Ekkert annað en dónaskapur og siðleysi

„Þeir hafa byggt sér fílabeinsturn, og þvílíkan turn!“ Þetta segir Pétur Guðmundsson, framkvæmdastjóri Litavers en fyrirtækið er eitt þeirra sem fékk sent bréf frá Norvik ehf. sem segir að dótturfyrirtæki þess, Byko, Elko, Húsgagnahöllin og Intersport, hafi einhliða ákveðið að lengja greiðslufrest til sinna birgja og þjónustuaðila til að auka skilvirkni á greiðslum.

Mestar hækkanir í Hagkaupum og Nóatúni

Verðlagseftirlit ASÍ birtir nú breytingar á verði innkaupakörfu heimilisins í stærstu matvöruverslunarkeðjunum 7. vikuna í röð. Í könnuninni kemur fram að mest hækkun á vörukörfu ASÍ milli vikna að þessu sinni hafi verið í stórmörkuðunum Hagkaupum og Nóatúni.

Tvö alvarleg umferðarslys í Reykjavík

Alvarlegt umferðarslys varð á gatnamótum Laugavegar og Kringlumýrarbrautar. Samkvæmt upplýsum frá lögreglunni á höfuðborgarsvæðinu er slysið talið alvarlegt, en frekari upplýsingar hafa ekki fengist. Búast má við umferðartöfum næsta klukkutímann.

Vörubílstjórar jarða loforð ríkisstjórnarinnar

Vörubílstjórar ætla að hittast í betri fötunum við Austurvöll klukkan 12:00 í dag. Síðustu daga hafa birst útvarpsauglýsingar þar sem jarðarför loforða ríkisstjórnarinnar er auglýst. Það er Sturla Jónsson mótmælandi sem stendur fyrir jarðarförinni.

Annþór neitar sök í hraðsendingarmálinu

Hraðsendingarmálið svokallaða var þingfest í Héraðsdómi Reykjavíkur í morgun. Ákæran er sett fram í tveimur liðum, annarsvegar er sameiginlegur kafli fyrir þá fjóra sem ákærðir eru og hins vegar eru sér kaflar fyrir hvern og einn hinna ákærðu. Annþór Kristján Karlsson neitaði í morgun sök í báðum liðum. Ari Gunnarsson, játar í báðum liðum og Jóhannes Páll bróðir hans viðurkennir að hafa miðlað upplýsingum. Hann segist hins vegar ekki hafa komið að skipulagningu smyglsins. Tómas Kristjánsson neitar sök í báðum liðum líkt og Annþór.

Umferðareftirlit Vegagerðarinnar stöðvaði björgunarsveitabíl

Umferðareftirlit Vegagerðarinnar stöðvaði í fyrradag björgunarsveitarbíl frá Akranesi og tók sýni af litaðari dísilolíu úr tanki bílsins. Lituð olía er ódýrari en önnur olía og hafa björgunarsveitir heimild til að nota hana vegna björgunarstarfa.

Læknar með launadeilu fyrir sáttasemjara

Launadeilu Læknafélags Íslands og ríkisins hefur verið vísað til Ríkissáttasemjara. Í tilkynningu frá Læknafélaginu segir að í tilboði ríkisins felist að ætlast sé til að læknar taki á sig meiri launaskerðingu en flestar aðrar stéttir.

Kornspretta góð að undanförnu

Kornspretta hefur verið óvenju góð síðustu vikurnar, en sáning dróst í vor vegna kulda og bleytu. Á vef Landssambands kúabænda kemur fram að korn sé ræktað víðar og á stærri svæðum en nokkru sinni fyrr,

Vill helgarfangelsi fyrir unglinga

Besta leiðin til að berjast gegn afbrotahegðun unglinga á aldrinum 15-18 ára væri að setja þau í fangelsi margar helgar í röð. Þetta segir lögreglustjóri í Kaupmannahöfn.

Greiddi tæpar tvær milljónir í þóknun fyrir fíkniefnasmygl

Fjórir menn eru ákærðir fyrir að hafa staðið að og skipulagt smygl á rúmlega 4,6 kílóum af amfetamíni og nærri 600 grömmum af kókaíni frá Þýskalandi í svokölluðu hraðsendingarmáli.

