Innlent

TM og Vís biðja fólk að taka myndir af skemmdum

Svona var umhorfs í einni íbúð á Selfossi í dag.
Svona var umhorfs í einni íbúð á Selfossi í dag.

Tryggingamiðstöðin vill benda fólki sem orðið hefur fyrir tjóni af völdum jarðskjálfta á að taka ljósmyndir af skemmdunum og tilkynna tryggingafélagi sínu þær sem fyrst. Þegar málið hefur verið skoðað af tryggingafélagi ákvarða Viðlagasjóður og tryggingafélag næstu skref.

Viðbrögð vegna tjóns í jarðskjálfta

Fyrstu viðbrögð við jarðskjálftum er að hafa samband við sitt tryggingafélag, umboðsmann eða Viðlagatryggingu. Allar brunatryggðar fasteignir eru vátryggðar gegn tjóni af völdum jarðskjálfta í Viðlagatryggingu Íslands. Þetta á einnig við um innbú sem tryggt er í heimilis - eða öðrum lausafjártryggingum.

Vegna stærðar skjálftans í dag, fimmtudag er mikið álag á símalínum en fyrstu viðbrögð skipta miklu máli. Til dæmis þau, að taka myndir af vettvangi áður en hreyft er við hlutum. Glerbrot og aðra skemmda muni má síðan fjarlægja og halda til hliðar.

Að sjálfsögðu mun starfsfólk TM leiðbeina viðskiptavinum um næstu skref í framhaldinu. Hér er einnig að finna skráningareyðublað sem nota má til að tilkynna um tjón vegna jarðskjálftans.

Viðbragsáætlun VÍS vegna jarðskjálfta

Í ljósi umfangs jarskjálta á suðurlandi hefur Vátryggingafélag Íslands, VÍS, sett af stað viðbragðsáætlun. Viðskiptavinum félagsins er bent á að tilkynna tjón til félagsins með því að hringja í þjónustuver í síma 560-5000 eða tilkynna tjónið á næstu þjónustuskrifstofu. Einnig er hægt að fylla út tjónstilkynningu á vef félagsins www.vis.is.

Tjón á lausafé, svo sem á innbúi og húseignum af völdum jarðskjálfta er bætt af Viðlagatryggingu Íslands. Vátryggingafélag Íslands mun aðstoða Viðlagatryggingu Íslands við mat á tjóni á lausafé (innbú) en Viðlagatrygging Íslands mun meta skemmdir á húseignum. 

Við hvetjum þá sem lent hafa í tjóni að taka ljósmyndir af skemmdum og halda til haga skemmdu lausafé þar til skoðun hefur farið fram.  Ef það er gert er óhætt að taka strax til og koma umhverfinu í samt lag.

Ef fólk þarf að yfirgefa heimili sín er það hvatt til að skrúfa fyrir vatnsinntök og rjúfa rafstraum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.