Segir þingmenn ekkert gera til að lækka matvörureikning heimilanna

Til þess að Íslendingar geti áfram flutt fisk út hnökralaust til Evrópusambandsins verða þeir að gerast aðilar að evrópskri matvælalöggjöf, sem þýðir að aflétta verður banni við innflutningi á fersku kjöti til Íslands. Þetta er kjarninn í því sem Einar K. Guðfinnsson sjávarútvegs- og landbúnaðarráðherra er að gera með svokölluðu matvælafrumvarpi, sem mætt hefur harðri andstöðu, meðal annars frá Bændasamtökum Íslands og stjórnarandstæðingum á Alþingi. Nú bendir flest til þess að ráðherrann láti undan þrýstingnum og fresti frumvarpinu. Frumvarpið snýr þó ekki að tollalækkunum, en forstjóri Haga saknar slíkra aðgerða af hálfu þingmanna.