Breiðavíkurfrumvarp bíður fram á haust

Geir H. Haarde forsætisráðherra sagði á Alþingi í kvöld að vinnu við frumvarp um bætur til manns sem beittir voru ofbeldi á Breiðavíkurheimilinu sé enn ólokið.

Íslendingarnir voru út úr heiminum

Íslendingurinn sem varð fyrir árás inn í söluturninn Bobby´s Kiosk í Kaupmannahöfn gær var "út úr heiminum" þegar hann kom þangað inn.

Fjöldi hjólhýsa hefur nærri fjórfaldast á fimm árum

Fjöldi hjólhýsa hér á landi hefur nærri fjórfaldast og fjöldi húsbíla hefur rúmlega tvöfaldast á síðustu fimm ár hér á landi. Þetta kemur fram í svari Kristjáns L. Möller samgönguráðherra við fyrirspurn Álfheiðar Ingadóttur, þingmanns Vinstri grænna.

Alþingi fordæmir Guantanamo-búðir og vill loka þeim

Utanríkismálanefnd hefur afgreitt þingsályktunartillögu þess efnis að Alþingi fordæmi ómannúlega meðferð á föngum í búðum Bandaríkjamanna við Guantanamo-flóa og hvetji til þess að búðunum verði lokað.

Hraðamyndavélar teknar í notkun

Á morgun verða hraðamyndavélar á Garðskagavegi og Sandgerðisvegi á Suðurnesjum teknar í notkun. Uppsetning vélanna er liður í umferðaröryggisáætlun stjórnvalda og tilgangurinn að draga úr ökuhraða á þjóðvegum og fækka umferðarslysum. Umferðaröryggisáætlun er hluti samgönguáætlunar.

Segir þingmenn ekkert gera til að lækka matvörureikning heimilanna

Með því að fresta matvælafrumvarpi, eins og allt stefnir í, kemur Alþingi í veg fyrir að leyfður verði innflutningur á fersku kjöti og að innlendir framleiðendur fái aukið verðaðhald. Forstjóri Haga segir að þrátt fyrir yfirlýsingar um annað geri þingmenn ekkert til að lækka matvörureikning heimilanna.

Orka til fyrir kísilhreinsunarverksmiðju

Ákvörðun um að slá af Bitruvirkjun kemur ekki í veg fyrir að fimmhundruð manna vinnustaður rísi í Þorlákshöfn til að hreinsa kísil fyrir sólarrafhlöður.

Formenn ætla að ræða eftirlaunafrumvarp í sumar

Samkomulag hefur náðst um að vinna að breytingum á eftirlaunafrumvarpinu umdeilda í sumar. Tilkynnt var á Alþingi fyrir skömmu að formenn stjórnmálaflokkanna ætla að setjast yfir lögin í sumar og gera á þeim breytingar.

Greiðslufrest breytt einhliða

Byko, Elko, Húsgagnahöllin og Intersport hafa ákveðið einhliða að lengja greiðslufrest til birgja og þjónustuaðila frá og með næsta mánuði. Þetta var tilkynnt bréflega. Margir birgjar eru ævir og íhugar einn að krefja fyrirtækin um staðgreiðslu.

Björn sagður í Kalda-stríðsham

„Það er mikilvægt að senda skýr skilaboð inn í framtíðina að við tökum það grafalvarlega ef friðhelgi einkalífsins er brotin,” sagði Helgi Hjörvar við utandagskrárumræður á Alþingi nú undir kvöld. Tilefni umræðanna voru símhleranir á árunum 1949 – 1968.

Íslendingurinn sem var stunginn með dóm á bakinu fyrir tilraun til manndráps

Íslendingurinn sem stunginn var í nótt í söluturni við Colbjörnsgade í Kaupmannahöfn í nótt heitir Ragnar Davíð Bjarnason. Hann fékk þriggja og hálfs árs fangelsisdóm árið 2000 fyrir tilraun til manndráps, líkamsárás og árás á lögreglumann.

