Ljósleiðari rofinn við Þórshöfn

Ljósleiðari Mílu er rofinn við Þórshöfn og gætu áhrif bilunarinnar orðið víðtæk á tal- og gagnasamband á Austurlandi, segir í tilkynningu frá Mílu.

Íslendingar komast í gegnum erfiðleikana

Geir H. Haarde forsætisráðherra sagði við eldhúsdagsumræður á Alþingi í dag að Íslendingar hefðu áður staðið frammi fyrir áföllum og komist í gegnum þau og það myndi þjóðin einnig gera núna. Hann ætti von á að erfiðleikarnir myndu víkja fyrir betri tíð.

Nýir orkugjafar og nýsköpun eru framtíðin

Össur Skarphéðinsson iðnaðarráðherra lagði áherslu á nýja orkugjafa og nýsköpun í landinu í ræðu sinni á eldhúsdegi Alþingis í kvöld.

Guðni sakar Geir um blekkingar

Guðni Ágústsson, formaður Framsóknarflokksins, sagði í eldhúsdagsumræðum á Alþingi nú undir kvöld að ríkisstjórnin væri sundruð í mörgum málum og byggi við minnkandi tiltrú landsmanna. Hann vitnaði í sr. Bjarna Jónsson, fyrrverandi dómkirkjuprest. „Oft var þörf, en nú er nauðsyn að biðja fyrir ríkisstjórninni,“ sagði Guðni.

Segir árás lögreglumanns í 10/11 verslun ekkert einsdæmi

Sveinn Ævars Sveinsson, tvítugur nemi úr Garðabæ, segir að árás lögreglumanns í 10/11 verslun í gærkvöld sé ekkert einsdæmi. Sveinn nefbrotnaði eftir viðskipti sín við lögreglu í fyrra.

Efnahagsvandi fyrirsjáanlegur

Ögmundur Jónasson, þingmaður Vinstri grænna, flutti fyrstu ræðu á eldhúsdagsumræðum sem hófust rétt fyrir klukkan átta.

Segir ríkisstjórnina ósamstíga í mörgum málum

Guðjón Arnar Kristjánsson, formaður Frjálslynda flokksins, sagði við eldhúsdagsumræður í kvöld að auka ætti þorskveiðarnar. Það væri samdóma álit þeirra manna sem hann hefði rætt við að ekki væri ástæða til að fara eftir þeim mörkum sem Hafrannsóknarstofnun hafi sett.

Fimm sinnum meira í auglýsingar en vatn handa bágstöddum

Fimm sinnum meira fé fór í að auglýsa vatnsviku UNICEF heldur en safnaðist til að tryggja börnum í vanþróuuðum ríkjum vatn.

Vg fagnar frestur á innflutningsfrumvarpi

Þingflokkur Vinstrihreyfingarinnar - græns framboðs fagnar því að frumvarpi til laga þar sem opnað er fyrir innflutning á hráu kjöti hafi verið frestað fram á haust, eins og fram kemur í viðtali við landbúnaðarráðherra í Bændablaðinu í dag.

Yfir helmingur telur ríkisstjórnina hafa staðið sig illa

Meirihluti landsmanna telur að ríkisstjórnin hafi staðið sig illa í stjórnun efnhagsmála samkvæmt könnun sem Capacent Gallup gerði fyrir fréttastofu Stöðvar tvö

Kalli Bjarni fær að afplána á Kvíabryggju

Idolstjarnan Karl Bjarni Guðmundsson fær að afplána tveggja ára fangelsisdóm sinn á Kvíabryggju. Þangað er hann nú kominn eftir að hafa eytt tæpum mánuði í afplánun í Hegningarhúsinu við Skólavörðustíg. Kalli Bjarni fékk fangelsisdóm fyrir að hafa flutt inn tæp tvö kíló af kókaíni á síðasta ári.

