur við gosströnd farið í sundur sem og á veginum við Eyrarbakka.

Allsherjarútkall Landsbjargar

Allar björgunarsveitir Slysavarnafélagsins Landsbjargar í Árnessýslu hafa verið kallaðar út vegna jarðskjálftans. Einnig hafa sveitir á höfuðborgarsvæðinu og í Rangárvallarsýslum verið settar í viðbragðsstöðu.

Öflugur jarðskjálfti - 6,1 á Richter

Öflugur jarðskjálfti reið yfir klukkan 15:45 í dag. Jarðfræðingur á Veðurstofunni sagði í samtali við Vísi að líklega hefði hann verið rúmlega 6 á Richter kvarðanum, sennilega á bilinu 6,1- 6,3. Upptök skjálftans voru í Ölfusi, nær Reykjavík en Suðurlandsskjálftarnir sem riðu yfir sumarið 2000.

Slökkvilið kallað út í Kópavogi

Tilkynnt var um reyk frá íbúðarhúsi í Skólagerði í vesturbæ Kópavogs fyrir stundu. Slökkvilið er á vettvangi en ekki er meira vitað um málavöxtu eins og er, að sögn lögreglu.

Jarðskjálfti við Ingólfsfjall

Jarðskjálfti sem mældist 3,2 á Richter varð við suðvesturenda Ingólfsfjalls, um 5 km norðvestur af Selfossi, í dag klukkan 14:41. Í tilkynningu frá Veðurstofu Íslands segir að skjálftinn hafi orðið á um 5 kílómetra dýpi og að skjálftar séu ekki óalgengir á þessum slóðum.

Játaði að hafa slegið öryggisvörð 10 11 með flösku

Tuttugu og þriggja ára gamall maður játaði við þingfestingu fyrir Héraðsdómi Reykjavíkur í morgun að hafa slegið öryggisvörð 10 11-verslunar í höfuðið með flösku í byrjun apríl.

Brynjar ver Guðmund í Byrginu

„Já það er rétt, Guðmundur Jónsson hefur beðið mig að verja sig í Hæstarétti og það ætla ég að gera,“ segir Brynjar Níelsson hæstaréttarlögmaður.

Ella Dís búin að fá tíma í Kína

„Við erum búnar að fá tíma í ágúst en ef eitthvað losnar fyrr ætla þeir að hafa samband,“ segir Ragna Erlendsdóttir móðir hinnar tveggja ára gömlu Ellu Dísar sem Vísir hefur fylgst með undanfarið. Ella Dís er á leiðinni til Kína í stofnfrumumeðferð þann 15.ágúst.

Matseðill Condoleezzu Rice leyndarmál

Þau eru ekki mörg hernaðarleyndarmálin sem íslensk stjórnvöld bera ábyrgð á að varðveita en eitt hefur nú bæst á listann.

Icelandair hleypur í skarðið fyrir JetX

Farþegar á vegum Heimsferða hafa nú beðið í hálfan sólarhring eftir því að komast í sólina í Alicante á Spáni. Vélin sem átti að flytja þá í nótt bilaði í Palmas og er enn þar. JetX, flugfélagið sem flýgur fyrir Heimsferðir greip því til þess að fá vél leigða hjá Icelandair til þess að ferja fólkið og er áætluð brottför hennar klukkan fjögur í dag.

Íslendingurinn hefur það sæmilegt eftir árásina

Þórir Jökull Þorsteinsson sendiráðsprestur Íslands í Kaupmannahöfn fór og hitti Ragnar Davíð Bjarnason sem varð fyrir árás í söluturninum Bobbys Kiosk í fyrrinótt. Þórir segir Ragnar sæmilegan en reiknar með að hann verði á sjúkrahúsinu fram yfir helgi.

Vonast til að geta dregið uppsagnir til baka

JB byggingarfélag hefur sagt upp 28 starfsmönnum fyrirtækisins og munu uppsagnirnar taka gildi á morgun.

Óskar vill að Orkuveitan endurskoði ákvörðun um Bitruvirkjun

Óskar Bergsson, borgarfulltrúi Framsóknarflokksins, lagði á fundi borgarráðs í dag tillögu um að Orkuveita Reykjavíkur endurskoði ákvörðun sína um að hætta við Bitruvirkjun. Tillögunni var frestað.

Skólakrakkar fagna 100 ára afmæli Hafnarfjarðar

Í tilefni af hundrað ára afmæli Hafnarfjarðarbæjar sem nú stendur yfir tóku skólakrakkar í bænum höndum saman. Um 750 krakkar söfnuðust saman á túni í bænum og mynduðu merki bæjarins og töluna hundrað á túninu.