Rice í vinnuheimsókn til Íslands á föstudag

Condoleezza Rice, utanríkisráðherra Bandaríkjanna, kemur í vinnuheimsókn til Íslands á föstudaginn og ræðir bæði við Ingibjörgu Sólrúnu Gísladóttur utanríkisráðherra og Geir H. Haarde.

Um þrjá mánuði að vinna sér inn ævilaun verkafólks

Laun æðsta stjórnanda Kaupþings árið 2006 jafngiltu því að í kringum 10. mars væri hann búinn að vinna sér inn upphæð sem venjulegt verkafólk er alla starfsævina að strita fyrir.

Ráðist gegn veggjakroti í Kópavogi

Allt að 20 milljónir króna verða veittar til þess að hreinsa veggjakrot og annan viðlíka óþrifnað af mannvirkjum í eigu Kópavogsbæjar á þessu ári. Þetta ákvað bæjarráð Kópavogs.

Stuðningsklúbbur landsliðs Wales afhenda Barnaheillum peningagjöf

Talsmenn stuðningsklúbbs landsliðs Wales afhentu í morgunn (28. maí) Barnaheillum – Save the Children peningagjöf til styrktar baráttu samtakanna gegn kynferðislegu ofbeldi á börnum.

Hættir sem formaður BGS vegna deilna innan stjórnar

Egill Jóhannsson, forstjóri Brimborgar, hefur látið af formennsku hjá Bílgreinasambandinu vegna deilna um markaðsaðferðir Heklu og vegna þess að meirihluti stjórnar sambandsins hafnaði tillögu hans um að koma á fót siðanefnd.

Mál 10-11 lögreglumanns ekki komið til ríkislögreglustjóra

Mál lögreglumannsins sem sést taka ungan pilt kverkataki í verslun 10-11 í Grímsbæ á myndbandi á Netinu hefur ekki borist ríkislögreglustjóra og því hefur ekki verið tekin ákvörðun um hvort honum verði vikið úr starfi.

Staðfest að Ólafur Ragnar var einn í framboði til forseta

Dómsmálaráðuneytið hefur staðfest að Ólafur Ragnar Gímsson hafi verið einn í kjöri til embættis forseta Íslands

Kærður fyrir að stela yfir 30 líkkistum af Fóstbróður sínum

Eyþór Eðvarðsson, fyrrverandi útfararstjóri, hefur kært Rúnar Geirmundsson, formann Félags útfararstjóra, fyrir stuld á yfir þrjátíu líkkistum. Kisturnar hurfu úr geymslu og fundust síðan hjá Rúnari. Verðmæti kistanna er um fjórar milljónir. Rúnar segist hafa keypt þær af öðrum manni sem sagðist eiga þær og hefur einnig kært Eyþór til lögreglu.

Óskar fór alltaf með lyfin til Magnúsar

Óskar Arnórsson áfengisráðgjafi sem sótti lyf fyrir Magnús Skúlason, yfirgeðlækni á Sogni, segir ekkert launungarmál hvað hann hafi gert við lyfin. Þeim hafi hann skilað til Magnúsar enda hafi hann einungis verið að sendast fyrir hann.

Rúmlega 900 látnir í umferðinni á 40 árum

916 manns hafa látist í umferðarslysum á síðustu 40 árum, eða frá því að hægri umferð var tekin upp, samkvæmt upplýsingum Umferðarráðs. Það stendur nú fyrir umferðaröryggisviku. Bent er á að það jafngildi því að allir íbúar Bolungarvíkur eða Blönduóss hefðu látist. Þessi fjöldi dugir einnig til að fylla fjórar Boeing 757 þotur.

Vilja að farið verði yfir gjaldtökuheimildir háskóla

Minnihlutinn í menntamálanefnd vill að menntamálaráðherra skipi starfshóp til þess að fara yfir gjaldtökuheimildir opinberra háskóla og framkvæmd þeirra.

Álfasala SÁÁ hefst á morgun

Hin árlega álfasala SÁÁ hefst á morgun en þetta er í 19. skipti sem hún fer fram.