Móðir fórnarlambsins: Hrottalegar aðfarir lögreglu

Móðir piltsins sem lögreglumaður tók kverkataki í verslun 10-11 í gær segir aðfarir lögreglumannsins hrottalegar en fjölskyldan hefur ekki tekið ákvörðun um hvort atvikið verði kært. Lögreglumaðurinn mun ekki sinna lögreglustörfum á meðan málið er í rannsókn.

Magnús geðlæknir: Segist ekki á leiðinni í meðferð

Magnús Skúlason yfirgeðlæknir á Sogni segist ekki vera á leiðinni í meðferð eins og kom fram í fréttum Rúv í hádeginu. Í Fréttablaðinu í morgun er sagt frá því að landlæknisembættið sé með til rannsóknar mál þar sem Magnúsi er gert að sök að hafa ávísað ávanabindandi fíknilyfjum á menn án þeirrar vitundar. Magnús vill lítið tjá sig um málið en segist vera að meta stöðuna og gera viðeigandi ráðstafanir.

Dæmdur fyrir að slá mann með gangstéttarhellubroti

Héraðsdómur Austurlands hefur dæmt karlmann í fimm mánaða skilorðsbundið fangelsi fyrir að hafa slegið annan mann í höfuðið með broti úr gagnstéttarhellu þannig að hann hlaut sár á höfði. Þá var hann einnig sakfelldur fyrir að hafa sparkað í bakið á manninum.

Eldur slökktur í Laxfossi við Sundabakka

Slökkvilið höfuðborgarsvæðisins var kvatt niður á Sundabakka laust eftir klukkan þrjú í dag vegna tilkynningu um eld í skipinu Laxfossi sem er í eigu Eimskips.

10-11 lögreglumaður sendur í frí

Lögreglumaðurinn sem sést taka pilt hálstaki í verslun 10-11 í Grímsbæ á myndbandi á Netinu mun ekki sinna störfum á vegum lögreglunnar á höfuðborgarsvæðinu á meðan mál hans er í rannsókn.

Ökuþórar segjast hafa gætt fyllsta öryggis

Myndband sem birtist á Vísi í gær og sýnir þegar bíl er velt í iðnaðarhverfi í Grafarvoginum hefur vakið athygli. Mennirnir sem hlut áttu að máli eru ósáttir við umfjöllun fjölmiðla í málinu og höfðu samband við Vísi til að koma sínum sjónarmiðum á framfæri. Þeir segja enga hættu hafa verið á ferðum enda hafi ökumaðurinn verið vel búinn og götunni lokað á meðan á akstrinum stóð.

10-11 strákur ætlar líklega að kæra lögregluna

„Við töluðum um það í gær og ætli það endi ekki með því að hann kæri,“ segir vinur piltsins sem staddur var ásamt nokkrum öðrum í verslun 10-11 í Grímsbæ í gærkvöldi þegar lögreglumaður tók 17 ára unglingspilt kverkataki.

Á gjörgæslu eftir fjórhjólaslys

Ung stúlka liggur nú á gjörgæsludeild Landspítalans með alvarlega höfuðáverka eftir að hún slasaðist ásamt móður sinni þegar þær voru á fjórhjóli í Reynishverfi vestan við Vík fyrr í dag.

Enginn árangur og allt stopp hjá ríkisstjórninni

Enginn árangur, allt stopp eru orðin sem stjórn Framsóknarfélags Reykjavíkur notar um ríkisstjórnina á eins árs afmæli hennar

Mæðgur slösuðust á fjórhjóli

Þyrla Landhelgisgæslunnnar, TF-LÍF, lenti fyrir stundu í Reykjavík með mægður sem slasast höfðu á fjór- eða sexhjóli í Reynishverfi vestan við Vík í Mýrdal eftir hádegið.

Veitir styrki til þróunar á kattamat og stígvélaþurrkara

Byggðastofnun hefur veitt 69 verkefnum styrk til atvinnuþróunar og nýsköpunar á landsbyggðinni fyrir árin 2008 og 2009.