Myndasaga eftir Hugleik prýðir nýja símaskrá

Símaskráin 2008 kom út í morgun. Hún er með nýstárlegu sniði í ár. Myndasaga eftir Hugleik Dagson prýðir síður hennar. Höfundurinn áritar fyrstu hundrað eintökin.

Tjón í bruna í Eyjum hleypur hugsanlega á milljónum

Grunur leikur á að kveikt hafi verið í sviðsbúnaði þjóðhátíðar Vestmannaeyja undir morgun með þeim afleiðingum að hann skemmdist töluvert

Söguleg sátt um skjaldborg um orkulindir

Söguleg sátt hefur náðst um að slá skjaldborg um orkulindir þjóðarinnar, sagði formaður iðnaðarnefndar á Alþingi í morgun þegar ljóst var að þingheimur myndi allur styðja meginefni frumvarps iðnaðarráðherra um að tryggja að mikilverðustu vatns- og jarðhitaréttindi verði í eigu ríkis og sveitarfélaga.

Þorði ekki að segja frá alvarleika misnotkunarinnar

„Ég hef lifað í skömm, sektarkennd og sjálfsásökunum," segir Marta Guðlaugsdóttir. Marta var ásamt Ragnari Haukssyni, eiginmanni sínum, viðmælandi Kompáss í gær.

Dæmdur fyrir að ráðast á gest á heimili sínu

Héraðsdómur Suðurlands dæmdi í dag karlmann í eins mánaðar skilorðsbundið fangelsi fyrir að hafa ráðist á konu sem var gestkomandi á heimili hans í Hveragerði.

Fundu 25 grömm af kókaíni við húsleit

Lögreglan fann í gærkvöld það sem talið er vera 25 grömm af kókaíni við húsleit í fjölbýlishúsi í Reykjavík. Karl á fertugsaldri var handtekinn vegna rannsóknar málsins en hann hefur áður komið við sögu hjá lögreglu vegna fíkniefnamála.

Íslendingurinn sem var stunginn gekkst undir aðgerð í nótt

Maðurinn sem var stunginn ítrekað með hníf í söluturni við Colbjørnsensgade í Kaupmannahöfn í gærkvöld er enn á sjúkrahúsi, samkvæmt upplýsingum frá Þóri Jökli Þorsteinssyni, sendiráðspresti í Kaupmannahöfn.

Skópörum raðað umhverfis Dómkirkjuna

Í tilefni þess að 40 ár eru liðin frá því að skipt var yfir í hægri umferð er nú haldin sérstök umferðaröryggisvika á vegum Umferðarráðs. Klukkan eitt í dag munu nemendur Listaháskóla Íslands hefjast handa við að raða upp hundruðum skópara fyrir framan og til hliðar við Dómkirkjuna sem ætlað er að tákna þá sem látist hafa hér á landi í umferðarslysum á þessum tíma. Einar Magnús Einarsson, upplýsingafulltrúi hvetur almenning til að koma niður á Austurvöll í góða veðrinu í dag og taka þátt í samverustundinnni.

Langur þingfundur fram undan

Þingfundur hófst í dag klukkan tíu og bíður ærið verk þingmanna þar sem 57 mál eru á dagskrá.

Meirihluti aðildarfélaga BHM saman í kjaraviðræður við ríkið

Mikill meirihluti aðildarfélaga Bandalags háskólamanna ákvað á fundi í gærkvöld að hefja formlega samvinnu í viðræðum við ríkið um kjarasamninga.

Ungliðar í VG óánægðir með þingflokkinn

Ung vinstri græn lýsa yfir óánægju með framgöngu þingmanna Vinstrihreyfingarinnar - græns framboðs þegar frumvörp um heildarlög grunnskóla annars vegar og leikskóla hins vegar voru afgreidd í annarri umræðu á Alþingi á mánudag.

Þriðja hvert hjónaband endar með skilnaði

Ríflega þriðja hvert hjónaband hér landi endar með skilnaði samkvæmt samantekt Hagstofunnar þar um.