Ekki komið til tals í ráðuneyti að hlutafélagavæða Landspítala

Ekki hefur komið til umræðu í heilbrigðisráðuneytinu að hlutafélagavæða Landspítalann. Svo segir í svari Guðlaugs Þórs Þórðarssonar heilbrigðisráðherra við fyrirspurn Valgerðar Sverrisdóttur, varaformanns Framsóknarflokksins.

Hagsmunir Reykvíkinga meiri en Akureyringa

Stjórnarmaður í samtökum um Betri byggð segir hagsmuni Reykvíkinga margfalt meiri en Akureyringa þegar kemur að Reykjavíkurflugvellinum.

Forstjóri Strætó skilar greinargerð um málefni trúnaðarmanns

„Við erum í því ferli núna að skila greinargerð um málið til okkar yfirmanna. Það er síðan mögulegt að gefin verði út yfirlýsing til fjölmiðla í kjölfarið en það er þeirra ákvörðun," segir Reynir Jónsson forstjóri Strætó bs. Talsverð læti hafa verið í kringum uppsögn trúnaðarmanns félagsins sem hefur sakað forstjórann um einelti.

Þingfundi frestað frestað fram á kvöld

Þingfundi, sem hófst klukkan tíu í morgun, lauk nú laust fyrir klukkan tvö eftir að fjallað hafði verið um tólf mál. Þingfundur er fyrirhugaður í kvöld en það eru almennar stjórnmálaumræður eða eldhúsdagur.

Ákærður fyrir að borga nærri tvær milljónir í þóknun fyrir dópsmygl

Fjórir menn sem allir hafa á einhverjum tíma setið í gæsluvarðhaldi vegna hraðsendingarmálsins svokallaða eru allir ákærðir fyrir skipulagningu smyglsins.

Skipulagsstofnun svarar fyrir sig

Skipulagsstofnun hefur svarað gagnrýni á hendur stofnuninni sem sett hefur verið fram í kjölfarið á áliti hennar á Bitruvirkjun. Samorka hefur meðal annars haldið því fram að Skipulagsstofnun hafi farið út fyrir valdsvið sitt í málinu.

Lögreglan skoðar atvik í 10/11

Stefán Eiríksson, lögreglustjóri á höfuðborgarsvæðinu, segir að embættið sé að skoða atvik sem varð í 10/11 verslun í gær þegar lögreglumaður réðst að pilti og tók hann kverkataki.

Unglingar verið til vandræða upp á síðkastið

Egill Pálsson, verslunarstjóri í 10-11 í Grímsbæ segir unglinga hafa verið með ólæti og vesen í búðinni um nokkurn tíma. Á myndbandasíðunni youtube.com er myndskeið sem sýnir lögreglumann taka ungling í búðinni kverkataki en atvikið átti sér stað í gærkvöldi. Egill segist ekki vita hvort um sé að ræða sömu unglinga og verið hafa til vandræða undanfarið.

Tíu mánaða fangelsi fyrir líflátshótanir og bensínsprengjuárás

Karlmaður hefur verið dæmdur í tíu mánaða fangelsi í Héraðsdómi Norðurlands eystra fyrir að hafa meðal annars kastað bensínsprengju að heimili barnsmóður sinnar og hótað henni lífláti.

Settur forstjóri Útlendingastofnunar í ár

Björn Bjarnason dóms- og kirkjumálaráðherra hefur sett Hauk Guðmundsson, skrifstofustjóra í dóms- og kirkjumálaráðuneytinu, í embætti forstjóra Útlendingastofnunar meðan á fæðingarorlofi Hildar Dungal, skipaðs forstjóra, stendur.

Frjálslyndar konur vilja að forseti beiti synjunarvaldinu

Konur í Frjálslynda flokknum skora á herra Ólaf Ragnar Grímsson, forseta Íslands, að neita að undirrita frumvarp um breytingu á lögum um tekjuskatt.

Hraðamyndavélar á tveimur stöðum á Reykjanesi

Umferðaryfirvöld hafa ákveðið að setja upp hraðamyndavélar á Garðskagavegi og Sandgerðisvegi á Reykjanesi.

Sautján teknir fyrir ölvunarakstur um helgina

Þrettán karlar og fjórar konur voru tekin fyrir ölvunarakstur á höfuðborgarsvæðinu um helgina.

Mun ekki setja fram skaðabótakröfu

Kjartan Ólafsson, fyrrverandi þingmaður og ritstjóri Þjóðviljans, á ekki von á því að hann setji fram skaðabótakröfu vegna símahlerana á heimili sínu.

Fundu nærri hundrað kannabisplöntur í Vesturbænum

Lögreglan á höfuðborgarsvæðinu fann um eitt hundrað kannabisplöntur við húsleit í íbúð í vesturbæ Reykjavíkur i gærkvöld.

Skotfæri fundust í Öskjuhlíð

Töluvert magn skotfæra úr seinni heimsstyrjöldinni fannst nýverið í Öskjuhlíð. Í tilkynningu frá Landhelgisgæslunni segir að maður á göngu hafi rekist á skotin við göngustíg. Hann tilkynnti fundinn til lögreglu sem aftur kallaði til sprengjusérfræðinga Landhelgisgæslunnar.

Geðlæknir notaði nöfn fanga til að svíkja út lyf

Landlæknisembættið hefur til rannsóknar mál læknis sem hefur látið ávísa ávanabindandi fíknilyfjum á menn án þeirra vitundar. Lyfin voru sótt af manni sem starfaði við áfengisráðgjöf fanga en ekki er vitað hvað um þau varð eftir að þau komust í hans hendur. Viðkomandi læknir hefur verið settur frá störfum. "Við lítum málið sérlega alvarlegum augum," segir Sigurður Guðmundsson landlæknir.

Lántaka er herkostnaður stóriðju og skattalækkana

Steingrímur J. Sigfússon, formaður Vinstri - grænna, sagði 500 milljarða króna lán sem lagt er til að ríkissjóður megi taka herkostnað stóriðju, skattalækkana og útrásarævintýra síðustu ára. Hann benti jafnframt á að Vinstri - græn hefðu ítrekað kallað eftir aðgerðum í efnahagsmálum.

Neitaði að virða tilmæli lögreglu um að stöðva

Lögreglan á höfuðborgarsvæðinu veitti í morgun karlmanni eftirför í austurbænum eftir að hann neitaði að virða beiðni lögreglu um að stöðva.

BHM óánægt með vinnubrögð ríkisins í kjaraviðræðum

Bandalag háskólamanna lýsir yfir óánægju með þau vinnubrögð sem viðhöfð hafa verið við yfirstandandi kjarasamningagerð af hálfu samninganefndar ríkisins.

Lögreglumaður tekur ungan pilt kverkataki

Lögreglumaður beitir ungan pilt nokkru harðræði í myndbandi sem sett var inn á netið í gær. Svo virðist sem ungir piltar séu grunaðir um þjófnað í verslun 10-11. Einn lögreglumannanna sem mætir á vettvang tekur einn þeirra kverkataki.

Hjúkrunarfræðingar höfnuðu samningi við ríkið

Samninganefnd Félags íslenskra hjúkrunarfræðinga hefur boðað trúnaðarmenn félagsins til fundar á fimmtudag til að fjalla um hugsanlegar aðgerðir til að þrýsta á ríkið um gerð nýs kjarasamnings,

Símar hleraðir á 32 íslenskum heimilum

Stjórnvöld létu hlera síma á 32 heimilum í sex lotum á árunum 1949 til 1968, að því er fram kemur í grein Kjartans Ólafssonar fyrrverandi ritstjóra Þjóðviljans og alþingismanns Alþýðubandalagsins, sem birtist í Morgunblaðinu í dag.